ايران آذربايجان-ايندا تهلوکه سيزليک (امنيتي) تدبيرلري گوجلنديريليب
بای بک، آذربایجان | دوزگؤن, ۳۱-ي گؤلن آی , ۱۱۰۰۷ اینجی ایل, چولا ۱۶:۳۷ | تورکجه, خبرلر
 |
. | مي-ين ۱۹-او گئجه ساعاتلاريندا اورمييه اونيوئرسيتئتي نين اوچ طلبه سي شهرين کوچه لرينده اطلاعات مأمورلاري طرفيندن توتولاراق، نامعلوم ايستيقامته آپاريليب. بونونلا سون بير هفته عرضينده اورمييه ده توتولان فعاللارين سايي ۲۸-ه يوکسه لير.
تبريز فعاللاريندان ايسه فرخ هاشمزاده مايين ۱۵-ده يئنيدن حبس ائديليب. او، مي-ين ۸-ده نزارت آلتينا آلينديقدان اوچ گون سونرا آزاد ائديلميشدي. بو هاقدا بيانات وئرن آسمک هاشمزاده نين دوکانيندان مي حاديثه لري نين ايل دؤنومو ايله باغلي چاغيريش ورقه لري نين تاپيلديغيني بيلديرير. |
آزادليق راديوسو: آذربايجان سياسي مهبوسلاريني مودافيعه کوميته سي نين (آسمک) ۲۰ مي تاريخلي حساباتينا گؤره سون ايکي هفته عرضينده ايراندا ۱۵۰-دن چوخ آذربايجان-لي فعال حبس ائديليب، باشقالاري نين ايسه ائو و ايش يئرلري دايمي نزارت آلتينا آلينيب و اطلاعات-آ چاغيريلان مينلرله وطنداشين ييغينجاقلاردان ايمتيناع ائتمه سينه گؤستريش وئريليب.
اؤتن ايلين کاريکاتور قالماقاليندا ان چوخ قانلي حاديثه لره شاهيد اولان سولدوز (نقده) شهرينده بو گونلر داها جيدي تهلوکه سيزليک تدبيرلري نين حياتا کئچيريلديگي بيلديريلير. آسمک-اين وئرديگي معلوماتا اساسن سون ۱۰ گون عرضينده بورادا تخمينن ۶۰ فعال نظارت آلتينا آلينيب. شهرين فورودآباد محلله سينده بئش جد ساتيشي دوکاني آذربايجان جد-لريني يايديغي اوچون قاپاديليب و شهره نزارت قربي آذربايجان ويلايتينده کي يوکسک روتبه لي اوردو ظابيطي سردار کرمييه تاپشيريليب.
سولدوز-دا حبس اولونانلار آراسيندا ۲۱ ياشلي طلبه مهدي (ائلمان) نوري، «بيليم يولو» مدنيت مرکزي نين ياراديجيسي ميرعلي رضايي، پروفسور ابراهيم معيني، اؤز فعاليت آذربايجان ميللي رقص قروپونون عوضوو فرامرز غلامزاده، يازيچي و ژورناليست عيسي يئگانه، «يانان» تخلوصو ايله تانينان آذربايجان شاعيري مهندس ايسمائي بهرامي، اورتا مکتب موعليمي کريم نعيمي، تانينميش فعال بهزاد قوچايي، موصطفي قاسمي و مهدي واحدي نين آدلاري چکيلير.
آذربايجان-ليلاري تهقير ائدن کاريکاتورلارا قارشي بير ايل بوندان اول کئچيريلن اعتيراضلار سولدودا پليسين نوماييشچيلره آتش آچماسي و دؤرد نفرين قتله يئتيريلمه سي ايله نتيجلنميشدي.
ديگر طرفدن «اورموسسي» خبر سايتي نين وئرديگي معلوماتا گؤره، مي-ين ۱۹-او گئجه ساعاتلاريندا اورمييه اونيوئرسيتئتي نين اوچ طلبه سي شهرين کوچه لرينده اطلاعات مأمورلاري طرفيندن توتولاراق، نامعلوم ايستيقامته آپاريليب. بونونلا سون بير هفته عرضينده اورمييه ده توتولان فعاللارين سايي ۲۸-ه يوکسه لير.
تبريز فعاللاريندان ايسه فرخ هاشمزاده مايين ۱۵-ده يئنيدن حبس ائديليب. او، مي-ين ۸-ده نزارت آلتينا آلينديقدان اوچ گون سونرا آزاد ائديلميشدي. بو هاقدا بيانات وئرن آسمک هاشمزاده نين دوکانيندان مي حاديثه لري نين ايل دؤنومو ايله باغلي چاغيريش ورقه لري نين تاپيلديغيني بيلديرير.
همين معلوماتا گؤره اؤتن هفته تبريز-ده حبس ائديلن حسين نصيري و امرالله حسينيان-ا قارشي بو گونه قدر رسمي ايتتيهام ايره لي سورولمه ييب.
تبريز-ده توتولانلار آراسيندا ۲۲ ياشلي فعال فرج نوري، اونون کيچيک قارداشي 15 ياشلي ايبراهيم نوري، ريزا خزري نين آدي چکيلير.
حاضيردا ب.م.ت-نين ژنو-ده کي اوفيسينده ميللي آزليقلارين اينسان هاقلاري اوزره تدقيقات آپاران آذربايجان-لي سياسي مهبوسلاري مودافيعه جمعيتي-نين (آ.د.آ.پ.پ) سدري فاخته زماني مي-ين ۱۹-اودا «آمريکا–نين سسي» راديوسونا وئرديگي موصاحيبه ده بيلديريب کي، مي-ين ۱۴-اونده تبريز-ده حبس ائديلن امير عباس بنايي کاظمي نين آذربايجان ديلينده اولان کيتابلاري و ائوينده کي جد-لري موصاديره ائديليب.
خانيم زاماني عئيني زاماندا بيلديريب کي، عباس ليساني مخفي شکيلده و سيلاهلي شخصلرين موشاييعتي ايله گؤزو باغلي و ال-آياقلاري قانداخلي اردبيل حبسخاناسيندان مخفي شکيلده تبريزه آپاريليب. اورادا اونون ۲۰۰۵-اينجي ايلده بابک قالاسينا يوروشله باغلي آلديغي ۱ ايلليک حبس حؤکموندن اعتراض شيکايتينه باخيليب. محکمه نين قراري بو گونه قدر آشکار ائديلمه ييب.
۲۰۰۶-اينجي ايلين مي-ين ۲۲-سينده ايران-ين رسمي «ايران» قزئتينده آذربايجان-ليلاري تهقير ائدن کاريکاتور درج اولونموشدو. بو دا ايران-دا ياشايان آذربايجان-ليلارين نارازيليغينا سببه اولموش و کوتلوي اعتيراض آکسييالاري کئچيريلميشدي.
، بیر میللتین سسی
پایلاش | پرینت
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/921.azr
یازینین اینترنت آدرسی
گوروش کاپانیبدی