بوتؤولوک و بايراقيميزلا ايلگيلي… - ا. آلتونباي
بای بک، آذربایجان | آننا, ۱۸-ي قئزاران , ۱۱۰۰۷ اینجی ایل, چولا ۰۲:۴۵ [گ.ؤ] | تورکجه, مقاله
 |
. | بو يازي اؤزل اولاراق باي بک اؤچون هازيرلانيب: بو سونلاردا دورنا* و آزادتريبون* سيته سينده سايين قارداشيم گؤنتاي جاوانشير بئيين بايراق و بوتؤولوک قونوسويلا ايلگيلي فيکيرلرينه توش گلديم. دئسم کي شاشيرديم - تعجوبلنديم، چاغيميزداکي موداچيليک يايقينليغينا ديقتسيز اولموش کيمي سئرگيلئنئردير.
حالا تاريخ و … بير يانا … دئمک ايچريده کي هرکات منسوپلاري نه دئديکلريني چوخ ياخشي بيليرلر و نه زامان هانسي سيمگه ميزين اوزلنديرمه سينده اوزلري چوخ دقيق آنميشلار. بيز اونلاردان اؤيرنمه لييک دئمک…! بير ميلته گونده نئجه سيمگه و يول گوسترمکده بولونوپدا تهقير و … اوازق قزمه لييک قارداشيم، قارداشلاريم. |
بو يازي اؤزل اولاراق باي بک اؤچون هازيرلانيب: بو سونلاردا دورنا* و آزادتريبون* سيته سينده سايين قارداشيم گؤنتاي جاوانشير بئيين بايراق و بوتؤولوک قونوسويلا ايلگيلي فيکيرلرينه توش گلديم. دئسم کي شاشيرديم - تعجوبلنديم، چاغيميزداکي موداچيليک يايقينليغينا ديقتسيز اولموش کيمي سئرگيلئنئردير.
ائلئشديرمئک نييتيم يوخدور. يالنيز قارداشيما دئمک ايسته ديگيم بودور کي: قارداش بير اولوسون (ميللئتين) اوزون وعده لي اولوسال وارليغي و چيخارلاري نين نئته لئشمه سي و اونونلا، دوغال اولاراق بيرگه، سيمگه لري نين و وارليق آلاني نين دورولوپ بللنمه سي و بونلارلا يئنه بيرگه او ميلتين اولوسال هرکاتي نين گئت-گئده دوغرو يولون بولوپ و هارا واراجاغيني آنلاييپ دورولوپ و سئللنمه سي آيدا - ايلده بير دييشه جک شئيلر دييرلر.
بو قونولار اينسا نين ساچلاري نين و يا گئييمي نين دونيا مودا بازارلاري شرطلريندن آسيلي کيمي نئچه آيدا بير دييشه جک دييرلر، اولادا بيلمزلر. اؤيله بير ايستکده بولونماق، سيزين قيناماق چاباسيندا اولدوغونوز دويقوسالليغا، بيرتؤر قاپيلماقدير. اگر خوش گؤرويله ياناشساق، آغزيما داش-توپراق ترس حالدا فيرساتجيليک و يا سياسي فيريلداق سانيلا بيلئر.
بير ميلتين واريليغي و او وارليغين ساخلانيلما عزمي، او ميلتين ساهيپ اولدوغو تاريخي و ياشاديغي توپراق، سو و هاوا قاپساميندا و يا آلانيندا اؤز سياسي ائقه منليگين ساغلاماسيندان آسيليدير. بو عزمده او ميلتين اؤزونه قايمدير و اؤزوندن قايناقلانار.
ديش عاميل٫ ائله ديش عاميلدير دوغرو دونيادا يان اتگيدن باساقا دوام گتيره جک (سوستئين ائديله جک) شانسي اولماز، باخماياراق کي چوخ دوزنلي و دوزنسيز بازارلامالار، ديپلوماتيک اويونلار، فيريلداخلار و بعضن هاي-کويلرله آداشسادا.
تاريخسل اؤلچودن ياخين بير زاماندا پارچالانميش بو ميلتين گؤز(؟) ياراسيني ساغالتماق عزمي خييالچيلار دونياسيندا خييال سانيلار.
بوتؤولوغوموزون هر آچيدان آلتياپيسي يئري يئرينده دورور. اؤنجه لرده بوتؤولشمه ييميزين بير يولجوسو کيمي داورانان بعضي قارداشلاريميز سنه ده بير سياسي موداچيليقلاريني اؤزلري نين ايشينه بلکه گلير. ايچئريده کي جاني آووجوندا اولوسال موجاديله وئرن قهرمانلاريميز اؤزلري چوخ ياخشي بيليرلر کي هارا وارماق ايسته ييرلر. ديشاريدان اونلارا ديپلوماتيک مصلحتلر آغيلي پؤزلانديريپ آشاغا دوشورمه ده بولونماق آغيل ديشي سانيلماز مي!
آغيل، قورخو، مصلحت، دونيا شرطلريله داورانيش، ائکونوميک دوروم، اولماز ابدا اولاماز. ايستک قيتليغي، ايستک اولسادا باشاري قيتليغي و بو کيمي توتوملار اولوسال هرکاتلاريميزدا اؤتن ۱۲۰ ايلده چوخ تيکرارلانميش و سرتلنديريلمه ميکانيزميله اؤز “آغيلليلاريميز” الي له بيزه تور کيمي توخونموشدور، اووسون وسيلسينه دونموش بو قاوراملار آرتيق ميلتيميزي و ميللي موجاديله چيلريميزي بيخديرميشدير. بوکز بيزيم ميلتچيلر گؤروندويو کيمي ميلتيميزين و اؤلکه ميزين هارا وارماسيني بري باشدان دورو توتموش گؤرونورلر. ائله بو بيلگي و دورولوق چاغداش ميللي هرکاتيميزي اؤته کي لريندن فئرقلنديرير. ميلت نئت اولاراق هارا وارماسين آنلاسا داها سورون چؤزومون لاييقجه سينه بولوپ-تاپا بيلر.
اولوسال موجاديله وئرن ايگيتلريميزين بير هارايين (شوعارين) اؤرنک کيمي وئرمک ايسترم و اونونلا سؤزومو سونا چاتديرمالييام.
آغيلين کلفلنمه سين آشا بيلميش و آغيللارين نئتله ميش ايگيتلريميز هايکيريرلار کي: ” …آزربايجان بير اولسون - مرکزي تبريز اولسون… ” . بو نه دئمکدير! و ندن مرکز تبريز ايسته نيلير؟ بو سورقولاري اينجله مک اوچون سيزه سادجه بير آجي، آما ميلتي نين و اولکه سي نين قايغيسيندا اولانلارا اويانديريجي اولايي، ائلجه ده ندني وورقولاييم ايزينيزل: ايللر اونجه روسيه باشقاني پوتين ايشباشينا يئني گلنده بير آي اولور-اولماز وطنين قوزئيينه، اينديکي باشکند باکي’يا “گؤروشه” گلدي، چوخلاريميزين خاطيرينده واردير کي بو گزي نورمال بير اولکه باشقاني اوبيري بير اولکئ باشقاني ايله گؤروشئ گئتمه فورماسين آلمادي. پوتين جنابلاري نورمال سيويل ويا باشقانليک اوشاغي ايلئ يوخ، خزر دنيزينده کي آغير سيلاهلارلا ياراقلانان ساواش گميلرينه مينيپ گئتيردي دوولت آپاراتي نين بيناسي نين ۱۰۰ مترليگينده، بيناني توشلاييپ و او زامان رحمتليک حيدر اليئو آذربايجان جومهورييتي نين باشقاني ايله “گؤروش” ياپدي!
بو ظاهيرده نورمال گؤروش آذربايجان ميللي هرکاتچيلارين خطر زنگين وورموش اولدو. بوندان و بو کيمي گرچکلردن عيبرت آلينير کي بير اولکه نين باشکندي ۳۰ تاققا (دقيقه) ايچينده باسيلا بيله جک بير کند اولماميليدير. آياقدا قاليپ و وارليغيني سوردورمک ايسته ين بير ميلتين و اولکه نين باشکندي او اولکه نين جوغرافي دئموقرافيک آچيسيندان اورتالاريندا و گئچيلمز داغلارين آراسيندا و قوروغوندا اولان بير کند (شهر) اولماليدير. آذربايجان خريته سينه قيسسا بير باخيش آتان هر وطنسئور اونون هانيسي کند اولماسين بير آندا آنلار. حالا تاريخ و … بير يانا … دئمک ايچريده کي هرکات منسوپلاري نه دئديکلريني چوخ ياخشي بيليرلر و نه زامان هانسي سيمگه ميزين اوزلنديرمه سينده اوزلري چوخ دقيق آنميشلار.
بيز اونلاردان اؤيرنمه لييک دئمک…! بير ميلته گونده نئجه سيمگه و يول گوسترمکده بولونوپدا تهقير و … اوازق قزمه لييک قارداشيم، قارداشلاريم.
درين سايقيلاريملا آذربايجان سئوداليلارينا،
۳۰/۰۵/۲۰۰۷
* www.durna.se
* [1] www.azadtribun…
، بیر میللتین سسی_ _ _ _ _ _ _
مربوط اُلان یازیلار
پایلاش | پرینت
بورا باغلي يازيلار:
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/1226.azr
یازینین اینترنت آدرسی
یازیده ایشه آلینان اینترنت آدرسلری
[1] www.azadtribun…: http://www.azadtribun.net
گوروش کاپانیبدی