اونوتقان ليغي ميزلا بيگانه لي ييميز آراسيندا ؟!!! - اولوس
بای بک، آذربایجان | آنناآخشامي, ۴-ي دوندوران , ۱۱۰۰۷ اینجی ایل, چولا ۱۵:۳۱ | تورکجه, مقاله
 |
. | “اييرمي بير آذر” چي لر تاپميش ديرلار اونو دئييرم، آنجاق بيليرم “تاپيميش دير” سوزو اويغون بير سوز ساييلمازهر حالدا. ايـتن آدامي تاپارلار! او واريدي، او ياشاييردي و بير سوزله او ايتمه ميشدي. ايتن وارسادا او بيزيک!!! اولسايديق، ياشاسايديق او بير ايلي يارادانلاري، او بيري ايلي ياشادانلاري و او بير ايلين تاريخي ني اوز ياشام لاري ايله ياشادانلاري ان آزي بو ايللرده تک بوراخمازديق…
اوزوموزو بير دوغال دوشونجه نين داشي ييجي سي کيمي تقديم ائديريک، آنجاق حيات فاجيعه لري ايله دوشونجه نين سونمه سينه ايمکان وئرمه ينلرين هارادا اولمالاريني، ياشاييش نئجه لي يي حاقدا هئچ دوشونمک ده بئله ايسته ميريک. |
ايسماعيل شمس بلکه ده چوخلارينا آنجاق بير آددير. ساده جه اولاراق بير آد. آمما اونوتماياق هر بير آدين، بير تاريخچه سي و بير حئکايه سي ده واردير. ائله مني ده دوشوندوره ن بودور. نده ن حئکايه ني و تاريخچه ني ساده جه اولاراق يازيليب سونا چاتديقدان سونرا اوخوماق مجبوريتينده ييک؟! هله حئکايه لرين بيزه نفعي اولماديغي زامان اوخوماديغي ميزدان سوز آچميرام.
بو اوزون و شاختالي بير قيش گئجه سينده، ايسماعيل شمسله قيزينين اولدورولمه سي اونوتقان ليغي ميزلا بيگانه لي ييميز آراسيندا اولان مسافه نين نه قده رده قيسسا اولماسيني بير داها دا خاطيرلاتدي منه. ياخين کئچميشي ميزين قانلي قادالي گونلريني ياشادان، غلبه نين سئوينجي ني ياشامادان مغلوبيت آغيرليق لاريني اوز چي يينلرينده داشي يانلار بئله بير اولومه لاييقي ديرلرمي؟! نه واختا قده ر دامارلاريميزدا آخان قانلار ائله پنجره شوشه لري نين او اوجوندا هر طرفه ياييلان بوزلار کيمي دونموش قالاجاق؟! هر بير قيشين آرخاسينجا گلن يازي نه واختا قده رساده جه اولاراق گوزله مه لي ييک؟!…
کيمسه ني محکوم ائتمک ايسته ميرم. بئله بير دوشونجه ده اصلا بولونماميشام. هر نه دئييليرسه، هر نه يازيليرسا ائله بيرينجي اوزومه عائيد اولمالي دير…
اونو ايلک دفعه باکي دا گورموشدوم. هر بير گونئيلي ايله تانيش اولارکن، سئوينجله دولو باغرينا باسماغيني کيم اونودا بيلرکي. ياشي چوخيدي، يولو دا چوخ اوزاق، آنجاق ياشينا اويغون اولمايان جلد لي يي اونوتماق دا اولمور.
“اييرمي بير آذر” چي لر تاپميش ديرلار اونو دئييرم، آنجاق بيليرم “تاپيميش دير” سوزو اويغون بير سوز ساييلمازهر حالدا. ايـتن آدامي تاپارلار! او واريدي، او ياشاييردي و بير سوزله او ايتمه ميشدي. ايتن وارسادا او بيزيک!!! اولسايديق، ياشاسايديق او بير ايلي يارادانلاري، او بيري ايلي ياشادانلاري و او بير ايلين تاريخي ني اوز ياشام لاري ايله ياشادانلاري ان آزي بو ايللرده تک بوراخمازديق…
اوزوموزو بير دوغال دوشونجه نين داشي ييجي سي کيمي تقديم ائديريک، آنجاق حيات فاجيعه لري ايله دوشونجه نين سونمه سينه ايمکان وئرمه ينلرين هارادا اولمالاريني، ياشاييش نئجه لي يي حاقدا هئچ دوشونمک ده بئله ايسته ميريک.
و ان دهشتلي سي اونوتقانليقدان توره ين بيگانه لي ييميزدير. ايسماعيل شمس نين اولومو هئچ بيري ميزي تاثيرلنديرمه دي! بير خبر، آردينجادا بويوک بي يين بير تسليتي. داها هئچ نه…
ايسماعيل شمس جانلي بير تاريخي ديرسه، ايندي آنجاق بير تاريخ دير و تاريخ اولاراق قالاجاق. آنجاق سيبرين سازاغيندان داهادا قورخونج اولان سوکوت دا اولومونو هئچ جوره باشا دوشمورم.
پنجره شوشه لرينين او بيري اوجونا قارانليق چوکوب، شاختا بير طرفده ن قارانليقدا بير طرفده ن! و بو قارانليقلا شاختاني آنجاق دامارلاريميزدا دونان بوزلارين اريتمه سي ايله آرادان قالديرا بيلريک…
کيمي گوزله ييريک؟! نه يي گوزله ييريک؟… !!!
، بیر میللتین سسی_ _ _ _ _ _ _
مربوط اُلان یازیلار
- ===> قارا طالعيميزه باش ساغليغي - بؤيوک رسولوغلو
- ===> پيشه وري هؤکومتينين عوضوو باکيدا قتله يئتيريلدي
پایلاش | پرینت
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/4220.azr
یازینین اینترنت آدرسی
گوروش کاپانیبدی