یاشاسین آذربایجان - Long live Azerbaijan

.

آ.ف.ي (آزربايجان فئدئراسيونو ايسوئچ) باشقاني، جولاي-اين ۱۹-اوندا تاريخن آذربايجان توپراقلاري اولان ايشغال اولونموش داغليق قاراباغ اراضيسينده يارانميش تانينمايان جمهوريده پرئزيدئنت (جمهورباشخاني) سئچکيلري نين کئچيريلمه سين پيسليه رک ، بو سئچکيلري بمت تهلوکه سيزليک شوراسي نين قرارلارينا و آ.ت.ت اؤلکه لرينه قارشي يؤنلميش آچيق حؤرمتسيزليک ساييب، بو مسئله ني ايسوئچ کيمي باريشسئون اؤلکه نين پارلامئنتينده موزاکيره يه قبول اولونماسين

---

---

قاراباغ موناقيشه سي و غئيري-قانوني سئچکيلر ايسوئچ (سوئد) پارلامئنتينده قالديريلماليدير. بو مثله و ايستگي آفي باشقاني محمد رضا آغاپور رسمي فورمادا ايسوئچ پارلامائنتي نين دئپوتاتي هانس روته ئنبئرگ-ه تقديم ائتدي.

آ.ف.ي (آزربايجان فئدئراسيونو ايسوئچ) باشقاني، جولاي-اين ۱۹-اوندا تاريخن آذربايجان توپراقلاري اولان ايشغال اولونموش داغليق قاراباغ اراضيسينده يارانميش تانينمايان جمهوريده پرئزيدئنت (جمهورباشخاني) سئچکيلري نين کئچيريلمه سين پيسليه رک ، بو سئچکيلري بمت تهلوکه سيزليک شوراسي نين قرارلارينا و آ.ت.ت اؤلکه لرينه قارشي يؤنلميش آچيق حؤرمتسيزليک ساييب، بو مسئله ني ايسوئچ کيمي باريشسئون اؤلکه نين پارلامئنتينده موزاکيره يه قبول اولونماسين طلب ائتدي. آ.ف.ي سدري، غئيري-قانوني سئچکيلري موشاهيده ائتديکدن سونرا و اولوسلاراراسي (۸۲۲، ۸۵۳، ۸۷۴، ۸۸۴) قرارلار سايقيسيزليقدان سونرا بو مسئله نين ايسوئچين پارلامئنتينده گوندمه گتيريلمه سين واجيب و اؤنملي ايشلردن سايدي. هانس روته ئنبئرگ آ.ف.ي نين رسمي مکتوبون و بير-نئچه اؤنملي سندي (ب.م.ت نين ۸۲۲، ۸۵۳، ۸۷۴، ۸۸۴ قرارلارين) آ.ف.ي باشقانيندان تهويل آلديقدان سونرا، بو مسئله نين اهميتين وورقولاييب، بو ايستيقامتده فعاليت گؤستره جگيني وورغولادي.

بو گؤروش ايسوئچ پارلامئنتي نين يؤتئبورقداکي قرارگاهيندا گرچکلشميشدير. محمد رزا آغاپور بو گؤروشده هانس روته ئنبئرگ-آ سندلر کناريندا ائرمنيلرين تؤرتديکلري تئرور و جينايتلريله ايلگيلي بير سندلي کيتاب و نئچه سي.دي تهويل ائتدي.

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی