چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون ايکينجي بؤلوم)

چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون ايکينجي بؤلوم) - رحيم جاوادبئيلي

بای بک، آذربایجان | جمعه, 18th دی , 2008 اینجی ایل, چولا 06:17 [am] | تورکجه, مقاله

۳. ۴ ۱۹۷۹/۱۳۵۷-جي ايل چئوريليشي:

۱۳۵۷/۱۹۷۹ – جو ايل چئوريليشي ماهيتجه ايران فارس شوورونو اساس توتان دينچي ، ميللي مذهبي و سوسياليزم ايدئولوژيسينه دايانسادا اساسن آدي گئدن گوجلرين – يني انگلیس - روسیه و آ.ب.د (آمریکا بیرلشمیش دولتلر) آراسيندا گئدن سياسي چکيشمه لرين محصولو اولاراق ۱۳۴۲/۱۹۶۳ -اینجی ايل تاريخيندن باشلانان آغ اينقیلاب ان قايناقلانمشدير.

آ.ب.د (آمریکا بیرلشمیش دولتلر) مصدیق سونراسي اؤز يانليسي زاهدي نين باشچيليغيندا قورولموش هوکومت دؤوروندن باشلاياراق اؤلکه ايچينده سووئت روسیه سيندان ضياده اساس رقيبي اولان انگلیس يه قارشي نوفوز دايره سيني آدديم با آدديم آرتيرماقدا ايدي. بو ايسه انگلیس ني اولدوقجا ناراحات ائديردي . سووئت روسیه سي ايسه اؤلکه ده سوسياليزمين داها آچيق شکيلده دئسک توده پارتيياسي نين باشقا پارتييالارا باخديقدا اولدوقجا گوجلو اولدوغونا راغمن اؤلکه ده حاکيم اولا بيلميه جگي اينانجيندا اولدوغونا گؤره بؤلگه ده اساس موتتفيقي اولان انگلیس نين اؤلکه ده آ.ب.د (آمریکا بیرلشمیش دولتلر) –سيز اولاراق او مودت ده اولدوغو کيمي اساس نوفوز صاحيبي اولماسيني اؤز سياسي ماراقلارينا اويغون حساب ائديردي، بو اوزدن ده آ.ب.د (آمریکا بیرلشمیش دولتلر) - نوفوزونا قارشي انگلیس ني اؤز ايجتيماي داياقلاري ايله يئري گلديکده قطعي شکيلده اؤلکه ده دستکله مکده ايدي ، يعني آ.ب.د (آمریکا بیرلشمیش دولتلر) گئنل آنلامدا کورسل پروسئسلرده سووئت روسیه سينا قارشي اؤز سيياستيني تنزيمله ييرديسه ايراندا انگلیس ايله سووئت روسیه سي نين اورتاقليقدا بولونان نوفوزونا قارشي اؤز سيياستيني پلانلاشديريردي، بونا گؤره کي، ايراندا روسیه ايله انگلیس نين ۱۹-جو يوز ايلليگين اوللريندن بري ايتيريلمه سي ايسته نيلمه يه ن مؤحکم و ستراتئژيک اورتاق چيخارلاري وار ايدي.

بو دؤورده گئدن سياسي پروسئسلره ديقتله باخيلديقدا گؤرونور کي، گئريچي ديني آخيشين رهبرلري ايله خالقين ايچيندن چيخان ، خالقلارين ريفاهي و آزادليقلاري اوغروندا موباريزه ائتديکلريني فرض ائدن ( سانان ) موباريزلري اؤزونده بيرلشديرن سول آخي نين ايداره ائدن سووئتين امير قولو اولان رهبرلرين گوجلو اورتاق مؤوقئلري واريدي ، بو مؤوقع ايسه آ.ب.د (آمریکا بیرلشمیش دولتلر) – نين اؤلکه ده گونو - گوندن آرتماقدا اولان نوفوزونا ضربه وورماق و نوفوز آچيسيندان آ.ب.د (آمریکا بیرلشمیش دولتلر) - نين انگلیس ني اؤلکه ده عوض ائتمکله باغلي پلانلاشديرميش اولدوغو کورسونو ووروب سياسي آرئنادان چيخارماقلا اؤز اورتاق نزارتلريني قورويوب ساخلاماقدان عيبارت اولموشدور.

سول آخيندا بولونان خالقي نين ريفاهيني ، خوشبختليگيني دوشونن اونون اوچون وار گوجو ايله موباريزه مئيدانلارينا آتيلان اينسانلار ايسه نه يازيقلار کي، بو آلتي فعل اولان ديني گئريچيلرين رهبرلري ايله بيرلشن سووئت روسیه سي نين امير قولولاري طرفيندن دايم سو ايستيمال ائديلميشدير، بو چيرکين سيياستين قوربانلاري اولان موباريزلرين بؤيوک چوخلوغونو ايسه نه يازيقلار کي، آذربايجان تورکلري تشکيل ائتميشدير.BayBak

آ.ب.د (آمریکا بیرلشمیش دولتلر) اؤنجه ده وورغولانديغي کيمي اؤلکه ده يئگانه نوفوز صاحيبي اولماغي تنها چيخيش يول اولاراق گؤروردو ، بونا گؤره کي، آ.ب.د (آمریکا بیرلشمیش دولتلر) اؤز آچيسيندان بؤلگه سورونونون بير دفعه ليک هلل ائديلمه سيني انگلیس نين روسیه ايله بيريشميش تاريخي هئژئمونلوغونا سون قويولماسيندا گؤروردو ، بيليردي کي، انگلیس بؤلگه ده نوفوزونو قوروياجاغي تقديرده ، حتّی سووئت روسیه سي چؤکدوکدن سونرا دا بو بؤلگه سورونو آچيلماميش دويون اولاراق کول آلتي کؤز کيمي آ.ب.د (آمریکا بیرلشمیش دولتلر) – نين قلوبال ستراتئژيسينه ان اؤنملي پروبلئمي ياراداجاقدير ، بو اوزدن ده آ.ب.د (آمریکا بیرلشمیش دولتلر) ۲۸ مرداد ۱۳۳۲-۱۹۵۳ حاديثه سيندن اؤزلليکله ده آغ اينقيلاب سونراسي اؤلکه ده آرتماقدا اولان ايقتيصادي – سياسي نوفوزونو انگلیس نين نوفوز دايره سي حسابينا تام آرتيرماق و گوجلنديرمک مقصدي ايله سارايا بير طرفدن چئشيتلي يارديملاردا بولونماقدا ديگر طرفدن ايسه ايصلاحاتلارين آپاريلماسي اوچون تزيقلر گؤسترمکده ايدي. بونلارين نتيجه سينده آ.ب.د (آمریکا بیرلشمیش دولتلر) ايستر ميللي اوردودا( ميللي آرتئش )، ايستر شاهنشاهين اؤزل موحافيظ لرينده ( گارد ویژه شاهنشاهي ) ، ايستر ساواک دا ، ايستر سارايدا ايسترسه ده ديگر دؤولت ايستروکتورلاريندا بؤيوک نوفوزا صاحيب اولموشدور، لاکين هله بو اوزون سوره دن بري اؤلکه نين چئشيتلي آلانلاريندا درين کؤک سالميش انگلیس ايله موقاييسه ائديلميه جک قدر آز ايدي. آ.ب.د (آمریکا بیرلشمیش دولتلر) – نين گونو-گوندن داها آرتيق تاثيرينه دوشن مهممدرزا شاه ۱۳۴۴/۱۹۶۵ – جي ايلده انگلیس نين فساد ايچينده بولونان گئريچي ايجتيماي داياغي نين باشيني چکن ، انگلیس نين پولو ايله سارايلاردا ياشايان يئرلي وطنداش جاسوسلارين ديرناق آراسي دين خاديملري نين و يالانچيق مودئرنيستلرين سيياهيسين و بيلگيلرين خالقا ساواک-الي ايله آچماسي نتيجه سينده ايجتيمايت آراسيندا انگلیس يه و اونون ماراقلارينا خيدمت ائدنلره قارشي منفي ري فورمالاشديرماغا تکان وئردي .

محمدرضا شاهين بو و بو کيمي بير چوخ عمللري انگلیس ني اونا قارشي جيدي تدبيرلر گؤرمه يه سؤوق ائديردي. انگلیس نين جيدي تدبيرلريندن بيري ، ان باشليجاسي دايم اؤز ماراقلاري ايجابينجا تام باشاريلي بير بيچيمده ايستيفاده ائتديگي ، اؤلکه نين و ايجتيمايتين دايم نفس بوروسونو – حولقومونو بارماقلاري آراسيندا سيخان دين اؤنجوللري نين ايچيندن راديکال بيچيمده خومئينيني، موحافيظ اکار بيچيمده ايسه ديگر بير نئچه داخيلي اولمالاري شاهين علئيه اينه قيشقيرداراق سياسي مئيدانا جلب ائتمه سي و بو سياسي خطي شاهين يوروتدويو سيياسته آلتئرناتيو اولاراق زامانينا اويغون ايداره ائتمه سي ايدي.BayBak

بونلارا باخماياراق آ.ب.د (آمریکا بیرلشمیش دولتلر) اؤلکه ده اؤز هئگئمون نوفوزونو ياراتماق اوچون چئشيتلي واسيطه لردن او ، جومله دن ماددي ، نيظامي . تئکنيکي يارديملاري ايله ياناشي مودافيعه ائتديگي اؤزل سئکتورا دايالي رئفورميست ميللي بورژووانين ليبئرال دئموکراسييه دايالي سياسي کورسو (خطی) ايستر روسیه نين سوسياليزمينه ايسترسه ده انگلیس نين گوبودجاسينا دستکله ديگي گئريچي ايسلامچيليغينا نيسبتن داها ايره ليچي و اينکيشافا مئييللي گؤرونور و شهر ايجتيمايتي نين اورتا و يوکسک قاتي طرفيندن اولوملو قارشيلانماقدا ايدي ، بو ايسه آ.ب.د (آمریکا بیرلشمیش دولتلر) -ه اؤز سيياستيني داها قطعيتله يوروتمه سينه سؤوق ائديردي .

۱۳۴۰\۱۹۶۰-جي ايللرين سونلاريندا و ۱۳۵۰\۱۹۷۰-جي ايللرينده آ.ب.د (آمریکا بیرلشمیش دولتلر) -نين بؤلگه ده ان ياخين داياغي و اسرائيل-ين موتتفيقي اولان و بؤلگه نين ژاندارمي حساب ائديلن ايران ، ايسرايل – عرب موناقيشه سينده ايسرايلدن يانا اولان بير ايسلامي اؤلکه کيمي بؤيوک ايقتيصادي-سياسي مزيتلر کسب ائتمکده ايدي. دونيا نئفت بازارينا نزارتلري گوجلو اولان دؤولتلر او ، جومله دن انگلیس قوزئي دنيز نئفتيني يوکسک قييمتله بازارا چيخارتماق مقصدي داشيديغينا و آردينجا اورتا دوغودا شيددتلنن عرب ايسرايل موناقيشه سينده عربلر نئفتين ايخراج ائديلمه سيني دايانديرديقلارينا گؤره دونيا نئفت بازاريندا نئفت سون رئکوردونو ووراراق گؤرونمه ميش حددينه قالخميشدير، هر بارئل نئفتين قيييمتي ۲۰ دولاردان ۵۰ دولار جيوارينا قالخماسي دونيانين اوچونجو ان چوخ نئفت ايخراج ائتمه مقامينا ماليک اولان ايران اوچون گؤيدن دوشمه اولدو. بو دؤنمده ايرانين دؤولت بودجه سينه ميلياردلار دولار پول آخماقدا ايدي.

بو ايسه تخمينن ۳۰ ميليون اهاليسي اولان بير اؤلکه نين اؤزل سئکتورونون ( خوصوصي بخشين ) اينکيشافي ، اؤلکه نين سنايئلشمه سي و عومومي اينکيشافي اوچون قاچينيلماسي فلاکت دوغوراجاق بؤيوک فورصت ايدي . بو دؤنمده يانيلميرامسا ايکي رقملي تومنله ديرلنديريلن دولار پول واحيدي ايله دئسک اؤلکه نين ايلليک آدام باشينا ميللي گليري ۲۰۰۰ دولاري يوخلاماقدا ايدي ، موقاييسه اوچون دئسک تخمينن ۲۰ – ايلدن سونرا-يني ۱۳۷۴\۱۹۹۵-جي ايل ستاتيکتيک مالي ديرلنديرمه لرينه گؤره اؤلکه نين آدام باشينا ميللي گليري اوچ رقملي تومنله ديرلنديريلن دولارلا دئسک ۵۰۰ دولار تشکيل ائتمکده ايدي ، لاکين اؤلکه ده هئچ بير شئيين ايستر سياسي ايستر ايقتيصادي ايستر ايجتيماي ايسترسه ده ديگر گره کي لن علمي ساهه لرده باش وئرن دييشيکلر خالقين شوورلو ايراده سيندن دوغماديغينا و خالقين ايراده سيني تمسيل ائتمه ديگينه گؤره اکس نتيجه ني-يني فلاکتله سونوچلانماسينا گتيريب چيخارتدي ، بو ايسه بو تيپ گئريچي و زوران ايسارته آلينميش خالقلار ييغيمي اولان بير اؤلکه و اونون رئژيمي اوچون تام تبيي و قاچينيلماز بير سونلوق ايدي.

دوغرودور! اؤلکه اهاليسي نين بؤيوک چوخلوغو مؤوجود دورومدان تام نارازي ايدي. دؤولت خزينه سينه ميلياردلار دولارين آخيشينا باخماياراق اؤلکه ده دوغرو-دوزگون بير عدالتلي سيستئمين اولماماسي ، نئفتدن گلن گليرين شاه و اطرافي طرفيندن منيمسنيلمه سي ، مونتاژ سنايئ نين آنا سنايئيه کئچيديني ساغلاياجاق بير بيچيمده قورولماماسي ، آغ اينقیلاب ان سونرا شهره آخيشان کندليلرين قئيدينه قالاجاق عمللي-باشلي گؤرولمه سي گئرچک اولان پلانلارا اساسلانان بير ايستروکتورون اولماماسي، شهرلرده ائوسيزلرين سايي نين آرتماسي، پارازيت ايشچيلرين سايي نين حددن آرتيق چوخالماسي، يئنيجه تورپاغا تهکيمليکدن آزاد اولاراق تورپاق صاحيبي اولموش کندليلرين تورپاقلاريندان يارارلي بير بيچيمده ايستيفاده ائتمه سينه ايستر تئکنيکي ايسترسه ده مالي وسايتلري نين آيريلماماسي، ايستر کند ده ايسترسه ده شهرلرده اهالي نين چوخلوغونو اولوشدوران بو کسيم ( کندلي و کندلردن يئنيجه شهرلره کؤچموش عاييله لر) اوچون تعليم-تربييه نين يوکسلديلمه سينه داير گرکن ايشلرين دؤولت طرفيندن گؤرولمه مه سي، اکثريتيني ساوادسيزلارين اولوشدوردوغو بو کسيم بير طرفدن شهرله آياقلاشمادا زورلانير-آداپتا اولا بيلمير، بير طرفدن اؤزونه وارليغينا تام بيگانه اولان يابانجي فارس ديلينده مؤوجود اولان تحصيل سيستئمينه گيرمکده و باشاري ايله تاماملاماقدا چوخ بؤيوک چتينليکلرله اوزلشمکده ايدي. بو و بو کيمي اونلار مثله نين چيخيلمازا گيره رک ايجتيماي فلاکت تؤرده جگي قاچينيلماز ايدي.BayBak

هئچ بير پروبلئم اؤزو-اؤزلوگونده هلل ائديلمير، اؤز باشينا بوراخيلميش پروبلئم چورومه يه بوراخيلميش يارايا بنزر. اوتراقليغيندن-مسکونلاشديغي يئردن آسيلي اولماياراق اؤلکه نين بؤيوک چوخلوغونو اولوشدوران کندلي کسيم شهرلرده گئدن ۵۰-ايله ياخين بير دؤنمده کي، آنتي ميللي - ميلتين اورف و عادتلرينه، تاريخ و ادبياتينا و بونلاري اؤزونده جملشديرن ديلينه ضيد دييشيکليکلرله آياقلاشا بيلمه ديگينه گؤره روحي-پسيکولوژي آچيدان تنها داياق يئريني عنعنه وي بير بيچيمده خالقين اورف-عادتينه اويغون اؤز ديلينده دانيشان گئريچي موللالارا سيغينماقدا گؤروردو . شهره کؤچموش اينسانلارين بوتون هر ساهه لي ايجتيماي موناسيبتلري هوقوقي دؤولته اويغون بير بيچيمده - دؤولت-فرد و فرد-دؤولت فورماسيندا دئييل فوداليزم دؤنمينه خاص بير بيچيمده - خان رعيت آراسيندا کي ايليشکيلرين موللا واسيطه سي ايله شريت قايدالاري اساسيندا تنزيملنمه سي کيمي ايدي. بو ايسه انگلیس نين ان گوجلو ايجتيماي داياغيني اولوشدوران اولمالارين مؤوقئيي نين تام گوجلنمه سينه خيدمت ائديردي. آ.ب.د (آمریکا بیرلشمیش دولتلر) شاهي محض بونا گؤره گئنيش قاپساملي ايصلاحاتلارين آپاريلماسينا زورلاييردي، لاکين شاهين اؤنجه وورغولانديغي ندنلردن دولايي تبيي اولاراق بونا لياقتي چاتمادي.

شاه آ.ب.د (آمریکا بیرلشمیش دولتلر) -نين بير باشا تشببوسکارليغي ايله آغ اينقيلابي حياتا کئچيرسه ده نه کندلرده قالان کندليلرين ريفاهي و يگيتيمي اوچون نده کي، شهرلره کؤچموش کندليلرين شهره آداپدا-اويوم ساغلاماسينا داير هانسيسا عمللي و ائففئکتلي-تاثيرلي بير پروقرام حياتا کئچيره بيلمه دي، شاهين بو باشاريسيز آغ اينقلابي نين نتيجه سينده کئچميشدن قات-قات آرتيق بير شکيلده خاريجي اؤلکه لرين کند تصروفاتي ماللاري ايله تمين اولان شهرليلرله ايقتيصادياتي ايفليج اولموش و امگي اؤنمسه نيلمه يهن کندليلر آراسيندا اوچوروما گتيريب چيخارتميشدير .

شاه بو آغ اينقيلابين اساس حدفلريندن بيري اولان اولوملو و سنايئلشمک اوچون گره کي لن کونتروللو اوربانيزاسيون سيياستيني – کندليلرين موعين بير ميقداردا بؤيوک شهرلرده يئرلشمه سيني تشکيل ائتمه سيياستيني يوخاريدا سادالانان بئجريکسيزليک و لاقئيدليک اوزوندن باشاريلي بير بيچيمده حياتا کئچيره بيلمه ييب بؤيوک بير ايجتيماي پروبلئمه چئويرميشدير . شاهين بو ايصلاحاتلاري حياتا کئچيره بيلمه مه سي نين و گلديگي کيمي آغلار گؤزله گئتمه سي نين ان اساس سببي خالقلارين ايسارتده توتولماسينا تبيي بير بيچيمده ياناشماسي ، اونلارا ميلت اولاراق حاق تانيماماسي ، ميللي هوقوقلاريني سايمازدان گلمه سي اولموشدور. مهممدرزا شاهين اؤلکه ني آتاسي قولدور رزايا بنزر بير شکيلده ترک ائتمه سي گئرچکليگيني نظره آلميش اولاريقسا ، بو حاديثه ني بؤيوک ايدئولوقوموز م. ت. کيريشچي ۱۹۴۶\۲۲ آذر ۱۳۲۵-جي ايلده چوخ گؤزل ايفاده ائتميشدير.

ايسته سن قارداش اولاق، بير ياشاياق، بيرليک ائدک،
وئريبن قول-قولا بوندان سونرا بير يولدا گئدک.
اولن، اؤزگه کولکلرله گرک آخماياسان،
ثانيه ن، وارليغيما، خالقيما خور باخماياسان.
يوخسا گر زور دئيه سن، ميلتيمي خار ائدسن.
گون گه لر سفهه چؤنر، مجبور اولارسان گئده سن.

و عئيني حالدا ان اساس موخاليفتده بولونان يوزلر بلکه ده مينلر اؤلکه نين ايگيدلريني شاه فارس فاشيزمينه قارشي موباريزه مئيدانلاريندا ايتيرن سوسياليستلرين و ديگر قروپ و تشکيلاتلارين گئريچي موللالارين قارشيسيندا مئيداندا تک قالمالاري نين و تزييقلرين قارشيسيندا دوروش گتيره بيلميه رک گئري چکيليب مغلوبيتله راضيلاشماقلاري نين ان اؤنملي ندني يئنه ده او ، بو گوجون منافعي ايجابينجا اويدورولموش اولان ايرانا دوغرودان اينانماقلاري ، ايراني مرکز توتان فارس شوورونا دايانمالاري ، ديگر طرفدن ايسارتده کي خالقلارين هوقوقلارينا صميمي ياناشمامالاري و ايسارتده کي خالقلارلا باغلي توتارلي و منطيقه اساسلانان رئال بير پروقراملاري نين اولماماسي اولموشدور، حال – حاضيردا دا بو تشکيلاتلاردا بو بير آچيلماز دويون اولاراق ان اؤنملي پروبلئمي اولوشدورماقدادير . آدي گئدن بو تشکيلاتلارين بو گون تمسيل ائتمکده ايدداالي اولدوقلاري ايسارتده کي خالقلارين طرفيندن تجريد اولمالاري نين يئگانه ان اساس عاميلي ائله همين بو ايسارتده کي ميلتلرين مثله سينه اولوملو و توتارلي بير بيچيمده ياناشمامالاريدير.BayBak

بورادا بئله بير سوال اورتايا چيخا بيلر کي، گؤره سن بو بؤيوک شهرلرين قرب اويقارليغي-مدنيتي ايله بيريشمکده اولان ائرش-عيشرتلي مجليسلرينه، ضيافتلرينه-پارتيلارينا ، آچيق-ساچيقليغينا، اوسلو ، شيک گئيينمه لرينه، اورف و عادتلري آياق آلتينا آلان اؤز ديلينده دانيشماغي کيچيلمک کيمي سانان اورتا اؤزلليکله ده يوکسک قات(يوکسک طبق)منسوبلاري ايله اويوم ساغلايا بيلمه يهن آجيناجاقلي کند حياتيندان نيسبتن داها ياخشي حيات ياشاماق مقصدي ايله يئنيجه شهرلره آخيشان بو نجابتلي ، ساديق و صميمي کسيم نييه محض گئريچي دين خاديملرينه-موللالارا پناه گتيره رک اونلارين منفور مؤوقئلرينده سو ايستيمال ائديله رک هلل ائديجي قاراگروهچو رولوندا چيخيش ائتمه لي اولدولار؟

موللالار بو شاه رئژيمي ايله موخاليفتين آرخا پلانا آتديقلاري غئيري فارسلارين اؤزلليکله ده اينکار و تهقير ائديلن تورک ميلتي نين اؤزونه مخصوص ماهيتي ايله باغلي هانسيسا جيدي بير پروقراملاري واريديمي سوالينا گلديکده دئييلمه ليدير کي، موللالار مماليکي-مهروسه دؤنمينه خاص بير شکيلده کلاسيک و عنعنه وي بير بيچيمده چيخيش ائتديکلرينه گؤره مماليکي-مهروسه سونراسينا خاص ديلغير و لووغا پانيرانيزم و پانفارسيزم کيمي غئيري اينساني آنلاييشلار اؤنمسيز و آنلام کسب ائتمه ين بير شکيلده تظاهور ائديردي. بيرينجي سوالا گلديکده ايسه قئيد ائديلمه ليدير کي، او سوال اؤزو اؤزلوگونده اؤز يانيتيني-جاوابيني وئرمکده دير، بئله کي، بؤيوک شهرلرين ۴۰-۵۰ ايلليک بير دؤنمده آلميش اولدوغو يئني حيات طرزيني ايستمه ديگينه و يا خوددا کي، اونا موخاليف اولدوغونا گؤره دئييل اساسن اونونلا اويوم ساغلاماقدا زورلانديغينا ، او اؤزونه ياد موحيطده اؤزونو ايظهار ، اؤزونو درک ائده بيلمه ديگينه و او موحيطده اؤزونو آزاد هيس ائده بيلمه ييب سيخيلديغينا گؤره محض موللالارا پناه گتيرميشدير.

بو کسيمين اؤزونو درک و اؤزونو ايظهار ائده بيله جگي دين خاديملريندن و ديني ييغينجاقلاردان باشقا سيغيناجاقلاري باغلاناجاقلاري بير مرکز بير سياسي جريان وار ايديمي کي، بونلار او جريانا قوشولماسينلار؟لبتته کي، يوخ ايدي. بونا گؤره کي او دؤنمين بوتون سياسي جريانلاري اويدورولموش ايراني مرکز توتان فارس شوورونا دايالي غئيري فارس اؤزلليکله ده تورکلرين اورف و عادتلرينه، ادبياتينا تاريخينه ، اؤزلليکله او کسيمين باشا دوشه جگي شيفاهي ادبياتينا و ان باشدا سادالانانلارين هاميسيني اؤزونده ياشادان ديلينه وحشي هوجومچولارين قاليغيدير دئيه ، کؤهنه دير دئيه آرخايا آتماقدا ايديلر. حال-حاضيردا کي، ميللي آزادليق هرکاتيميزين ان اساس آکتيو-فال حيصه سيني حتّی تام قطعيتله دئيه بيلريک کي، بؤيوک چوخلوغونو او دؤنمده کندلردن شهرلره کؤچن عنعنه وي فورمادا اولموشسادا تام تورکلوک کاراکتئريني ياشادان عاييلهلرين تربيييه سيني آلميش گنج نسيل تشکيل ائتمکده دير.BayBak

بو اؤزونه دؤنوش آنلاييشينا قاييديشا سبب-ندن ايسه هر ايکي طرفدن هم دينچيلر همده چئشيتلي اوپوزيسيون گوجلري طرفيندن سو ايستيفاده يه معروض قالمالاري اولموشدور، داها دقيق دئسک آتا نيسبتنده بابا-دده نسلي نين گئريچي موللالار طرفيندن سو ايستيفاده يه معروض قالاراق يئگانه مماليکي-مهروسه ليليک-ايرانليليق وحدتيني تشکيل ائدن ايماملي شييه چيليک(شييئي ايمامي-شييئي جفري ) اؤز تاريخي بيرليکليک-وحدتليک اؤنمليليگيني ايتيرميش و ديگر ياندان بو عاييلهلرين تربيييه سيني آلميش يگيتيملي گنج نسيل آيدين ندنلردن دولايي اؤنمسمه ديگي ديرناق آراسي اوپوزيسيونلا ياناشي سو ايستيفاده يه معروض قالديغي دين فاکتورونداندا بئزه رک اؤزونو ايظهار و اؤزونو درک پروسئسيني اؤزونه مخصوص ميللي ماهيتينده آختاريب تاپما چاباسيندان قايناقلانميش و دولاييسي ايله بو سياسي کورس گئوپلوتيک پروسئسلرين اولوملو تاثيري ايله سورعتلنميشدير . يئري گلديکده گئنيش بير بيچيمده بو قونو اله آليناجاقدير.

دوغرودور سياسي جريانلارين اؤنونده گئدن سول کسيم دئيه بيلر کي، بيز خالقين ديلينه حؤرمتله يانشاراق اليميزدن گلن قدر او ديلين آياقدا دوروب ديرچلمه سينه چاليشميشيق، لاکين اونودولماماليدير کي، آلنلاريندا کوممونيست آللاهسيزليق دامغاسيني-آرميني داشييان يگيتيملي اينسانلاريميز او دؤنمده نه قدر بو يوز ايللر بويو دين اينانجي ايله ، موقدس سايديغي شريتله ايسلاميتله يوغرولوب ياشيييب کئچينيب گئتميش بابالاريميزين تربييه سي ايله يئتيشميش بو کسيمي اينانديرا بيلردي؟مارکسين اؤز ايفاده سي ايله دئسک هئگئلين آياق-باش ايدئاليست منطيقيني دوزونه قويموش اولدوغو رئاليست منطيقيندن و ويلادئمير ايليچ لئني نين ” دين هر بير خالقين اويوشدوروجوسودور ” کيمي آدليم فينومئنيندن چيخيش ائدن يوکسک يگيتيملي ماتئرياليستلر(مادديياتچي-ماديگرا) خالقيميزين بؤيوک چوخلوغونو اولوشدوران بو تميز و صميمي کسيمي اؤزو ايله يولچو ائتمه سي او دؤنمده هارداسا عاغيل ائشيگي خيالدان باشقا بير شئي دئييلدير ، محض ائله بونا گؤره ده موسکووا دؤولتي اؤز دريژور چوبوغو ايله ايداره ائتديگي توده پارتيياسي نين بو اؤلکه ده حاکيم اولاجاغينا هئج بير زامان اينانماييب سادجه دونيا گؤروشوندن آسيلي اولماياراق حاکيم اولاجاق رئژيمه تزييق واسيطه سي کيمي ايستيفاده ائتمگي اساس توتموشدور. ديگر آچيدان قاباقدادا گئنيش آچيقليق گتيريله جگي کيمي بو دونيايا ماددي باخان سولچولاريميزين ان اساسيني اولوشدوران توده نين و سونرالار اکثريت آدي ايله سئچيلن کسيم ايدئولوژي آچيدان ان اکس جبهه سينده دايانان ان گئريچي ، ساغچي راديکال دينچيلرله نئجه ده بيريشميش عئيني سيياستي اؤلکه ده ايزله ييرديلر.

بؤيوک شهرلرين تبريز ، تئهران ، ايسفاهان ، شيراز ، مشهد کيمي ائلجه ده ديگر بونلاردان کيچيک اکثر باشقا شهرلرده ياشايان شهرليلرين اؤزلليکله ده اورتا و يوکسک يگيتيملي کسيمين سياسي جريانلاردا هانسي مؤوقئدن چيخيش ائتمکلري ايچ عاميل کيمي ان اساس هلل ائديجي رول اويناميشدير. هر شئيدن اؤنجه بونو نظره آلماق گرکدير کي، بو کسيمين بوتون سياسي جريانلاردا کي ، روللاري تام و نيسبتن سياسي شوورا دايالي اولموشدور-يني سودان دورو نيتلري و شهرليلره گؤره فيزيکي آچيدان آکتيويستليگي-فالليغي ايله سئچيلن کندلي و کنددن شهرلره تخمينن ۴۰-جي ايلين اوللريندن بري کؤچن و هارداسا بؤيوک شهرلرين بئش نفريندن ايکيسيني اولوشدوران بو چوخ اوشاقلي عاييلهليگي ايله سئچيلن وطنداشلار بؤيوک شهرلرين اؤنجه وورغولاديغيميز فاکتورلاري ايله آياقلاشا و ديل تاپا بيلمه ديکلرينه گؤره و مؤوجود نارازيليقلاريني گئديرمک اوچون يئگانه سادالانان پروبلئملردن چيخيش يولونو عادت اوزره اولمالارين يانيندا دايانماغي و اولمالارين امرينه تابئ اولماق کيمي بير سياسي سئچيم (هله سياسي سئچيم اولدوغونو دئمک مومکونسه داها دوز دئميش اولساق ايجتيماي دورومدان قايناقلانان مجبوريتدن ايره لي گلن بير ديرناق آراسي ديني زورونلوق) ائتمه ميشلر و زاتن شهرليلرين بو آددا بير پروبلئملري ده اولماميشدير.BayBak

