یاشاسین آذربایجان - Long live Azerbaijan

.

«حميد دؤزوملي» قارداشیمیزین «چالش های پیش روی پاسداران ، ارتشی ها و بسیجیان آذربایجانی» یازیسی منی بو فیکیره سالدی کی بو یازینی یازیم. و بیر سیرا سؤزلری کی ایندییه قدر ایسته میردیم آرایا گلسین ، اوستونو آچیم و باشقا دوستلاریمیزین دا نظرلرینی بو باره ده گؤزله ییم. بیزیم بو قارداش بو یازیسیندا کی یئنه ده تاسسوف ایلا فارس دیلینده یازیلیب (بئله گؤرونور کی فارس دیلینده یازماق ناخوشلوغو بیز آذربایجانلی لاردان ال چه کن دئییل) اؤز نظرینه ایسته ییر بیر

---

---

بیز کیمی ایسته ییریک آلداداق؟ اؤزوموزو؟ سیلاهلی قووه لری؟ باشقالارینی؟ منجه بیز بئله بیر اویونلاردا یالنیز اؤزوموزو آلدادیریق.

«حميد دؤزوملي» قارداشیمیزین «چالش های پیش روی پاسداران ، ارتشی ها و بسیجیان آذربایجانی» یازیسی منی بو فیکیره سالدی کی بو یازینی یازیم. و بیر سیرا سؤزلری کی ایندییه قدر ایسته میردیم آرایا گلسین ، اوستونو آچیم و باشقا دوستلاریمیزین دا نظرلرینی بو باره ده گؤزله ییم.

بیزیم بو قارداش بو یازیسیندا کی یئنه ده تاسسوف ایلا فارس دیلینده یازیلیب (بئله گؤرونور کی فارس دیلینده یازماق ناخوشلوغو بیز آذربایجانلی لاردان ال چه کن دئییل) اؤز نظرینه ایسته ییر بیر حوققا ایله سیلاهلی قووه لری اؤیه لرینه بئله بیر اؤتر وئرسین کی اونلارین منفعت لرینه دیر کی گلیب بیزلره (آذربایجان میللی حرکاتی نا) قاریشسینلار. آما بیزجه بو حوققا اونلارا اثر قویا بیلمز کی هئچ ، بلکه بیزیم ساده و یئنی حرکته گیرمیش آذربایجانلی لاریمیزی دا آلدادیب و دوزگون بیر یول دا آتدیملاماقی دا اللرین دن آلار.

یادیما گلیر کی ایل بایرامیدان اؤنجه بیر دوست ایله دانیشیردیق ، او دوستوموز دئییردی کی ایسته ییره م گئدیم بسیج قووه لرینده یازیلیم نییه کی بئله لیک ایله الیمه اسلحه دوشر و بیزه سیلاح اؤنملیدیر. دئدیم قاراشیم اگر سن اسلحه ایسته ییرسن ، گئت قارا بازاردان آلگینان ، بئله بیر راهات ایش اوچون گئدیب بونلارا یالوارماق لازیم دئییل. چونوب منه دئدی کی سن نه قدر بدبین سن. بابا بونلار او قدر ده پیس دئییل لر کی! ائله یاخشی آداملاری وار ها. بیر بسیجی نی گؤردوم تورکی شعر اوخویوردو. دئدیم نه شعری؟ دئدی اؤز شعری ایدی و جناب خامنه ای نی مدح ائدیردی. دئدیم سن گوناه سان ، منیم باشیما داش دوشسون . به سن هله بیلمه میسین بیز بئله بیر ادبییات دردیمیزه دئیمز؟ بیز بیر ادبیات ایسته ییریک کی آذربایجان اوچون ایشلنسین . خامنه ای نی مدح ائدن تورکی ادبیاتی باشیمیزا چالیریق؟

هر حالدا بیزیم بو دوست منیم سؤزلریمی قبول ائتمه ییب و گئدیب بسیج قووه لرینده یازیلدی. و او تورکی شعر دییه ن بسیجی ایله ده یولداش اولدیلار.

