چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اونونجو بؤلوم)

چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اونونجو بؤلوم) - رحيم جاوادبئيلي

بای بک، آذربایجان | هفته اوچی, 7th دی , 2008 اینجی ایل, چولا 21:31 [pm] | تورکجه, مقاله

آ.ب.د (آمريکا بيرلشميش دولتلري) ايله اينگيلتره (انگلیس) راضيلاشديقلاريندان سونرا ح.مکي ، م.بقايي ، يزدلي حائريزاده ، آيتوللاه کاشاني و بو کيمي جبهه چيلر مصديق-ي مئيداندا قويوبدا قارشي جبهه يه کئچمه ديلرمي؟ کاشاني آچيق آشکار يزدلي ضيا طباطبايلرله سيخ علاقه ده اولان مصدیق دؤورونده کي تهران پليس رئسيني ، نازير فاطمي-ني ، آدليم فراماسونئر1 کسروي-ني ترور ائدن اونون –بونون تتيکچيسي۲ رولوندا چيخيش ائدن نواب صفوي-نين باشچيليق ائتديگي ديرناق آراسي ايسلام فدايلري تشکيلاتي ايله اوسته گل مصدیقه دوشمن کسيلميش زاهيدي ايله ديگر ياندان شاهين و اينگيلتره نين پولو ايله مصدیقه قارشي خالقي عوصيانا چکن آيتوللاه بهبهاني ، شيخ نوري ايله بيرلشدي. مکي ، بقايي ،حائريزاده ايسه مشهور رشيديان قارداشلاري و زاهدي ايله اَيلشمگي ترجيح ائتديلر

بو اونودولماماليدير کي، ايستيقلاليت ستراتئژيسي بوتون پروبلئملرين هللينه داير يئگانه و ان دوغرو ياناشما طرزيدير!

… اؤنجه قئيد ائديلديگي کيمي ميللي جبهه نين قوروجولاري جمعيتين منافعي ايجابينجا دئييل، باشقالاري نين تاپيشيريغي ايله واحيد جبهه ده بيرلشديکلرينه گؤره همين گوجون تاپيشيريغي ايله ده بير – بيريندن اوزاقلاشماغا ، بيري بيريني ايتتيهام ائتمه يه ، قارشي قارشييا گلمه يه باشلاديلار.بو ديرناق آراسي ايران ميللي هرکاتينا داير Mİ6 سئرويسي نين امکداشلاري نين راپورلايندا و سونرا بوراخديقلاري خاطيره لرينده اکس ائتديريلن تهليللرده دئييليردي کي،بو ايران ناسيوناليزمي ، ايران ميلتچيليگي دئييلن سياسي چاخناشما جيدييه آلينماماليدير،بونا گؤره کي، بو نه جيدي نده اصيلدير،بو جمعيتين ايچيندن قايناقلانمايان ، ايجتيماي شوورا سؤيکنمه يه ن ، اکثر جمعيتين طلبي اولمايان ، کوتلوي فورما آلمايان ،بزي سيياستبازلارين شخصي قازانج الده ائتمک مقصدي ايله تؤرتميش اولدوقلاري سياسي شيلتاقليقدير. بونلارين قارشيسيندا موعين مودت سرت ده ييشيلمه يه ن مؤوقع سرگيله مکله دايانيلسا موطلق و موطلق بونلار گئري اوتوراراق قهرمان دئيه سسله ديکلريني مئيداندا قوياجاقلار. دوغروداندا بئله دئييلمي؟ دئديکلري کيمي اولماديمي؟ .

۲۸ مرداد ۱۳۳۲/۱۹۵۳–اینجي ايل چئوريليشينده و اوندان اؤنجه کي شاهدان يانا تؤره ديلميش حاديثه لرده تئهران فاحيشه شهرجيگي نين هوووز اوستو چيلپاق رقاصه لريني آردينجا دفعه لرله جاويد شاه ( اؤلمز شاه – ياشار شاه ) شوعاري ايله خيابانلارا هيدايت ائدن مشهور پيچاقچکن شعبان جفري (شعبان بي مخ- هوشسوز شعبان و يا خوددا کي، عوام ديلينده مال باش شعبان کيمي تاريخه دوشن شخص ) ياشاديغي آبد – ده دانيشيقلاري نين بيرينده دئيير کي، شاه ۲۴ مرداد باشاريسيز چئوريليشيندن همن سونرا مجبورن اؤلکه ني ترک ائتديگي عرفه ده بيز آيتوللاه کاشاني نين ائوينده ايديک. کاشاني بيزه خيتابن دئدي: اعلیحضرت داره از مملکت ميره بيرون . برين نذارين بئره بيرون ، اگر اعلیحضرت بره عمامه ما هم رفته ها ! ترجومه سي:شاه حضرتلري اؤلکه ني ترک ائتمک ايسته يير ، گئدين قويمايين گئتسين، عکس تقديرده بيلين کي، شاه گئتسه بيزيم آباميزدا گئده جک!.۳

جبهه چيلرين آردينجا عوام بدبخت کوتله ني چکيب مئيدانا گتيره جک شخصيتلردن بيري بلکه ده ان باشليجاسي اولان کاشاني نين ايجتيماي و سياسي حاديثه لره موناسيبتي بوندان عيبارت ايدي.بو تيپ اينساندان بوندان آرتيق نه گؤزله مک اولاردي.بو تيپ جبهه چيلر بير طرفدن نئفتين ميلليلشديريلمه سي اوغروندا موباريزه آپارديقلاريني ايدداا ائديرديلرسه باشقا ياندان عکس قوووه ايله - يني نئفتين ميلليلشديريلمه سيني اؤز مؤوقئلرينه ضيانلي حساب ائدنلرله اؤز شخصي چيخارلاري آچيسيندان کامپريمئنسه-راضيلاشمايا گئتمکديديلر.لبتته کي، بونون نتيجه سينده داخيلي عاميل کيمي ۵-۴ حربيچي نين ، بير کسيم هوووز اوستو رقاصه لرين خيابانا تؤکولمه سي چئوريليش ائتمه يه يئتردي.

اؤلکه نين ان گوجلو تشکيلاتي توده -يه گلديک ده ايسه اؤنجه دئييلديگي کيمي بير نالا بير ميخا وورماقدايدي. پيس قارداش قارداشي نين آنجاق اؤلومونو ايسته مز ميثالي کيمي توده ده ساده جه مرحوم مصدیقين اؤلمگيني ، مغلوب اولوب سياسي آرئنادان گئتمه سيني ايستميردي،ؤلوموندن ، مغلوبيتيندن باشقا آتالار ميثالي مرحومون باشيندا تورپ اکمه يه حاضيريدي. توده يه گؤره اؤز ازله نوماييشيني ، گوج گؤستريسي ياپماسيني و ان باشدا سووئت يؤنوملو سوسياليست تبليغاتيني آپارماسي اوچون ان گؤزل کئچري دؤور يارانميشدير،يارانان بو کئچري دؤوردن ايسه نهايت يارارلانماغي پلانلاشديرميشدير. توده تام يقين ايدي کي، مصدیقي دييشه جک اولان کسيم توده يه بو فعاليت ايمکانيني تانيماياجاقدير.

مهز بو اوزدن ده سو ايستيفاده مقصدي ايله اليندن گله ني آردينا قويمادي.ادف – ني آرخاسي اوسته قويان ، ميللي هوکومتي ياري يولدا بوراخان توده باشچيلاري بو دفعه ده مصدیقه تزيق واسيطه سي کيمي آذربايجان ايراده سيني سو ايستيمال ائتمک آماجي ايله اصلینده پارتييانين پروقراميندا اولويتده ( ائديلمه سي – ايجراسي چوخ گره کي لن ) اولمايان طلبلرله - يني عيالت انجومنلري نين برپاسي شوعاعرلاري ايله طرفدارلاريني کوچه - بازارا تؤکمکله مصدیقي سووئتين (شوروی) تاثيري آلتينا سالماغا چاليشماقدايدي ، لاکين دؤور دييشمکده ايدي.مصدیقين باشيني چکديگي نيرناق آراسي ليبئرال دئموکراسييه يه دايالي ايران ناسيوناليزمي ۲۴ مرداد دان سونرا تک باشينا قالميش مصدیقين گئتمگي قطعيلشميشدير. بونو گؤرن توده باشچيلاري واخت قازانماق آماجي ايله مصدیقي مودافيعه و قوروماق اوچون قدريني بيلمه ديگي يئتگين کادرلاريني اؤلومه سفربر ائتمه يه باشلادي ، لاکين ايش بيتميشدي ، اساس عاميللرين ايسته ديگي الده ائديلميشدير.ديگر جبهه چيلرين دئديگي کيمي آبد ايله اينگيلتره نئفت اوزره راضيلاشميش و ايرانين ايسه لازيمينجا حاقيني آرتيرميشلار ، داها موباريزه يه احتيياج قالماميشدير.BayBak

