یاشاسین آذربایجان - Long live Azerbaijan

.

يوکو حاقيقتدير شانلي کاروانين، رؤياسي اوزوندور،دوشلري الوان، مقصدي گونشدير، هدفي اينسان، يولو دولامباچلي، جانلي کاروانين

---

---

اوزاقلاردان سسي گلير جرسلرين
کاروان گئدير آستا، آستا قاباغا،
ساربانلاري درمه ييرلر نفسلرين،
يوللاريندان جايماييرلار قيراغا

يوکو حاقيقتدير شانلي کاروانين،
رؤياسي اوزوندور،دوشلري الوان،
مقصدي گونشدير، هدفي اينسان،
يولو دولامباچلي، جانلي کاروانين

هر کولون ديبينده بير قاري شئيطان
هر داشين آلتيندا گورزه بير ايلان
سينه لر دردليدير، آياقلار يورقون
گولومسه يير آنجاق سارسيلماز ايمان:

گله جک سيزيندير، يقين سيزيندير
حاقيقت سيزيندير، يقين سيزيندير
گوللو باهار سيزين، گولوستان سيزين
گؤي قوشاغي سيزين، يقين سيزيندير

يول يئريرسيز،گئجه-گوندوز دئمه دن
ايره لي گئديرسيز بيرباش، خطر بيلمه دن
فيرتينادان، بوغاناغدان کئچيرسيز،
يولون توزون، گول يوزوزدن سيلمه دن

ياشادان سيزلرسيز، يارادان سيزلر
جان وئريب ديريلدن، آرادان سيزلر
جار چکيب گئرچگي، يوخونو قووان،
آغي آريدلايان، قارادان سيزلر

جانسيز جيسمه، روح وئردينيز،
مزارداکي اؤلولري ديريلتدينيز
دوسداقلاردا، آجي چکيب، قيوراناراق،
حاقيقتي بير عالمه بليرتدينيز

بو کاروانين سروانلاري سيزلرسيز
بو شهرين، دربانلاري سيزلرسيز
هلال اولسون امديگينيز سود سيزه
آذربايجان ائولادلاري سيزلرسيز

۱۰ آوگوست ۲۰۰۷

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی