آذربايجان ميللي هؤکومتينين عوضوو اسماعیل شمس وفات ائتدي - “۲۱ آذر” تشکيلاتي
بای بک، آذربایجان | آنناآخشامي, ۴-ي دوندوران , ۱۱۰۰۷ اینجی ایل, چولا ۲۲:۳۹ | بیلدیریش, تورکجه
 |
. | اسماعیل شمس بوتون آذربايجان ميلتينه، اونون يوکسه ليشينه، آزادليغينا وارليغي ايله خيدمت ائتدي. اونون ميلتيميز قارشيسيندا خيدمتلري، يازديغي اثرلري، نورلو شخصيتي هئچ زامان اونودولماياجاقدير.
اسماعیل شمسين وفاتي موناسيبتي ايله اونون قوروجولاريندان اولدوغو چاغداش “۲۱ آذر” تشکيلاتينا، آذربايجان ميلتينه درين حوزنله باشساغليغي وئريريک. |
آذربايجان ايجتيماياتينا آغير ايتکي اوز وئرميسهدير. خخ يوزيلده او تايلي-بو تايلي آذربايجانين ايجتيماي-سياسي حياتيندا اؤنملي رول اويناميش شخصيتلردن بيري اولان اسماعیل شمس ۹۶ ياشيندا فاجيعه لي شکيلده وفات ائتميشدير.
اولو بابالاري آذربايجانين قوزئييندن-شوشادان اولان اسماعیل شمس ۱۹۱۲-اينجي ايلده تبريزين کوبار عاييلهلريني نين بيرينده دونيايا گؤز آچميشدير. ايبتيداي و اورتا تحصيليني تبريزده آلديقدان سونرا تئهراندا هوقوق و ديپلوماتييا فاکولته لريني بيتيرميشدير.
اونون بوتون حيات يولو گونئي آذربايجانين آزادليق موباريزه سي ايله آيريلماز صورتده باغلي اولموشدور. ۱۹۴۲-۱۹۳۹-جي ايللرده ” آذربايجان ” جمعيتي نين، ۱۹۴۵-اينجي ايلدن آذربايجان دئموکرات فيرقه سي نين اورقاني اولموش ” آذربايجان ” قزئتي نين، آذربايجان ميللي هؤکومتي ميللي مجليسي نين رسمي اورقاني اولان ” آزاد ميلت ” قزئتي نين رئداکتورو اولموشدور. اسماعیل شمس ۱۹۴۵-اينجي ايلين ۱۲ دسامبريندا آچيلميش آذربايجان ميللي مجليسي نين ۱۰۱ نفر عوضووندن بيري ايدي.
ميللي هؤکومت دئوريلديکدن سونرا قوزئي آذربايجانا موهاجيرت ائتميش، ۱۹۴۸-اينجي ايلدن هاقسيز اولاراق ۱۱ ايل سيبيرده و تورکمه نيستاندا حبس دوشرگه لرينده ساخلانميشدير.
۵۰ -اينجي ايللردن باکي-يا کؤچه رک ۴۰ ايلدن آرتيق باکي دؤولت اونيوئرستيتئتي نين شرقشوناسليق فاکولته سينده عرب ديلي موعليمي ايشله ميشدير. بو گون آذربايجان تاريخينده موهوم رولو اولان يوزلرله تانينميش شخصيتين- آذربايجان پرئزيدئنتي ابولفضل ائلچي بئيين، مشهور شرقشوناسلار آيدا ايمانقولويئوانين، واسيم مممه دهلييئوين، وفا قولوزاده نين و ب. موعليمي اولموشدور. تورکمن، اؤزبک، تاجيک، فارس ديللريندن ائتديگي بديعي ترجومه لر اسماعیل شمسي پئشکار ترجومه چي کيمي تانيتميشدير. ايلک دفعه اولاراق ” آوئستا ” نين، محمد علي تربييتين ” دانئشمنداني-آذربايجان ” (قافار کندلي ايله بيرليکده) اثرلري نين آذربايجان تورکجه سينه چئوريلمه سي ده اسماعیل موعليمين آدي ايله باغليدير.
۱۹۹۸-اينجي ايلده “۲۱ آذر” قروپو يارانارکن اونون ياراديجيلاريندان، نظريييه چيلريندن بيري اولموشدور.
گونئي آذربايجان ميللي هؤکومتي نين بير چوخ عوضولري کيمي اسماعیل شمسين ده حياتي فاجيعه لي اولموشدور. حياتي نين سون نئچه ايليني اونودولموش دورومدا، چوخ آغير وضعيتده، ماددي و معنوي احتيياج ايچينده، گؤزدن-کؤنولدن اوشاق بير داخمادا باشا ووردو. اؤلومو بئله موعمالي اولدو. بيزيم هاميميز اونون روحو قارشيسيندا گوناهکاريق.
اسماعیل شمس بوتون آذربايجان ميلتينه، اونون يوکسه ليشينه، آزادليغينا وارليغي ايله خيدمت ائتدي. اونون ميلتيميز قارشيسيندا خيدمتلري، يازديغي اثرلري، نورلو شخصيتي هئچ زامان اونودولماياجاقدير.
اسماعیل شمسين وفاتي موناسيبتي ايله اونون قوروجولاريندان اولدوغو چاغداش “۲۱ آذر” تشکيلاتينا، آذربايجان ميلتينه درين حوزنله باشساغليغي وئريريک.
بهروز حقي
“۲۱ آذر” تشکيلاتي
۲۲ ژانويه ۲۰۰۸-اينجي ايل
آلمان - کؤلن..
، بیر میللتین سسی_ _ _ _ _ _ _
مربوط اُلان یازیلار
- ===> باش ساغليغي - صمد نيکنام
- ===> اونوتقان ليغي ميزلا بيگانه لي ييميز آراسيندا ؟!!! - اولوس
- ===> قارا طالعيميزه باش ساغليغي - بؤيوک رسولوغلو
- ===> پيشه وري هؤکومتينين عوضوو باکيدا قتله يئتيريلدي
پایلاش | پرینت
- تاپيلمادي
گوروش ۱
http://www.baybak.com
بای بک سایتیندان پرینت اولوب
http://www.11007.baybak.com/4225.azr
یازینین اینترنت آدرسی
: behnam سویلییر
آنناآخشامي ۴ دوندوران ۱۱۰۰۷ @ ۱۱:۱۴ آ.خ
salam
belə şəxsiyyətləri tanıtdırdıgınıza görə sizdən çox təşəkkür edirəm ,amma nə yaxşı olardi belə əzizlərimizə dirikən körmət goyag və layıgcəsinə hanmıya tanıdırag.