کندلي و کنددن يئنيجه شهرلره کؤچموشلر اوچون ان درين و تمل سايديقلاري يوخاريدا سادالانان پروبلئملرين هللي مثله سي اساس تشکيل ائديرديسه بونون عکسينه بو پروبلئملري ياشامايان و او چتينليکلره لاقئيد ياناشان شهرلي کسيميني اساسن ايجتيماي آزادليغين آزليغي ، سياسي عقيده آزادليغي نين اولماماسي، شاهليق ديکتاتوراسي نين حؤکم سورمه سي ، دئموکراتيک و هوقوقي ايستروکتورلارين اولماماسي و اولانلاريندا ايشلکسيزليگي، ايجتيماي تميناتسيزليغين و بو قبيلدن اولان پروبلئملر ماراقلانديريردي.

بو شهرلي کسيم اؤزلليکله ده بيزه خاص اولان يني غئيري فارسلارا داير کسيمين عومومي دورومونو نظردن کئچيررکن بير آشيلانميش ضعيفليک گئرچکليگي اؤزونو تام قاباريق شکيلده گؤسترمکده دير. بو تخمينن ۴۰-۴۵ ايل اؤزونه مخصوص اولمايان ميللي هوقوق و آزادليقلاريني گؤرمزدن گلن اونو ميلت اولاراق آلچالدان دوزنه قارشي باشاريسيزليقلا سونوچلانان آرديجيل قانلي موباريزه لريندن سونرا فورمالاشان بير تور اوپورتونيست آنلاييشدان عيبارتدير. بو باخيش آچيسيني باشقا سؤزله ايفاده ائتمک ايستسک دئيه بيلريک کي، شهرليلريميزين پانيرانيزمه قارشي ساواشيب ساواشماماسيندان آسيلي اولماياراق ساواشا گيرمزدن اؤنجه سوندا مغلوبيتله سونوچلاناجاغي قناعتينه گلمه سيدير ، يني موباريزه ائديب ائتمه مه سيندن آسيلي اولماياراق معروض قالميش اولدوغو آنتي تورک و آسيلي پانفارسيزم آغاليغي نين تاثيريندن دوغان فيزيکي و پسيکولوژي محکوملوقلا بير تور اوزلاشماقدان يانا اولاراق مؤوجود پانفارسيزم سيستئمين ان آزيندان ياخشي بير سيستئمله تک باشينا خالق اولاراق او ، بو گوجون موداخيله سي اولمادان دييشديريلمه سي ايقتيداريندا اولماماسي قناعتينه گلمه سيدير، بونا گؤره کي، اؤلکه ده سياسي آچيدان باشاريلي بير بيچيمده نه باش وئريبديسه هاميسيندا ايستيثناسيز خاريجي موداخيله هلل ائديجي رول اويناميشدير . بئله بير دوشونجه طرزي ده البتته کي، حاکيم گوجلرين ايراده سينه تسليم اولماق آنلاييشيني گوجلنديرير .

بو رئالليقدير، بونون دانيلماسي آنجاق و آنجاق دويغونون ، غرضين عاغيلا اوستون اولدوغو کلله نين-باشين اورونو اولا بيلر . بو گئرچکليگي او دؤنمه خاص اولان ديرناق آراسي اوپوزيسيون گوجلرين هارالارا تام باغليليغي امير قولو اولماسي و رئژيمين نه قدر خاريجي گوجلردن آسيلي و تابئليک سيياستي يوروتدويو سوبوت ائدير ، بئله بير محکوملوغا محکوم اولما وضعيتي و دوزه ني ايله راضيلاشماغين نتيجه سي آنجاق و آنجاق ائله بو گون بيز گنج نسلين معروض قالديغي بدبختليک، صفالت، مهبوس و ديدرگين حيات اولا بيلر، زاتن ده بيز بو گون بو صفالتي و ديدرگينليگي ياشاماقداييق . بيزيم منسوب اولدوغوموز گنج نسلين گله جک نسليميزه باغيشلاياجاق حياتا گلديکده ايسه دئييلمه ليدير کي، بو بو گونکو گنج نسلين فورمالاشاجاق دونيا گؤروشونده ميلتينه نه قدر باغلي اولوب اولماماسي نين ، چيخاراجاغي شوورلو قرارلاردا نه قدر باغيمسيز اولاجاغي نين و نهايت چيخاراجاغي قرارلاري حياتا کئچيره جک دؤيوش ايراده سي نين اؤلچوسو هلل ائده جکدير.

باکي، ماي ۲۰۰۷
آردي وار…