دوغرو اولمايان خبرلر آذربايجان مئدياسين يالانچي دوروما سالاجاق
بای بک، آذربایجان | هفته دٌردی, 12th بهمن , 2008 اینجی ایل, چولا 19:21 [pm] | بیلدیریش, تورکجه
 |
. | سون گونلرده اينترنت دؤشرگه لرينه بير سيرا يانليش معلوماتلار داخيل اولوب و بو معلوماتلار بعضي مئديالار واسيطه سيله يايينلانيب. بو ايش، بيله رک اولماسا بيله بيزيم گله جک چاليشمالاريميز اوچون تهلوکه ليدير. ندن کي ايللر بويو چاليشيب هاق سسيميزي دونيايا چاتديرماغ، خاريجي و موخاليف مئديالاري بيزيم سورونلارلا ايلگيلنمگه مجبور ائتمک، بئله يالان خبرلرله اؤز داياناجاغين ايتيريب و بيزي هاقسيز وضعييته دوشوره جکدير. |
سون گونلرده اينترنت دؤشرگه لرينه بير سيرا يانليش معلوماتلار داخيل اولوب و بو معلوماتلار بعضي مئديالار واسيطه سيله يايينلانيب. بو ايش، بيله رک اولماسا بيله بيزيم گله جک چاليشمالاريميز اوچون تهلوکه ليدير. ندن کي ايللر بويو چاليشيب هاق سسيميزي دونيايا چاتديرماغ، خاريجي و موخاليف مئديالاري بيزيم سورونلارلا ايلگيلنمگه مجبور ائتمک، بئله يالان خبرلرله اؤز داياناجاغين ايتيريب و بيزي هاقسيز وضعييته دوشوره جکدير.
بلليدير کي هر کس چاليشير ميللي موجاديله ميزده بير رول اويناسين. آنجاق بيلينمه ليدير کي مئديا واسيطه لري سيياست ساهه سينده و گله جکده باش وئره جک اولان اولايلاردا بؤيوک رول اوينايير. مئديايلاريميزي بئله يانليش معلوماتلارلا گوجدن سالماق بيزلره آغير ضربه اينديره جکدير.
باي بک اينانير کي ميللي فعاللار بو باره ده بيزيمله بير گؤروشده لر، و بيليرلر کي آذربايجان خبرلرين هاقسيز حاله گتيرمک فارس شووونيستلري و تورک دوشمانلاري نين ايلک آماجيدير. اونلارا اويونجاق اولماماق اوچون، هاميميز داها ديقتلي اولماليييق.
بيزه چوخلو خبر، يازي و بلگه گؤنره ديلير. هابئله حک، سالديريلار و فيلتر سورونلاريلا قارشي قارشييا دورموشوق. آنجاق، باي بک چاليشيبدير کي اونايلانماميش ماتئرياللاري سيته لرينه يئرلشديرمه سين. بو گونه قدر، يازي سهولريندن باشقا خبر سهويميز اولماييبدير و چاليشميشيق کي گونده ليک چاليشمالاريميزا دوام ائدک.
باي بک بو وسيله ايله آذربايجان آدينا چاليشان مئديا واسيطه لرينه سسله نير و ريجا ائدير کي تام اونايلانماميش خبرلري سيته لره يازماسينلار و باشقا مئديالارا گؤندرمه سينلر. گئچنلرده بيزيم خبرلري آيلار سوروندورن مئديالار ايندي بير گون ايچينده بو خبرلري يانسيتيرلار، بو ايمکانلاري الدن وئرمه مک اوچون هاميميز ديقتلي اولماليييق.
حؤرمتله،
باي بک
۱۲/۰۲/۲۰۰۸
، بیر میللتین سسی
پایلاش | پرینت
بورا باغلي يازيلار:
- قالايا ساري يئريين - پاشا سارخانلي
- آذربايجان اوزريندن ايران پوللاري “يويولور”
- آ.ف.ي داداش بي آسلانزاده دن تقدير ائتدي
- قورتولوشا ساري يولوموز (بيراينجي بولوم) - ماحمود علي چؤهره گانلي
- حسن هرگولي-ه (آزربايجان) قارشي قيييلان عدالتسيزليک حاقيندا ايلتيشمه
- گورجوستاندا مسجيدلر داغيديلاراق يئرينه کليسا لار تيکيلير
- علي اينسانوو ۱۱ ايل آزادليقدان محروم ائديلدي
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
- پنتاگون-ون آذربايجانلا باغلي هدفلري آچيقلاندي
- گونئي آذربايجان شهرلرينه کورد کؤچو باشلاييب
http://www.baybak.com
بای بک سایتیندان پرینت اولوب
http://www.11007.baybak.com/4384.azr
یازینین اینترنت آدرسی
گوروش کاپانیبدی