آذربايجان اوزريندن ايران پوللاري “يويولور”
بای بک، آذربایجان | آننا, ۲۶-ي دوندوران , ۱۱۰۰۷ اینجی ایل, چولا ۰۲:۳۱ [گ.ؤ] | تورکجه, خبرلر
 |
. | خاطيرلاداق کي، ايران آذربايجان اوزريندن اويوشدوروجو ترانزيتينده ده اساس يئرلردن بيريني توتور. بو ياخينلاردا آذربايجان، تورکيه و بعضي ياخين شرق اؤلکه لري اوزريندن اروپايا و آمريکايا تونلارلا هئروئين اؤتورولمه سيني تشکيل ائدن ايرانلي نارکوبارون ياخالانميشدي. لاکين آذربايجان اوزريندن آخان ايران پوللاري تکجه نارکوتيکدن الده ائديلمه يه بيلر. تورکييه خوصوصي خيدمت اورقانلاري نين معلوماتينا گؤره، ايران ايراق نئفتي نين ده غئيري-قانوني آلوئري ايله مشغول اولور. ايراقدان اوجوز قييمته الده ائديلن نئفت ايران واسيطه سيله دونيا بازارلارينا چيخاريلير. بو جور غئيري-قانوني نئفت آلوئري ايرانلا آذربايجان آراسيندا دا وار. گومان ائديلير کي، غئيري-قانوني پول ترانسفئرلري نين قايناقلاريندان بيري ده بودور. |
“بانک ملي ايران” اين باکي اوفيسي نين پول دؤوريييه سينده رولونون اولدوغو دئييلير.
يوز ميليونلارلا دوللار حجمينده وسايت فايز اؤدنيلديکدن سونرا ناملوم اونوانلارا آخير.
آذربايجان اوزريندن غئيري-قانوني يوللارلا ايرانا عايد بؤيوک مبلغده پوللار دؤور ائدير. بانک چئوره لرينده کي منبعلردن الده ائتديگيميز خبرلره گؤره، پوللار هم نقد، هم ده موختليف بانکلار واسيطه سيله اؤتورولور. ايراندان پول آخيني سون واختلار خوصوصيله اينتئنسيو کاراکتئر آليب، موختليف منبعلردن الده ائديلن يوز ميليونلارلا دولار حجمينده وسايت موعين حاق اؤدنيلديکدن سونرا آذربايجان بانکلاري اوزريندن نامعلوم اونوانلارا گؤندريلير.
شوبهه وار کي، همين پوللار ايرانين غئيري-قانوني يوللا الده ائتديگي سيلاهلارا و نووه تئکنولوژيسينا صرف اولونور. پوللارين يوکسک روتبه لي ايران مأمورلاري نين خاريجده کي گيزلي بانک حسابلارينا آخديغي دا ايستيثنا دئييل. باکيدا ايرانين ميللي بانکي نين فيليالي فعاليت گؤسترير. بيلديريلير کي، “بانک ملي ايران” اين باکي اوفيسي نين آذربايجان اوزريندن پول دؤوريييه سينده رولو وار. بير مودت اول آ.ب.ش هؤکومتي ايرانين بير نئچه دؤولت بانکينا، او جومله دن “بانک ملي ايرانا” و اونون باکيداکي اوفيسينه قارشي تحربم تطبیق ائديب. آ.ب.ش هؤکومتي حساب ائدير کي، بو بانک ايرانين نووه پروقراملاري نين و غئيري-قانوني سيلاح تيجارتيني، او جومله دن ياخين شرقده کي راديکال قروپلاشمالارين فعاليتيني ماليييلشديرمک اوچون ايستيفاده ائديلير. لاکين آذربايجان هؤکومتي آ.ب.ش-اين تؤوسييه لرينه باخماياراق ايران بانکينا قارشي هر هانسي تدبير گؤرمه ييب.
معلوماتلي منبعلردن بيلديريبلر کي، آ.ب.ش و اروپا بيرليگي نين تطبیق ائتديگي تحريملر نتيجه سينده ايرانين بين الخالق ماليييه سيستئمينه چيخيش ايمکانلاري مهدودلاشيب. بو اوزدن ايراندا اويوشدوروجو ترانزيتيندن، سيلاح قاچاقمالچيليغيندان و غئيري-قانوني نفت آلوئريندن الده ائديلن پوللاري اروپا بانکلاري واسيطه سيله “يوماق” چتينلشيب. نتيجه ده ايران آذربايجان کيمي اونا ياخين اؤلکه لر اوزريندن غئيري-قانوني پول دؤوريييه سيني تشکيل ائديب. اؤزمانلارا گؤره، بو جور عملياتلار آشاغيداکي فورمادا آپارلا بيلردي: ايراندان پوللار آذربايجانداکي بانکلارا کؤچورولور و هانسيسا تيجارت عملياتيني مالييه لشديرمک آدي آلتيندا رسميلشديريلير. لاکين بو مبلغدن موعين فايز چيخيلديقدان سونرا باشقا خاريجي اؤلکه لرده گيزلي ايران حسابلارينا اؤتورولور. نقد پوللار ايران ايشبازلاري نين آذربايجانداکي اورتاقلاري واسيطه سيله بانکلارا ياتيريلير، اورادان ايسه اولکي سخئم اوزره خاريجي بانکلارا آخير. بو زامان عصاس شرط اودور کي، بين الخالق ماليييه سيستئمينه نزارت ائدن تشکيلاتلار پوللارين ايران منشالي اولماسيندان خبر توتماسين.
ايران حاضيردا آذربايجانين اساس خاريجي تيجارت طرفداشلاريندان بيريدير و سون معلوماتلارا گؤره، ايکي اؤلکه آراسيندا ايلليک تيجارتين حجمي ۱ ميليارد دوللارا ياخينلاشيب. اؤزمانلار قئيد ائدير کي، بو جور غئيري-قانوني پول دؤوريييه سي نين تشکيلينده تئلئقراف کؤچورمه لريندن، اوفشور حسابلاردان و ساختا شيرکتلردن گئنيش ايستيفاده ائديلير. بئله عملياتلار واسيطه چيلرين کؤمگي اولمادان مومکون دئييل. واسيطه چي قيسمينده هانسيسا تجارت بانکي، فيزيکي شخصلر و يا شيرکتلر چيخيش ائده بيلر.
چيرکلي پوللارين دؤوريييه سينه قارشي ماليييه تدبيرلري حاضيرلايان بين الخالق FATF تشکيلاتي نين معلوماتينا گؤره، ايران بين الخالق ماليييه سيستئمينده ” آغ لکه ” دير. تشکيلات بو اؤلکه ني چيرکلي پوللارين دؤوريييه سي نين اساس منبعيي حساب ائدير. تشکيلاتين اؤتن ايل پاريسده کي قرارگاهيندان ياييلان آچيقلامايا گؤره، ايران هؤکومتي چيرکلي پوللارين يويولماسينا قارشي هئچ بير تدبير گؤرمور و نتيجه ده غئيري-قانوني دؤوريييه ده اولان پوللار ترورچولوغون مالييه لشديريلمه سينه، سيلاح تيجارتينه و باشقا مقصدلره صرف اولونور. FATF اروپا بانکلاريني ايرانلا امکداشليغا سون قويماغا دا چاغيريب. چونکي ايراندان اروپا بانکلارينا آخان پوللارين منشايي هاقدا بو اؤلکه دن هر هانسي معلومات آلماق مومکون دئييل. FATF بيان ائديب کي، ايراندا چيرکلي پوللارين يويولماسينا و ترورچولوغون ماليييلشديريلمه سينه قارشي موباريزه نين آپاريلماماسي دونيا ماليييه سيستئمي اوچون جيدي ريسک تشکيل ائدير.
خاطيرلاداق کي، ايران آذربايجان اوزريندن اويوشدوروجو ترانزيتينده ده اساس يئرلردن بيريني توتور. بو ياخينلاردا آذربايجان، تورکيه و بعضي ياخين شرق اؤلکه لري اوزريندن اروپايا و آمريکايا تونلارلا هئروئين اؤتورولمه سيني تشکيل ائدن ايرانلي نارکوبارون ياخالانميشدي. لاکين آذربايجان اوزريندن آخان ايران پوللاري تکجه نارکوتيکدن الده ائديلمه يه بيلر. تورکييه خوصوصي خيدمت اورقانلاري نين معلوماتينا گؤره، ايران ايراق نئفتي نين ده غئيري-قانوني آلوئري ايله مشغول اولور. ايراقدان اوجوز قييمته الده ائديلن نئفت ايران واسيطه سيله دونيا بازارلارينا چيخاريلير. بو جور غئيري-قانوني نئفت آلوئري ايرانلا آذربايجان آراسيندا دا وار. گومان ائديلير کي، غئيري-قانوني پول ترانسفئرلري نين قايناقلاريندان بيري ده بودور.
“The Washngton Post” قزئتينده يئر آلان معلوماتا گؤره، خاريجي اؤلکه لردن غئيري-قانوني يوللارلا موعاصير سيلاه تئخنولوگييالاري و حربي لوازيماتلار الده ائتمک ايسته ين ايران آگئنتلري سون واختلار فاللاشيب. بو آگئنتلرين سرنجاملاريندا بير قايدا اولاراق ايري مبلغلرده پوللار اولور. اونلار بالليستيک راکئت تئکنولوژيلري، قيريجيلار و اونلار اوچون احتياط حيصه لري، پيلوتسوز طياره لر و يوکسک سورعتلي تورپئدو راکئتلري، گئجه موشاهيده سيستئملري و باشقا لوازيماتلار اوچون ايسته نيلن مبلغي اؤدمه يه حاضيردير. بو آژانسلار اساسن اروپا و آ.ب.ش-دا فعاليت گؤسترير، اونلارين گيزلي بانک حسابلارينا چيخيش ايمکانلاري وار و اگر سؤودلشمه باش توتسا، الده ائديلن لوازيماتلار هانسيسا واسيطه چي شيرکتلر واسيطه سيله ايرانا اؤتورولور. محض بو جور عملياتلارا گؤره ايرانين غئيري-قانوني پول دؤوريييه سي نين تشکلينده ماراقليدير.
آنجاق ايرانين ماليييه عملياتلاري بين الخالق نزارت آلتيندا اولدوغونا گؤره بو جور عملياتلاري آذربايجان و روسيه کيمي اؤلکه لر واسيطه سيله تشکيل ائده بيلردي. “Vremya Novosti” قزئتي يازير کي، آ.ب.ش-اين تطبیق ائتديگي سون ماليييه تحريملريندن سونرا ايران روسيه اوزريندن ماليييه عملياتلاري آپارماغا جهد ائديب. بو ياخينلاردا واشينقتوندا دونيا بانکي نين ايلليک توپلانتيسيندا ايشتيراک ائدن ايران ميللي بانکي نين رهبري يوکسک روتبه لي روسيه مأمورو ايله گؤروشه رک اونونلا بو مسئله ني موزاکيره ائديب. ايران بانکي نين رهبري پرئزيدئنت محمود احمدي نژاد-ين آديندان خواهيش ائديب کي، روسيه بو و يا باشقا بين الخالق ماليييه عملياتلاري نين آپاريلماسيندا تئهرانا کؤمک ائتسين. لاکين موسکو بو خواهيشه موثبت جاواب وئرمه ييب. گومان اولونور کي، روسيه نين منفي جاوابيندان سونرا ايران آذربايجان حاکيميتي ايله بو جور آنلاشما الده ائده بيليب.musavat
، بیر میللتین سسی_ _ _ _ _ _ _
مربوط اُلان یازیلار
- ===> حاکيميت داخيلينده تورپاق داعواسي، اراضي مافيياسي نين عوضولري بير-بيريني قيرير
- ===> آذربايجان-دا نئچه گيزلي بانک اولا بيلير و ندن؟
پایلاش | پرینت
بورا باغلي يازيلار:
- قالايا ساري يئريين - پاشا سارخانلي
- آ.ف.ي داداش بي آسلانزاده دن تقدير ائتدي
- قورتولوشا ساري يولوموز (بيراينجي بولوم) - ماحمود علي چؤهره گانلي
- حسن هرگولي-ه (آزربايجان) قارشي قيييلان عدالتسيزليک حاقيندا ايلتيشمه
- گورجوستاندا مسجيدلر داغيديلاراق يئرينه کليسا لار تيکيلير
- علي اينسانوو ۱۱ ايل آزادليقدان محروم ائديلدي
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
- پنتاگون-ون آذربايجانلا باغلي هدفلري آچيقلاندي
- گونئي آذربايجان شهرلرينه کورد کؤچو باشلاييب
- رضا براهني: «پیشه وری بؤيوک بير نومونه دير»
http://www.baybak.com
بای بک سایتیندان پرینت اولوب
http://www.11007.baybak.com/4411.azr
یازینین اینترنت آدرسی
گوروش کاپانیبدی