حاکيميت داخيلينده تورپاق داعواسي، اراضي مافيياسي نين عوضولري بير-بيريني قيرير
بای بک، آذربایجان | جمعه آخشامی, 14th بهمن , 2008 اینجی ایل, چولا 20:24 [pm] | تورکجه, خبرلر
 |
. | بئيلر اييوبوو، آلي قوجايئو و راسيم موسايئوين آداملاري اوز-اوزه گليبلر.
حاکيميت ايچريسينده ان موختليف ايستيقامتلر اوزره مافيالار فورمالاشيب. اونلار ايش و ايستحصال سئکتورونو بوتونلوکله نزارته گؤتوره رک، هر شئيي اللرينده جمعلشديريبلر. آما ماراقليسي بودور کي، سون واختلار صلاحيتلي مأمورلار بير-بيري نين ” باغچاسي ” نا گيرمه يه باشلاييبلار. آرتيق صلاحيت داعوالاري باش قالديريب. داها گوجلولر نيسبتن زيفلري ” بازاردان ” سيخيشديرماقدادير. ايقتيدارداخيلي مافيالاردان بيري ده اراضي-تورپاق مافيياسيدير. محض داها چوخ اونلارين آراسيندا توققوشمالار باش وئرير. |
بئيلر اييوبوو، آلي قوجايئو و راسيم موسايئوين آداملاري اوز-اوزه گليبلر.
حاکيميت ايچريسينده ان موختليف ايستيقامتلر اوزره مافيالار فورمالاشيب. اونلار ايش و ايستحصال سئکتورونو بوتونلوکله نزارته گؤتوره رک، هر شئيي اللرينده جمعلشديريبلر. آما ماراقليسي بودور کي، سون واختلار صلاحيتلي مأمورلار بير-بيري نين ” باغچاسي ” نا گيرمه يه باشلاييبلار. آرتيق صلاحيت داعوالاري باش قالديريب. داها گوجلولر نيسبتن زيفلري ” بازاردان ” سيخيشديرماقدادير. ايقتيدارداخيلي مافيالاردان بيري ده اراضي-تورپاق مافيياسيدير. محض داها چوخ اونلارين آراسيندا توققوشمالار باش وئرير. تيکينتي بيزنئسي نين ووسعت آلماسييلا باکي و ديگر شهرلرده تورپاقلارين قييمتي نين سورعتله قالخماسي مأمورلارين بو ساهه يه ماراغيني آرتيريب.
لاکين بو ايشه گيريشنلرين و پايتاختداکي تورپاقلارين ساتيشينا نزارتي الده ائتمک ايسته ينلرين سايي خئيلي چوخدور. بو دا اورتايا جيدي ” رقابت ” و قارشيدورمالار چيخاريب.
مسئله ني چوخ اوزاتمادان بو جور قارشيدورمالاردان بيريني ديقتينيزه چاتديراق.
قزئتيميزين اعتيبارلي قايناقلاريندان بيري بيلديرير کي، هر نؤوع، او جومله دن ده قانونسوز تورپاق ساتيشينا نزارت ائدن قروپلار آراسيندا نؤوبتي قالماقال بير نئچه گون اول باش وئريب. بو دفعه ” رازبورکا ” پرئزيدئنتين شخصي موحافيظه سي نين ريسي ژنرال بئيلر اييوبووون، سپيکئرين ياخين آدامي ساييلان بينقه دي رايون ايجرا حاکيميتي نين باشچيسي آلي قوجايئوين و گنجه نين پليس ريسي راسيم موسايئوين آداملاري آراسيندا اولوب.
منبع نين معلوماتينا گؤره، ر.موسايئو بينقه دي رايون پليس ايداره سي نين ريس موعاويني وظيفه سيندن گنجه يه آپاريلديقدان سونرا اونون بو رايون اراضيسينده ” تورپاق ايشي ” نه باخان آداملاري سيخيشديريلماغا باشلاييب. بينقه دييه غئيري-رسمي اولاراق ” نزارتي ” حياتا کئچيرن بيلر اييوبووون آداملاري موسايئوين ” کريشاليغي ” آلتيندا فعاليت گؤسترن قروپو تام سيخيشديريب. حتّی ر.موسايئوين بينقه دي بلديييه سينده ايشله ين واسيف آدلي قوهومو دا ايشدن چيخاريليب.
عئيني زاماندا، بينقه دي نين ايجرا باشچيسي آلي قوجايئو ده بو قروپا قارشي چيخيب. منبع نين سؤزلرينه گؤره، اصلینده اوللر هر اوچ يوکسک وظيفه لي شخصين رهبرليک ائتديگي قروپ بير يئرده فعاليت گؤستريب: ” آنجاق سونرادان ايکي سببدن بو دسته آراسيندا پروبلئم يارانيب. بونلاردان بيرينجيسي قانونسوز تورپاق ساتيشيندان الده ائديلن بؤيوک مبلغده پوللارين بؤلوشدورولمه سي زاماني دسته عوضولري نين بير-بيريني آلداتماسيدير. ايکينجي سبب ايسه قانونسوز ساتيلان هئکتارلارلا اراضيده تيکيلن ائولرين دؤولت نئفت شيرکتي طرفيندن اوچوردولماسينا گؤره همين تورپاقلاري آلان شخصلرين پوللاري نين گئري قايتاريلماسي مسئله سي نين اورتايا چيخماسيدير.
