یاشاسین آذربایجان - Long live Azerbaijan

.

۴. آذربايجانيميزين باتيسيندا بير اوووج عاغيلا – منطيقه سيغمايان کورتچو چئوره لرين ييخيجي و قونشولوغا اويمايان پيس نيتلريني ائتگيسيز حاله گتيرمک اوچون آذربايجانين باتي بؤلگه سينده سئچيملرده چوخ گوجلو اولماغي، ۵. اورمو، قوشچو، ماکي، سالماس، سولدوز و باشقا باتي بؤلگه لريميزده، باشدا تورک کيمليگينه يييلنن آدايلاري، بئله آدايلارين اولماديغي دورومدا دوشونجه سيندن، دونيا گؤروشوندن، سياسي باغلانتيسيندان آسيلي اولماياراق تورک اولان آدايلاري

---

---

ايران آدلانان رئژيمده ۸-اینجي پارلامئنت سئچيملري تئاتري و گونئي آذربايجان’ين ستراتئژيک چيخارلارييلا باغلي گونئي آذربايجان قورتولوش پارتيياسي-قورتولوش،ون بيلديريشي!

سئويملي آذربايجان تورک ميلتي!

ايران آدلانان رئژيم هر نئچه ايلدن بير سياسي قولچاقلاري نين يئرلريني دييشديره رک اؤزونو دئموکرات و خالقچي بير سيستئم کيمي گؤسترمه يه جان آتماقدادير.

حاکيم فوندامئنتاليس و شووينيست فارسچي رئژيم، سئچيمه بنزر اينتيسابلار (اتامالار) ايله آشاغيدا نئچه آماجلي سيياستي ايره لي سورمکده دير:

آ) رئژيم بئله تئاتريک اويونلارلا، دونيانين دئموکراتيک ديرلرينه سايغيلي اولدوغونو و اؤلکهنين دئموکراتيک سيستئملر ايچينده ايداره اولونماسيني گؤسترمه يه چاليشير.

ب) رئژيم، اؤز ولايتينه باغلي اولان حاکيم و اوزدن ايراق موخاليفتي آراسيندا قارشيليقلي پيسکولوژيک ساواشي دئموکراتيک ياريش کيمي سرگيله مک ايسته يير.

ج) فاندامئنتاليست سيستئمين بير باشقا آماجي ايسه، توکتيم تاريخي بيتيرميش، کيفلنميش، مارکالانميش و دونيادا آدي جينايت دفترينه دوشموش سياسي فيقورلاريني گؤز قاباغيندان اوزاقلاشديرماق و اونلارين يئرينه يئنيلريني گتيرمکدير.

د) رئژيم اوچون، فارسچي مرکزلي سيياستدن اوزاقلاشان و هارداسا قوپان ” آذربايجان تورک ميلتي ” ني يئنيدن فارسچي مرکزلي سيياسال سيستئمه قازانديرماق ان آرزو ائديلن سورومدور. تئهران حاکيميتي، آذربايجاني قازانماق اوچون هر هانسي اويونو دنمه يه حاضيردير.

ائ) ايران آدلانان رئژيم گوندن-گونه بوتونلوکله ميليتاليست سيستئم بيچيمينه گيرمکده دير. هارداسا، سيستئمين بوتون اورقانلاري سئپاه ائتگيسينده دير. بو سئچيملرده ايران ايسلام مجليسي نين ده بوتونلوکله سئپاهين الينه کئچمه سي گؤزله نيلير.

ف) آجليق، بوغونتولوق، ائتنيکلره، قادينلارا و دينسل آزليقلارا (ئرمه نيلر ديشيندا) قارشي آپارتئيد پوليتيکاسي، ايران آدلانان اؤلکهني ايکييه بؤلموشدور. بير ياندا تپه دن-ديرناغادک مکيرلي رئژيم، باشقا ياندا ايسه وارليق فلسفه سيني ايتيرمکده اولان بؤيوک اينسان توپلوسو دايانماقدادير. بو گرچکلري باسقيلاماغا چاليشان رئژيم، هيجان طبيلي اولان نوکلر (اتوم) و سئچيم کيمي کامپانيلر يولا سالماقلا ان وحشي و گئريچي باسقيلارا اوغراميش ميلتلري اؤز پسيخولوژي ائتگيسينده ساخلاماغا چاليشير.

گ) رئژيمه گؤره، فارسچي مرکزلي سيستئمدن بوتونلوکله قوپماقدا اولان آذربايجان، ياخين ايللرده ايران آدلانان سيستئم اوچون ان قورخونج و تيتره ديچي آلتيرناتيو اولاجاقدير. بو گوجلو آلتيرناتيوي بؤلگه پروبلئملري ايله اوغراشديرماق اوچون، کورد عاميليندن اولدوقجا يارارلانماغا لازيمدير. بؤلگه ده کورد فاکتورونو تورکلره قارشي قوللانماق رئژيم اوچون ان اؤنملي و واز کئچيريلمز ستراتئژيدير. فارس رئژيمي بو سيياستله هم آذربايجان اوچون ميقياسلي انگل يارادا بيله جک، هم ايسه کوردلري آذربايجان کيمي بؤيوک دوستدان اوزاقلاشديرا بيله جکدير.

بوتون بونلاري ديقته آلاراق بو سئچيم تيياتيرينا بير اويون دئييب گئچمک دوغرو اولا بيلمز. چونکي، بئله اولارسا فارس رئژيمي آماجلارينا يئتيشمک يولوندا هئچ ديره نيشمه يه راسلامادان ايسته ديگي سيياستي يوروده جکدير. ائله بونا گؤره، بو سئچيم تهديديني بير فورصته چئويره رک آذربايجان تورک ميلتي نين چيخارلاري دؤغرونتوسوندا يارارلانماق گره کي ر.

يوخاريدا سادالانميش ندنلره گؤره، گونئي آذربايجان قورتولوش پارتيياسي اولو ميلتيميزين بو سئچيملرله ستراتئژيک داورانماسيني و آذربايجان ميللي هراکاتي چاتيسي آلتيندا بيرلشمه سيني گرکلي ساناراق:

۱. فارس هئگومونلوغونو گوجلنديرن هر هانسي سئچيمي گنل اولاراق ماکرو سوييه ده بايکوت ائتمگيني،

۲. سئچيم تئاتري نين ياراداجاغي آتموسفئردن يارارلاناراق، آزئربايجان ميللي کيمليک بيلينجي نين يوکسلده جک آکتيويته و فعاليتلره گيريشمگي،

۳. تورک کيمليگيني وورغولايان تورکلردن هيمايه ائتمگي،

۴. آذربايجانيميزين باتيسيندا بير اوووج عاغيلا – منطيقه سيغمايان کورتچو چئوره لرين ييخيجي و قونشولوغا اويمايان پيس نيتلريني ائتگيسيز حاله گتيرمک اوچون آذربايجانين باتي بؤلگه سينده سئچيملرده چوخ گوجلو اولماغي،

۵. اورمو، قوشچو، ماکي، سالماس، سولدوز و باشقا باتي بؤلگه لريميزده، باشدا تورک کيمليگينه يييلنن آدايلاري، بئله آدايلارين اولماديغي دورومدا دوشونجه سيندن، دونيا گؤروشوندن، سياسي باغلانتيسيندان آسيلي اولماياراق تورک اولان آدايلاري دستکله مگين دوغرو اولدوغو دوشونولور.

کورتلرين سون ايللرده کي يوروتويو پولوتيکانين مرکزينده تورکييه و آذربايجان اولدوغو کيمسه دن گيزلي دئييلدير. آذربايجاي نين تاريخي توپراقلارينا ياييلما پوليتيکاسيني ائنگله مک اوچون آذربايجا نين باتيسينداکي سئچيملره چوخ اورقانيزه بير شکيلده حاضيرلانماق گره کي ر. ميلتيميزين گنل اولاراق داغيناقليغيني و ميللي ياشامينا آليشقان اولماديغيني، باشقا ياندان ايسه کوردلرين بو قونولاردا واحيد مرکزدن اورقانيزه اولدوقلاريني گؤزه آلاراق آذربايجا نين باشقا بؤلگه لرينده باتييا گلمه و سئچيملرده ايشتيراک ائتمه پوليتيکاسي اولدوقجا گرکليدير. عکس حالدا ۲۴ ايسفند ۱۳۸۶ (۱۴ فوريه ۲۰۰۸) –دن سونراکي ايسلامي مجليسده کوردلر طرفيندن ان آزي اوچ فعاليت آلاني نين داها دا گئنيشلنمه سينه تانيق اولاجاييق:

۱- کسين چوخونلوغو تورکلردن اولوشان آذربايجانين باتي شهرلري نين اوزدنيراق ميلت وکيللري نين کوردجه دانيشاجاغي، کورد سيياستي يوروده جگي آيدينجاسينا گرچکليک قاجاناجاقدير.

۲- آذربايجانين باتي بؤلگه سي نين دئموقرافيک دورومونون کوردلر خئيرينه دييشمه سي و بو بؤلگه لرين چوخونلوغونون کوردلردن اولوشماسي ستراتئژيسي دونيا گوندمينه چيخاريلاجاقدير.

۳- ايران آدلانان رئژيمين آنتي آذربايجان پولوتيکاسي نين اوزانتيسيندا موکريان آدلي بير کورد چوخونلو عيالتين يارانماسينا و قربي آذربايجان اوستاني نين اؤنجه بؤلونمه سي، سونرا ايسه لغو اولونماسينا زمين ياراناجاقدير.

گونئي آذربايجان قورتولوش پارتيياسي – قورتولوش
يؤنتيم قورولو
۰۱/۰۳/۲۰۰۸

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی