آذربايجان ميللي هرکاتي نين سياسي نظريييه سي نين فورمالاشماسي اوچون تامپون جريانلار ديشلانماليدير - صمد نيکنام
بای بک، آذربایجان | اودگؤن, ۷-ي زومار آی , ۱۱۰۰۷ اینجی ایل, چولا ۰۳:۵۶ | تورکجه, مقاله
 |
. | آ.خ.ج تؤرمه لري و ائلچي بئي طرفدارلاري نين گونئي آذربايجانا عايد يوروتدويو ” سيياست ” گونئي آذربايجاني داها جيدي فلاکته دوچار ائده بيلر.
اؤزلريني گونئي آذربايجان سياسي موحيطينه سيريماق ايسته ين و آ.خ.ج ” ايدئولوژي سيندن ” قيدالانان ايستيقلالچي و بوتؤو آذربايجانچي کيمي چيخيش ائدنلر هرکاتيميزدا تامپون رولونو اويناييرلار. |
گونئي آذربايجان ميللي آزادليق هرکاتي نين سياسي نظريييه سي نين موزاکيره سي ايستيقلال، فئدئراليزم، مدني موختاريت، ميللي دؤولت و باشقا مؤوزولار اطرافيندا موباحيسه لرله دوام ائدير. بو مؤوزولار هاقدا موزاکيره آپارانلارين چوخ آز بؤلمه سي مسئله نين نظريييه کيمي اينجله يير و سياسي کونسئپسييا (دوشونجه) اورتايا قويور. بو مؤوزولار داها چوخ ايشلنمه ميش سياسي فيکير چرچيوه سيندن کنارا چيخمير.
گونئي آذربايجانين چاغداش سياسي موحيطينده ايشلنمه ميش خام فيکيرلرين مئيدان سولاماسي و بئله چيلپاق فيکيرلرين سياسي نظريييه کيمي قلمه وئريلمه سي، هرکاتيميزدا تهلوکه لي عاميلدير.
بو تهلوکه لي دورومو گونئي آذربايجان موحيطينه سيرييان، ۸۰-اينجي ايللرين سونو و ۹۰-اينجي ايللرين اولي قوزئي آذربايجانا قنيم کسيلميش ” ميلتچيلر ” و کوتلويلشميش هرکات دويغولاري اوزرينده فورمالاشميش دويغوسال و ناشي سيياستچيلر ايدي. او موحيطده زهرلنن بير سيرا گونئيلي گنجلر دئديکلري فيکيرلرين معناسينا وارمادان سون قلبه فانتازيياسينا اويدولار.
قوزئي آذربايجاندا گونئيليلردن عيبارت باشي پوزوق دسته آذربايجان خالق جبهه سي (آ.خ.ج) و بوتؤو آذربايجان بيرليگي (ب.ا.ب) آدلانان ييغينجاغين صدري ابولفضل ائلچي بئيين باشينا توپلاشميشلار. بو ييغينجاغا باشچيليق ائدن ائلچي بئي ۱۹۹۹-اونجو ايلده آدي چکيلن ييغينجاغين توپلانتيسيندا دئييردي: ” ايران ۲۰۰۲-اينجي ايلده داغيلاجاق ” . هئچ بير علمي آناليز و منطيقي تهليله اساسلانمادان فالچيليق مئتودو ايله دئييلن بو سؤزه اينانانلارين سايي چوخ ايدي. همين دؤور بو سؤزه اينانيب و ياخين ايللرده گونئي آذربايجانا رهبرليک ائتمک ايسته ينلرين هئچ نيي ده اولماسا خئيلي ناخيشلي قالستوکلاري (فوقوللاري) وار ايدي.
باکينين ۴۰ درجه ايستيسينده پئنجک-شالوارلا (کت شالوار) ياخاسي قالستوکلا (فوقول-کراوات) سيخيلميش کؤينکلرين ايچينده بيشنلري دينديرمک مومکون دئييلدي. ائلچي بئيين فالچيليغينا گؤره ايستيقلالچيليق و بولؤوچولوک قريپينه يولوخموشلاري يالنيز ايستيقلال و وطني بيرلشديرمک دوشوندوروردو. بو ايشين نئجه و هانسي سياسي نظريييه اساسيندا حياتا کئچيريله جگي هاقدا فيکير يوروتمک قابيليتلري اولماسا دا ائلچي بئي-ه ” موعاوينليک ” ائديرديلر.بای بک
آ.خ.ج و اونون تؤرمه سي اولان ب.ا.ب-چيلار دئييردي کي، سووئتلر بيرليگيني (شوروي) آ.خ.ج داغيتدي. سووئتلر بيرليگيني داغيدان بير قوروم اوچون ايراني داغيتماق چتين ايش دئييل. بو اويدورمالار گونئي آذربايجان سياسي موحيطينده نه قدر عئيبجر گؤرونسه ده اؤزونه يئر ائتمه يه چاليشيردي. آ.خ.ج و اونون تؤرمه سي اولان باب-اين گونئيلي واسساللاري اساسن ۹۰-اينجي ايللردن سونرا آذربايجان رئسپوبليکاسينا گلنلر و اروپا اؤلکه لرينده اولانلار ايدي.