آلداديلديقلاريني ايديعا ائدن و يئني تيکيلميش ائولري اوچورولان شخصلر پوللاريني گئري ايستيرکن معلوم اولوب کي، تورپاقلار داها باها قييمته ساتيليب؛ آنجاق مافييايا رهبرليک ائدن ” کونسئي ” ه آز پول وئريليب.
عئيني زاماندا، ۴ هئکتاردان چوخ اراضينين پولونون قايتاريلماسي زاماني موباحيسه يارانيب. همين اراضيلرين بير سوتو ۴-۳ مين دوللارا ساتيليب. اوردان الده اولونان پوللار ايسه آرتيق يئييليب. بو مسئله نين موزاکيره سي زاماني دسته عوضولري آراسيندا داعوا دوشوب و اونلار بير-بيرلرينه قارشي اولماقلا، پارچالانيبلار. نؤوبتي مرحله ده ايسه اوچ قروپا بؤلونن دسته بير-بيريني چؤکدورمکله دوشدوکلري وضعيتدن چيخماق ايسته ييبلر و نتيجه ده بؤيوک بير ” رازبورکا ” باش وئريب ” .
معلوماتا گؤره، بو مسئله پرئزيدئنت آپاراتينا کيمي گئديب چيخيب و هم ر.موسايئوه، هم ده آ.قوجايئوه بونونلا باغلي خبردارليق اولونوب.
منبع نين بيلديرديگينه گؤره، تورپاق مافيياسي طرفيندن آلداديلان يوزلرله شخصين شيکايتلريندن سونرا دسته عوضولري نين بعضيلري باش موتشککيل جينايتکارليقلا موباريزه ايداره سي نين امکداشلاري طرفيندن توتولاراق، بير گون ايداره نين ” پودوالي ” ندا ساخلانيليبلار: ” حبس اولونان شخصلرين تورپاق مافيياسي نين بوتون سيرلريني آچاجاغيندان احتياط ائدن بيلر اييوبووا ياخين بعضي شخصلر اونلارين بوراخيلماسينا نايل اولا بيليبلر. آما حاضيردا آراشديرمالار گئدير. ياخين واختلاردا بينقه ديده کوتلوي حبسلرين اولاجاغي گؤزله نيلير ” .
منبع اونو دا قئيد ائديب کي، تورپاق مافيياسي بينقه دي رايونو اراضيسينده کي گؤللري قوروداراق، همين اراضيلري باها قييمته اهالييه ساتير. ايندي ايسه آ.قوجايئو همين گؤللرين ياخينليغيندا پوستلار قويدوروب.
خاطيرلاداق کي، بير مودت اؤنجه ده بينقه دي رايونوندا تورپاق مافيياسي نين بير نئچه عوضوو حبس اولونموشدو. ميللي تهلوکه سيزليک نازيرليگي و رئسپوبليکا (جمهوري) پروکورورلوغو (دادستان) يانيندا کورروپسييا (اقتصادي فساد) ايله موباريزه ايداره سي امکداشلاري نين کئچيرديگي عمليات نتيجه سينده بينقه دي رايون رسولزاده قصبه بله ديييه سي نين سدري مجنون الييئو، ائلجه ده بله ديييه نين امکداشلاري آيدين ايسماييلوو و نيظامي عزيزوو توتولموشدولار.musavat
، بیر میللتین سسی_ _ _ _ _ _ _
مربوط اُلان یازیلار
پایلاش | پرینت
بورا باغلي يازيلار:
- خوروز قويروغي می، یوخسا عباس-ا آند ایچمک می؟ مرتضی نگاهی نه دئيير؟
- سنين کيمي قارداش اولماز اولايدي !؟٫ (الهام عليئو) - ماحمود علي چؤهره قانلي
- ايلهام اليئو-ين آدي متبوعاتي ان چوخ تعقيب٫ اذيت ائديب و ژورناليستلري اؤلدورن ۱۰ ديکتاتورلا ياناشي چکيلدي
- علييئولر عاييله سي ده پارچالاندي
- توران خانيم جاويد - گؤنتاي گئنجآلپ
- چرا نبايد به سرويسهاي اينترنتي غير تورک اطمينان نمود؟ الفبا را چه کنيم؟
- ساختاکارليق باش توتمادي
- ناتو-دان آذربايجانا ديپلوماتيک هوجوم
- ائلچي بئیله اوز- اوزه - گؤنتاي گئنجآلپ (جاوانشير)
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
http://www.baybak.com
بای بک سایتیندان پرینت اولوب
http://www.11007.baybak.com/4407.azr
یازینین اینترنت آدرسی
گوروش کاپانیبدی