کورد تروريزمينه ستوکهولمدا تورک توپلوملارينين بيرگه اعتيراض آکسيياسي

بای بک، آذربایجان | سؤتگؤن, ۶-ي قیروو آی , ۱۱۰۰۷ اینجی ایل, چولا ۱۷:۵۹ [آ.خ] | تورکجه, خبرلر

آذربايجانليلاري آکسييادا، گونئي آذربايجان کونقرئسي (گ.ا.ک) و گونئي آذربايجان ميللي بيرليک شوراسي نين نوماينده لري ايله ياناشي ” آذربايجان فئدئراسيياسي ايسوئچ ” اين (آ.ف.ي) يئرلي عوضو جمعيتلري - او جومله دن قاراباغ، آذربايجان نامينه، آذربايجان، ارک و ديگر درنکلرين عوضولري تمسيل ائديردي.

ايسوئچ تورک ايشچي درنکلري فئدئراسيياسي نين تشکيلات مسئولو سامي بئي گؤرگولونون آپاريجيسي اولدوغو ميتينقده،

گ.ا.ک رئپورت: بوگون ايسوئچين (سوئد) پايتاختي ستوکهولمون مرکزي مئيدانيندا ايسوئچ تورک ايشچي درنکلري فئدئراسيياسي نين تشکيلاتچيليغي ايله، کورد تروريزميني محکوم ائتمک مقصدي ايله اعتيراض ميتينقي کئچيريلدي. قارداش تورکيه خالقي ايله همرايليگيني نوماييش ائتديرمک و پ.ک.ک ترورچولاري نين جينايتلريني قيناماق مقصدي ايله، ۲۰۰۰-ه ياخين اينسانين ايشتيراک ائتديگي ميتينقده، ستوکهولم آذربايجانليلاري دا فعالليق گؤسترديلر. آذربايجانليلاري آکسييادا، گونئي آذربايجان کونقرئسي (گ.ا.ک) و گونئي آذربايجان ميللي بيرليک شوراسي نين نوماينده لري ايله ياناشي ” آذربايجان فئدئراسيياسي ايسوئچ ” اين (آ.ف.ي) يئرلي عوضو جمعيتلري - او جومله دن قاراباغ، آذربايجان نامينه، آذربايجان، ارک و ديگر درنکلرين عوضولري تمسيل ائديردي.

ايسوئچ تورک ايشچي درنکلري فئدئراسيياسي نين تشکيلات مسئولو سامي بئي گؤرگولونون آپاريجيسي اولدوغو ميتينقده، فئدئراسييا سدري حسن بي دؤلک و متبوعات کاتيبي مهمت بئي آکتورک، تورک گئنجلر فئدئراسيياسي نين سدري سلجوق بئي اونلو، آذربايجان فئدئراسيياسي نين سدر موعاويني رهيم بئي ساديقبئيلي و ديگرلري چيخيش ائده رک، جومهوريت و مئهتئر مارشلاري ايشتيراکچيلار طرفيندن گورلا سسلنديريلدي، کيو نوماينده لري طرفيندن موصاحيبه لر آپاريلدي.

آ.ف.ي رئپورت: اوکتبرين ۲۷-سي ايسوئچين پايتاختي ستوکهولم شهري نين مرکزي مئيدانينيدا تورک ايشچي درنکلري فئدئراسيياسي نين تشکيلاتچيليغي ايله پ.ک.ک تروريزمينه قارشي اعتيراض ميتينقي کئچيريلدي.

مينلرله اينسانين ايشتيراک ائتديگي بو اعتيراض ميتينقينده قارداش تورک خالقي ايله برابر ستوجکهولمدا و اطراف شهرلرده ياشايان آذربايجانلي باجي و قارداچلاريميز دا فال ايشتيراک ائديرديلر.ازربايجان فئدئراسيياسي ايسوئچ اولاراق بو ميتينقده آذربايجانيميزي لاييقينجه تمسيل ائدن ” قاراباغ ” ، ” ارک ” ، ” آذربايجان ” ، ” بابک-لينکِپينگ ” ، ” آذربايجان نامينه ” و آديني چکه بيلمه ديگيميز بوتون تشکيلاتلارين ديرلي عوضولرينه تشککوروموزو بيلديريريک.

تورک ايشچي درنکلري فئدئراسيياسي نين تشکيلات مسئولو سامي گِرگولونون آپاريجيليغي ايله کئچن اعتيراض آکسيياسيندا تشکيلاتين سدري هسن دِلک،متبوعات کاتيبي مهمت آکتورک،گئنجلر فئدئراسيياسي نين سدري سلجوک اونلو ايله ياناشي آذربايجان فئدئراسيياسي ايسوئچين سدر موعاويني و تشکيلات مسئولو راهيم ساديقبئيلي ده چيخيش ائده رک دِوروموزون بلاسي اولان پ.ک.ک ترورونا قارشي بوتون صولحسئوئر اينسانلاري بيرگه فعاليت گِسترمه يه چاغيرديلار. راهيم ساديقبئيلي چيخيشيني آ.ف.ي باشقاني محمدرضا آغاپورون و ايه-نين تورکييه نين ايسوئچده کي سفيرليگينه و تورک ايشچي درنکلري فئدئراسيياسينا يازديغي موراجيعتي اوخوماقلا باشلادي. داها سونرا چيخيشچي تورکيه نين ترورلا قارشي موباريزه ده يالنيز اولماديغيني،آزربايجان رئسپوبليکاسي نين (جمهوري) و دونيادا ياشايان ۵۰ ميليونلوق آذربايجانليلارين دا اونلارين يانيندا اولدوغلاريني ميتينق ايشتيراکچيلاري قارشيسيندا بيان ائلئدي. اعتيراز ميتينگي مئهتئر و ايستيقلال مارشي ايله مارشلاري ايله موشايت اولوندو.