آذربايجان رئسپوبليکاسينا (جمهوري) ۴۰-اينجي و ۸۰-اينجي ايللرده موهاجيرت ائتميش ۱۰ مينلرله گونئيليلردن کيمسه ني بو ييغينجاقلاردا گؤرمک اولمازدي. اونا گؤره کي، اونلار ۹۰-اينجي ايللرده آ.خ.ج- نين آذربايجان رئسپوبليکاسيني نئجه ” موستقيل ائتمه سي نين ” شاهيدي اولموشلار.
سووئتلر بيرليگي نين داغيلماسي تاريخين تکامول پروسئسينده قاچيلماز بير حاديثه ايدي. بو مؤوزودا هئچ بير تفررواتا وارمادان دئييم کي، ۱۵ رئسپوبليکانين هاميسي موستقيل اولاجاقدي.
سووئتلر بيرليگيني آ.خ.ج رهبرلري داغيتدي دئيه رک باغيرانلارين ديقتينه چاتديريم کي، آ.خ.ج رهبرلري سووئتلر بيرليگيني يوخ آذربايجاني داغيتدي. آذربايجانين تورپاقلاري آ.خ.ج- نين حاکيميت اوغروندا آپارديغي قانونسوز و زوراکي تدبيرلري نين قورباني اولوب.بای بک
بو هاقدا چوخ سايلي فاکتلار اولسا دا بير فاکتي قئيد ائتمک ايسترديم.
۱۹۸۹-اونجو ايل پاييز آيلاري ايدي. آ.خ.ج عوموم رئسپوبليکا تعطيلي اعلان ائتميشدي. هئچ بير يئر ايشلمير، رئسپوبليکانين ايقتيصادي اوبيئکتلري دونموش دورومدا ايدي. آخشام دؤولت تئلئويزيياسيندا آ.خ.ج نوماينده سي اعتيبار مممدوولا دؤولت نوماينده سي دانيشيغا چيخميشدي. دؤولتين نوماينده سي دئييردي کي، ” واقونلار گليب دايانيب دمير يولو واغزاليندا بوشالدان يوخدور. چؤرک زاوودلاريندا اونوموز قورتارير.
فئرمالاردا تويوقلاريميزين دني قورتاريب آجيندان قيريليرلار. تتيله سون قويون رئسپوبليکانين ايقتيصادياتي ضيان گؤرور ” ، آ.خ.ج نوماينده سي هيريلدايا-هيريلدايا گولور و دئييردي : ” تويوقلاريميزين دني قورتارار کسيب يئيريک ” .
بو جاواب آذربايجاني موستقيل ائتمک ايديعاسيندا اولان بير قورومون تمسيلچيسي نين جاوابي ايدي.
تويوقلارين دني قورتاردي کسديک يئديک، سونرا بو بيلر خاريجدن تويوق گتيريب اود قييمتينه خالقا ساتديلار و ميليونچو اولدولار.
آ.خ.ج و اونون رهبرليگي نين يوروتدويو سيياست نتيجه سينده آذربايجان رئسپوبليکاسي نين ايقتيصادياتي داغيلدي، ايشسيزليک باش آليب گئتدي، اهالي موفليسلشدي، اؤلکه نين اراضي بوتؤولوگو پوزولدو و موستقيلليگي تهلوکه قارشيسيندا قالدي. بونلار ۲۰ ژانويه قيرغينينا شرايط ياراتدي و خالقي قيرغينا سوروکله دي.بای بک
گونئي آذربايجانا “بئي لرين” پلانلاشديرديغي قيرغين و فلاکت يوخ، آزادليق و امنيت لازيمدير. بيز بوتون بونلاري دينج يوللا الده ائتمگي باجارماليييق.
آ.خ.ج تؤرمه لري و ائلچي بئي طرفدارلاري نين گونئي آذربايجانا عايد يوروتدويو ” سيياست ” گونئي آذربايجاني داها جيدي فلاکته دوچار ائده بيلر.
اؤزلريني گونئي آذربايجان سياسي موحيطينه سيريماق ايسته ين و آ.خ.ج ” ايدئولوژي سيندن ” قيدالانان ايستيقلالچي و بوتؤو آذربايجانچي کيمي چيخيش ائدنلر هرکاتيميزدا تامپون رولونو اويناييرلار.
آذربايجان ميللي آزادليق هرکاتي ميللي و موستقيل اولدوغو اوچون يالنيز ايچ عاميللرين حؤکم ائتديگي فيکيرلر اوزرينده ايشليه رک، هرکاتين سياسي نظريييه سيني فورمالاشديراجاقدير.
۱۴/۰۸/۲۰۰۷
، بیر میللتین سسی
پایلاش | پرینت
- قالايا ساري يئريين - پاشا سارخانلي
- آذربايجان اوزريندن ايران پوللاري “يويولور”
- آ.ف.ي داداش بي آسلانزاده دن تقدير ائتدي
- قورتولوشا ساري يولوموز (بيراينجي بولوم) - ماحمود علي چؤهره گانلي
- حسن هرگولي-ه (آزربايجان) قارشي قيييلان عدالتسيزليک حاقيندا ايلتيشمه
- گورجوستاندا مسجيدلر داغيديلاراق يئرينه کليسا لار تيکيلير
- علي اينسانوو ۱۱ ايل آزادليقدان محروم ائديلدي
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
- پنتاگون-ون آذربايجانلا باغلي هدفلري آچيقلاندي
- گونئي آذربايجان شهرلرينه کورد کؤچو باشلاييب
http://www.baybak.com
بای بک سایتیندان پرینت اولوب
http://www.11007.baybak.com/2457.azr
یازینین اینترنت آدرسی
گوروش کاپانیبدی