ب.م.ت اينسان هاقلاري شوراسيندا ايران-ين اينسان هاقلاري باخيمدان ايزلنمسيني دايانديرما قرارينا اعتيراض - بؤيوک رسولوغلو
بای بک، آذربایجان | يئلگؤن, ۱۵-ي گؤلن آی , ۱۱۰۰۷ اینجی ایل, چولا ۱۵:۳۱ [آ.خ] | تورکجه, خبرلر
|
تأسوفله نيريک کي، ۲۶ مارچ ۲۰۰۷-دن بري ب.م.ت-نين اينسان هاقلاري اوزره شوراسي ايران-دا اينسان هاقلاري نين دهشتلي پوزولماسيني ايزله ممک قرارينا چاتميشدير. بو خبري سيزين وئبسيتنيزدن دئييل اوسته وئريلن ببج خبر قايناغيندان دوغرولانديغيني اؤيرنديک.
شوبهه سيز، بو اوزوجو سس وئرمه نين نتيجه سيني تخمين ائتمک سيزه چتين دئييلدير. بو قرار ايندي ب.م.ت-ني بئله بير ريسک ايله اوزلشديرير کي، ايران تنقيد اولماياراق بير طرفدن اينسان هاقلاريني چکينمه دن تاپداياجاق او بيري طرفدن هر بير فردي دئموکراتيک هاقلاردان يوخسون ائتمه يه جسارت قازاناجاق. سيز ايله بيرباشا ايلتيشمگيميزدن مقصديميز بو قرارين نتيجه لريني وورغولاماقدير کي، بوندان سونرا ايران-دا اينسان هاقلاري داها آغير دوروما سوروکلنه جک؛ ايران هؤکومتي |
ساي : ۴۵۲/۲۰۰۷ تاريخ: ۵ آپريل ۲۰۰۷
جناب بان کي-موون، حؤرمتلي باش کاتيب، بيرلشميش ميلتلر تشکيلاتي، نيويورک
اوزو:
ب.م.ت، اينسان هاقلاري اوزره عالي کوميسسارليق، ژنو، لوطفا بو مکتوبو آشاغيداکي قروپلارا چاتديراسينيز:
• اؤز-خوشونا توتوقلانما اوزره چاليشان قروپ،
• چاغداش عيرقچيليک، عيرقي آيري-سئچکيليک و قاتلاشمازليق اوزره اؤزل راپورتئر
• ميللي آزليقلار اوزره موستقيل موتخصيص خانيم هارريسون و ديک بئي،
آمنئستي اينتئرناشنال، لندن
اروپا شوراسي
کوتلوي اينفورماسييا واسيطه لري
حؤرمتلي باش کاتيب، جناب بان کي-موون،
موراجيعت: ۲۶ مارچ ۲۰۰۷-ده ب.م.ت اينسان هاقلاري شوراسيندا ايران-ين اينسان هاقلاري باخيمدان ايزلنمسيني دايانديرما قرارينا اعتيراض ([1] www.bbc.co.uk/…)
تأسوفله نيريک کي، ۲۶ مارچ ۲۰۰۷-دن بري ب.م.ت-نين اينسان هاقلاري اوزره شوراسي ايران-دا اينسان هاقلاري نين دهشتلي پوزولماسيني ايزله ممک قرارينا چاتميشدير. بو خبري سيزين وئبسيتنيزدن دئييل اوسته وئريلن ببج خبر قايناغيندان دوغرولانديغيني اؤيرنديک.
شوبهه سيز، بو اوزوجو سس وئرمه نين نتيجه سيني تخمين ائتمک سيزه چتين دئييلدير. بو قرار ايندي ب.م.ت-ني بئله بير ريسک ايله اوزلشديرير کي، ايران تنقيد اولماياراق بير طرفدن اينسان هاقلاريني چکينمه دن تاپداياجاق او بيري طرفدن هر بير فردي دئموکراتيک هاقلاردان يوخسون ائتمه يه جسارت قازاناجاق. سيز ايله بيرباشا ايلتيشمگيميزدن مقصديميز بو قرارين نتيجه لريني وورغولاماقدير کي، بوندان سونرا ايران-دا اينسان هاقلاري داها آغير دوروما سوروکلنه جک؛ ايران هؤکومتي حالن ترکيبينده اولان گونئي آذربايجان-ي داها شيددتله ازه جک؛ و بورادا ميللي و اينسان هاقلاريني وار گوجو ايله تاپداياجاق.
دونازهاک گونئي آذربايجان-ين بير غئيري-هؤکومت اؤرگوتودور و ايران اليندن بئزيکن گونئي آذربايجان ميلتي نين ميللي و اينساني هاقلاريني قوروماق اوچون ب.م.ت-نين اينسان هاقلاري اوزره عالي کوميسسارليغينا ايلتيشمه لر تقديم ائدر. ديقتينيزه چاتديرماق ايستيريک کي، گونئي آذربايجان حتّی آنا ديلينده بئله تحصيلدن ده يوخسون ائديلميشدير. بو و بونا بنزير هاقسيزليقلار مي ۲۰۰۶ کوتله اعتيراضلاري نين باشليجا سببلريندن بيريسي اولموشدو. محض او گونلرده ان آزي ۱۵ معصوم گونئي آذربايجان-لي قانون-ديشي جان-ايتگيسينه معروض قالديلار. ايران يئتگيليلري بير طرفدن اونلارين عاييله لريني قورخوداراق قانوني باشوورولارين قارشيسيني آلدي و او بيري طرفدن اؤز غدارليقلاريني اؤرت-باسدير ائتديلر. گونئي آذربايجان-ي بورويئن بو اعتيراض دالغالاري نين نتيجه سينده ۱۰ مين نفره ياخين فردلر ياخالانديلار يادا توتوقلانديلار و بونلارين يوزدن چوخو اؤز-خوشونا زيندان حؤکمونه معروض قالديلار، اوسته ليک مينلر ده ايشلريندن قووولدولار.
ب.م.ت-نين اينسان هاقلاري شوراسيندا عوضو اولان بير نئچه اوزدن ائيراق دئموکراتيک اؤلکه ايران-ين کوبودجاسينا اينسان هاقلاريني پوزماسيني اؤرت-باس ائتمه يه چاليشيرلار. لاکين سيزي بيلگيلنديرمک ايسته ييريک کي، سيزين تشکيلاتين اينسان هاقلاري اوزره عالي کوميسسارليغي ايران-دا گونئي آذربايجان-ليلارين ميللي و اينساني هاقلاري نين تاپدانماسينا اؤز راپورتلاريندا يئترينجه ايستيناد ائتمکده دير. بو باره ده اينسان هاقلاري اوزره باشقا بين الخالق قوروملار دا گرکن ائتيرزالاري قالديريب و ميلتيميزين هارايينا چاتميشلار. بونا اؤرنک اولاراق، آمنئستي اينتئرناشنال-اي قئيد ائتمک اولار کي، بوراخديقلاري تعجيلي آکسييالاري ليست ائديب بيلگينيز اوچون آشاغيداکي جدولده هوزورلارينيزا تقديم ائديريک. بو موناسيبتلردن ۲۰۰۷-اينجي ايل بئين الخالق آنا ديلي گونو اوچون اولان تعجيلي آکسيياني دا ديقتينيز اوچون سانجاقلاييريق. بونلار جانلي شاهيدديرلر کي، ايران-ين اينسان هاقلاريني تاپداماسيني ايزله ممک خطالي بير حرکتدير و ب.م.ت-نين هئيسيتيني لکلنديره جک.
بشريته اوميد وئرن و عدالتسيزليگي دينج موباريزه ايله اورتادان قالديرماق اوچون اينسان هاقلاري بياننامه لريني باغريميزا باسيريق. تأسوفله، ايران-ين عدالتسيزجه حاکيميتينه معروض قالان گونئي آذربايجان-ين اينسان هاقلاريني قوروماق اوچون سيزين تشکيلاتين الينده ايندي گوجلو بير مئکانيزم يوخدور. باخمياياراق کي، ايران-دا دواملي اولاراق دئموکراتيک هاقلار تاپدانير و ديکتاتورلوک اؤلچولري آرتير. ايندي سيزين تشکيلات و اؤزلليکله ايران-ين حده-قورخوسوندان ديسکينن بعضي دؤولتلر او اؤلکه نين اويونچاغي اولما ريسکينه معروضدورلار. سيزين گونئي آذربايجان-ا اولان ظولملرين چوخالماسينا گؤز يومما زوروندا قالاجاغينيز بيزي و بوتون دئموکراتلاري ناراحات ائدير. اينانيريق کي، غئيري-دئموکراتيک ايران-ين اليندن بئزيکن گونئي آذربايجان دئموکراتلاري نين کئچيرديگي تشويشي باشا دوشورسونوز.