اينتئلئجئنسين Mİ6 سئرويسي نين باشقاني وودهاوسون رهبرليگينده کي، قروپ دايم اينگيلتره نين يانليسي و ال آلتيسي کيمي چيخيش ائدن اوردو کوماندانلاري ايله او جومله دن هدایت الله گيلانشاه ، تيمور بختييار ،حسن عرفه ، حسن اخوي و ب، دانيشيب چئوريليشه حاضيرلاشيرديلارسا ديگر طرفدن کئرميت روزوليت زاهيديني نين مصدیقي عوض ائده جک يئني باشنازير کيمي زمينه سيني ياراديردي ، کؤمکچيسي چوکوردين ايسه جبهه نين کئچميش اساس قوروجولاري آراسيندا آپارديغي چئشيتلي دانيشيقلار نتيجه سينده راضيليق الده اولونموشدور کي،ابد ايله اينگيلتره آراسيندا نئفت مثله سي اؤز هلليني تاپميشدير، بو کاوس دؤورونون اوزاديلماسي آنجاق و آنجاق سووئت روسيياسي نين خئيرينه دير، لاکين بونا باخماياراق مصدیق عينادکارليق ائده رک بونونلا راضيلاشماماقدادير، بونا گؤره ده چئوريليشله حاکيميتدن کنارلاشديريلماليدير.۴ ائله بونونلادا ۲۸ مرداد ۱۳۳۲/۱۹۵۳–اينجي ايل تاريخده اؤنجه قئيد ائديلديگي کيمي بير نئچه حربيچي نين و خيابانا تؤکدورولموش ديرناق آراسي شاهچيلارين هوجومو ايله هوکومت ائوي چئوريليشچيلرين الينه کئچدي ، مصدیقين شخصي ائوي توده نين يئتگين حربي کادري طرفيندن قورونولماسينا باخماياراق او ، هلاک اولدوقدان سونرا ائو تامامي ايله تالاندي.بونونلادا ديرناق آراسي ايران ميللي هوکومتي داغيلميش ائلان ائديلدي.

آ.ب.د آذربايجان ميللي هوکومتيندن سونرا ستارت وئرميش اولدوغو پروسئسين ايلک مرحله سيني باشاري ايله باشا ووردو . آ.ب.د اؤلکه ده ايسته ديگي ايجتيماي زاهيدي نين يئني هوکومتين باش نازيري اولاراق شاه طرفيندن سئچيلمه سينه نايل اولدو . چئوريليشدن سونرا اؤنجه دن اينگيلتره ايله آبد آراسيندا الده ائديلن راضيليغا اساسن ايران ميللي نئفت شيرکتي آد اولاراق مصدیق دؤنمينده اولدوغو کيمي فورمال شکيلده مسئول يؤنتيم حساب ائديله رک قالدي، اصلینده ايسه ايران نئفتي نين تدقيقي ، چيخاريلماسي ، نئفت آييرماسي ، ايخراجي و ايداره ائديلمه سي هوقوقو، قورولموش اولان کونسئرسيوما مخصوص ايدي. ياراديلميش اولان بو کونسئرسيومدا نئفتين ۴۰% -اي آ.ب.د –ه خاص اولان شيرکتلره ، ۶% فرانسه شيرکتينه ، ۴۰% -اي اينگيلتره نين اينگيلتره-ايران نئفت شيرکتين ( بو آندان اعتيبارن بريتيش پئترول آديني قبوللانميشدير) و قالان ۱۴% ايسه يئنه اونون موتتفيقي اولان رويال شئل شيرکتينه وئريلميش اولدو ، بونونلادا اينگيلتره ايران نئفتي نين ۵۴% -ني - يني چوخلوغونو اؤز الينده توتماقلا ايداره ائتمه هوقوقونو اؤزونده ساخلادي ، بونونلا ياناشي ايرانين خاليص نئفتدن گلير پايي ۱۷% -دان ۵۰ % -آ آرتيريلميشدير، ايران خاليص نئفتدن گليريني يئنه ده اينگيلتره نين ايکينجي و حتّی بزن اوچونجو درجه لي بانکلاريندا سيتئرلينگه دييشمکله الده ائتمه سي کونسئرسيومدا نظرده آلينميشدير.BayBak

