سوندوروم ۱۰: ظفر ايله بويون ايمز جناب ليسانلي ايران عيرقچيليگي نين قييديغي قامچيلاماغي سوووب وه هايلادي: اؤلوم اولسون کؤله لييه، ياشاسين آذربايجان
بای بک، آذربایجان | سؤتگؤن, ۲۳-ي چيلله , ۱۱۰۰۷ اینجی ایل, چولا ۲۰:۴۲ [آ.خ] | تورکجه, خبرلر
 |
. | جناب عباس لئيسانلي نين اينسان هاقلاريني قوروماق اوچون سون دوروم ۱۰-او هوزورلارينيزا سونور و اونون ۳۰ دسامبر ۲۰۰۷-ده ايران عيرقچيليگي قارشيسيندا اينانيلماز قلبه سيني راپورت اديريک. او بو ايلايگون-ده گونئي آذربايجان ميللي حرکتيني پاراديقما يئردگيشمه سي مقامينا گتيريب چيخارتدي؛ و ائلجه ده آشاغيدا بو قناعتي ايفاده اديريک کي، او بو ايلايگون-ده اينسان هاقلاري چاغين-سيراسي اوزرينده يئني بير جيغير آچدي. جدول ۱ بو گون عرضينده باش وئرن اولايلارين آدديم-آدديم راپورتونو سونور، لاکين بو گونون ماهيتي آشاغيدا ييغجامجا آچيقلانير: |
ساي: ۴۷۸/۲۰۰۸
تاريخ: ۱۳ ژانويه ۲۰۰۸
ب.م.ت، اينسان هاقلاري اوزره عالي کوميسسارليق، ژنو
لوطفا بو مکتوبو آشاغيداکي قروپلارا چاتديراسينيز:
• چاغداش عيرقچيليک، عيرقي آيري-سچکيليک و قاتلاشمازليق اوزره اؤزل راپورتر
• ميللي آزليقلار اوزره موستقيل موتخصيص
• اؤز-خوشونا توتوقلانما اوزره چاليشان قروپ،
• قازيلارين و وکيللرين باغيمسيزليغي اوزره اؤزل راپورتر
اوزو: خانيم هارريسون و دايک بئي، آمنئستي اينتئرناشنال، لندن
سايين جنابلار،
سوندوروم ۱۰: ظفر ايله بويون ايمز جناب ليسانلي ايران عيرقچيليگي نين قييديغي قامچيلاماغي سوووب وه هايلادي: اؤلوم اولسون کؤله لييه، ياشاسين آذربايجان
جناب عباس لئيسانلي نين اينسان هاقلاريني قوروماق اوچون سون دوروم ۱۰-او هوزورلارينيزا سونور و اونون ۳۰ دسامبر ۲۰۰۷-ده ايران عيرقچيليگي قارشيسيندا اينانيلماز قلبه سيني راپورت اديريک. او بو ايلايگون-ده گونئي آذربايجان ميللي حرکتيني پاراديقما يئردگيشمه سي مقامينا گتيريب چيخارتدي؛ و ائلجه ده آشاغيدا بو قناعتي ايفاده اديريک کي، او بو ايلايگون-ده اينسان هاقلاري چاغين-سيراسي اوزرينده يئني بير جيغير آچدي. جدول ۱ بو گون عرضينده باش وئرن اولايلارين آدديم-آدديم راپورتونو سونور، لاکين بو گونون ماهيتي آشاغيدا ييغجامجا آچيقلانير:
• سون دوروم ۱ (ساي: ۳۹۹/۲۰۰۶؛ ايلايگون: ۱۸ اکتبر ۲۰۰۶) جناب ليسانلي-يا قارشي ايران يئتگيليلري طرفيندن اؤز-خوشونا کسيلن حؤکم باره ده سيزي بيلگيلنديردي، کي اييرنج قامچيلاما دا بو حؤکمه داخيل ايدي.
