یاشاسین آذربایجان - Long live Azerbaijan

.

بو گون ماسکانين آرخاسيندا گيزلنن ديکسينديريجي و اييرنج اوزون ميلتيميزه آچيقلانماسيني گؤروروک. بو پرده آرخاسيني اوزه چيخاران همن حرکتين صاديق فعاللاريديرلار. ائلجه ده هر بيري بير ائل ياراشيغي اولان، ميلتي نين يولوندا آل قانينا بويانان و موستملکه چيليیي گؤروب دؤزمه ين شهيدلريميز، بؤيوک و تاريخي بير حرکت دوغرولتوسوندا ميللي آنلاييشلارا معنا گتيرن قهرمانلاريميز اولدولار. بو گون هر بيريميز قانلي ماي(خورداد) شهيدلري نين، حرکته يازيلان آدايلاريييق.

---

---

بؤيوک آذربايجان ميلتي
و حرکتين يورولماز فعاللاري

آذربايجان ميلتي نين خورداد آییندا آرديجيل آنتي-آپارتايد قالخينمالاريندان بير ايل اؤتور. گؤرونوشه گؤره بو گئنيش آلاندا قالخينمالارين استارتي ايران قزئته سي نين قارا چالما و لکه سورمه موناسيبت لرينه باغلانسا دا سورکلي باش وئرن آنتي-شووينيستي قيياملارين زمينينده ٨٠ ايلليک ديکتات رئژيملرين ايچريسينده بؤين فارس شووينيزمي نين ياپديغي سياسي- ايجتيماي باسقيلار، ازديیي تمل حاق و اؤزگورلوکلر، يوخ ائتديیي اينسان حاقلاري، گتيرديیي يوخسوللوقلار گؤرونور بو سببدن تورک ميلتي نين سورعتله بو ميللي قییاملارا قاتيلماسي هئچ ده اوزاق گؤرولموردو.

خورداد آیینین باش قالديرمالاريندا آذربايجان ميلتي چئشيدلي سياسي، صينفي، ايشچي آخيملاري نين تشکيلاتلارينا باغلي اولماياراق آذربايجانين يوز ايلليک آزادليق حرکاتيني ديقت چکيجي نؤقته لره داشيدي. سورکلي قيياملار اوزرينه گؤتورموش ميسسييالارين و شوعاعرلارين باخيش آچيسي، توپلومون چئشيدلي قاتمانلاريندا ميللي شوورون يوکسه ليشيني و ديناميزياسيني گؤستره رک آذربايجانين اؤز سياسي و ميللي موقددراتيني سئچمک حاقلاري اوغروندا موجاديله سيني يئني آشامالارا و يئني ظفرلره دوغرو گؤتوردو.

ايران دا دينج اعتيراضلارين گئتمه سي اوچون ضروري اولان شرطلرين هاميسي و يا ان آزيندان بير حيصه سي اولماديغي اوچون دينج اعتيراض کئچيرنلره آغير اؤدنتي دورومو ياراندي. ايرتيجاچي فارس شووينيزم رئژيمي کئچن ايل آذربايجان ميلتي نين دينج و دئموکراتيک اعتيراضلاريني ياتيرماق اوچون رئپرئسس، تحريف و سئنزورا واسيطه لري نين دويمه سيني باساراق ديکتاتورلولوغونون و توتاليتارليليغي نين اييرنج اوزونو داها آرتيق چيلپاقلادي. ايرانداکي آزغين رئژيم حاکيميتيني قوروماق نامينه ميلتيميزين اوستونه گولله آتما حاضيرليغي نين ايثباتيندا شانلي سولدوزدا، اورمودا، تبريزده و مئشکينده ميللي حاقلاريني و تورک کيمليکلريني مودافيعه ائدن گوناهسيز ايگيدلري آل قانينا بويادي.

فارس دؤولتي، تورک ميلتي نين ميللي-سياسي حاقلاري قارشيسيندا هئچ ده باريش و ديالوقدان يانا بير سيياست گؤتورمور. فارس دؤولتي، اَزده چؤز سيياستينه ايصرار ائدير. بونون سون آچيق اؤرنه یي خورداد آييندا رئژيمين سرت داورانمالاريدير. شووينيزم ايرتيجاسي آذربايجان ميلتيني تحقير ائدن و قانلي ماي سببکارلاريني جزالانديرماق يئرينه يوزلر ميللي حرکتين فعالليني آغير باسقيلارا معروض قويدو. حبسه آلينان صاديق و اورکلي ايگيدلره، ایتيلاآتين ساختا محکمه لرينده اوزون مودتلي حبس قرارلاري وئريلدي. گنجليگيميزه ايران بويدا زينداني آز گؤرن فارس شووينيزمي طبیعی ياشام آزادليغيني دا چوخ گؤردو.

