باب چيليق و فدرال چيليق … - آيمان
بای بک، آذربایجان | جمعه آخشامی, 12th فروردين , 2007 اینجی ایل, چولا 23:46 [pm] | تورکجه, مقاله
|
آرتيق آچقجاسينا اورتاداديرکي سون ۱۰ ايلدن بري گونئي آذربايجان گنج ميللي هرکاتي آذربايجان-لي اولماقدان اوزاقلاشماق ايسته يير و آذربايجان تورکو اولماغا جان آتير. خرداد آيينين ان ستراتئژيک شوعاري “هاراي هاراي من تورکم” اولماقلا، بو ايسته یين آلتينا درين دامغاسين باسيبدير. تورکچويوک دييه، عصيرلر بويو آزقين دوشموش تاريخي کيمليگيميزي يئنيدن اؤز وارليغيميزا قوووشدورماق ايسته ييريک.
بو گروپون (توپلوم) پسيکولوژيسي باره ده سونرالار گئنيش فورمادا يازاجاغام . هله ليک آچيقجاسينا اؤز فيکريمي بئله دييه بيلرمکي : منجه صميمي و يا ميللي فدراليست دييه بير دوشونجه سؤز قونوسو اولا بيلمز. اگر صميمي اولسالار، او زامان فدرالچي يوخ، کونفدرالدان دانيشماليديرلار. چونکو اگر دوغورداندا سبب گونئيين ايقتيصادياتيديرسا، اوزامان کونفدرال سيستئمي بونا جواب وئرير و عئيني زاماندا باغيمسيز گونئي آذربايجانا توخونمور. ميللي فدرالچي، بوگون کونفدرالچي اولمالي. بو قه ده ر. فدراليسم شوعاريني ستارخان وئرمه لييدي و يا نهايت پيشه وري دئورينده. آنجاق بيرينجي مشروطيتده قالدي و ايکينجيده موختارييتده. طبيعي کي بو گئديشين سونو اولار ايرانيييت، ۱۹۷۸.اينجي ايلده ! بو اوزدنده دوغال اولاراق گونئي آذربايجان ميللي آزادليق هرکاتي اؤزونو گوزئي آذربايجان-ا بورجلو و هابئله باغلي بيلير. باخميياراقکي ائلچي بئي-دن سونراکي حاکيميتلر باجارديقجان گونئي مسئله سينه ياد اولاراق ياناشيب و حتّی باجارديقجان خاريجده کي گونئيليلرين آراسيندا قالماقال ياراديبلار. يوخاريدا حاقيندا يازديغيم آزقين روح، بو عزيزلرين پسيکولوگيسينده ايراندان و ۱۰۰۰ ايلليک قوربتدن آيريشيب آما تورکوستان و يا ان مهدود صورتده، باب هاواسيندا گزير. گاه بوتون تورکوستان دييه آزقين روحا آدرئس وئريب و ائنديرمک ايسته ييرلر، گاه آنادولو و قافقاز دييه بيراز دالا اوتورورلار آما ائن رئال صورتده، باب دييه بؤلگه دن کونکرئت آدرئس وئرمکدن عاجيزديرلر. صفوي و آنادولو تورکلري نين بيرلشمک شانسيني قاچيران آذربايجان-لي و عوثمانليلار و آردينجان ۵۰۰ ايل بويونجا، ۱۰ لارجا بنزر تاريخي فورصتلري قاچيران همين تؤره نين “خلف” واريثلري بوگونکو ائولادلاري نهايتکي تورکييه، قوزئي و اورتادوغودا ياخشي-پيس دئولتلر قورموشلار. فدرالچي - باب چي موباهيسه لري آنجاق و آنجاق اورت-باسدير ائدنلرين ايشينه گه لر. ميللي موباهيسه آنجاق کونفدرالچي و باغيمسيز گونئي چي آراسيندا اولا بيلر. اؤز پسيکولوژيک گوونجه سيزليگيني ايران-ا ويا تورکوستان-ا باغلايانلار، ياخشيسي بودورکي ايلک اؤنجه اؤزلريله و اؤز تاريخلريله باريشسينلار. |
گونئي آذربايجان ميللي آزادليق هرکاتي ياخين کئچميشده ۱۰۰ ايلليک ايل دؤنومون قوتلادي. ۱۹۰۵.اينجي ايلدن بري اؤز ميللي ايستکلرين مشروطه چيليک آدييلا فورمالاشديران آذربايجان-لي، ۱۰۰ ايل بويو چئشيتلي فورمالاردا اؤز موباريزه سين قاباغا آپاريبدير.
آذربايجان-لي ستارخان-ين مشروطه چيليگيندن سونرا آذربايجان-لي خياباني-نين ايستيقلال چيليغينا دوغرو گئدرکن، آذربايجان-لي پيشه وري-نين ميللي حاکيميتينده چاغداش تاريخيميزين ان پارلاق صفحه لرين يازميشدير. ۱۹۷۸.اينجي اينقيلابي نين اؤندري اولان آذربايجان-لي، همين اينقيلابين ايلک قورباني اولموشدور.
چاغين ان مودئرات (اورتاچی-میانه رو) موللاسي اولان آذربايجانلي شريتمداري فداييلري تبريزده و گونئيين باشقا شهرلرينده قانا بلندي. نهايت خاتمي آدلي شارلاتانا اومود بسله ين رئفورم (ده ییشیم)يست آذربايجانليلار ، ۸۰ ايلليک فارس فاشيسميندن قورتارماغين يولونو، قوندارما رئفورم (ده ییشیم)لارا اينانيب و مکتوبلار يازماقلا هاقلاريميزي طلب ائتديلر.
بو حاديثه لرين تک به تکي نين حاقيندا کيتابلار، مقاله لر و هنري اثرلر ياراتماق گنج تؤره نين بئلينه يوکلنميش گؤرودير. ميللي گؤرو بير طرفده قالسين، حتّی سادجه اوغورلو شخصي ياشام قورماق ايسته ين گؤنئی آذربایجان تورکو بو حاديثه لري آناليز ائتمه ليدير. عکس حالدا بو آزقين روح عؤمور بويو اونون کيمليگي و اؤزونه گوونجينه سالديراجاق. آزقين روح ۱۰۰ ايلديرکي سياسي آلاندا بيزيم کيمليگيميزه کؤلگه ساليب و اؤزوموزه گوونجيميزي مسخره ائدير.
بو اوزدنديرکي آردي آرديندان سيياسي ساواشلارين سونوندا اودوزوروق. تکجه سون ۱۰۰ ايل دئييل، منجه ۱۰۰۰ ايلديرکي تورک کيمليگي شوونيستلرين قاباغيندا دالا اوتوروب و آزماغا باشلاييب. گونئي تورکو سون ۸۰ ايلده آچيق آيدين فارس فاشيسميله اوزبه اوزدور. آنجاق کيمليک و ميللي روح اوقدر داغيليب و آزيبديرکي، فاشيسمي سئچمکدنده آجيز اولموشدور. مانقورد دئديگين ياراتيق، تکجه آناسين دئييل، دوشماني تانيماقداندا عاجيزدير. اونون کيمسه يه سالديرماسي دوشمنچيليکدن دئييل، سادجه آلديغي اميري يئرينه يئتيرير.
فارس فاشيسمينه قارشي امير وئرن باشچيلاريميزا نه گلميشديرکي مانقورتلاريميز فارسدان امير آليردي؟!؟ عصرلرديکي بوگونکو ايران-دا ياشييان تورکلر، چئشيتلي سببلر اوزوندن داملا داملا اريمکده و آزقين روحلا ياشاماغا آليشماداديرلار. اويقونلاشماق باشقا پروسئسدير، بيز کؤکلو ديبلي اريمکده (آسیميله) اولموشوق. بو قيسا گيريشده اورتايا قويدوغوم کونولار حاقيندا آيدينليق گتيرمک فيکرينده دئييلم. عصيرلر بويو قالانميش و بوگون گنج تؤره نين بئلينه يوکلنميش بوقه دهر آغير کونولار، کيمسه نين تک باشينا باجارماسي مومکون دئييل.
حوصله ائديب و يازيني بورا قدر ايزله ين اوخوجو بو سورويو اورتايا قويا بيلرکي: باشليقدا يازيلان سياسي تئرمينلرين بو سؤزلره نه دخلي واردير؟
يوخاريدا اورتايا قويدوغوم کونولار و آلتيني چيزه رک آذربايجان-لي لارين سياسي آديملارين خاطيرلاماقدا تکجه بير حدفيم اولوبدور: بيز بوگون يئنه ده همين اسکي آذربايجان-ليلار کيمي يانليش سياسي آديملار آتماقداييق. سادجه يئني تئرمينلر ايشله ديريک : فدرال چيليق و باب چيليق!
آرتيق آچقجاسينا اورتاداديرکي سون ۱۰ ايلدن بري گونئي آذربايجان گنج ميللي هرکاتي آذربايجان-لي اولماقدان اوزاقلاشماق ايسته يير و آذربايجان تورکو اولماغا جان آتير. خرداد آيينين ان ستراتئژيک شوعاري “هاراي هاراي من تورکم” اولماقلا، بو ايسته یين آلتينا درين دامغاسين باسيبدير. تورکچويوک دييه، عصيرلر بويو آزقين دوشموش تاريخي کيمليگيميزي يئنيدن اؤز وارليغيميزا قوووشدورماق ايسته ييريک. دئمک عصيرلر بويو آزقين دوشموش ميللي روح، يئنيدن اؤز يوواسينا قونماغا چاليشير. آنجاق بيزلر يانليش آدرئسلر وئرمکله بو بخت قوشونو اؤز داميميزا ائنديره بيلميريک ! اؤز داميميز هارادير دئينده، آل آلوان بويالارلا خريته لر چکيب و آدرئسلر وئرنلر اورتايا چيخير. اوجومله دن منيم بو يازيدا نظره آلديغيم اورتادا اولان ۲ آدرئسسدير :
فدراليسم
بو سويداشلاريميزين گؤروشونگؤره بو آزقين قوشو بوتون ايرانين دامينا قوندورماليييق ! اونا گؤره کي بو قوشون ۱ قانادي ايرانا باغليدير و اگر تکجه گونئي آذربايجان-ا قونارسا، اوزامان يئنيدن باشيميز اوسته اوچماغا قادير اولماياجاق ! بو همين اسکي آذربايجان-لي فورماسيندا سياسي آديم آتماقدان باشقا هئچنه دئييل و سونوجدا همين اولاجاقکي ستارخان، خياباني، پيشه وري و باشقا آذربايجان-ليلار الده ائتميشلر.
بو کيمليک، پسيکولوژي و يا روح، همين آزقين فورماسيندا قالميش کيمليکدير. اؤزيله اوزلشمکدن قاچير! عصيرلر بويو آليشديغي قوربت و عافيت کونجوندن چيخماقدان قورخور. اگر گونئي موسقيلل اولارسا و تام يئني آتموسفئر بو بؤلگه نين هاواسين آلارسا، اوزامان اسکي هاوييا آليشميش آغ جيگرلري نئجه بو هاوييا آليشاجاق؟!؟
بو پسيکولوژيله مسئلييه ياناشيب و ميللي روح قوشونا آدرئس وئرنلر، تکجه بو اوزدنديرکي بوتؤو ايران دييه آدرئس وئريرلرکي بيردن بيره آليشديقلاري اسکي آتموسفئردن قيرماسينلار. بو اونا بنزرکي هئرويني (اؤیوشدوروجو باغیلمیلیسی) بيريسينه، تریاکی آدرئس وئره سن و “درمان” آديلا اونا تسللي وئره سن.
عصيرلر بويو فارس-عرب ادبياتيندا تنففوس ائدن ميلت و اؤزلليکله سون ۸۰ ايلده تام قوندارما کيمليک دونوندا گزن “آيدين” سينفي، ايندي آرتيق بو دونو چيخارماقدا طبيعي کي چتينليک چکير. سانکي اؤزونو لوت گؤرور. بو اوزدنديرکي بوگون گونئي آذربايجان گنج اؤيرنجي و هابئله بوتون باشقا سينفلرين تام ميللي هرکاتين، ايسته ييرکي بير يولونان ايران بايجان يولونا چکيب و اؤز عؤمرونون قالانين آزدا اولسا نيسبي “آراميشده” ياشاسين.
آذربايجان-ليلارين اؤزلليکله سون ۶۰ ايلده آپارديقلاري سيياسته باخاندا، آچيقجاسينا اورتاداديرکي بونلار هئچ زامان گلجک تؤرن دييه بير تئرميندن ايستيفاده ائتمه ميشلر. پيشه وري-دن سونرا بو تئرمين تاماميله ايران-بايجان ليلارين سياسي ادبياتيندان سيلينميشدير. گله جک وارسا اگر ، اودا ايران-يندير. ايران کيمدير؟ فارس، بو قه ده ر.
بو گروپون (توپلوم) پسيکولوژيسي باره ده سونرالار گئنيش فورمادا يازاجاغام . هله ليک آچيقجاسينا اؤز فيکريمي بئله دييه بيلرمکي : منجه صميمي و يا ميللي فدراليست دييه بير دوشونجه سؤز قونوسو اولا بيلمز. اگر صميمي اولسالار، او زامان فدرالچي يوخ، کونفدرالدان دانيشماليديرلار. چونکو اگر دوغورداندا سبب گونئيين ايقتيصادياتيديرسا، اوزامان کونفدرال سيستئمي بونا جواب وئرير و عئيني زاماندا باغيمسيز گونئي آذربايجانا توخونمور. ميللي فدرالچي، بوگون کونفدرالچي اولمالي. بو قه ده ر. فدراليسم شوعاريني ستارخان وئرمه لييدي و يا نهايت پيشه وري دئورينده. آنجاق بيرينجي مشروطيتده قالدي و ايکينجيده موختارييتده. طبيعي کي بو گئديشين سونو اولار ايرانيييت، ۱۹۷۸.اينجي ايلده !
باب چيلار
قوزئي آذربايجان-ين يئنيدن باغيمسيزليغا ال تاپماسي گونئي آذربايجان ميللي هرکاتينا درين تاثير ائتمه سي دانيلماز گرچکدير. ۷۰ ايل اؤنجه جومهوريت قوران و آردينجان ناتو عوضوو اولاراق يئترينجک سياسي-نيظامي گوجه ماليک اولان تورکييه باشچيلاري، رحمتليک ائلچي بئي-ين گونئيه وئرديگي دسته یين ۱٪ اين کي عملده ، حتّی ديلده ده وئرمه ميشلر.
بو اوزدنده دوغال اولاراق گونئي آذربايجان ميللي آزادليق هرکاتي اؤزونو گوزئي آذربايجان-ا بورجلو و هابئله باغلي بيلير. باخميياراقکي ائلچي بئي-دن سونراکي حاکيميتلر باجارديقجان گونئي مسئله سينه ياد اولاراق ياناشيب و حتّی باجارديقجان خاريجده کي گونئيليلرين آراسيندا قالماقال ياراديبلار.
مسئله بوراسينداديرکي بوگون گونئي هرکاتي سون ۱۰۰ بويوندا ان حساس دورومدا اولدوقدا، يئنه ده باب چيلار مسئله يه ائموسيونال (دویقوسال) ياناشيب و آذربايجان-لي لارکيمي سياسي آديم آتماقداديرلار.
يوخاريدا حاقيندا يازديغيم آزقين روح، بو عزيزلرين پسيکولوگيسينده ايراندان و ۱۰۰۰ ايلليک قوربتدن آيريشيب آما تورکوستان و يا ان مهدود صورتده، باب هاواسيندا گزير. گاه بوتون تورکوستان دييه آزقين روحا آدرئس وئريب و ائنديرمک ايسته ييرلر، گاه آنادولو و قافقاز دييه بيراز دالا اوتورورلار آما ائن رئال صورتده، باب دييه بؤلگه دن کونکرئت آدرئس وئرمکدن عاجيزديرلر.
کيمليک تورکلشيب و يا تورکلشمکده دير آما سون ۲ عصير بويو آنادولو و قوزئيدن آيري دوشدوکده، بير نووع پسيکولوژيک کريزله (گرگینلیک) اوزبه اوز قاليبلار. روس و فارس آسیميلاسیون نتيجه سينده يارانميش ۲۰۰ ايلليک اوچوروم و يا ان آزي ۲۰۰ مئتير ائنينده اولان دره نين ايچينده ، قصاب اليندن قورتولموش باشسيز خوروز کيمي بو دره ده قاچيرلار. سانکي آند ايچيبلر بو دره ني اؤز قانلارييلا دولدوروب و بودفه قاندان آراز ياراتسينلار.