نئچه گون بوندان اؤنجه او دوستومو یئنه گؤردوم ، منی تشویق ائدیردی کی گئدیم بسیجه قاریشیم. منه دئییردی کی سنین صوحبتین ائیله میشم و دئمیشه م کی مئجه یاخشی قلمین وار و نئجه یاخشی تحلیل لر ائدرسن. مسئولوموز دا خوشونا گلدی و ایسته دی کی سنی گؤرسون و من سؤز وئرمیشم کی سنی اونون یانینا آپارام. دئدیم ساغ اول دا بیر دفعه آدرسیمی ده وئره یدین دا. دئدی آدرسین بیلمیردیم یوخسا فرماندهیمیز ایستیردی سنی تئزلیک ایله گؤرسون.

بیله سینه دئدیم آخی منیم ساده و بدبخت دوستوم سن بو ایشین ایله نه منه یاردیم ائتمیسن نه آذربایجانیمیزا ، یالنیز و یالنیز بو فارسلارا و اونلارا قوللوغ ائدن لره ایشله میسن. جاواب وئردی کی سن دوزه لن دئییلسن. …

«حميد دؤزوملي» قارداشیمیزین یازیسی منی یئنه او دوستوم ایلا آپاردیغیم سؤزلرین یادینا سالدی.

منیم قارداشیم «حميد دؤزوملي» ! بو قووه لر ده اولان اینسانلار اوچون سیز حساب گیده بیلمه سینیز. البتده هر سؤزده بیر سیرا ایستیثنالار دا اولا بیلر. و اگر سیز میللتچی سیلاهلی قووه ده اولان تانیییرسیز ، او شخص ده او ایستیثنالاردان دیر . ایستیثنا اوستونده ده حساب گئتمک اولماز.

«حميد دؤزوملي» قارداشیم منیم بیر اوزاق قوهوم لاریندان بیریسی اینتیظامی قووه لرده اولاراق بیلدیر خورداد آیی نین چال ها چال لاریندا بیزیم ائوه گلدی (او بیلیردی کی من او گونلرده ائو ده اولمایاجاغام) گلمیش ائشیگه چیخماغیما یقین تاپسین تا منی ایفشا ائده رک اؤزونه بیر ثواب قازانسین. قارداشیم بو قووه لرین ایچینده کی لرین اوستونده او قدر ایشله ییرلر کی دها قوهوم اقربا دا تانیمیرلار هارا قالسین میللی دوشونجه لر.

قارداشیم بیر قونشوموز واردیر کی سیپاه دا اولار ، بو اوشاغلاری ایلا فارسی دانیشار ، بیله سیندن سوروشدوم قارداشیم سیز تورکی دانیشیرسیز ، خانیمیزدا تورکی دانیشیر ، ندن اوشاغلارینیزا فارسی دانیشماغ اؤیره دیرسیز؟ جاواب وئردی کی بیزیم یالنیشلیقلاریمیزی اوشاغلاریمیز داها تکرار ائتمه مه لی دیرلر. بو سؤزو ائشیده ن زامان یاندیم کولوم چیخدی. آما ….

دئدیم قارداشیم سنین آتان تورک اولماق ایله یالنیشلیق ائدیب؟ دئدی جانیم سن ایسته ییرسن بیزی چوره ک یئمک دن سالاسان؟ بیریسی ائشیتسه سن ایله من بئله دانیشیریق من یازیق اولارام. بوشلا ….
«حميد دؤزوملي» قارداشیم سیز بئله بیر شخص لرین اوستونده حساب گئدیرسینیز؟

یازینیزین باشلاندیغیندا یازیرسیز کی «بئله نظره گلیر …» قارداشیم بویورمایین بئله نظره گلیر … بلکی بویورون بئله یقین دیر. مگر سیزین بو امرده شککیز واردیر؟

اوندان سونرا قارداشیم سیپاهی لر و بسیجی لر ، اگر نیظام دئییشیلسه ، بیزه ساری چؤنه جک لر دلیلینیز ده قبول ائتمه لی دئییل. بونلاردا او اینانج یوخدور ، بونلار بیزیم یولوموزا اینانج لاری یوخدور کی گلسینلر بیزه قاریشسینلار. اگر ده بیر زامان رزیمین دئییشیلمه سینه گؤره گلیب بیزه قاریشسالار ، اؤز منفعت لرینه گؤره و یولسوز و چاراسیزلیقلاریندان دیر یوخسا آذربایجان فیکرینده اولمایاجاقلار. بئله بیر آداملاردا بیزیم حرکتین دردینه دئیمزلر. بیز آذربایجان دوشونجه سی نه صاحیب اولان اینسانلارا احتییاجیمیز واردیر ، نه کی اؤزلرینه چالیشانلارا.

«حميد دؤزوملي» قارداشیم گلین آذربایجانین میللی حرکاتی نین دسیپلین-ین او قدر یوخاری آپاراق کی بو یولدا داها من اؤلوم ، سن اؤله سن ایله اؤزوموزه یولداش آختارمییاق. هر کیمسه اؤز خوشونا گلیب بیزه قاریشسا بیزدن دیر ، گلمییه نه ده داها زور یوخدور ، خاهیش تمننادا دا یوخدور. اینسان هر کیمسه یه یالوارماز.

قارداشیم بویورورسوز: «… ما نبایستی پاسداران و بسیجیان را بخاطر برخوردشان با جنبش آذربایجان محکوم کنیم بلکه بایستی با حوصله و تدابیر مناسب آنها را ازخواب غفلتی که در آن دچار هستند برهانیم.»

واللاه بیلمه میشدیک همی بونلاردان کوتک یییه ک همی ده بونلاری قینامییاق. هتمن ایسته ییرسیز اللرینی ده اؤپه ک؟

یوخ «حميد دؤزوملي» قارداشیم بئله دئییل. بیز ایندیسه آذربایجان میللی حرکاتی نین بیر اؤیه سی اولاراق بونلارا هوشدار وئریریک کی دوز یولا گلسینلر و توبه ائتسینلر. آذربایجانا ائتدیگی خیانت لری جوبران ائتسینلر. واخت الدن گئتمه میش گئدیب بو قووه لردن و نیرولاردان ایستعفا وئرسینلر و میللتین قوجاغینا قاییتسینلار ، او زامان مییلت ده بونلاری باغیشلایار ، حتتا اگر آدام دا اولدورسه لر ، جوبران ائتمک ایله مییلت اونلاری باغیشلایار. بیزیم میللت میهربان میللت دیر. آما اگر بئله ائله مه سه لر و ایندیکی یوللارینی دوام ائتسه لر ، بیزیم ده صاباح رفتاریمیز بونلار ایلا یاخشی اولمایاجاق.
بیز ایندیسه ده چالیشیریق بونلار ایله یاخشی دیل ایله دانیشیق آپاریب و بونلاری دوز یولا گه تیره ک. آما واختی گئچن زامان بونلار چاراسیزلیغدان بیزه ساری گلسه لر ، داها بیزه قبول اولان دئییل لر. میللت بونلارین ظولم لرین اونوتا بیلمز.

«حميد دؤزوملي» قارداشیم اگر بیلمیرسیز بیلین ، چوخلی وطنداشلاریمیز واردیر کی آند ایچیبلر. سؤز وئریبلر کی اگر بیر گون رژیم دئییشیلسه بو امنیتی قووهلرین و سیلاهلی قووه لرین اؤیه لری نین اؤیه لری نی بیر بیرینین باشینی که سه جک لر. البت بیز بئله بیر دوشونجه نی قبول ائتمیریک (بیزجه آدام اؤلدورمک ایله ایش دوزلمز ، او دوشونجه اؤلدورولمه لیدیر) آما بئله دوشوننلریمیز ده واردیر. و بو امنیتی قووه لرین اؤیه لری گرک او گونون قورخوسوندان دا اولوب ، توبه ائدیب و میللت قوجاغینا قاییتسینلار.

یئنه دئییره م بیزیم یولوموزدا یالوارماق یوخدور.

(حربي گؤجلرين ايچينده اولان ياپيني بيلمه ين سويداشلارين بئله ته له سيک جواب لار وئرمه سي اويقون ده يير. ارتش ايله بيسج يا سپاهين ايچ ياپيلاري تمامي ايله آيري ديلار. ارتش گؤجلو و شوونيست سئون ياپيا صاحيبدير حال بوکي بسيج و سپاه دا شخص ايستکلري و ديني اينانج اؤن رول اوينايير. دکتر دؤزوملي يازيسيندا بو ياپيلارا سؤيکه نه رک انجه لمه مه ياپيبلار. تعصب له اينانماياق کي هر آذربايجانلي هر يئرده اولسا ميللته وفادار قالاجاق. ارتش يا بسيج يا سپاه يا باشقا يئرلرين دورومونو اينديدن تارتيشماميز گرکير.

لوتفن يازيلاريزدا بير سيرا ساتاشان کليمه لرين قوللانماسيندا ديققتلي اولون. باي بک)

، بیر میللتین سسی

_ _ _ _ _ _ _
مربوط اُلان یازیلار

• ===> چالش های پیش روی پاسداران ، ارتشی ها و بسیجیان آذربایجانی - حميد دؤزوملي

پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش ۳

1. 
   

   : Tekin.Maharli سویلییر

   يئلگؤن ۲۷ قويروخدوغان ۱۱۰۰۷ @ ۷:۲۵ آ.خ

   Salamlar eziz http://WWW.BAYBAK.COM Saytinin sorumlusu!ilk once deyerli chalishmalarinizdan dolayi teshekur edirem.
   bu yazi haqda tenqidinize biraz toxunmaq istedim.
   Baxin eziz qardash teessufle Guney Azerbaycan Milli Herekati hele o qeder de ilerlemiyib ki butun xalqimiz oz ana dilinde yani Turk dilinde sozlerini beyan etsin.
   izin vermelisiniz ki herkes hansi dilde rahatdir o dilde yazsin.
   zamani gelince herne yerini tapacaqdir.
   Dozmeliyik ve chalishmaliyiq o qeder. bashqa charemiz yoxdur. xususen Milli Herekete teze dostlara qapini achia tutmaq lazimdir ki ulkub ve geri getmesinler ve ya sehv olaraq bashqa qapini doymesinler.
   chox sagolun
   SayqilarimlaL:Tekin.Maharli


2. 
   

   : بای بک سویلییر

   يئلگؤن ۲۷ قويروخدوغان ۱۱۰۰۷ @ ۷:۳۱ آ.خ

   سايقيلي تکين ماهارلي٫

   سيزين بو دوشونجه يه قاتيلاراق وورقولاماق ايسته ريک کي باشقا ديللرده يازماق ميللي حرکت اؤچون بير قازانجدير. آنجاق فارس ديلي بيزه تحميل اولدوقو اؤچون اويقون بير اؤرنک اولا بيلمير٫ اونو يئرينه انگليسجه يازماق هم ميللي حرکته گؤج وئرر و هم دونيا ايچينده تانيتيم ياپار.

   باي بک چاليشير هله ليک ايکي ديلده يازيلار يايينلاسين (بعضا تورکجه يازيا فارسجا جواب وئريلر و يا ترسينه٫ بلليدير کي يازارلار بو قونويا ديققت ائتمه ليديلر) آما بيزيم و هر بير آذربايجانلينين ايلک ايشي آنا ديليميزده يازيب اوخوماق دير.

   سيزدن بيرداها تشکر ائديب و سيزه ساغليقلا باشاري آرزو ائديريک.


3. 
   

   : hasan سویلییر

   يئلگؤن ۲۷ قويروخدوغان ۱۱۰۰۷ @ ۹:۰۶ آ.خ

   Tekin beyin yazisinen hec razilashmiram. Tenbelliqdan fars dilinde yazirlar Milletimizi shursuz hesablirlar. Arab Alfa betinen fars yazisinda oxuyabilen insan ele Azerbaycan dilinde de oxuyabiler havgacan bu esaret dilinden yapishacaguq. Ele yaxshi demishler “kor tutdugun buragmaz

   Birisi desin gorax bunlarinan Melekutunin ne fergi var Oda Farsca danishirdiki belke Ingilis bash Naziri Marqiret Tacher de bash tapa

RSS بو یازینین گوروشلرینین یمی