یاشاسین آذربایجان - Long live Azerbaijan

.

خارق (خارک) آداسيندا تاريخي بير کيتابه نين تاپيلماسينا داير موتخصيصلرين سؤيله ديکلري نين دوزگون اولماديغيني بيلديريب. او دئييب: «کيتابه نين متنيني اوخودوقلاريني و اورادا هخامنشي (همه ني) شاهلاريندان بيري نين فرماني نين ميخي اليفبا ايله حک اولوندوغونو ايديعا ائدن ديلچيلرين بياناتي نين علمي اساسي يوخدور. بو کيتابه بئش-آلتي سؤزدن عيبارتدير و بيرينجي سؤز ايستيثنا ائديلمکله («يدي» معناسيني وئرن «اه» سؤزو)، قالان کلمه لرين معناسي يوخدور. کيتابه ميخي اليفبا ايله يازيلميشدير، آما او هئچ بير ديله اويغون گلمير، آيدين و آنلاشيقلي متنه ماليک دئييل. کيتابه نين

---

---

بوشهردن اولان ديلچي سئييد ابدولزيز بيلادي ايرنا آگئنتليگينه وئرديگي آچيقلامادا خارق (خارک) آداسيندا تاريخي بير کيتابه نين تاپيلماسينا داير موتخصيصلرين سؤيله ديکلري نين دوزگون اولماديغيني بيلديريب. او دئييب: «کيتابه نين متنيني اوخودوقلاريني و اورادا هخامنشي (همه ني) شاهلاريندان بيري نين فرماني نين ميخي اليفبا ايله حک اولوندوغونو ايديعا ائدن ديلچيلرين بياناتي نين علمي اساسي يوخدور. بو کيتابه بئش-آلتي سؤزدن عيبارتدير و بيرينجي سؤز ايستيثنا ائديلمکله («يدي» معناسيني وئرن «اه» سؤزو)، قالان کلمه لرين معناسي يوخدور. کيتابه ميخي اليفبا ايله يازيلميشدير، آما او هئچ بير ديله اويغون گلمير، آيدين و آنلاشيقلي متنه ماليک دئييل. کيتابه نين اوزرينده بير تاج حک اولونموشدور کي، قطعييين هخامنشي شاهلاري نين تاجينا اوخشامير و عئينيله ۶۰-۵۰ ايل بوندان قاباق پهلويلرين قويدوغو تاجا بنزه يير».

بيلادي داها سونرا بيلديريب: «کيتابه نين سؤزلري اَيري شکيلده، چرچيوه يه، اوفوقي و شاقولي جرگه لره ريايت اولونمادان حک ائديليب، حالبوکي پادشاهلارين فرمانلاريني احتيوا ائدن قديم کيتابه لر سؤزلرين سيممئتريياسينا و يازيليش قايدالارين جيدي ريايت ائديلمکله ترتيب اولونوب. اوسته ليک ايندييه قدر گؤرونمه ييب کي، کيتابه يئرين سطحينده کي داشا حک ائديلسين، بو کيتابه ايسه آغاج ديبينده اولان بير داشين اوزرينه يازيليب، اونون بعضي حيصه لري آغاجين کؤتويونه سورتوله رک يئييليب، لاکين سؤزلره ضيان ديمه ييب. هئچ بير اؤرتوک اولمادان ياغيشين و گونون آلتيندا قالان کيتابه بو قدر واخت کئچندن سونرا موعين آشينمايا معروض قالمالي ايدي، آما او، دئمک اولار کي، تام سالاماتدير».

کيتابه ايله باغلي اؤز وئرسيياسيني ايره لي سورن بيلادي دئييب: «نئفت شيرکتلري خارق آداسينا گلمزدن قاباق، بورا بير چوخ ضياليلارين سورگون يئري اولوب. اولا بيلر کي، بو کيتابه قديم اليفباني بيلن همين شخصلردن بيري طرفيندن يازيليب. بوتون دليل-سوبوتلار و علامتلر گؤسترير کي، بو کيتابه يالنيز ۶۰-۵۰ ايل بوندان اوله آيد شخصي بير ياديگار يازيسيدير و اونو يازان آدام ميخي اليفباني بيلسه ده، قديم ديللرين لئکسيکاسينا بلد اولماييب».

بيلادي سؤزونون سونوندا سؤيله ييب: «فارس کؤرفزي نين ايرانا منسوبلوغو دونيا تاريخينده قئيد اولونوب و آيدين مثله دير، اونا گؤره ده بيزيم بو باره ده هانسيسا سند تقديم ائتمگيميزه احتيياج يوخدور».

هه، بورادا اساس مطلبين اوزرينه ايشيق دوشور. ۵۰ ياشلي کيتابه يه ۲۵۰۰ ياش وئرمکده مقصد قونشو دؤولتلرله واختاشيري موباحيسه اوبيئکتي اولان (حتي دئييلنه گؤره، ايران رسميلري آ.ب.ش-دان گلميش بير مکتوبدا «فارس کؤرفزي» دئييل، ساده جه «کؤرفز» يازيلديغي اوچون اونو قبول ائتميه رک، گئري قايتاريبلار) بسره کؤرفزي نين (بيز ده بئله دئيک! – م.م.) ايرانا منسوبلوغونو سوبوت ائتمک ايميش. و فارس «موتخسسيسلري» سياسي سيفاريشي ايجرا ائتمکدن اؤترو علمي ويجداني بير کنارا توللاييب بو ساختاکارليغا قول قويوبلار – مؤوجود اولمايان بير متني اوخودوقلاريني بيان ائديبلر (ياخشي کي، هله بو ويجداني ايتيرمه يه نلر ده وار). گؤرونور، همين «موتخسسيسلر» باشابلا ائرمني «تاريخچيلرينين» مئتودلاريني ياخشي منيمسه ييبلر. يا دا عکسينه. اودور کي، گونلرين بير گونو فارس عاليملري خزر ساهيللرينده هانسيسا ميخي کيتابه نين تاپيلديغيني و اورادا دنيزين آدي نين محض «مازانداران دنيزي» کيمي يازيلديغيني ائلان ائتسه لر، تعجوبلنمگين.

مسياغا محمدي

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش ۱

1. 
   

   : behnam سویلییر

   يئلگؤن ۶ دوندوران ۱۱۰۰۷ @ ۱۰:۱۸ آ.خ

   salam
   farslarin tarix konusundaki soyladiklari tamamila yalandi

RSS بو یازینین گوروشلرینین یمی