ق.ص. تبريزي-دن شوک آچيقلاما: جواد درختي چته سيندن تهديد!
بای بک، آذربایجان | دوزگؤن, ۲۰-ي بوز آی , ۱۱۰۰۷ اینجی ایل, چولا ۱۳:۴۲ | تورکجه, خبرلر
 |
. | سابير روستمخانلي پ.ک.ک اؤيه لريله گيزلي علاقه لري اولدوغو ايديعا اولونور. بو باره ده اونون گئچن آيلاردا خاريجي اولکه لرين بيرينده سفيرليک طرفيندن دوزنلنن گيزلي توپلانتيلاردا پ.ک.ک-چيلارلا ايشبيرليگي آپارماغا راضيليق وئرمه سي شوبهه ياراديبدير. هابئله اونون ايران سفيرليگيله گئچيرديگي توپلانتي اونون شوبهه لي ايشلرينه آرتيريليبدير. ندن کي بير سيرا اداره هيئتي اؤيه سي جناب تبريزيني ايران سفيرليگيله علاقه ده اولماغدان سوچلاييبلار، بو علاقه سوبوت اولماييبدير. آنجاق سئچديکلري يئني سدر آچيق آشکار ايران سفيرليگينه باش وئرور!
هله ليک جناب درختي بو قونويا آچيقليق وئرمييبدير. د.ا.ک و اوندا باش وئرن اولايلار توم آذربايجانليلاري اوزمکده دير. داها اؤنجه تورکيه ده ترور و دئوريمچيليکله سوچلانان د.ا.ک يئتکيليسي امکلي ژنرال ولي کيچيک پاشا هله ده شوبهه آلتيندادير. بئله مافياچيليق، ترور و پ.ک.ک-چيليقلار لا د.ا.ک هانچي يولا دوشوب سوروسو بير چوخلو اينسانين عاغليندادير. آنجاق بو سورولار گئتديکجه چوخالير و عاغيللاردان ديللره داشينير. جاواب زاماني چاتاجاق مي؟ بو سورويا زامان يانيت وئره جک. |
دونن پالتالک دانيشيغي آپاران د.ا.ک باشخاني پروفسور غلامرضا صبري تبريزي بير سيرا مسئله لره توخوناراق د.ا.ک-دا باش وئرن ديديشمه لرين اساسلارينا توخونوب.
آلديغيميز بيلگيلره گؤره، د.ا.ک آدينا بير چوخلو شخص اوز منافعلري و يا باشقا دئولتلرين منافعي اوچون د.ا.ک-دا فعاليت گؤستريرلر. بير چوخلو قانونسوز ايشلملر، ياساق اولاراق پول آلماقلار و.س کيمي ايشلر د.ا.ک ايچينده نورمال بير دوروم کيمي اؤزونه يئر آچيبدير.
گئچن ايل اداره هيئتي طرفيندن سدر سچيلن جناب تبريزي بوگونه قدر بير چوخلو پول اؤز جيبيندن د.ا.ک اوچون خرجلييب و حتّی بير سيرا د.ا.ک يئتکيليسي اوندان پول آليب و گئري وئرمک نييتينده دييللر! بو اولايلار اينانيلماز شکيلده تارتيشما و سؤز ساواشلارينا ندن اولوب.
د.ا.ک باشخاني اولماغ اوچون يئنيدن فعاليته گئچن اسکي باشخان جواد درختي ايسه بو اولايلارين مرکزينده دايانيب. جناب درختي گئچن قورولتايدا ۶ ايل سدرليکدن سونرا ايشدن چيخاريليب و يئرينه چوخلو سس ايله جناب تبريزي سئچيليب.
جناب تبريزي ايشه باشلاديقدان سونرا بير سيرا تارتيشمالار يارانيب. اونون ايران يئتکيليلريله سئخ علاقه لري، ايرانان قولايجا گئديب گلمه سي و حتّی ايران سفيرليگي مأمورلارييلا گيزلي گؤروشمه لري شوبهه دوغوروبدور. بونلاري يالانلايان جناب تبريزي ايديعالاري ايره لي سورنلره قارا ياخان آدي وئريب.
د.ا.ک اداره هيئتي اؤيه لري ايکييه بؤلونه رک، بير سيراسي جناب تبريزي نين آرخاسيندا و بير سيراسيدا جناب درختي نين کناريندا دوروبلار. طرفسيز بير ايکي نفرسه گاه او طرف و گاه بو طرفه داشينيرلار.
آنجاق اولايلارين بيري داها چوخ شاشيرديجي گؤرونور. ميلت وکيلي اولان سابير روستمخانلي داها اؤنجه جناب تبريزي نين ساغ الي اولاراق هر يئرده اونو مودافيعه ائديبدير. آما آنيدن يئر دييشديريب و يئني باشخان اولماق مرحله سينه قدر يوکسه ليبدير. بو اولاي جناب روستمخانلي نين جناب تبريزيني آرخادان پيچاقلاماسي اولاراق ديرلنديريليبدير.
سابير روستمخانلي پ.ک.ک اؤيه لريله گيزلي علاقه لري اولدوغو ايديعا اولونور. بو باره ده اونون گئچن آيلاردا خاريجي اولکه لرين بيرينده سفيرليک طرفيندن دوزنلنن گيزلي توپلانتيلاردا پ.ک.ک-چيلارلا ايشبيرليگي آپارماغا راضيليق وئرمه سي شوبهه ياراديبدير. هابئله اونون ايران سفيرليگيله گئچيرديگي توپلانتي اونون شوبهه لي ايشلرينه آرتيريليبدير. ندن کي بير سيرا اداره هيئتي اؤيه سي جناب تبريزيني ايران سفيرليگيله علاقه ده اولماغدان سوچلاييبلار، بو علاقه سوبوت اولماييبدير. آنجاق سئچديکلري يئني سدر آچيق آشکار ايران سفيرليگينه باش وئرور!
جناب تبريزي دانشيغلاريندا بيلديريب کي سدر سچيلديکدن سونرا جناب درختيله گؤروشوب و اونا ايشبيرليگي تکليف ائديب. جناب درختي ايسه بونا راضيليق وئره رک داها اؤنجه ياپديغي ناراحاتچيليقلارين سببين کئفلي اولماسي (الکل دان) بيلديريب و جناب تبريزيدن عذر ايسته ييب. آما داها سونرا نئچه جيپ اتوموبيلي جناب تبريزيني موحاسيره ائده رک اوندان ايسته ييبدير کي گرک سدرليکدن واز گئچسين.
بو سؤزلري ديله گتيرن جناب تبريزي نين دئديگينه گؤره، اولاي تام مافيا سالديريسي کيمين باش وئريب.
هله ليک جناب درختي بو قونويا آچيقليق وئرمييبدير. د.ا.ک و اوندا باش وئرن اولايلار توم آذربايجانليلاري اوزمکده دير. داها اؤنجه تورکيه ده ترور و دئوريمچيليکله سوچلانان د.ا.ک يئتکيليسي امکلي ژنرال ولي کيچيک پاشا هله ده شوبهه آلتيندادير. بئله مافياچيليق، ترور و پ.ک.ک-چيليقلار لا د.ا.ک هانچي يولا دوشوب سوروسو بير چوخلو اينسانين عاغليندادير. آنجاق بو سورولار گئتديکجه چوخالير و عاغيللاردان ديللره داشينير. جاواب زاماني چاتاجاق مي؟ بو سورويا زامان يانيت وئره جک.
، بیر میللتین سسی
پایلاش | پرینت
- تاپيلمادي
گوروش ۱
http://www.baybak.com
بای بک سایتیندان پرینت اولوب
http://www.11007.baybak.com/4665.azr
یازینین اینترنت آدرسی
: تورکيه ده “ائرگئنئکون” عملياتي ايله باغلي حبسلر آرتير سویلییر
دوزگؤن ۲۰ بوز آی ۱۱۰۰۷ @ ۲:۱۵ گ.ؤ
[…] ق.ص. تبريزي-دن شوک آچيقلاما: جواد درختي چته سيندن تهديد! [۲] “ائرگئنئکون” ايستينطاقيندان اؤنملي نتيجه لر [۳] […]