گونئي آذربايجان ميللي بيرليک شوراسي نين بابک قالاسي يوروشونه موناسيبتي
بای بک، آذربایجان | دوزگؤن, ۴-ي قوراپيشيرن , ۱۱۰۰۷ اینجی ایل, چولا ۱۷:۰۶ [آ.خ] | بیلدیریش, تورکجه
 |
. | گونئي آذربايجان ميللي بيرليک شوراسي بابک قالاسينا يوروشو ميلتيميزين بؤيوک باشاريسي ساياراق اونون دواميني داها بؤيوک اوغور حساب ائتمکده دير. اؤزلليکله داخيلده کي موباريزلريميزين زامان و مکان شرطلرينه گؤره منطيقي چاغيريشلارينا بويون اَيه رک ايستر بابک قالاسي مراسيمي ايسترسه ده شهرلرده پلانلانان دئموکراتيک تزاهوراتي وار گوجو ايله دستکله يير. آنجاق بيزيم فيکريميزجه “آذربايجان ميللي هرکاتي نين” بوتون ساهه لرده قاليب گلمه سي اوچون بيرلشيب گوج مرکزينه دؤنوشمه سي اؤن شرطدير. بوتون ميللي قوووه لريميز بير يوموروق کيمي بيرلشديگي گون آزادليق ايشيغينا گؤزلريميزين آيدينلاناجاغي درين اينانجيميزدير. بير- بيريزدن آيريلمايين آماندير. |
(يازي اؤزل اولاراق باي بک اؤچون لاتيندن کؤچورولوب)ايستکلي سويداشلار، ديرلي آذربايجان تورک ميلتي !
“آذربايجان ميللي هرکاتي نين” اينانيلماز سورعتله اينکيشافي نين موختليف سببلريندن بيريده، بلکه ان اؤنمليلريندن بيريده بابک قالاسينا يوروش مراسيمي اولموشدور.
بو سببلر آراسيندا، عدالتلي موباريزه، دئموکراتيک قايدالارا سؤيکنمک، بئينالخالق هوقوق چرچيوه سينده ميللي- سياسي اولگو ياراتماق، گنجلريميزين آچيق و آيدينجا، قورخمادان – چکينمه دن “هاراي هاراي من تورکم” دييه رک زيندانلاري فتح ائتمه سيده يئر آلماقدادير. آنجاق ان اؤنمليسي، ايرانچيليق آدي آلتيندا فارس شووينيزمينه خيدمتدن قوپوپ، بئيين ياريقلاريميزدا تورکلوک و تورکچولوک پرنسيپلريني يئرلشديرمگيميزيده اونوتماق دوغرو اولمازدي.
فارس شووينيزمي نين يالانچي تاريخچيلري بوتون ميللي قهرمانلاريميزي اؤزونه چيخديغي کيمي، آذربايجان اوغروندا ۲۲ ايل موباريزه آپاراراق نهايت ساميره ده قوللاري کسيله رک شهيد ائديلميش اولو بابکي ميزيده اوغورلاماغا چاليشميشدير. آنجاق ميللي دوشونورلريميز، اؤزلليکله سون زامانلار بؤيوک اوستاديميز رحمتليک پروف. در. زئهتابي نين چاليشمالاري و آراشديرمالاري بونا ايمکان وئرمه دي و بوگون بو ميللي قهرمانيميز بوتون آذربايجانليلارين اورگينده يئر آلميش و اونا سئوگي بسلنميشدير.
چوخ غريبه ديرکي، بو ميللي قهرمانلاريميزي باغريميزا باسديقجا، شووينيستلر اونلاري تخريب ائتمه يه چاليشير. بونون ان باريز نومونه سي بابک حاقيندا يايديقلاري يالانلار يانيندا سون زامانلار ستارخان، باقرخان و باشقالارينادا ياراشمييان ايفتيرالاري وورماقلاريدير. بو ايسه بيله رک ويا بيلمييه رک ايراندا فارسچيليق سيياستي نين آرخاسينجا گئدن سويداشلاريميزا بير اويانيش قامچيسي اولماليدير. اونلار سيزي، يوکلري مقصده چاتديقدان سونرا ذليل ائده جکلر، ميلتيزين قوينونا دؤنونکي ان ايستي و امنييئتلي يووادير.
دکتر زهتابي بابکين دوغوم گونون تير آيي نين (جولاي) اوللرينده تسبيت ائتديکدن سونرا تبريزده “آذربايجان اوجاغيندا” موزاکيره ائده رک بابک هفته سي و يا بابک قالاسينا يوروش مراسيميني پلانلاشديردي و ۱۹۹۵-اين جي ايلده ايلک دفعه اولاراق ۲۳ نفرليک بير ميللي موباريز قروپ ايله بو قالايا يوروشو باشلاتدي. آز بير مودت عرضينده بو حرکت کئيفييت و کمييت باخيميندان او قدر بؤيودو و هرکاتيميزي گوجلنديردي کي، تئهران حاکيمييتيني قورخويا سالماقلا بيرليکده بؤلگه ده کي بعضي قوووه لريده ديسکينديردي. هر ايل تير آيي نين ۱۰-او و يا اونا ياخين جومعه گونلري گرچکلشن بو يوروشه بوتؤو آذربايجاندان يوزمينلر وطن آشيقلري قوشولدو و ميللي- سياسي مراسيملر گئچيرتمه يه باشلادي.
قورخويا دوشن فارس شووينيستلري نين پرويز ورجاوند آديندا بير نوماينده سي ۳ اکتبر ۲۰۰۰–اينجي ايل او زامان پرئزيدئنت اولان خاتمييه بير مکتوب يازاراق بو يوروشون قارشيسيني آلماغا “آذربايجان ميللي هرکاتي نين” اينکيشافيني اؤنلنمه يه چاغيردي.
خاتمي نين داخيلي ايشلر نازيرليگينه گؤندرديگي آسيب-کسمه فرمانينا باخميياراق ۲۰۰۱-اينجي ايل بابک قالاسينا يوروش ائله بير عظمتله گئچيريلديکي، فارس شووينيزمي نين الينده اولان تبريز راديو-تئلئويزيونو، ايشتيراک ائدنلرين ساييني دفعه لرله آزالداراق اؤنجه ۱۰۰ مين و سونرا سيفاريشلر اساسيندا ۵۰-۳۰ مين نفر اعلان ائتمه يه مجبور قالدي. بو آرادا بازتاب سيته سينينده يالانچي رقملري و ميلتيميزه ائتديگي اهانتلري البتته کي اونوتماميشيق.
قورخويا دوشن ائرمنيلر ايسه تبريزده ياشييان و اؤزلريني ائرمني و ائرمنيستاني مودافه ائتمکله سوروملو سايان بير ائرمني قوروپو يارتديلار.
۲۰۰۱-اينجي ايل يوروشوندن سونرا بو قروپ تبريزده ۷۰ نفرليک بير ايجلاس گئچيردي. آبراهامييانين سديرليگي، شيرين هاقوئردييانين تشکيلاتچيليغي و ائميل هاکوپيانين دعوتي ايله گئچيريلن بو ايجلاس تئهرانا بير مکتوب يازدي. آذربايجان ميللي هرکاتي نين گؤسترجه سينه دؤنموش بابک قالاسينا يوروش و بو هرکاتين قارشيسيني آلماق اوچون ايش بيرليگي تکليف ائديلدي.
بو زامان تهران بير طرفدن گونيين فعاللاريني ياخالارکن، بير طرفدن شمسي تبريز و نويدي آذربايجان قازئتلريني باغلاييب اونلارين باش رئداکتورلارين محکمه لره سئوق ائتدي. ديگر طرفدن ايسه بوتون ميللي مراسيملري ياساق ائده رک تانينميش موباريزلري محکمه لرده سورونندورمک سيياستينه باشلادي. بونادا قانع اولموياراق ميللي هرکاتا مانع تؤرتمک اوچون قوزئي آذربايجانادا هوجوملار باشلاتدي، طياره و گميلرله موستققيل بير اؤلکه نين سرحدلريني پوزماغا اوز گتيردي.
