یاشاسین آذربایجان - Long live Azerbaijan

.

سيز، بير داها فارس هئژومونلوغو آلتيندا قالماياجاغينيز اورتايا قويدونوز. سيز، دوشمنين ان قدر گوجسوز و داياز اولدوغونو ايثباتلادينيز. سيزين يانديرديغينيز خورداد مشعلي ياراداجاق گونئي و بوتؤو دؤولتيميز گونونه دهک ياناجاق و هر گون بؤيويه جکدير. داک اولاراق، اوجا ميلتيميزين ايراده سي قارشيسيندا باش اَيير، ميللي شهيدلريميزين قودسال روحلراري قارشيسيندا، اؤلکه ميزين تام ايستيقلالي اوغروندا آدديم آتاجاغيميزا سؤز وئريريک.

---

---

اولو آذربايجان تورک ميلتينه!

هاراي-هاراي، من تورکم! باغيران ميلتيميزين مي ۲۰۰۶ (خورداد ۱۳۸۵) آياقلانماسيندان بير ايل گئچدي.

اولو آذربايجان-ين وار اولوشونو دونيايا چاتديران گنج ميلتيميزين پانفاشيست فارس شووينيزمينه سينگرمه سي دوشمني بير داها شاشقينليغا سوروکله دي.

فاشيست دوشمن آذربايجانين آياقدا اولماسيني، فارس-ايرانچي آپارتايد دوشونجه سينه قارشي ان گوجلو دئموکراتيک و چاغداش آلتيرناتيو اولدوغونو گؤردو. ميلتيميز، يوزلر شهيد، يارالي، مينلر توتوقلو و ايتگين وئرسه ده، الده ائتديگي قازانجين اؤلچولمز درجه بؤيوک اولدوغونو ايثباتلادي. باخماياراق کي، پانفاشيست ايرانچي مئدييا، هابئله اؤزلريني دئموکرات سول، ساغ آدلانديران ايران مرکزلي قورولوشلار بير يؤنلو اولاراق سوسدولار و باخماياراق کي، فوندامئنتاليست ايارنچي فاشيستلرله نر-تخته اوينايان دونيا مئديياسي دا سوسدو، آنجاق ميلتيميزه باغلي اولان چوخو آماتور و فداکار مئديياميز گئجه-گوندوز بو بوشلوغو دولدورماغا چاليشدي.

گوناز تي.وي باشدا اولماقلا، ليدئر، آ.ن.س، آزادتريبون، باي بک، آسمک، گونئي آذربايجان، داک، ۳۵۰۰۰۰۰۰، اولايلار، اؤيرنجي سيته لري، وئبلاقلار، تورکوستان، موساوات، خالق جبهه سي، گايپ، داک، آ.ز.ف.ي، گاموح، آزساو، گونازهاق، توران، آپا، ترئنت کيمي بير چوخ مئدييا و اينتئرنئت واسيطه سي دايانمادان ايچريدن آلان بيلگيلري دونيايا يايماغا چاليشديلار.

داک اولاراق، ميلتيميزين بو بؤيوکلوگو قارشيسيندا باش اَيير، بير داها ميلت يولوندا جانلا-باشلا قوللوق ائدن بوتون قوروم و قورولوشلاري واحيد ميللي قورتولوش جبهه سينده بيرلشمه يه چاغيرير. قوي بيزيم بيرلشمگيميزله اينسانليق دوشمني اولان پانفاشيست فارس شووينيزمي نين عؤمرو سونا چاتسين.

مي قالخيشي ميلتيميزه نه لر گتيردي؟

ميلتيميزين ميللي و دئموکراتيک گؤستريسي، پانفاشيست فارس شووينيزمي نين نه قدر جاهيل و وحشي اولدوغونو بير داها ايثباتلادي. بو قالخيش، عئيني زاماندا آذربايجان ميللي هرکاتي نين (آ.م.ح) دئموکراتيک، چاغداش و باريشجيل يوللارلا ايستکلرينه چاتماسي نين نه درجه آغير اولدوغونو گؤستردي. دوشمن، آذربايجان تورک ميلتي نين هاقلي ايستکلري قارشيسيندا گئچميش پهلوي رئژيميندن داها آرتيق قان تؤکمه يه حاضير اولدوغونو گؤستردي.

شووينيست دوشمن اينسان هاقلارينا، مبت قانونلارينا، ائتنيکلرله باغلي کونوانسييونلارا، اولوسلار آراسي سازيشلره و بو کيمي يوزلرجه ايمضا آتديغي قرارلارا ائتيناسيز داورانماسيني گؤستره رک، بوندان سونرا دا، چاغداش و اينسانجيل سيياستلرله اويوم ساغلاماياجاييني اورتايا قويدو.

مي گؤستريلري ميلتيميزين چاغداش هرکاتيندا مرکز رهبرليگي نين اولماديغيني، وار اولان قورولوشلارين دا، آز ائتگيلي اولدوغونو اوزه چيخاتدي.

مي آياقلانماسيندا سسله نيلن شوعاعرلار، چاغداش آذربايجان هرکاتي نين تام تورکچو مؤوقئييني سرگيدي. هرکات باکي نين و آنکارانين وفاسيزليغينا رغمن ان چارپيجي و دوشمن سينديران ” تبريز - باکي - آنکارا، فارسلار هارا، تورک هارا ” سولوقانلارييلا تورک دوشونجه سيستئمي ايچينده اولدوغونو، ايران مرکزلي هر هانسي باخيشدان اوزاق اولدوگونو تام اولکوسل اؤلچوده سرگيله دي.

مي قالخيشي باکي حاکيميتي نين بعضي سياسي مصلحتلرينه باش ايمه دن ” آذربايجان بير اولسون، مرکزي تبريز اولسون! ” هارايلاريلا ۵۰-ميليونلوق بوتؤو ميلتيميزين ايراده سيله ايره ليله مگيني آيدينجاسينا اورتايا قويدو.

ميليونلوق ميللي قالخيشيميزين ان بؤيوک قلبه سي، تورک-فارس ايليشگيلري نين سينيري نين اوزه چيخماسي ايدي. بو ميللي قالخيش تورک-فارس ايليشگيسي نين بوگونکو فورمادا داعوام ائده بيلمييه جگيني آيدينجاسينا شووينيزمه چاتديردي. ميلتيميز ايستر تبريز، ايستر اورمو، ايسترسه ده اردبيلده و سولدوز، مرند، خيياو، زنگان کيمي بير چوخ يئرده هاراي-هاراي، من تورکم شوعاعريله اولکوسل (يدئولوژيک) مرکزلشمه سي نين سورعتله بؤيومه سيني دونيايا اينانديردي.

گونئي آياقلانماسيندا ايرانچي، فئدئرالچي و ايران تورکلوگو دوشونجه سي بوتونلوکله ايفلاسا اوغرادي. ميلتين وئرديگي سولوقانلار، بير يؤنلو اولاراق ايستيقلال، باغيمسيزليق و گونئي دؤولتچيليگي، بوتؤو آذربايجان بيرليگي اوزرينده قورولموشدو. بو اوزدن ماي آياقلانماسيندان سونرا فئدئراليزمين آتشين فداييسي اولان بير چوخلاري درهال ايستيقلالچي اولدولار.

گونئي آياقلانماسيندا ان چوخ سسله نيلن و پلاکارتلاردا گزديريلن شوعاعرلاردان “يا قاراباغ، يا اؤلوم” و “آذربايجان بير اولسون، مرکزي تبريز اولسون” ايدي. بو شوعاعر بير داها گونئيين ميللي قورتولوش هرکاتي نين بوتؤوچو اولدوغونو، بوتؤوچولوکدن واز کئچمييه جگيني گؤستردي. يازيقلار اولسون کي، قاراباغ باغيران، ميليونلار گونئيلي ازربايجانلي، آذربايجان دؤولتي نين بير قورو هيمايه سيني بئله آلا بيلمه دي. دؤولتيميزين ايداره چيلري سانکي، هئچ بير شئي يوخدو کيمي داورانديلار.

گونئي آياقلانماسيني يؤنلنديرن مرکزلرين ان مسئوليتلي چابالاري، هرکاتي آوانتورادان اوزاق ساخلاماسي ايدي. يؤنتيم مرکزلري هرکاتين بؤلونمه مه سي يولوندا بؤيوک غئيرت گؤستره رک، آوانتورايا مئيليلي اولان قورولوشلارين ائيلميني گؤزه آلتينا آلاراق، هرهانسي قوروم بايراغي و چواري نين اورتايا گلمه سيني و آيريمليق ياراتماسي نين قارشيسيني آلميشدير.

مي هرکاتي، گونئي هرکاتي نين ديشاري قورولوشلاردان قات-قات قاباقجيل، راديکال، ايستيقلالچي، بوتؤوچو و اولوسچو اولدوغونو ايثباتلادي. ماي آياقلانماسي، ديشاريدا اوتوروب ايچرييه پاي چکنلره ان بؤيوک درسي وئردي. گونئي، آپادانالاردا، اونپو-لاردا ايرانپرستيليک ياپانلارا ميلت طرفيندن دانيشما حاقي نين اولماديغيني بير داها بيان ائده رک اؤز باغيمسيز و اؤزگور ايراده سيني اورتايا قويدو.

عزيز ميلتيميز!

سيز، بير داها فارس هئژومونلوغو آلتيندا قالماياجاغينيز اورتايا قويدونوز. سيز، دوشمنين ان قدر گوجسوز و داياز اولدوغونو ايثباتلادينيز. سيزين يانديرديغينيز خورداد مشعلي ياراداجاق گونئي و بوتؤو دؤولتيميز گونونه دهک ياناجاق و هر گون بؤيويه جکدير. داک اولاراق، اوجا ميلتيميزين ايراده سي قارشيسيندا باش اَيير، ميللي شهيدلريميزين قودسال روحلراري قارشيسيندا، اؤلکه ميزين تام ايستيقلالي اوغروندا آدديم آتاجاغيميزا سؤز وئريريک.

ياشاسين آذربايجان تورک ميلتي!
ياشاسين گونئيين ماي آياقلانماسي!

داک-دونيا آذربايجانليلاري کونقره سي
سياسي بؤلمه
۱۸/۰۵/۲۰۰۷

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی