يارادليش افسانه سي و قادين - سارخانلي پاشا
بای بک، آذربایجان | سؤتگؤن, ۱۹-ي بوز آی , ۱۱۰۰۷ اینجی ایل, چولا ۰۲:۳۵ [گ.ؤ] | تورکجه, شعر
 |
. | تانري واردي
اؤز ايچينده بوجالاييب دوران تانري، |
باشلانقيجدا، نه گؤي واردي، نه يئر واردي
يوغون بير قارانليق، چولغاميشدي فضاني
نه گون واردي، نه آي واردي، نه اولدوز
بوتون بوشلوغو دولدوران، آراليقدا،
تانري واردي
اؤز ايچينده بوجالاييب دوران تانري،
دوشوندو کي سالسين ايشه، فانتئزيني، ايبتيکاري
بوشلوق ايله سوسقونلوقدان يورولموشدو
دوشوندو کي؛ آزاد ائتسين، حرکتله، ايختيياري
باشلاميشدي بو بيکرانه عالمين،
بير يئرينده
قارا بولود، آلوولانيب،
فيرلاناراق داييره ده
قارين وئريب، شيشيردي او، داشيردي او
خيزلا باسيب دولدوروردو بوشلوقلاري،
ساکيت اولوب، دورماييردي اؤز يئرينده
سايسيز ايللر، بوروقلانيب، کلفلنن
بو بولوتلار،
ان سونوندا بؤلونوبن،
سايسيز، حسابسيز تالايا
يووارلانيب،فيرلانديلار يينه خيزلا،
اکسنلري اطرافيندا،
گون کئچديکجه، سرتلشيبن، برکيديلر،
هر بيريسي داش کيمي بير کوره اولدو،
فيرلاناراق هاوالاردا
يئر کوره سي اودلو بير توپ کيمي گونشين،
دولانيردي يورولمادان، پروانه تک باشينا
تانري اونو، نيشانلاييب، سئچميش ايدي،
کهکشانين ايچيندن
اولمالييدي، بيتکيلرين، جانليلارين،
سيناغ يئري بای بک
چوخلو ايشلر، حاديثه لر، واقيه لر،
گلمه ليدي باشينا
ياشاتمالييدي اينساني ياشارکن،
آلمالييدي قوجاغينا آنا کيمي،
عؤمري بيتيب، بو دونيادان آشارکن
دولويدو باغريندا زنگين خزينه
گليشمه نين آراجلاري، گرجلري
تيتيزليکله دوشونولوب،
قويولموشدو قارنينا
اينسانلارين، هئيوانلارين،
بسينلري هر توردن،
ساخلانيبان، يئرلشميشدي،
تورپاغينا، جانينا
قورولمالييدي اوستونده،
عظمتلي دؤولتلر
شکيلله نيب، قالخمالييدي،
بؤيوک، کيچيک ميلتلر
اوتورمالييدي جواهير تخلر اوستونده سولطانلار
کئچمه ليدي تورپاغينا، نئجه نئجه خاقانلار،
تانريليغا مودعالي، گؤيلره قيليج چکچن،
اون مينلرين جسه دييله هئرم تيکن فيرونلار
آچيلمالييدي گؤکسونده، گئنيش بويلو مئيدانلار
قورولمالييدي دؤشونده، جواهيرلي ائيوانلار
بيربيري نين قانين تؤکوب، آلمالييدي جانيني،
ياراقلانيب، ياساقلانيب، قاباغلاشان دوشمانلار
بو قانلاري اممه لييدي تورپاغ آنا
بو جانلاري، قاتمالييدي اؤز جانينا
موقدس افسانه لرينده،
بير تانريلي دينلرين؛
ايسسيز و بوش ايميش ازلدن يئرين کوره سي،
قوجاقلاييب، چولغاميشدي،
يوغون بير قارانليق جومله وارليغي
نه گون واردي، نه بير آغاج،
نه بولود، نده بير دنيز،
نه گليردي کولک سسي،
نه تيتره ديردي هاواني،
بير جانلي نين خوش نفه سي
” ايشيق اولسون ” ، تانري دئدي
ايشيق اولدو
” چوخ گؤزلميش ”
تانري گؤروب، تانري بيلدي
قارانليغي آيدينليغا باغلاييبان،
بيربيريندن آيري سالدي
بو ايکيسي بير بيرينه،
ازل گوندن،
قارشيت اولدو
صاباح اولدو، آخشام اولدو
يارادليشين بيرينجي گونويدو بو
بوندان سونرا دوام ائدير تانري اؤز ايشلرينه،
بوتؤوله يير صنعتيني سيراسينجا، بير-بيري نين آردينجا
سولاري دولدورور چوخور يئرلره،
لپله نيب، دالغالانان دنيز اولور
داغلاري اوجالدير گؤيون قارنينا،
بئله ليکله قورو، سودان آيري اولور
” ياشيل اولسون قورولوقلار، الوان اولسون
آغاج بيتسين، چيچک آچسين، بار گتيرسين ”
دنيزلره، ايري، خيردا، باليق دولدو
ماوي گؤيده، خوش آوازلي قوشلار اوچدو
بارلي اورمان، برکتلي هئيوانلارلا،
دولوب، داشدي
” ياخشي اولدو، گؤزل اولدو ”
باخدي تانري، گؤردو تانري
يارانيبان، بوتؤولشدي جومله عالم،
آلتي گونده بای بک
صاباح اولدو، گونش چيخدي،
ايشيق سپدي هر يئره
آخشام اولدو، ايشيلدادي اينجي کيمي،
گوموش نيشان اولدوزلار
گئجه اولدو، آي پارلادي،
قاش، گؤز آتدي دنيزه
” هله بير شئي اسکيک گلير بوردا منه
يئر آلماييب بير گؤزلليک بو صنعتين ايچينده
نه فايداسي، بو صنعتين،
بو حيکمتين، بو قودرتين
اولماسا گر منيم عکسيم،
يارادليشين مرکزينده، ايچينده ”
ال آتيبان يئر اوزونده تورپاغا
پالچيق آلدي بير اوووجلوق الينه
يوغورلاييب، تکان وئردي پالچيغا
” آدام اولسون،
کلمه قونسون دوداغينا، ديلينه ”
آدام اولدو، اينسان اولدو
ياخشي اولدو، گؤزل اولدو
بو تانري نين، بای بک
تام اؤزونه بنزه ييردي
باخدي تانري، گؤردو تانري
ازل گوندن تانري کيمي،
يالقيز قالدي بو ياراتيق
دولانيردي اورمانلاري،
آياق يالين، باشي آچيق
ياخينلاشاندا هئيوانا،
اورکوب، قويوب قاچيرديلار
” بوندا يوخدور بير ياراشيق ”
باخدي تانري، گؤردو تانري
بو دوغادا، بو صنعتده،
هر اولقونون، هر جانلي نين،
اؤزونه تاي عکيزي وار
بيري يوخسا طبيعتده،
اوبيري نين،
نه آدي وار، نه ايزي وار
ضيدير بونلار بير-بيرينه
بنزه مزلر تام اولاراق،
بير-بيرينه
هر نسنه نين،
ضيدي اؤزونله بيرلشر
آيري-آيري نسنه لر تک،
گؤرونسه لرده اَير
قايمدير کاينات،
بيرليگينه زيدلرين
ايکي قوتوب،
سارماشاراق، بيرلشه رک،
قاريشارلار بير-بيرينه
بير اولوبان،
يئني وارليق، يئني اولقو،
يئني حيات يارادارلار
” بو گؤزلدير، بو ياخشيدير ”
باخدي تانري، گؤردو تانري
اولماليدير بوندان اؤتري،
آدمينده، بای بک
اؤزونه تاي بير يولداشي
اونونلا يان-يانا گئدن،
ياراشيقلي بير سيرداشي
تک باشينا،
يورولوبان، يولدا قالار
داش-قايالي يوققوشلاري،
آشاماز
قمگين اولار، اوزگون اولار
حيات ايراده سي سؤنر،
جاني چيخار، ياشاماز
يالقيز آدام، چوخ قاچاراق،
جلد آياقلي هئيوانلارين دالينجا،
الدن دوشوب، يورغونلادي،
سؤيکندي بير آغاجا
يئره دوشن مئيوه لرين،
بير نئچه سين آتيشديريب،
اوزاناراق يئر اوستونه،
يوخو تؤکدو،
باش قوياراق داش بالينجا
تانري گؤرجک بو احوالي،
ال ائيله ييب،
سول طرفدن،
قابورغاسين چيخاردي
شکيل وئريب،
اؤز توکنمز قودرتينله،
يئني، گؤزل،
بير ياراتيق ياراتدي
يوخودان آييلان آدام،
آچديغيندا گؤزلري؛
گؤزو دوشدو بير گؤزله،
هئيران قالدي،
تاپا بيلمه دي سؤزلري
بئله گؤرن يئني اينسان،
ال ائيله ييب،
تومارلادي ساچلاريني
قوجاقلاشيب، بيرلشديلر،
دوشونمه دن، بای بک
کلمه لري،
ايتکين دوشن سؤزلري
حاضيرلادي تانري،
بو جيفت اوچون ادن باغيني
خوش ائيله دي هاواسيني،
سرين سولو، قارا گؤزلو بولاغيني
انگبينله، بارلا دولدو،
باشدان-باشا آغاجلاري
عطير ساچدي گول-چيچگي،
دولدوراراق، قول-بوداغي
” ايسده ديگيز مئيوه لري، يئيين بوردا
ايسده ديگيز شيوه لرده، دئيين بوردا
ياخين گئتمگينيز يالنيز اول آغاجا
ياخشي-ياماني اؤيره دن، بيتن بوردا ”
فرمان وئريب، دئدي تانري
” منيم اتيم، بونون اتي
سوموکلريم، سوموکلري
قانيم، قاني
من بوندانام،
بو مندندير
دويور بونو، ايليکلريم
منيم آديم آدام قاليب
بونون آدي، قادين اولسون ”
دوشونوبن، دئدي آدام
توتوشوب، ال-اله گزديلر باغي
دنه ديلر مئيوه لري، چيچکلري،
يارپاغي
ياشاديلار دادلي آنلار برابر
سورتدولر، هر يئره، الي-آياغي
بيليم آغاجيندان ساواي، ادن باغيندا
قالمادي هئچ بير شئي ساغلام تاغيندا
يئديلر، ايچديلر، عؤمور سوردولر
سئويشه رک، ائيلنديلر، گنج چاغلاريندا
يورولوبان، اول آغاجين کؤلگه سينده
اَيلشديلر بير نئچه آن دينجلمه يه
سايه سي سريندي، مئيوه سي گؤزل
گؤز تيکديلر، بای بک
آلتون کيمي پاريلدايان مئيوه يه
ال اوزاديب قادين بيريني دردي
گولومسه ييب، آداما طرف توتدو
” ديشله بونو، دادينا باخ، گؤر کي؛
نه خوش مئيوه دير
هيم-جيم ايله هئچ دورمادان داياتدي
باخدي آدام، بير نئچه آن اول قادي نين گؤزونه
جلا وئردي، بئينينده کي باش قالديران سؤزونه
بيليرسنمي، تانري بونو ياساق ائديب بيزلره
ازل گوندن فرمان وئريب، تکيد ائديب سؤزونه
دويوبان سؤزلري، بيلمزدن گلدي
گوله رک اوجادان، سؤزون ديرتدي
” آخماق اولما سن بو قدر،
آلدانما بو سؤزلره
يئ، گؤر عالمده نه وار ”
سارماشاراق، دينلتدي
اؤنجه اؤزو بير ديش ووردو شفتي آخان مئيوه يه
تامسيناراق دادلي-دادلي، وئردي آدامين الينه
چکينجکله آلدي آدام اول مئيوه ني الينه
تابدان دوشوب، بيردن-بيره، ياخينلاتدي ديشلرينه
يئديلر مئيوه دن دويون قارينا
قالخيبان آياغا، دوشدولر يولا
نيدا يئتدي دوز بو آندا گؤيلردن:
” سوچ ايشله ديز، قارشي گلديز تانرينيزا
هوسلره تسليم اولوب،
بيليم مئيوه سيني يئديز
چيخين ايندي بو جنّتدن، ”
وورغولاندي گؤيلردن
سوسوز بيياباندا گؤروب اؤزلريني هماندم
يئريديلر بيلينمه يه ن گله جگه، تشنه لبلي،
دم-به دم
جنّتي ايتيرديک اَير، لوت قالديقسا نه قورخوموز؟
دوشدوک چؤله، بييابانا، آج قالديقسا نه قورخوموز؟
کشف ائيلريک بيلينمزي، جنّت ائيلريک دونياني
بئش گون اَير قم چکديکسه، تک قالديقسا، نه قورخوموز؟
يئتر کي بيز يولوموزون دوزلوگونه ايناناق
يئتر کي بيز، يامان گونده بيرگه قالاق
داياق اولاق، قايا کيمي مؤحکم دوراق
عشقين گوجون، محبتين مؤعجيزه سين،
بيرجه آندا اونوتماياق
۸ مارچ ۲۰۰۸
، بیر میللتین سسی
پایلاش | پرینت
بورا باغلي يازيلار:
- هنرمند و بازيگر نقشهاي مسخره٫ اکبر عبدي در نقش پادشاه تورک قاجار
- “ملتها”، “مليتها” و “اقليتهاي ملي” در ايران - محمدرضا گرديزي
- بي عدالتي مهمترين نقص نظام جمهوري اسلامي ايران - بهارلو
- دموکراتيک ادبیاتيميزين نثر آتاسي - ائلدار موغانلي
- براستي آقاي قندچي, خبر داريد که در علوم پزشکي، در مورد خاص بيماري هاي سرطاني، جهت نجات جان بيمار، بريدن و دور انداختن اعضاي حامل غدد سرطاني، بعنوان راهکاري عمومي پذيرفته شده است…؟! - اولوس
- سوندوروم ۱۰: ظفر ايله بويون ايمز جناب ليسانلي ايران عيرقچيليگي نين قييديغي قامچيلاماغي سوووب وه هايلادي: اؤلوم اولسون کؤله لييه، ياشاسين آذربايجان
- ايران يک واحد ملت-دولت نيست - محمدرضا گرديزي
- ناتو-دان آذربايجانا ديپلوماتيک هوجوم
- د.ا.ک-دان مطبوعاتا آچيقلاما
- تذكر ۴۰ “نماينده” مجلس به رييسجمهور دربارهي محدوديت رسانهيي
گوروش ۱
http://www.baybak.com
بای بک سایتیندان پرینت اولوب
http://www.11007.baybak.com/4655.azr
یازینین اینترنت آدرسی
: nadir سویلییر
سؤتگؤن ۱۹ بوز آی ۱۱۰۰۷ @ ۲:۰۵ آ.خ
Qardash Sarxanli, bu bosh bosh, yalan dolan sözleri hardan tapirasan? Türk yaradilishinda Tanrilar tanrisi Aghana Tanri, Göylerde uchan Ölgen Tanriya “yeri yarat” deyir. Su ile göyden bashqa olmayan evrimde bir yer yaratma buyrughunu alan Ölgen, Tanrilar Tanrisi Aghana tanriya deyir: Olmaz! Aghana ona deyir: Olmaz desen olmaz! Ol de olsun! Ölgen tanri göylerde ucharaq Erlik`e suyun dibine dalib, bir ovuc torpaq getirmesine buyruq verir…
Türk yaradilish destanini oxu… lütfen basharilar diledim sene