۱۴/۰۷/۲۰۰۱–ده او زامان تبريز اوستانداري اولان يحيي محمديان-ي ايراوانا گؤندرمکله ائرمنيلرين تکليفلري باش توتموش اولسادا هر طرفلي هوجوم دوام ائتدي. ائرمنيستاندا چيخان “آزق” قازئتي ، تبريزده رئژيم طرفداري اولان نداي آذربايجان قازئتلري ايله بيرليکده تبريز راديو تئلئويزيونو هوجوملاري نين ايتي اوجونو قوزئي آذربايجاندا فعاليت گؤسترن گونئيليلره يؤنلده رک بابک مراسيمينه يارديمچي اولان بو قايناغيدا قوروتماغا چاليشديلار (باخ: نداي آذربايجان نومره ۴۳ تاريخ- دي آيي نين ۲۱-اي ۱۳۷۹، نومره ۴۴ تاريخ بهمن آيي نين ۱۰-او ۱۳۷۹، باکيدا چيخان نئيترال قازئتي نين ۱۳ مي ۲۰۰۱ نومره سي و يئني موساوات قازئتي نين ۶ سپتامبر ۲۰۰۱ تاريخلي سايينا). کين قينيندان چيخارديقلاري بو قيلينجين کسگين اوزونو ايسه داها ضياده هوقوق مودافيعه چيلرينه ساري ساللاديلار.
۲۰۰۱-ده ايران تهلوکه سيزليک شوراسي نين سدري حسن روحاني نين باکي سفري و شيمالي آذربايجاندا گئنج دؤولتيميزه ائتديکلري باسقيلار نتيجه سينده آذربايجان دؤولتي ايله ايمضالاديقلاري ۲۸ مادده ليک آنلاشما دا بو اينکيشافي دايانديرامادي. چونکي ۲۰۰۲-اينجي ايل بابک قورولتايي داها شيددتلي، داها گوجلو، داها سيستئماتيک و داها گئنيش بير بيچيمده گئچدي و قارشيسي آلينانلار داغلاردان پييادا آشاراق قالاني فتح ائتدي. اردبيل حرکتچيلري نين “بايينديرخان” تاماشاسي باشلادي و ۲۰۰۳-اونجو ايلده بوتون دونياني هئيران قويدو.
عزيز سويداشلار،
فارس شووينيزمي نين بو داغيديجي، آسدي-کسدي سيياستي و زوراکيليق تطبیقي ميلتيميزي ييپرادامادي-ييخامادي، بلکه گونو – گوندن موقاويمتيميزي آرتيردي، گنجلريميزين سينه سيني دلينمز بير قالخانا چئويردي.
اونلار ياخشي بيليرلرکي، تورکو – تورکدن باشقاسي ييخاماز. اسکي اويونلاري نين دواميندا بيزي اؤز ايچيميزدن پارچالاماغا سورعت وئره رک ۲۰۰۳-اونجو ايل بابک قالاسيندا ميللي موباريزلري آچيقجا قارشي- قارشييا قويدولار. ايش اورايا چاتديکي، اطلاعاتچيلار ميلتچي کؤينگينه بورونوب، دوم-دورو تميز ميللي دوشونجه لي گنجلريميزين ايچينه نوفوز ائده رک بابک قالاسيندا ديرلي آقساققال موباريز، عزيزي به يه ال اوزاتديلار.
۲۰۰۴-اونجو ايلده موختليف بهانه لرله ميللي هرکاتي پارچالاماغا دوغرو آتيلان آدديملاردان بيريده بابک قالاسينا يورويوشون تاريخيني دئييشه رک تير آيي نين ۱۸-اي تکليفي اولسادا ميلت ائتي ايله قاني ايله بئجرديگي بو آغاجين کؤکلريني قوروماغا قويمادي. بوتون چتينليکلره باخميياراق مراسيم گئچيريلدي و او ايلين ياددا قالان ديرلي سؤزو، بوگون تبريز زيندانيندا زنجيره چکيلميش ديرلي چنگيز بي بختاورين حيات يولداشي نين خيتابه سي اولدو. اونون اوغلونو قالادا ياخالييان پليس قوووه لرينه بورلا خاتون نفسي ايله هايقيراراق دئدي “اوغلومو آپاريرسيز آپارين، آما سازيني وئرمرم” . بو نفسلر ميلتيميزه جان وئردي و خوردادين بيري ديرچه ليشينه يئني بير سورعت قازانديردي.
ميللي موبارزه تاريخيميزين بؤيوک ايفتيخاري ساييلان خورداد آيي نين بيري ديرچه ليشي آچيقجا گؤستردي کي، آرتيق گونئي آذربايجانين بوتون شهرلري، قصبه لري، کندلري،داغلاري و داشلاري بابک قالاسينا- موقاويمت مئيدانينا چئوريلميشدير. بو اينانجيميزين آلتيني چيزه رک!
گونئي آذربايجان ميللي بيرليک شوراسي بابک قالاسينا يوروشو ميلتيميزين بؤيوک باشاريسي ساياراق اونون دواميني داها بؤيوک اوغور حساب ائتمکده دير. اؤزلليکله داخيلده کي موباريزلريميزين زامان و مکان شرطلرينه گؤره منطيقي چاغيريشلارينا بويون اَيه رک ايستر بابک قالاسي مراسيمي ايسترسه ده شهرلرده پلانلانان دئموکراتيک تزاهوراتي وار گوجو ايله دستکله يير. آنجاق بيزيم فيکريميزجه “آذربايجان ميللي هرکاتي نين” بوتون ساهه لرده قاليب گلمه سي اوچون بيرلشيب گوج مرکزينه دؤنوشمه سي اؤن شرطدير. بوتون ميللي قوووه لريميز بير يوموروق کيمي بيرلشديگي گون آزادليق ايشيغينا گؤزلريميزين آيدينلاناجاغي درين اينانجيميزدير. بير- بيريزدن آيريلمايين آماندير.
گونئي آذربايجان ميللي بيرليک شوراسي
۲۰ ژوئن ۲۰۰۷
، بیر میللتین سسی
پایلاش | پرینت
بورا باغلي يازيلار:
- زبان فارسي ، باستان گرايي و هويت ايرانيان٫ در پاسخ تقريرات رضا براهني - محمد جلالي چيمه
- اعتراف روزنامه جام جم در خصوص وحشي بودن پارسها و نابودي تمدن تورک بدست آنان
- نگاهي به ايدئولوژي و عملكرد جبهه ملي - سعيد رهبر
- جنبش دانشجويي و حركت ملي آذربايجان - ماوي داغ قيزي
- موضوع نسل کشي ارامنه و اهداف سياسي پشت آن - الياس واحدي
- جداسازي اعضاي بدن انسان هاي زنده در چين
- اطلاعيه باي بک در مورد چاپلوسي برادران موحدي: تفاله هايي که ميخواهند با استفاده از نام باي بک به نوائي برسند!
- مسافران نوروزي: هر فصل استان اردبيل جلوه ديگري براي گردشگري دارد
- نابودي همه جانبه آذربايجان: دانشگاه تبريز٫ دومين دانشگاه جامع ايران در ليست ۸ دانشگاه برتر نيست!
- “شاهنامه بايسنقري”، متعلق به مجموعه سازمان ميراث فرهنگي و گردشگري و “ربع رشيدي”، معلق به كتابخانه مركزي تبريز براي ثبت در حافظه جهاني پذيرفته شده اند
http://www.baybak.com
بای بک سایتیندان پرینت اولوب
http://www.11007.baybak.com/1516.azr
یازینین اینترنت آدرسی
گوروش کاپانیبدی