• سون دوروم ۸ (ساي: ۴۷۴/۲۰۰۷؛ ايلايگون: ۲۱ دسامبر ۲۰۰۷) ايران يتگيليلري نين قامچيلاما حدسي نين يئرينه يئتيرمه جسارتي اوزره سيزي آييق-ساييق ائتدي و بو حده دوغرولانينجا سون دوروم بلگه سيني درله ييب هوزورلارينيزا چاتديرديق.
• سون دوروم ۹ (ساي: ۴۷۶/۲۰۰۷؛ ايلايگون: ۲۹ دسامبر ۲۰۰۷) ايسه بيزده اولان اوميد قيغيلجيميني ديله گتيردي و بئله ايفاده ائتدي کي، بلکي ده ايران يئتگيليلري ايچره بورونلارينا اينسانيت ايي ده ين بير ائشئلون دا تاپيلسين و گئت-گئده گونئي آذربايجانين ميللي حرکتي نين بير اؤرنگي کيمي اورتايا چيخان جناب لئيسانلي-يا قارشي يورودولن بو حددن واز کچمه لي اولمالاريني ايشله سينلر. ايران يئتگيليلري حدني گئرچکلتمکدن اؤتري و قامچيلاما ضربه لريني ائنديرمکدن اؤترو دؤرد-نالا چاپمالاري بيزده اولان-قالان اوميديميزي ده پوچا چيخارتدي. بونلارا باخماياراق، جناب لئيسانلي ايران يئتگيليلري نين عؤهده لريندن گلدي و اؤز ايگيدليگيني و تمکينيني مهارت ايله سرگيلنديره رک، جدول ۱-ده شرحيميز اوزره، باسقينچيلارا گؤز وئريب ايشيق وئرمه دي و اونلاري يئرلرينده اوتورتدو.
جناب ليسانلي نين حسابينا بير داها اعتيبار بودور کي، او ايران يئتگيليلرينه قامچيلانماغا بويون اَيمه مک قلبه سينده ” گوجسوزلوک مؤوزئي ” -ايندن قولو-باغلي دورومدا اولار ايکن چيخيش ائتميش. بيز بئله بير موباحيسه ايره لي سوروروک کي:
۱. ايران يئتگيليلري قامچيلاما حدسي نين عينادينا مينديکده، بو اييرنج حرکتي گونئي آذربايجان ميلتيندن اؤج-آلماغا ساري يؤنلتديلر. بونا گؤره جناب لئيسانلي اؤز ميلتي نين ميللي و اينسان هاقلاريني قولو-باغلي اولماسينا باخماياراق، تک-باشينا ساووندو. ايران يتگيليلرين قيلديقلاري حرکت، اورنسل اينسان هاقلاري بيلديرگه سينه قول چکن بير يئتگيلييه ياخيشان دئييل ايدي. ائلجه ده جناب لئيسانلي نين ايشه سالديغي تاکتيک ويزييونلو ايدي و آنجاق بير حرکتده ائل-اؤرنگي قابيليتي اولان فردلر بئله بير باجاريغا يييلنه بيلرلر.
۲. جناب لئيسانلي بير شاعيردير و ائله بو عصاسدا دا اينسان هاقلاري گؤوده سيندن ايلهاملانار و ائلجه ده بو بيلديرگه نين نوفوزونا درين ايدراکي واردير. آخي، اورنسل اينسان هاقلاري بيلديرگه سينه سؤيکنمه دن نئجه مومکون اولا بيلردي کي، ايران قازاماتلاري نين چوخورلاريندا دمير-قييناقلاري ايله قيرباجلاماق ايسته ين دئهشتلي ايران يئتگيليلري نين قارشيسيندا موقاويمت گؤسترمک اولسون؟
۳. اينسان هاقلاري نين توخونولمازليغي اوندا قورونور کي، او ساوونسون. ائلجه ده اينسان هاقلاري گؤوده سي اورنسلدير و بو او دئمکدير کي، بو گؤودني قوروماق ايسته ين هر بير فرد، حتّی يئرلي اؤلچوده اولسا دا، خيدمتلري بين الخالقدير. دئمک، بو ظفرلي اولاي گئديشاتيندا جناب لئيسانلي نين اينسان هاقلاري اوغروندا آپارديغي موباريزه اينسان هاقلاري گؤوده سيني ديرچئلتمکده بير بين الخالق خيدمت ايدي.
۴. فيريق ايران يئتگيليلريني يئرلرينده اوتوردان جناب ليسانلي، بير مؤحکم عيبرت درسي وئردي و بونون نتيجه سي اينسان هاقلاري چاغين-سيراسيندا گؤزه-چارپان بير ايز بوراخدي.
اينسان هاقلاري چاغين-سيراسيندا بو اولايين قازاناجاغي برکتينه بيزيم دونيا خبر واسيطه لرينه ده بير مئساژيميز واردير کي اونلار بير فورصتين ايتگينلشمه سينه يول وئرديلر و ائلجه ده سؤزوموز بعضي اينسان هاقلاري قوروملارينا يؤنه لير کي، بو خوصوصدا تفاووتسوزلويه قاپينديلار. بو اولايين گئديشاتيني دونيا خبر واسيطه لرينده درج اتمه مک دونيا خبر واسيطه لرينده هاي-کويه شيرنيکمه ني آشکار ائدير و بورا دا ويزييونلو اينسان هاقلاريني ساوونماغا ايشتاهسيزليغي ايفشا ائدير. قوي بو اولاي بير سند اولسون کي، اينسان هاقلاري نين توخونولمازليغيني قوروماق اوغروندا مئيدان اوخونموش و قوي خبر واسيطه لري و اينسان هاقلاري قوروملاري بيلگيلنسينلر کي، اونلارين بو دفعه -کي دينمزليکلري اينسان هاقلاري توخونولمازليغينا گؤروکن ميقداردا ضربه ائنديردي. اؤز هودودلارينا موتناسيب، هر بير هوقوق مودافيعه چيسي، شخص و قوروملاردان دا آپارديقلاري فاليتدن تشککور ائديريک.
بير باشليجا قالان سؤزوموز ده بودور کي، اينديجه جناب لئيسانلي باشقا بير حبسخانادا غئيري-قانوني اولاراق ساخلانيلير، باخماياراق کي اونون دوستاقليق حؤکمو بيتميش. ميللي حرکتيميز اوغروندا بير ائل-اؤرنگي کيمي اورتايا چيخان جناب لئيسانلي ايله علاقه دار، گونئي آذربايجان ميلتي نيگرانلي آنلار ياشايير. نه قدر کي، جناب لئيسانلي بو فيريق ايران يئتگيليلري نين غئيري-قانوني ايختييارلاريندادير، اورتايا چيخان سارسينتيلار داعوام ائده جکدير.
ميللي و اينسان هاقلاريني قوروماق اوغروندا ب.م.ت-يه تاپشيريلان مانداتلارين جناب لئيسانليني قوروماق اوچون اينديکي قدر اووسانايا دوشمه ميشدي. بو مانداتلارين اويغولامالاريني قئيد ائده رک، اوميد ائديريک کي، ايران يئتگيليلريندن جناب لئيسانلي نين ساغلامليغيني و توخونولمازليغيني آپ-آچيق طلب ائده جکسينيز. قاباقجادان قايغينيز اوچون تشککور ائديريک و اوميد ائديريک کي، سيزه تاپيشيريلميش مانداتلارا ساديقسينيز.
حؤرمتله،
بؤيوک رسولوغلو
دونيا آذربايجانليلاري نين هاقلاريني مودافيعه کوميته سي نين سدري
بيلگيلر اوچون [1] بورا کليک ائدين
، بیر میللتین سسی_ _ _ _ _ _ _
مربوط اُلان یازیلار
پایلاش | پرینت
بورا باغلي يازيلار:
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/4106.azr
یازینین اینترنت آدرسی
یازیده ایشه آلینان اینترنت آدرسلری
[1] بورا کليک ائدين: http://www.baybak.com/depo11007/DUNAZHAK-AbbasLeysanli-Sondurum10-2008-01-13.pdf
گوروش کاپانیبدی