سابير روستمخانلي آ.ت.ت-اين باکي اوفيسي نين رهبرينه مکتوب عنوانلاييب
بای بک، آذربایجان | آننا, ۱۸-ي قئزاران , ۱۱۰۰۷ اینجی ایل, چولا ۱۶:۳۳ [آ.خ] | تورکجه, خبرلر
 |
. | دئمه لي، سيزه آذربايجانين دئموکراتيک اينکيشافيندا ماراقلي اولانلار يوخ، سياسي سيفاريشلرينيزي ايجرا ائدنلر داها چوخ لازيمدير.
بو، نه تبليغ ائتديگينيز دئموکراتيک پرينسيپلره، نه غرب ايدئيالارينا، نه اينسان هاقلارينا، نه آ.ت.ت-اين پرينسيپلرينه قطعييين اويغون دئييل. بونلاري نظره آلاراق، سيزين پرينسيپلرينيزي بير داها آيدينلاشديرماغينيزي و مکتوبومو جاوابلانديرماغينيزي خواهيش ائديرم. نظرينيزه چاتديريرام کي، من آ.ت.ت-اين باکي اوفيسي نين بو جور فعاليتييله علاقه دار |
(يازي اؤزل اولاراق باي بک اؤچون لاتيندن کؤچورولوب) بو گون وطنداش همريليگي پارتيياسي نين (و.ه.پ) سدري، ميلت وکيلي سابير روستمخانلي آتت-اين باکي اوفيسي نين رهبري خوسئ-لويس هئررئرويا مکتوب اونوانلاييب.
مکتوبدا دئييلير: «بير نئچه گون اؤنجه باکيدا سفرده اولان آ.ت.ت سدري، ايسپانييانين خاريجي ايشلر نازيري ميگئل آنهئل موراتينوس و آ.ت.ت پ.ا-نين سدري قوران لئنمارکئر آذربايجاندا فاليت گؤسترن بعضي سياسي پارتييا و ايجتيماي تشکيلاتلارين رهبرلري ايله گؤروش کئچيريبلر. و بو گؤروشه وطنداش همريليگي پارتيياسي دعوت اولونماييب.
عوموميتله، آ.ت.ت -اين باکي اوفيسي نين، ايستر سيزدن اولکي، ايسترسه ده سيزين گليشينيزدن سونرا، سياسي پارتييالارلا قوردوغو موناسيبتلري، همچي نين کئچيرديگي گؤروشلرده کي پرينسيپلريني آنلاماق مومکون دئييل. اگر آ.ت.ت -اين باکي اوفيسي موعين موزاکيره لرين يالنيز پارلامئنت پارتييالاري ايله آپاريلماسينا طرفدارديرسا، اوندا وطنداش همريليگي پارتيياسي بو گؤروشلره موطلق دعوت اولونماليدير. چونکي و.ه.پ ميللي مجليسده ۳ دئپوتاتلا تمسيل اولونور و آ.ش. پ.ا-دا آذربايجان نوماينده هئيتي نين ترکيبينده کي موخاليفتيچي دئپوتاتلاردان ايکيسي و.ه.پ-چيدير.
يوخ، آ.ت.ت -اين موزاکيره لره دعوت پرينسيپي پارتييالارين سئچکيلرده ايشتيراکي و توپلاديغي سسلرله موعينلشيرسه، وطنداش همريليگي پارتيياسي يئنه ده دعوت اولونمالييدي. چونکي و.ه.پ ۱۹۹۵، ۲۰۰۰ و ۲۰۰۵-اينجي ايللر پارلامئنت، ۱۹۹۹ و ۲۰۰۴-اونجو ايللر بله ديييه، همچي نين ۲۰۰۳-اونجو ايلده پرئزيدئنت سئچکيلرينده اؤز ناميزه دي ايله ايشتيراک ائديب. ۱۹۹۵-اينجي ايلده و.ه.پ پارلامئنتده ۱ دئپوتاتلا تمسيل اولونوب؛ ۲۰۰۰-اينجي ايل پارلامئنت سئچکيلرينده و.ه.پ ۶ فايزليک مينيمال باريئري آشاراق ۳ يئر قازانيب؛ ۲۰۰۵-اينجي ايل سئچکيلرينده ايسه موژاريتار قايدادا ناميزدليگيني ايره لي سورن ۲۳ و.ه.پ-چيدن ۳-او قاليب گليب.
همچي نين ۲۰۰۴-اونجو ايل بله ديييه سئچکيلرينده وطنداش همريليگي پارتيياسي تاسيسچيسي اولدوغو «دئموکراتيک آذربايجان بلوکو»نون سيياهيسي ايله سئچکيلره قاتيليب. خاطيرلاديم کي، بلوکدان سئچکيلره قاتيلان ۱۸۰۰-ه ياخين ناميزددن ۱۵۵۳-او و.ه.پ-چي اولوب و بلوکدان ۳۷۴ نفر بله ديييه سئچکيلرينده قاليب گليب کي، اونون دا ۳۷۰ نفري و.ه.پ-چيدير.
