یاشاسین آذربایجان - Long live Azerbaijan

.

سن، ايلک قالخيشينلا، سو جلادين، يورقونجا تؤوشورن، تئشنه لب اؤلکه وين، آتشلي قلبينه، و تازه قان آخيتدين، ايبليسين جاديسييلا بوزوشن، خسته روحونا

---

---

دوشونورم سني قارداشيم،
گؤردويوم زامان سيته لرده،
محزون صداقتله بيرلشن،
تمنناسيز گؤزلرووي
و اوجا داغلاردان آلديغين،
سارسيلماز متانتله،
ياواش، ياواش،
گؤيلره اوجالتديغين،
حاقيقت بيناسيني

سن،
ايلک قالخيشينلا،
سو جلادين،
يورقونجا تؤوشورن،
تئشنه لب اؤلکه وين،
آتشلي قلبينه،
و تازه قان آخيتدين،
ايبليسين جاديسييلا بوزوشن،
خسته روحونا

ايندي،
يونتورسان،
ياواش، ياواش،
نامردين قارا حيله سيني،
و دولدورورسان شرفله،
ائلين اومود درياسيني،
دوسداقلاردا ياتاراق،
و آجي هوزونلرين،
تيترک اللرينه،
ال آتاراق

چوخ دوشوندوم سني قارداشيم،
بو گئجه آنيدن،
آتارلار گونو موناسيبتيله،
سئوگيلي سئودا،
اوختاي ايله آتيلانين،
سنه هديه سي،
اول نئچه سؤزو

آخ تانريم،
نه چتيندير،
سئوگي يوکونو داشيياراق،
اؤز سئوگيليسيندن،
اوزاقدا قالماق

عباس ليساني،
ساغ اول، اوزون ياشا
ياورولارووون آدلاري،
باهار قونچالاري کيمي،
ياواش، ياواش،
مئيوه يه دولماقدادير،
خالقووون ايفتيخاري،
اومودو آدلار،
نئشتر کيمي،
ياغي نين،
چيرکين قلبينه باتماقدادير

عباس قارداش،
هر درده دؤزمک بير يانا،
ياورولاري اؤزله مک،
اونلارين دردينه دؤزمک،
بام-باشقا
سئنين آما قارداشيم،
اوره گين چوخ گئنيش،
بوتون ياورولارين،
اؤزلميني داشييان بير اورک

بيرده سون زامانلاردا يازديغين،
بير شعريني اوخودوم،
زينداندا يازميشسان
” آسلان بوسات ايله تپه گؤزون” ناغيلي
نه قدر اويقون بير عونوان،
و اينجي کيمي،
دوغما سؤزلر،

سئن،
عزيز قارداش،
اوستون سئچنک گوجونه ماليکسن؛
ائل يولو، وطن سئوگيسي
ساواشيب، ديرنمک،
ياشاييب، ياراتماق،
“سئودا، اوختاي، آتيلا” ،
” بوسات ايله تپه گؤز”
و آتالار گونونده،
ياورولارين سئوگيسيني،
زيندانلاردا ياشاماق

ساغ اول، اوزون ياشا
عباس ليساني
قملره چوخ اوزاتما اللريني،
قلم آل اللرينه،
بير شعر داها ياز
قورقودون سازييلا،
بو يول ياورولارا ياز
قوي اؤلوم هسرتدن،
جان چکيب، اؤلسون
و گولومسه سين “گؤي دالغا” يا
ماوي ابديت

۲۸/۰۷/۲۰۰۷

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی