یاشاسین آذربایجان - Long live Azerbaijan

.

تهران رئژیمی بوگون بئین الخالق صحنه ده ایزوله دوروما دوشموشدور. اونون ایقتیصادی و سیاسی باخیمدان باتلاق ایچینده دیر. یوخ اولوب گئتمه یه محکومدور. عکسینه گونئی آذربایجان میللی حرکاتی گون به گون توپلومون بوتون طبقه لرینی ایچینه آلاراق گوجلنمکده ، بئین الخالق تشکیلاتلارین، او جومله دن بیرلشمیش میللتلر تشکیلاتی نین ، اینسان حاقلاری مودافعه اورقانلاری نین ، اروپا پارلئمئنتی و شوراسی نین ، دئموکراتیک دوولتلرین دیقتینی اوزونه جلب ائتمکده دیر. تانینیب ، اعتبار قازانماقدادیر.بوناگوره ده جانلارینی وطن و میللت یولوندا وئره نلرین مقدس قانلاری نامینه میللتیمیز و وطنیمیز گونئی آذربایجانین نجاتی یولوندا بیرله شمه لی ییک ، بیرلیکده حرکت ائتمه لی ییک.

---

---

بوگون دونیامیزدا دئموکراتیک اولکه لرده حاکیم اولان سیاست، چوخ گوروشلولویه (پولورالیزمه) دایانان دئموکراتیک پارلئمئنتاریزم اوصولونا آرخالانانیر، و اینسان حاقلارینی قوروماغی آنا هدف کیمی قبول ائدیر.فرانسا اینقلابیندا قویولان بو سیاستین پایالاری، کئچه ن ۱۰۰ ایلده اینکیشاف ائتمیش و ائتمکده دیر. چاغیمیزدا بیر چوخ میللتلرین دوولتلری اوز توپلوملارینی بو شکیلده ایداره ائدیرلر. چوخ تاسوفله بوگونه قده ر دالی قالمیش اولکه لرده بوشیوه ایداره اوصولو اوز یئرینی تاپا بیلمه میشدیر. بو اولکه لرده حاکمییتی الده توتانلارین چوخو یوخاریدا قئید اولونانلارین عکسینه، چئشیدلی دیکتاتورلوق شیوه لرینی تئورودا و عملده اویقولاییرلار.بونلارین بیر بولومو اینسانلارین دینی اینانجلارینی اوزلرینه آلت ائدیرلر، باشقالاری ایسه چئشیدلی یاد ایدولوژولاری اوز دیکتاتورلوقلاری اوچون سبب گوستریرلر. اوز شخصی چیخارلارینی اولکه نین میللی منافعیندن اوستون توتورلار. اوز حاکمیتلرینی قوروماق اوچون هئچ بیر جینایتدن چکینمیرلر. اونلار عملده میللتی اوزلریندن گورمورلر٫ اونلاری اولدورمک، دوسداقلارا دولدورماق، روحی و جیسمی شیکنجه لر وئرمک، طبیعی بیر ایش ساییلیر. بوتون بو رئژیملر اوز توپلوملاری نین طبیعی گلیشمه سی نین قارشی سینی آلمیش اولورلار.

تهرانین تئروریست و فوندامتالیست رئژیمیده بئله رئژیملردن بیری ساییلیر. ایسلام و ایسلامییتله هئچ بیر علاقه سی اولمایان، قرآنین سریع آیه لرینه گوره مونافیق ساییلان بو رئژیم، ایسلام آدی ایله اوز شخصی چیخارلارینی ، منافعلرینی تامین ائتمه یه چالیشیرلار. شاهلیق اوصول ایداره سی نین یئرینه گتیریله ن بو رئژیم، اونون بیناسینی قویدوغو شوونیزم سیاستی، داهادا رادیکال شکیلده ایجرا ائتمکده دیر. بو دینسیزلر بو شوونیست سیاستلرینه ده اوتانمازجاسینا دین کوینه یی گئیدیرمیشلر.

طبیعی اولاراق حاریجی دوولتلر اوز چیخارلایناـ منافعلرینه گوره ، چئشیدلی تاکتیک و ایستیراتژیلر حاضیرلاییب، اوز هدفلرینه اولاشماق اوچون ایرانین داخیلی تضادلاریندادا یارالانیرلار. شاهلیق حاکمییتی و اونون خلف جانیشینی اولان ایندیکی جاهیل ـ نادان، کوت بئیین مولارلار رئژیمی ائله بو پروگراملارین نتیجه سیدیر.تاسوفله گونئی آذربایجان میللتیده بو سیاستلرین قوربانی اولموشدور. اوزونو ، اوز وطنینی دوشونمک یئرینه باشقالاری اوچون دریدن ـ قابیقدان چیخمیشدیر. سونوندا اوتوزاندا اوزو اولموشدور.

آذربایجان میللتی و اونون میللی حرکاتی گئچه ن بو تجروبه لریندن یارارلانیب، اوز ایستکلرینی چئشیدلی شکیللرده یاراتدیقلاری تشکیلاتلارین پروگراملاریندا عکس ائتدیرمکده دیرلر.