بويوک آذربايجان ميلتي

قانلي مي (خورداد-۱۳۸۵) آيي نين بيرينجي ايل دؤنومونده بؤيوک بير سيناق اؤنوموزده دير، ميللي موجاديله ميزين اؤلمز شهيدلري نين و جسارتلي سياسي محبوسلاري نين خاطيره سيني ياشاتماق هر بيريميزين بؤيوک آنا وطن يولوندا بورجوموزدور. قرارلي، قوووتلي و اورکلي شهيدلريميز اؤز قانلاري ايله ميلتيميزين قودرتيني حرکته کئچيرديلر. بو گون آرتيق ميلتيميزين بؤيوک يورويوشلره کئچمه زاماني گلميشدير. ميللي دئموکراتيک حاقلاريميزي قصب ائدن، سؤمورگه چي فارس شووينيزمينه قارشي موجاديله ائتمک، خالقيميزين ان مشروع حاقلارينداندير. دئموکراتيک و باريشجيل اوصوللار بو گون سونوج وئرديیي زامانا قدر ان آرزولانان و ترجيه ائديلن موجاديله بيچيمي اولاجاقدير.

نورمال اولاراق فارس شووينيزمي خورداد دا آرديجيل باش وئرن قيياملارا تاي کئچيريله جک اعتيراضلارين قاباغيني آلماق اوچون سياسي، نيظامي و محکمه گوجلريني ايره لي گتيره جک کي همن اولايلار بير داها تکرارلانماسين. آما بابک قالاسي، مئهرين بيري، ٢١ آذر و دونيا آنا ديلي گونو موناسيبت لرينده اؤز تورپاغينا دا، هاواسينا دا، سويونا دا صاحيب چيخماغا حرکته کئچن ميلتيميز، بونو ايثباتلادي کي رئژيمين قوووه لري بؤيوک آذربايجان ميلتي قارشيسيندا عاجيزديرلر. بو آرادا اولا بيلر کي چؤکوشده بولونان فارس شووينيزمي اؤزونو قوروماق اوچون و رسمي اعتيراض لارين باش توتماماسي اوچون بوتون شهرلري نيظامي دوشرگه يه چئويرسين و بير چوخ حرکتين ائتکيلي قوووه لريني حبسه گؤتورسون آنجاق بو حده-قورخو گلمه لره باخماياراق، بو آرادا ان اؤنملي اولان و قازانديران شئي حرکتين سورکليليگيني ساخلاماقدير. بيزيم دينج آنجاق و آنجاق بؤيوک سايدا خيابانلاردا حرکته کئچمگيميز تورکون اؤز گله جه یينه صاحيب چيخما دامغاسيني ووراجاغي گونلره دوغرو بير آدديمدير بو اينانج ايله هر شهرده ائلان اولونان زاماندا و مکاندا تورکون حياتا کئچن آياق سسيني دونيا ايجتيمايتينه گؤسترمه ليیيک.

حرکتين يورولماز فعاللاري

آذربايجان آرتيق تاريخي بير يول آيريمينا گلميشدير. ميللي حرکتين آکتيويستلري توپلوم ذهنيتينده ياراديلميش لکه لري سيلمه يه گونو گوندن قرارلي ايره ليله مکده دير، آنجاق تمل ياپيلاريميزين چؤکدورولمه سيني آماجلايان، ايسلام ماسکاسي اوزونه چکميش فارس شووينيزمي عزيز ميلتيميزين صافليغي و ديني اينانجلاريني اؤز قارا آماجلارينا اويونجاق قيلميشدير. بو گون ماسکانين آرخاسيندا گيزلنن ديکسينديريجي و اييرنج اوزون ميلتيميزه آچيقلانماسيني گؤروروک. بو پرده آرخاسيني اوزه چيخاران همن حرکتين صاديق فعاللاريديرلار.

ائلجه ده هر بيري بير ائل ياراشيغي اولان، ميلتي نين يولوندا آل قانينا بويانان و موستملکه چيليیي گؤروب دؤزمه ين شهيدلريميز، بؤيوک و تاريخي بير حرکت دوغرولتوسوندا ميللي آنلاييشلارا معنا گتيرن قهرمانلاريميز اولدولار. بو گون هر بيريميز قانلي ماي(خورداد) شهيدلري نين، حرکته يازيلان آدايلاريييق.

“آ.م.د.ت” اولاراق :
آذربايجان ميلتي نين کوتلوي-دئموکراتيک قالخينمالاري ايلدؤنومونده ميللي موجاديله اوغروندا شهيد دوشن و حبس چکن قهرمانلاريميزين عزيز خاطيره سيني آناراق بيلديريريک کي:
ديره نيش اؤزکلري آذربايجانين باشا باشيندا ائلان اولونان زاماندا و مکاندا فارس شووينيزمي نين چوخ آماجلي ايستيلاسينا قارشي دوزنلنن پروتئستلره قاتيلماغا داها آرتيق قرارليديرلار.

آذربايجاندا تورک ميلتي نين بوغازينا ساريلان اللري قيرماغا دوغرو…
تورک ميلتي نين کئچميش شان شؤهرتيني چاغداش بيچيمده قورماغا دوغرو…

آذربايجان ميللي ديره نيش تشکيلاتي ” آ.م.د.ت ”
سياسي کوميته

گونئی آذربایجان
٢٧/اردیبهشت/٨۶
[1] diranish@gmail…
[2] direnisesi@gma…

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی