دئيمه منه، دئيسن منه دئييم سنه!!
بای بک، آذربایجان | آننا, ۱۶-ي زومار آی , ۱۱۰۰۷ اینجی ایل, چولا ۰۵:۰۵ | بای بک, تورکجه, مقاله
 |
. | يا آذربايجانليلار اوچون پول ييغيب اؤزلرينه تورکيه-ده، فرانسه-ده، باکي-دا، ايران-دا و حتي کانادا-دا مال ملک آلانلاري ايفشا ائدنلر، ميلتيميز اؤنونده آلقيشلاناجاقلار. چونکي بونلار بيليرلر او پوللارين آرخاسيندا روس مافياسي، ايران اطلاعاتي، آبش و او بيري اولکه لرين ماراغي دايانيب. بو ايشلره آيدينليق گتيرمک اوچون، سيزده مئيداندا اولان گئچميشي قارا آما مقام صاحيبي اولماغدا چاليشان اولانلارا سوروشون کي: ميللي حرکتده هانچي قارا سققه لر وار؟ |
اؤنجه بير خبر وئريم سيزه! بئله کي آذربايجان آدينا چايلشانلار هاميسي اوغوري، قاتيل و يا وطن ساتانديلار.
بو گونلر اؤزلرينه بازار آچان گئچميش ميللي فعال عادينا چاليشان بير سيرا شانتاژچي اؤز گرچک اوزلريني آيدينجا اورتاليغدا سرگيلييبلر. بو آداملار ايندي کي وضعيتدن يارارلاماق ايستييرلر.
باخين، سيزه بير نئجه اؤرنک وئريم تا دورومو سيزده باشا دوشه سيز.
فيکر ائليين کي بير تشکييلاتا اؤيه سيز، اوردا بير بالاجا ايختيلاف يارانير و سيز هاقلي اولان تارافي توتورسوز، سيز ساتقين آدلانديريلاجاقسيز!
فيکر ائليين بير اؤنري اورتاليغا آتيليب، سيز گئچميش سهولري گؤزده توتاراق بير سيرا سورو سوروشورسوز، سيز وطن خايينيسيز.
فيکر ائليين باکيدا ياپيلان آپارتمانلارين صاحيبينه، سن پول هاردان گتيردين سوربسوز، سيز باغيشلانمايان بير مانقوردسوز.
يوخاريدا گؤردويونوز فيکيرلرده اولدوغو کيمين، آيدين اولدي کي ايندي کي شانتاژچيلار هاردان باشلاييبلار. اولارين ايشي چوخ ساده دير آما آتا سؤزونده اولدوغو کيمين اؤره ک بولانديرير.
بو يازي نين ندني يالقيز بئله اوتانج وئريجي ايشلري رکلام ائتمک يوخ، بلکي سيزلرله فيکير پايلاشماق ايسته کي دير. آخي من ايسته ميرم ائله بير وطنده ياشايام کي اونو الده ائدنلر هاميسي اوغوري، قاتيل و يا وطن ساتان اولسونلار.
من سيزلردن سوروشماق ايسه تييرم کي نئجه بير قوروپ آداما ايناناجاقسيز کي گئچميشلري قاپقارادير و اينديسه ايشلرينه دوام وئريرلر؟
ايکي آيدير (ياخلاشيق) بير سيرا آداملار ايسته يير اؤز باشاريسيز اولدوقلاريني گيزلتسينلر. بو قروپ، بيرلشمک آدي آلتيندا ايسته ييرلر ائتديکلري سهولري گيزله ديب و ميللي حرکتده تؤرتديکلري ساواشلاري باشقالاري نين بوينونا آتسينلار.
بو آداملار آچيقجاسينا گليب و اؤز چيخيشلاريندا، اعتيراض ائدنلره حده قورخو گليرلر. حده لري ايسه بودور کي: يا بيزيمله اولون، يادا ميلته دييه جه ييک نه لر ائديبسيز! دئييرلر اليميزده چوخلو سند واردير کي ايسپات ائدير سيز خييانتکارسيز! پس بيزيم دئديگيميزي دينليين و بيزيم دئديکلريميزي سوروسوز يئرينه گتيرين!
من بونلارين ايشينه شانتاژ آدي قويوب و بئله بير بيرلشمه نين تماميله قارشيسيندايام.
ندني چوخ آيديندي. اگر گئچميشي قارا اينسانلار يئنيدن توپلانيب و بيرليک ياراتسالار! هاردان بلليدير کي بو بيرليک ساغلام قالاجاق و يولونا گئده جک؟
بو گؤن ميلتي بيرليگه چاغيران آداملارين گئچميشينه باخاندا اينسان اؤزوندن اوتانير. چوخلارينا ناموس قاراسي ياخان بو شخصلرين داغيتديقلاري يالانلار هله چوخلاري نين ايميل قوتولاريندا قاليب. يالان و اوتانج وئريجي ايتتيهاملارلا چوخلو صاديق فعاللاري حرکتدن سالان بو آداملار! نه اؤزله بيرليکدن دانيشيرلار؟
خالق مجاهدي اولان آداملارين ايشبيرليگيني دانماغا جسارت ائدن بو آداملارين بير سيراسي، گرچکدن ميلتيميزي نه يئرينه قويماغ ايسته ييرلر؟ بو دانيلماز بير فاکتدير کي بو گون ميللي حرکته قارا سققه (سياسي باخيمدان پوزقون آدام) ساييسي آرتيب. ميللي حرکت نه قدر بؤيودوکجه، بير او قدرده ماراخ قايناغينا بدل اولور.
داها اؤنجه کي يازيمدا بير سيرا تهلوکه يه توخونموشام. اينديکي يازيدا ايسه يالقيز سيزه بير سورو سورما تکليفي ائدمک نييتينديم. بو سورو اينانيرام کي سيزي ده ماراخلانديراجاق.
سورو: اگر ميللي حرکتده گئچميشي قارا اينسانلار وارديرسا (کي وار) و اگر سيز بو اينسانلاري تانيرسيزسا (کي تانيرسيز)، او زامان، ندن بونلاري ميلته آيدينلاتماييرسيز آما اؤز منافعييزه گؤره قوللانيرسيز؟
اگر بئله چيرکين ايشلرله، حده قورخويلا و شانتاژلا بيرليک ياراناجاق، سيزجه ميللي حرکته يارارلي مي اولاجاق؟ يقين کي اولماياجاق.
آما، بو آداملارين ايستکلري ندير؟
من حده قورخويلا ايشيم يوخدور، آما يانليش ياپيلان ايشلري دوزلتمک اوچون زامان وئرمک طرفداري اولموشام. ياني کي، او شخصلر کي بيليرلر خايينلر کيملرديلر، اؤز بيلديکلريين ميلته دئسه لر، هيچ، آما اگر دئمسه لر و اؤز شخصي منافعلري اوچون اينسانلاري حدله مکلرينه دوام ائتسه لر، اوندا من، مجبوري باشدا گئدن بو شانتاژچيلارين آدين چکمکدن چکينمه يه جه يم.
ميللي حرکت بئله آداملارلا ايلرله ييرسه، کسين اوتوزاجاق. الده سند واردير کي نئجه فعالاري حده له ييرلر! اگر گرچکدن بئله بير اينسانلار وارلارسا، ميلتيميز تانيمالي و ميللي حرکت اونلاردان تميزلنمه ليدير.
ميللي حرکت آدينا ان تانينميش ان چاليشقان و ان چوخ اؤيه لي بير تشکييلاتي (گاموح) وورماغا چاليشان آدليملارين ايشينه قارشيليق وئريلمزسه، حرکته جان يانديران قالماياجاق. بو ايشي فارس رئژيمي و باکي رئژيمي ايسته دي آما باجارمادي!
من چوخداندير کي گاموح-دا گئدن سياستي تنقيد ائديب و اونلارين باشخانليق سيستئملري نين ده ييشمه سيني وورقولاميشام. ايندي آرتيق گاموح بير فئدئرالچي يوخ بلکي تام ايستيقلالچي بير تشکيلاتدير. اونون يول وئرديگي سهولري دوزلتمک اوچون چاليشمالييق، گاموح-و داغيتماق اوچون يوخ! بيزلرين تنقيديندن سؤ-ايستيفاده ائديب گاموخ و شخص دکتر چؤهرقانليه تحقير ائدنلرين ياپديغلاري چيرکين ايشلر اونوتولماياجاقلار.
يا داک آديلا ياشاميني حرکته داخيل ائدن صاديق فعاللارين آرخاسيجا بؤهتان ياييب و اوتانماز اوتانماز بو صاديق فعاللارين عاييله سينه ناموس تؤهمتي وورانلاري، سيزجه ميلتيميز باغيشلاياجاق؟
يا آذربايجانليلار اوچون پول ييغيب اؤزلرينه تورکيه-ده، فرانسه-ده، باکي-دا، ايران-دا و حتي کانادا-دا مال ملک آلانلاري ايفشا ائدنلر، ميلتيميز اؤنونده آلقيشلاناجاقلار. چونکي بونلار بيليرلر او پوللارين آرخاسيندا روس مافياسي، ايران اطلاعاتي، آبش و او بيري اولکه لرين ماراغي دايانيب. بو ايشلره آيدينليق گتيرمک اوچون، سيزده مئيداندا اولان گئچميشي قارا آما مقام صاحيبي اولماغدا چاليشان اولانلارا سوروشون کي: ميللي حرکتده هانچي قارا سققه لر وار؟
بيليرسيز، ساغلام اينسانلار ميللي ساواشدا قازانارلار، ميللي حرکتي تميز ساخلاياق
تبريزلي باي بک
۰۶/۰۹/۲۰۰۷
گلاسگو
، بیر میللتین سسی
پایلاش | پرینت
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/2557.azr
یازینین اینترنت آدرسی
گوروش کاپانیبدی