اگر آ.ت.ت موخاليفت پارتييالاري ايله گؤروشلري سياسي قوروملارين ايجتيماي نوفوزونا و ائلئکتوراتينا گؤره موعينلشديريرسه، يئنه ده وهپ بو گؤروشلره دعوت آلمالييدي. چونکي وطنداش همريليگي پارتيياسي سيرالاريندا ۲۶ ميندان آرتيق عوضوو بيرلشديرير، پارتيياميزين آذربايجانين ۶۴ رايونوندا يئرلي تشکيلاتلاري فعاليت گؤسترير، پارتييانين قزئتي، ژورنالي درج اولونور، ائلئکترون اونوانلاريميز گونده ليک فاليتيميزله باغلي معلوماتلاري ياييملايير، پارتيياميز مرکزي سئچکي کوميسسيياسيندا تمسيل اولونور و ساير…
حالبوکي آ.ت.ت -اين تشببوسو ايله کئچيريلن گؤروشلره دعوت آلان پارتييالاردان ائله لري وار کي، نه پارلامئنتده تمسيل اولونورلار، نه بؤلگه لرده بير دنه ده اولسون يئرلي تشکيلاتلاري وار، نه عوضولري نين سايي ۱۰۰ نفري آشير، نه رسمي دؤولت قئيددياتيندان کئچيب، نه ده هانسيسا سئچکيده ايشتيراک ائديب…
آ.ت.ت بو گؤروشلره دعوتي پارتييانين توتدوغو سياسي خطينه و دئموکراتيک پرينسيپلره مئيلليليگينه گؤره موعينلشديريرسه، وهپ يئنه ده کناردا قالماماليدير. چونکي و.ه.پ آذربايجاندا وطنداش جمعيتي نين ياراديلماسي نين، هوقوقي و دئموکراتيک دؤولتين قورولماسي نين، همچي نين غربه اينتئقراسييانين طرفداريدير.
حالبوکي آ.ت.ت -اين گؤروشلره دعوت ائتديگي پارتييالارين ايچريسينده روسييامئيللي، قرب ديرلريندن ايمتيناع ائدن و هئچ بير نوفوزا، ائلئکتوراتا ماليک اولمايان پارتييالار دا اولور.
بئله ليکله، جناب سفير، منيم اوچون ماراقليدير: سيز هانسي پرينسيپلرله ايشله ييرسينيز؟
طبيعي کي، بو سوالين قارشيسيندا ايستر-ايسته مز جمعيتده دولاشان بعضي شوبهه لره مئيللنمکدن آيري علاج قالمير. بئله کي، گؤرونور، آ.ت.ت -اين باکي اوفيسي آذربايجانين سياسي موحيطينه تاثير ائتمک، اؤز ماراقلارينا جاواب وئرن موعين سياسي قروپلارين اينکيشافينا شرايت ياراتماق، اونلارين بين الخالق علاقه لري نين گئنيش اولماسييلا باغلي تصوورلري گئنيشلنديرمکله همين پارتييالارين ايجتيماعي نوفوزونو قالديرماق يولونو توتموشدور. ايستر-ايسته مز، همين ماراقلارين ايچينده اقتصادي فساد، ماليييه، سياسي سيفاريش و ساير ماراقلارين گيزلنديگيني سئزمه مک مومکون دئييل.
دئمه لي، سيزه آذربايجانين دئموکراتيک اينکيشافيندا ماراقلي اولانلار يوخ، سياسي سيفاريشلرينيزي ايجرا ائدنلر داها چوخ لازيمدير.
بو، نه تبليغ ائتديگينيز دئموکراتيک پرينسيپلره، نه غرب ايدئيالارينا، نه اينسان هاقلارينا، نه آ.ت.ت-اين پرينسيپلرينه قطعييين اويغون دئييل.
بونلاري نظره آلاراق، سيزين پرينسيپلرينيزي بير داها آيدينلاشديرماغينيزي و مکتوبومو جاوابلانديرماغينيزي خواهيش ائديرم. نظرينيزه چاتديريرام کي، من آ.ت.ت-اين باکي اوفيسي نين بو جور فعاليتييله علاقه دار آ.ت.ت سدريني معلوماتلانديراجاغام».
و.ه.پ (وطنداش همرايليگي پارتيسي) متبوعات خيدمتي
، بیر میللتین سسی
پایلاش | پرینت
بورا باغلي يازيلار:
- خوروز قويروغي می، یوخسا عباس-ا آند ایچمک می؟ مرتضی نگاهی نه دئيير؟
- سنين کيمي قارداش اولماز اولايدي !؟٫ (الهام عليئو) - ماحمود علي چؤهره قانلي
- ايلهام اليئو-ين آدي متبوعاتي ان چوخ تعقيب٫ اذيت ائديب و ژورناليستلري اؤلدورن ۱۰ ديکتاتورلا ياناشي چکيلدي
- علييئولر عاييله سي ده پارچالاندي
- توران خانيم جاويد - گؤنتاي گئنجآلپ
- چرا نبايد به سرويسهاي اينترنتي غير تورک اطمينان نمود؟ الفبا را چه کنيم؟
- ساختاکارليق باش توتمادي
- ناتو-دان آذربايجانا ديپلوماتيک هوجوم
- ائلچي بئیله اوز- اوزه - گؤنتاي گئنجآلپ (جاوانشير)
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
http://www.baybak.com
بای بک سایتیندان پرینت اولوب
http://www.11007.baybak.com/1232.azr
یازینین اینترنت آدرسی
گوروش کاپانیبدی