قئيد ائتمه ليگيک کي، يئري گلديکده مماليکي-مهروسه نين - ايرانين داخيلي ايشلرينده موداخيله ائدن ،يره ليله يه بيلمه يه ن گئري قالميش اؤلکه لري بيري ديگرينه قارشي سو ايستيمال ائتمک سيياستلريني يورودن بو اوچ گوجون سيياستينه و يوروتموش اولدوقلاري سيياستين تؤرتميش اولدوغو نتيجه لره توخوناجاييق ، لاکين بورادا آرتيرماق يئرينه دوشر کي، آبد بيرينجي کز اولاراق اؤلکه نين داخيلي ايشلرينده موداخيله ائتمه سي ايستر سووئت روسيياسي ايله ايسترسه ده اينگيلتره ايله موقاييسه ائديلميه جک قدر فرقله نير، آ.ب.د اؤکله نين سياسي حاکيميتيني اؤز رقيبلري نين اليندن چيخارماق و اؤز نزارتي آلتينا آلماق مقصدي ايله يوروتدويو سيياست آذربايجانين بؤيوک ايتگيسينه و ايجتيماي باغلاري نين قوپماسينا سبب اولسادا ايرانا موعين معنادا مزيتلي اولموشدور.بيرينجي ايران فارس شوورونا دايالي مؤوجود اولمايان ميللي بورژووانين اورتايا گتيريلمه سي ايله ياناشي اؤلکهده سنايئ فابريکلري نين قويولوشو ، ايکينجيسي نئفتدن الده ائتديگي ۱۷% گليرين ۵۰% -آ قالديريلماسي حربي و ايقتيصادي يارديملاري گؤسترمک اولار، لاکين بو تور موناسيبته نه سووئت دؤنمينده نده کي، اينگيلتره دؤنمينده راستلاشماق هارداسا چوخ چتيندير.ديگر طرفدن روسييا ايله اينگيتره نين موداخيله لري و اؤلکه ده موعين کسيمي آلت اولاراق سو ايستيمال ائتمک پلانلاري داها فلاکتلي ، داها آرتيق ايتگيلي و فاجيعه لي اولموشدور، بونون عکسينه گؤروندويو کيمي ميللي جبهه چيلر دؤنمينده او ايتگيلره و ايجتيماي فاجيعه لره راسلاشماق اولمور ، لاکين بونا باخماياراق او زاماندان اعتيبارن ايجتيماي ري بو گئرچه ليگين تام عکسينه فورمالاشديريلميشدير.بودا آبد – نين اؤلکه ده حاکيم رولدا قالا بيلمه مه سيندن قايناقلانميشدير.

باکي ، مي ۲۰۰۷
آردي وار…

۱- فرئئستونه ماسون سؤزو اينگيليسجه داش ايشينده اولان ، داشچي ، داش اوزرينده اينجه ايش گؤرن و يا بننا دئمکدير. بو تئرمين تخمينن اورتا چاغ دؤنمينده تيکينتيچيلر طرفيندن آوروپادا ايشله ديلمه يه باشلانميشدير.تورک آراشديرماچيلاري نين قطعي فيکيرلرينه گؤره فراماسونئر ايجماع قورولوشو ايسلام سونراسي تخمينن ۱۱-۱۰ يوز ايلليکلردن بري اوزون سوره فعاليتده اولان تورک اؤرگوتلنمه گلنگيندن قايناقلانان اخويليک ايدئياسيندان گؤتورولموشدور،فراماسونئر اؤرگوتلنمه اخويليکدن گؤتورولسه ده اساسلارينا گؤره فقله نير. ۱۷–اينجي يوز ايلليکدن اعتيبارن تام سياسيلشميش فراماسونئر ايجماعلاردا ۴ اساس پرينسيپ واردير. ا-اینجي شهرده قورولاجاق ايجماع شهرده کي بؤيوک ايجماعنين تابئچيليگينده اولماليدير، ۲-اینجي هر عوضو دونيادا ان بؤيوک لوژون و باشچي نين اولماسينا قطعي شکيلده اينانماليدير، ۳-اونجو قادينلار اصلا ايچري آلينمازدير ، ۴-اونجو هر عوضو ديني و سياسي اعتيقاديني بير قيراغا آتمالي و ايجماعنين – باشچي نين اميرلرينه تام تابئ اولماليدير.بو فراماسونئر ايجماعلار ۱۸- يوز ايلليگين آخيرلاريندان ۱۹–اونجو يوز ايلليگين اوللريندن بري دوغويا آوروپا تحصيللي آيدينلارلا و هوکومت نوماينده لري ايله گتيريلميشدير. بو ايجماعلارين عوضوونه ماسون و يا فراماسون دئييلير.يراندا بو ايجماعلارا گيزلي انجومن و يا فراموشخانه لر دئييليردي ،يراندا بو ايجماعلارين بانيسي مشهور ائرمني مولکوم خان اولموشدور. مماليکي – مهروسه آنلاييشي نين ايران-فارس آنلاييشينا دؤنوشمه سينده ،مشروته نين اينگيلتره نين آلت - فعلينه چئوريلمه سينده ،بؤيوک داهي خياباني نين مغلوبيتينده ، رضا قولدورون حاکيميته گتيريلمه سينده و ديگر دؤولت اهمميتلي سونار کي، حاديثه لرده ده بو ايجماع عوضولري نين ان بؤيوک رولو اولموشدور. بو ايجمالارين ايجتيماي ،سيياسي و ايقتيصادي ايستريکتورلاريندا ائلجه ده دؤولت قورولوشونون چئشيتلي دايره لرينده و سوني اوپوزيسيونوندا يوکسک تاثيره ماليک اولدوقلاري اؤلکه لرده بو گونه دهک يئرلي ميلتين و يا خوددا کي ، خالقلارين ايراده سي ايله هانسيسا سياسي بير سيستئم قورولماغا مووففق اولماميشدير. بو ايجماعلار ايراندا باشقا فورمادا اولسادا اؤز فاليتلريني يوکسک سويييه ده حالا داعوام ائتديرمکده دير.يران آدلانان اؤلکه بو گون بو ايدداانين ان باريز نومونه سيدير.BayBak

۲- ايسلام فدايلري فاناتيک – آشيري شييه ايجماعسي اولاراق ۱۹۴۱/۱۳۲۰. ۲۰ شهريوردن سونرا ترور فعاليتي ايله موباريزه يه باشلاميشدير.بو ايجماعنين رهبري نواب صفوي آدي ايله مشهورلاشميش اردبيللي سيد موجتبی مير لوحي ايدي. تبريزلي فراماسون کسرويني ،مهممدرزانين قوام دئميشکن بالاجا پهلوي نين ساراي نازيري هژيري ، آذربايجان ميللي هوکومتينه قارشي تئهران اوردوسونو حاضير دوروما گتيرن اوردونو آذربايجانا يورودن و آذربايجاندا تؤرتديگي قتلاما گؤره بالاجا پهلوي طرفيندن سپهبد حربي درجه سي ايله اؤدوللنن سونرا باشنازير اولان حاجي علي رزم آرا-ني ،ناکام ترور اولان فاطيمي-ني (مصدیقين ان ياخين نازيرلريندن بيري) و هوسئين الاني و ۱۳۴۰–اینجي ايلده باش نازير اولان حسنعلي منصور-ون تئررور اَيلميني بو ايجماعنين عوضولري حياتا کئچيرميشدير. اخيردا نواب صفوي هوکومت طرفيندن اعدام ائديلدي. بو تشکيلات ديني فيرقه چي تشکيلات کيمي تانينسادا فعاليتينده اساسن او و يا بو فراماسونون تتيکچيسي رولوندا چيخيش ائتميشدير.يجمانين اساس عوضولريندن اولان عراق-لي مهدي تشکيلاتدان آيريلماسي نين اساس سببي کيمي نواب صفوي نين مشهور فراماسون سيد ضيا طباطبائي ايله سيخ ايليشکيده اولماسيني گؤسترير.دوغروداندا بو ايجماع بير مودت کاشاني نين سونرا سيد محمود علايي طالقاني نين و بو کيميلرين دايم هر طرفلي دستگي آلتيندا اولماسي دانيلمازدير.

۳- رئداکتورو و چاپا حاضيرلاياني هما سرشار شعبان جعفري لوس آنجلس ۱۹۹۸

۴ - دکترر فخرالدين عظيمي ( حاکميت ملي و دشمنان آن –ميللي حاکيميت و اونون دوشمنلري).
-م.ج. محمدي ( راز پيروزي کودتاي ۲۸ مرداد – ۲۸ مرداد چئوريليشي نين قلبه رمزي ).
-بئريان ليپينگ ، چئويره ني : محمود عنايت ( سثوط امپراتوري انگلستان و دولت مصدق- اينگيلتره ايمپئرياليزمي ايله مصدیق دؤولتي نين مغلوبيتي).
-پروفئسور ابو ال مجيد ججتي (مرد سال و سده و هزاره – ايلين ، يوز ايلليگين و مين ايلليگين کيشيسي آدلي اثري ) .
-حسين مکي ( وقايع سوم تير ۱۳۳۱ – ۳۰ - تير حاديثه لري آدلي کيتابي ).