بوتون اوشاقليغيم سينيرلاردا کئچيبدير دييه، بو سويداشلارين قوزئيده و تورکييه ده گؤرديکلري مانعلري آيدينجاسينا گؤرورم دييه ايديعا ائده بيلرم. اعتيراف ائتمسه لر بئله، هاميسي قوزئيده و تورکييه ده درين و يا نيسبتن درين شوکلار ياشاييبلار. آنجاق بو عزيزلرده بلکه بيلمه دن بئله همين ايران-بايجان-چيلارين عيناد لارين باشقا نوودا تکرار ائديرلر. اگر ايران-بايجان-چي اؤزونو ايران-سيز و ايران کؤکلو دوشونجه دن اوزاق اولاندا، لوت هيسس ائدير و اؤزونو ايتيرير، بو عزيزلرده قوزئيسيز و يا تورکييه سيز اولدوقدا سانکي آلئم باشلارينا اوچور.
سانکي اؤزلرينه اؤنجه گونئيلي و سونرا آذربايجان-لي دئسه لر، اوزامان بؤيوک ميللي خيانته يول وئرميشلر. سانکي تورکييه نين و قوزئي آذربايجان-ين چاغداش سياسي تاريخين و سوسيال پسيکولوژيسين منيمسمسه لر، اوزامان ميللي جينايت ايشله ميشلر ! نئجه کي فدرالچي ايران-سيز اؤزونه گوونجين ايتيرير و ۸۰ ايلليک “ساوادين” هاوادا گؤرور، بو سويداشلاريميزدا قوزئيسيز و تورکييه سيز حالدا، اؤزلرينه گوونمکدن عاجيز قاليب و نالا ميخا دؤيورلر. بو سويداشلارين حاقيندا گئنيش يازماقدا قالسين سونراکي يازيلارا.
سون سؤز :
صفوي و آنادولو تورکلري نين بيرلشمک شانسيني قاچيران آذربايجان-لي و عوثمانليلار و آردينجان ۵۰۰ ايل بويونجا، ۱۰ لارجا بنزر تاريخي فورصتلري قاچيران همين تؤره نين “خلف” واريثلري بوگونکو ائولادلاري نهايتکي تورکييه، قوزئي و اورتادوغودا ياخشي-پيس دئولتلر قورموشلار.
ان پيس حالدا روسيه و هابئله چين-ده ده فدرال ويا موختاريت الده ائتميشلر و هاميسينين دورومو بيزله موقاييسه ده قات-قات ياخشيدير . بلکه يانليش دئييلکي هاميسيندان چوخ سايدا اينقيلاب ائديب قان وئرميشيک. آنجاق بوگون هاميسيندان الي بوش بيزيک ! تام بو اوزدنديرکي گونئي تورکو ايستر ايران-بايجان-چيسي ، ايستر باب چيسي اؤزونه گوونمير.
اؤزونده کي بو بوشلوغو دولدورماقچون، ايران-ا ويا تورکوستان-ا قاچماق ايسته يير. اصلینده تورکوستان دييه بير وارليغين ايچينده دير آما دئولت صاحيبي دئييل دييه، حتّی ان ديکتاتور و مافيوس تورک دئولتينينده هسرتين چکير و اونا کيمسه توخوناندا، سانکي بوتونه توخونورلار. عصيرلردن بري ميللي روحو يارالانان و آذان تورک، اؤزلليکله گونئيده درين يارالار يئميشدير و بو اوزدن گئتديکجن اؤزونه گوونجين ايتيرميشدير.
۱.اینجي و ۲.اینجي [دونيا] ساواش دئورينده بو يارالارين ان دري نين يئميش گونئي تورکو ، دئمک اولارکي آرتيق سون ۶۰ ايلده کؤکوندن جايماغا باشلاميشدير. سون ۶۰ ايلده گونئيده ميللي روحو سسله ينلرين سايينا باخديقدا، دوروم تام اورتايا چيخير.
رحمتليک زهتابي و فرزانه لر، حبيب ساهيرلر و شهريار، سهندلر و بوگون ياشييان در. جواد هيئت و دکتر صدرلري سايديقدا گؤروروقکی سايي زورلا ۱۰ نفره قالخير. ۱۹۳۰.اينجي ايللرده دوغولان آيدينلاردان دانيشيرام. اولارکي پيشه وري دئوريندن سونرا يئنه ده ميللي روحو سسله ديلر. گونئي گنجي بو ۶۰ ايلليک بوشلوغو دانماغا چاليشارسا، آخيردا يا فارسلارکيمي قوندارما تاريخ ياراتماليدير، ياداکي سونو روحي خسته ليک اولاجاق.
بو بوشلوغو گيزلتمک ايسته سک اوزامان ايران-بايجان طرفينه گئتمه لييک و طبيعي کي ۱۰۰ لرجه “تورک” عاليم، هونرمند، سيياستچي و سايير مانقورت تورکلرين فارسلارا خيدمتلرينه فخر ائديب و گونئي ايران-دير و قيز وئريب-قيز آلميشيق دئمه لي اولاريق. هابئله بو بوشلوغو باب چيليقلا دولدورماق ايستسک، اوزامان اينديکي تاريخي فورصتي قاچيريب و بئلنچي موباهيسه لرين توروندا چاباليياجييک.
فارسلار، کوردلر، عربلر، بلوچلار و تورکمنلر و حتّی لورلار و گيلکلر اؤزلريني توپارلاييب و بيزدن سونرا باشلاسالاردا، بيزي ايره ليگه جکلر. بيزده باب چي ويا ايران-بايجانچي کلئفچه سينده اؤزوموزو دولاشيغا سالاجاييق. کاروان گليب کئچه جک و بؤلگه ده اؤنملي حاديثه لر باش وئره جک، سونرا بيز باشا دوشه جه يي کي باشيميزين اوستونده اولان بخت قوشونو همده ۵۰۰ ايلدن سونرا ان ياخين مسافه ده اولارکن، بو آنلامسيز موباهيسه لرله اوچورموشوق گئديب.
فدرالچي - باب چي موباهيسه لري آنجاق و آنجاق اورت-باسدير ائدنلرين ايشينه گه لر. ميللي موباهيسه آنجاق کونفدرالچي و باغيمسيز گونئي چي آراسيندا اولا بيلر. اؤز پسيکولوژيک گوونجه سيزليگيني ايران-ا ويا تورکوستان-ا باغلايانلار، ياخشيسي بودورکي ايلک اؤنجه اؤزلريله و اؤز تاريخلريله باريشسينلار. گونئيين خئيرين ايران بوتؤولوگونده گؤرن وارسا، کونفدراليسمده فيکريني مودافيعه ائده بيلر.
ياشاسين گونئي آذربايجان (قوزئي ياشييير، نه فورمادا ياشاماسي سؤز قونوسودور)
پس: دکتر صدرين سياسي موزئي تام اولاراق کونفدراليسمدير. فدراليسم “يانيق کرم” دئييلکي بيز ياراتميش اولاق و تعريفينده بيز وئرک. فدراليسمين آيدين تعريفي واردير.
چرشنبه آخشامي، ۱۰ آپريل ۲۰۰۷
(بو مقاله اؤزل اولاراق باي بک اؤچون لاتيندن چئوريليبدير)
، بیر میللتین سسی
پایلاش | پرینت
بورا باغلي يازيلار:
- اؤنملي و سندلي بير مقاله: ايشته بارزاني - ايسرائيل ايليشکيلئري!..
- اؤزگورلوک قاورامي و پروبلئم اولاراق اؤزگورلوک - تورکان فيرينجي
- هالن تئهران حاکيملري نين دوستاغيندا اولان، صفري عاييله سي حاقيندا بيرينجي ايلتيشمه
- هشدار اسراییل: «آخرالزمان» هسته ای در راه است
- اورمو زندانين دا ساخلانيلان قوشاچايلي ميللتچيلرين دوروملاري ياخشي دئييل
- شکایت اسراييل از احمدی نژاد به سازمان ملل متحد
- حمله شديداللحن كشورها به توانمندي هستهاي اسراييل در مجمع عمومي آژانس
- بو يولون يولجولارينا: بو يول ميللئت يولودور، وطن يولودور، سئودا يولودور، سئوگي قايناغي! (بيرينجي بؤلمه) - ممد ريضا آغاپور
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
- سوندوروم ۱۰: ظفر ايله بويون ايمز جناب ليسانلي ايران عيرقچيليگي نين قييديغي قامچيلاماغي سوووب وه هايلادي: اؤلوم اولسون کؤله لييه، ياشاسين آذربايجان
http://www.baybak.com
بای بک سایتیندان پرینت اولوب
http://www.11007.baybak.com/387.azr
یازینین اینترنت آدرسی
گوروش کاپانیبدی