سايين باش کاتيب،
بو مکتوبلا بيرگه سايين کوفي عنان جنابلارينا گونئي آذربايجان پروبلئمي ايله باغلي يازديغيميز ايکي موراجيعتي ده هوزورلارينيزا گؤندريريک (مکتوب ۱: ساي ۳۳۶/۲۰۰۶، تاريخ ۱۵/۰۶/۲۰۰۶ و مکتوب ۲: ساي ۳۲۳/۲۰۰۶، تاريخ ۱۹/۰۵/۲۰۰۶). اوميد ائديريک کي، بوتون بو معلوماتلاري نظرده آلاراق بوتون ميللي-اينساني هاقلاردان يوخسون اولان ۳۰ ميليون گونئي آذربايجان-لي نين سسينه سس وئره جکسينيز. ائلجه ده او قرارين دئموکراتيک اوسوللارلا بين الخالق هوقوق اساسيندا لغوينه چاليشاجاقسينيز.
درين حؤرمتلريمله،
بؤيوک رسولوغلو
دونيا آذربايجانليلاري نين هاقلاريني مودافيعه کوميته سي نين سدري
|
گونئي آذربايجان حاقيندا آمنئستي اينتئرناشنال-اين بوراخديغي تعجيلي آکسييالار |
||
|
1 |
MDE 13/046 / 2005 |
24 Avqust 2005 |
|
2 |
MDE 13/039 / 2006 |
19 Aprel 2006 |
|
3 |
MDE 13/046 / 2006 |
4 May 2006 |
|
4 |
MDE 13/047 / 2006 |
5 May 2006 |
|
5 |
MDE 13/055 / 2006 |
26 May 2006 |
|
6 |
MDE 13/063/ 2006 |
8 İyun 2006 |
|
7 |
MDE 13/064/ 2006 |
9 İyun 2006 |
|
8 |
MDE 13/ 067/ 2006 |
16 İyun 2006 |
|
9 |
MDE 13/ 068/ 2006 |
20 İyun 2006 |
|
10 |
MDE 13/ 071/ 2006 |
23 İyun 2006 |
|
11 |
MDE 13/ 074/ 2006 |
29 İyun 2006 |
|
12 |
MDE 13/ 101/ 2006 |
12 Septambr 2006 |
|
13 |
MDE 13/ 105/ 2006 |
19 Septambr 2006 |
|
14 |
MDE 13/ 108/2006 |
25 Septambr 2006 |
|
15 |
MDE 13/ 118/2006 |
11 Oktobr 2006 |
|
16 |
MDE 13/ 125/ 2006 |
8 Noyabr 2006 |
|
17 |
MDE 13/ 124/ 2006 |
17 Noyabr 2006 |
|
18 |
MDE 13/ 128/ 2006 |
28 Noyabr 2006 |
|
19 |
MDE 13/ 133/ 2006 |
6 Dekabr 2006 |
|
20 |
MDE 13/ 139/ 2006 |
21 Dekabr 2006 |
|
21 |
MDE 13/ 012/ 2007 |
1 Fevral 2007 |
|
22 |
MDE 13/ 014/ 2007 |
6 Fevral 2007 |
|
23 |
MDE 13 / 020/ 2007 |
26 Fevral 2007 |
|
24 |
MDE 13/ 027 / 2007 |
9 Mart 2007 |
|
25 |
MDE 13/ 036/ 2007 |
23 Mart 2007 |
|
26 |
MDE 13/ 037/ 2007 |
26 Mart 2007 |
، بیر میللتین سسی
پایلاش | پرینت
بورا باغلي يازيلار:
- گزارشی از Amnesty International در مورد اعدامهای صورت گرفته از سال ۲۰۰۶ تا کنون ایران
- بیانیه عفو بین الملل در خصوص بهروز صفری و همسر وی لیلا حیدری
- افشای توطئه آمريکا عليه حماس
- جنگ انرژي در اوراسياي مركزي
- بیانیه عفو بین الملل در خصوص سعید متین پور و برادر او علیرضا متین پور
- ركوردشكني پايتخت توليد ترياك جهان زير سايه آمريكا
- مسئله تجاوز، اسلامیزه شدن پاکستان و حمایت آمریکا!
- ايران؛ مشتري اصلي بنزين جمهوري آذربايجان
- سکوي نخست رشد اقتصادي جهان در اختيار آذربايجان شمالي
- متن کامل قطعنامه شوراي امنيت سازمان ملل متحد درباره ايران
http://www.baybak.com
بای بک سایتیندان پرینت اولوب
http://www.11007.baybak.com/699.azr
یازینین اینترنت آدرسی
یازیده ایشه آلینان اینترنت آدرسلری
[1] www.bbc.co.uk/…: http://www.bbc.co.uk/persian/iran/story/2007/03/070326_w-humanrightscouncil.shtml
گوروش کاپانیبدی