گونئی آذربایجان میللتی ایللردیرکی ، بو حاقلاری الده ائتمک اوچون موباریزه آپارماقدادیر. میللتیمیز اوز ایستکلرینی دینج و مدنی شکیلده ایسته سه ده مستملکه چی ـ تئروریست رئژیم بو ایستکلره گولله ایله جواب وئرمکده دیر. میللی حرکاتین فعاللارینی چئشیدلی باهانالارا توتوقلاییب، دوسداقلارا سالیب، ایشکنجه وئریب ، قورخو ـ قده غه گلمکده دیر. اونلار بو عمللری ایله میللی حرکاتی ضعیفلتمه یی دوشونورلر.آمما بو حقیقتی آنلاماق ایسته میرلرکی، بو حرکت بللی بیر عده آذربایجانلی گنج و آیدین نین مسئله سی دئییلدیر.

بونون ایکی یوز ایله یاخین کئچمیشی واردیر. یعنی آذربایجان میللتی بو دوشدوغو آجیناجاقلی دورومدان قورتولماسی یولوندا یارتدیغی قیام لار سیلسیله سی نین بیر حالقاسینی تشکیل ائدیر. طبیعی اولاراق بو حرکتده ایشتیراک ائده نلرین امه یی بویوکدور. بو حرکت سیاسی آچیدان یئتیشمیش، تاکتیکی باخیمدان حئساب اولونموش بیر حرکتدیر. میللتیمیزین بو قیامدا هارای هارای من تورکم دئمه سی نین معناسی بودورکی، فارس مستملکه چی شوونیستلری نین ۸۵ ایللیک آسیمیلاسییون سیاستی تاسیرسیز اولموشدور. دفعه لرله آذربایجان میللتینی قانا بله ییب ، میللی شخصییتلرینی یوخ ائدیب،میللتیمیزه هر جور باسقیلاری ،چیرکین تحقیرلری، آیری ـ سئچگینلیک سیاستلری روا گورسلرده ، وطنیمیزین ایشغالینی سورئورسه لرده، میللتیمیز اوز میللی کیملی یینی قورویوب ساخلاماغی باجارا بیلمیشدیر.

باشقا قیاملاردا اولدوغو کیمی، گونئی آذربایجان میللتی بو اعتیراضلاری ایله بیر دفعه داها اوز میللی حاقلاریندان واز کئچمیه جاغینی دیله گتیرمیشدیر. بو حرکت آذربایجان سیاسی تاریخی نین قیزیل صحیفه لریندن بیری ساییلیر. میللتیمیز مستملکه چی فارس شوونیستلری نین سیاسی نوماینده سی ساییلان، تئزوریست سوزده ایسلام جیمهوریسی نین هر عملینی دیقتله ایزله ییر، اونا سیاسی ده یه ر وئریر.یعنی اونون حرکاتینی، میللتیمیزه قارشی داورانیشلارینی نطره آلاراق ، اینجه له ییب، قارشی رئاکسییا گوستریر.

گونئی آذربایجانیمیزین میللی فعاللاری، وطن و میللت یولوندا جانلارینی قوربان وئرمکله میللتیمیزین شانلی گله جه یی نین کوکلرینی اوز مقدس قانلاریلا سوواردیلار. بئله یوردسئوه ر وطنداشلاریمیزا عشق اولسون.

بیر خورداد قیامی تهران رئزیمینی و بو رئزیمی حاکمیته گتیرنلری، هله لیک اونو حمایت ائده ن دوولتلریده دوشونمه یه مجبور ائتمیشدیر.

میللی شورایا گؤره میللی حرکتین گوجله نیب ، نهایی هدفینه اولاشماسی اوچون ، حرکتین چاغداش، دئموکراتیک و پولئرالیزم شکیلده تشکیلاتلانمایا ائحتیاجی واردیر. اوز مقدراتینی تعیین ائتمه شعاری بو تشکیلاتلانمایا، امکداشلیغا، اورتاق بیرچیخیش یولو اولا بیله ر. بو تشکیلاتلانما ائشیکلی و ایچه ریلی حیاتا کئچیریلمه لیدیر. میللی شورا بو ایستیقامتده حرکت ائتمه یه چالیشیر.

تهران رئژیمی بوگون بئین الخالق صحنه ده ایزوله دوروما دوشموشدور. اونون ایقتیصادی و سیاسی باخیمدان باتلاق ایچینده دیر. یوخ اولوب گئتمه یه محکومدور. عکسینه گونئی آذربایجان میللی حرکاتی گون به گون توپلومون بوتون طبقه لرینی ایچینه آلاراق گوجلنمکده ، بئین الخالق تشکیلاتلارین، او جومله دن بیرلشمیش میللتلر تشکیلاتی نین ، اینسان حاقلاری مودافعه اورقانلاری نین ، اروپا پارلئمئنتی و شوراسی نین ، دئموکراتیک دوولتلرین دیقتینی اوزونه جلب ائتمکده دیر. تانینیب ، اعتبار قازانماقدادیر.بوناگوره ده جانلارینی وطن و میللت یولوندا وئره نلرین مقدس قانلاری نامینه میللتیمیز و وطنیمیز گونئی آذربایجانین نجاتی یولوندا بیرله شمه لی ییک ، بیرلیکده حرکت ائتمه لی ییک.

عشق اولسون وطن و میللت یولوندا جانلارینی وئره ن اینسانلاریمیزا
یاشاسین گونئی آذربایجانین میللی حرکاتی

مهو اولسون فارس شوونیزمی،اونون نوماینده سی ساییلان تثروریست، فوندامنتالیست تهران رئژیمی!

آذربایجان میللی بيرليک شوراسی
۱۸/۰۵/۲۰۰۷

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی