چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (يئددينجي بؤلوم)

چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (يئددينجي بؤلوم) - رحيم جاوادبيلي

بای بک، آذربایجان | ايشنبه, 22nd آذر , 2007 اینجی ایل, چولا 02:59 [am] | تورکجه, مقاله

گاماح ( گونئي آذربايجان ميللي آزادليق هرکاتي) ميلتچي آنلاييشينا اساسلانديغينا گؤره ماهيتجه آرمانگرا - اولکوچو ايدئاليست اولماسي ايله ياناشي اونوتماماليدير کي، گئرچکچي-واقعبين ايدئاليست اولمادان باشاريلي اولا بيلميه جکدير. بيز چاغداش تاريخي اولايلارا ياناشديقدا موطلق حاقيقتي دئمکدن چکينممه لي،ولانلاري اولدوغو کيمي گؤسترمکدن حتّی بو گونکو فيکرلريميزله اوزلاشماديغيني گؤردويوموزده بئله دئمگي باجارماقلا آجي تاريخي حاديثه لرين اوزونه ديک باخماليييق. بؤيوک فدايي نابدئل اوختاي پانفارسيست دوزنه قارشي دئميشکن: توتاليم کي، بيز تاريخن بو توپراقلارين خالقي دئييليک،بورايا گلمگيک ! توتاليم کي،بيز اصلا تورک اولماميشيق،سونرادان زوران تورکلشديريلميشيک،هر نييکسه بو گون بيز اؤزوموزو تورک اولاراق تانيييرق و تورک اولاراق هوقوقلاريميزي طلب ائديريک.

بو اونودولماماليدير کي،يستيقلاليت ستراتئژيسي بوتون پروبلئملرين هللينه داير يئگانه و ان دوغرو ياناشما طرزيدير!

… دئييلمه ليدير کي، آدف بو دونيا گؤروشوندن مؤوزوموزا -يعني گونئي آذربايجان مثله سينه باخديقلارينا گؤره نه تکجه خالق اولاراق بو گونکو سياسي دوروموموزو نه دکي، ميللي هوکومتيميزين دؤورونو يئترينجه دوغرو-دوزگون قييمتلنديره و ايشيقلانديرا بيلمه ميشلر ، بونا گؤره کي، حاقيقتلرين گوزونه ديک باخا بيلميرلر و يا خوددا کي باخماق ايستميرلر . ائله بونا گؤره ده هرکاتيميزين گنج آيدينلاري باشقا هرکاتلاريميزدا داخيل اولماقلا ميللي هوکومت دؤورونو دوغرو-دوزگون حاقيقتلرين اوزونه ديک باخاراق حاقيقتلري دئمکدن چکينمه دن ديرلنديرمک، هرکاتلاري گئرچکچي-واقعبين اولاراق ايشيقلانديرماليديرلار .

بيز تاريخي پروسئسلره او ، جومله دن ميللي هوکومتيميز دؤورونه ياناشديقدا اونودولماسي ايجتيمايتده سوسيولوژيک و پسيکولوژيک فساد تؤره دن بير شئيي نظرده آلماليييق کي، هرکاتلارين ايستر فورماجا ايسترسه ده ماهيتجه ماليک اولدوقلاري ديرلر اولدوغو کيمي گؤستريلمه ليدير ، اونو تهريف ائتمکله گوندم هرکاتا نه ايسه موثبت بير شئي قازانديريلمير بلکه گوندم هرکاتدا ايناما شوبهه کيمي بؤيوک فسادلار تؤرتمکله ياناشي گوندم هرکاتين مفکوره سيني صاباح قارشيسيندا شوبهه آلتينا آلير.

هر دؤورون اؤز ايستکلري وار ، بو گون ايسه ايستيقلاليت گونئي آذربايجانين اساس موباريزه ستراتئژيسيدير.امما بو اساس وئرمير کي، بيز خلق موسلمان هرکاتيني ، ميللي هوکومتي ، آزاديستان و مشروطه هرکاتلاريني ايرانا و ايراني مرکز توتان فارس ميللي شوورون آلتئرناتيوي کيمي چيخيش ائدن گونئي آذربايجانين ايستيقلاليتي اوغروندا موباريزه آپاران آذربايجان تورک محورلي هرکاتي کيمي گؤسته رک ، دوغرودور بو گونکو ميللي هرکاتيميز گؤبلک کيمي يئردن بيردن-بيره چيخماييب، همين آدي گئدن هرکاتلارين موکمميللشميش و فيکري اينکيشافلا آرديجيل زامانا اويغون دواميدير. بو هرکاتلار آذربايجانين موباريزه ايراده سيني گؤسترن بير-بيري نين وحدتيني تشکيل ائدن ميللي آزادليق هرکاتيدير.بای بک

بيز اؤز دؤنه مي نين بؤيوک هرکاتلاري اولان اولوشوملارين ماهيتيني بو گون دوشوندويوموز کيمي گؤسترمکله آرديجيل هرکاتلاريميزين فيکري اينکيشافيني ، باشاريلي هرکات اولماديقلاري نين سببلريني ، عاميللريني و قارشيسينداکي آشا بيلمه ديگي مانعه لري خالق اولاراق آچماقدان ايشيقلانديرماقدان عاجيز قالاريق .

اولدوقجا بؤيوک ايجتيماعي - ايقتيصادي - سياسي ، پسيکولوژيک بؤهرانلا ياناشي بؤيوک سايدا اينسان ايتگيلري ايله نتيجلنميش بو هرکاتلاريميزي دؤورلرينه اويغون هرکات اولاراق اولدوغو کيمي گؤسترمکله ان آزيندان اساس مانعلرين نه اولدوغونو و مغلوبيتلري نين سببلريني خالق اولاراق درک ائديب ان آزيندان باشي دومانليليقدان چيخميش اولاريق . بلي ! بو بؤيوک دؤرد هررکات خالقيميزين باشلاتميش اولدوغو مغلوبيتله سونوچلانميش هرکاتلاريميزدير، نييه و نه يه گؤره مغلوب اولدوقلاري نين رئال - گئرچک جاوابيني بولدوقدا ، اونو درک ائتديکده بو گونکو گونئي آذربايجان ميللي آزادليق هرکاتيميزين دوغرو-دوزگون علمي-نظري اساسلاريني ياراتميش اولاجاييق . بو علمي-نظري عصاسلار ايسه بيزي ايستيقلاليته آپاراجاق موباريزه يولوندا کيملرله نئجه و نه جور ايتتيفاقدا اولاجاغيميزي موعينلشديرمگيميزي شرطلنديره جکدير. بو هاقدا سون سؤز اولاراق قئيد ائتمگيم يئرسيز اولمازدي کي، اؤنجه ميللي هرکاتيميزين ماهيتجه ايدئاليست بير آخين اولدوغونو دئمکده ميللي هرکاتيميزين کونکرئت ايدئاليست و ياخود دا کي، رئاليست اولماسيني بيلديرمکدن کنار ساده جه ميلت و ميلليت آنلاييشي نين زاتي ديرلرينه گؤره ايدئاليست ياناشما اولدوغونو چاتديرماق مقصدينديديم.زاتن بو گون گونئي آذربايجان ميللي آزادليق هرکاتي ساغ-سول آيريمي ياپمادان واحيد ميللي جبهه ده پانيرانيزمه ، پانفارسيزمه قارشي قورتولوش ساواشي آپارماسي قاچينيلمازدير.

قوزئيين ن.نريمانووو کيمي سووئت روسيياسينا حدديندن آرتيق اينانان اونا بئل باغلايان حياتي بويونجا دونيايا او يؤندن باخان و نهايت نريمانوولا عئيني طالعيي بلکه ده داها آرتيق فاجيعه يه دوچار اولاراق قوزئي آذربايجاندا بعضي سيلاهداشلاري نين دولايي ايشتيراکي ايله کقب نين بير باشا تشببوسکارليغي ايله قتله يئتيريلن ، دونياسيني دييشرکن سووئت روسيه سي نين (شوروي) اوزونه توپورن مرحوم پيشه وري نين باشچيليق ائتديگي بير ايلليک ميللي هوکومت سووئت روسيه سي نين آرخا چئويرمه سي و قارشي طرفله آنلاشماسي نتيجه سينده بؤيوک و تصوير ائديلمه سي هارداسا مومکون اولمايان ايتگيلرله اوزلشن گونئي آذربايجان چوخ آغير دؤورونو کئچيرميشدير .

بورادا ميللي هوکومتيميزين مدنيت نازيري ، مرحوم پيشوري نين سووئت روسيه سينا گئتديکدن سونرا آدف مک -نين باش کاتيبي اولموش ، آغير زحمتلره قاتلاشان و سيياسي حياتيندا موستقيلليگيني و خالقا سيخ باغليليغيني هئچ بير شئيه دييشمه ديگينه گؤره باشي بؤيوک بلالار چکميش شعرينده دئديگيني دوغرودان دا حياتيندا ياشايان:
بيرييايام مؤحتشم تبريز ديياريمدير منيم
بو وطن اوغروندا اؤلسم ايفتيخاريمدير منيم!بای بک

گؤرکملي شاعير مرحوم بيرييانين قازاقيستاندا سورگون حياتي ياشارکن آزاد بوراخيلماسي ايله باغلي او دؤنم سووئت روسيياسي نين باش نازيري مالئنکووا يازديغي ديلکچه حال حاضيردا چوخ اؤنملي بير سند اولاراق ميللي هوکومت و ميللي هوکومت سونراسي قوزئي آذربايجان دؤورونه آيدينليق گتيرن سندلردن ديريدير .بو آذربايجان دؤولتچيليگي اوچون اؤنملي سنه دين بير ايکي جومله سينه ايشاره ائتمکده يارار وار .بيرييا دئيير : فرانسادان قاييتديقدان سونرا سئييد جفر پيشوري نين توده ايله اعتيلافا گئده رک آدف - ني قوردوغونو گؤردوم ، بو اعتيلاف مني آچماديغينا باخماياراق خالقيمين منافعيني نظره آلاراق بونا قوشولدوم و ميللي هوکومت دؤورو پيشوري کابينه سينده مدنيت نازيري اولدوم .

قواولسلتنه نين موسکووا سفريندن سونرا تئهران اوردوسو حاجيه لي رزمارانين باشچيليغيندا باريش آدي آلتيندا تبريزه يورودويو دؤنمه ايشاره ائده رک يازير : بو زامان مک -دا اوزلاشماق زورلاندي … باش نازير پيشوري ايله ساديق پاديگان (۱) … سووئت روسيياسينا گئتديلر ، پيشوري گئتديکدن سونرا من م.ک-نين باش کاتيبي اولاراق ديرنمکده موقاويمت گؤسترمکده تام قرارلي ايديم. ديگر يئرده يازير : …کونسول يارديمچيسي سئييدزاده ايله گؤروشوموزده بيز ميللي هوکومت اولاراق قاليب موقاويمت گؤسترمکده قرارلي اولدوغوموزو دئسمده او مولوتووون گؤستريشي ايله منه اؤلکهدن چيخيب سووئت روسوياسينا گئتمگيمه يارديم ائده جکلريني دئدي ، من تبريزدن گئتميه جگيمي دئسمده نتيجه سيز اولدو .

بي ريا سونرا اؤلکه ايچينده تئهران يانليلاري نين باش قالديرديقلارينا ايشاره ائده رک يازير : … مرکزي اوردونون اؤلکه يه گلمه سي و يئرلي ايرتيجاچيلارين باش قالديرماسي نتيجه سينده … تشکيلاتيميزا … بؤيوک ضربه لر وورولدو ، … سووئت روسيياسينا مخصوص خستخانانين يانيندان کئچرکن ماشينيمين اوزرينه ايرتيجاچيلار هوجوم ائتديلر ، بو توققوشمادا موحافيظ لريمدن بيري نين آچديغي گولله دن بير نفر ايرتيجاچيلاردان هلاک اولدو .کئچري اولسادا اؤزوموزو قوروماق اوچون خستخانايا گيرديک ، همين گون آمئريکانين گئنئرال کونسولو مئستئر ساتئن سووئت خستخاناسينا گله رک منله گؤروشمک ايستسه ده منيم اورادا اولماديغيمي بيلديره رک گؤروشمه ميزه ايمکان وئرمه ميشلر .سونرا ايسه سووئت روسيياسي نين تبريزده کي، گئنئرال کونسولو طرفيندن خستخانادان کونسولخانايا آپارديلار .وه اورادان نهايت ۷ مارچ ۱۹۴۷-جي ايل تاريخينده طياره ايله باکييا کؤچوردولر. سونرا سووئت روسيياسي نين ايشغاليندا بولونان قوزئي آذربايجاندا کي، دؤنمه و دؤولت باشچيسي مرحوم پيشه وري نين اؤلوم حاديثه سينه ايشاره ائده رک يازير : … لاکين پيشه وري حاديثه سي منيم روحومدا بؤيوک تاثير بوراخميشدير. او تاريخدن من ماشينا بئله مينمک ايستميرديم . دعوت اولونان يئرلره پييادا و يا ترامواي واسيطه سي ايله گئديرديم . پيشه وريني گنجه شهرينه آپاران سوروجو کارنيک بو حاديثه دن بير نئچه گون اول غلام يحيي-نين ووردوغو تئلئقراف اوزره ايرواندان گلميشدي…؛

بو و بو کيمي اونلار بلکه ده يوزلر سند سووئت روسيياسي نين و اونون يؤنتيمينده اولان تودنين آذربايجان ميللي هوکومتينه نئجه آرخادان ضربه ووردوغونو آپ-آچيق شکيلده گؤسترمکده دير،سادجه بو بيلر - بيلمز اوغروندا دؤيوشدويو خالقينا وورولان ضربه ده ايستر - ايسته مز ايشتيراکدا بولونانلارين تاثيرينده قالان عزيز سولچو سويداشلاريميز دوشونر - دوشونمز اؤرت باسدير ائتمه يه چاليشيرلار.بای بک

سووئت روسيياسي ميللي هوکومتيميزين قورولماسيندا ماراقلي اولماسي و يارديم ائتمه سي سادجه بو خالقي داش اولاراق آبد - نين گليشينه قارشي ديغيرلاتماق مقصديندن ايره لي گلميشدير . خالقين ميللي شوورونون فورمالاشماديغي و دوغرو مجرادا اولماديغيندان دولايي خالق و فداي دسته لري تئهراندان گلن اوردو قارشيسيندا دايانماغا ، ديرنمه يه و قورموش اولدوغو ميللي هوکومته صاحيبلنه رک قوتسالليق وئرمه يه اؤزونده آنلام قازانديرا بيلمه ميشدير .باشقا يؤندن دئسک بو ديره نيشين گئري چکيلمکله زيف شکيلده سوردورولمه سي و يا خوددا کي ميللي و کوتلوي ديره نيشسيزليگين اساس ايچ سببي ميللي هوکومتيميزين يئتگيليلري نين بير چوخونون ميلت - دؤولت آنلاييشينا بؤيوک قهرمان فريدون ابراهيمي-لرين تام ترسينه ياناشما طرزلريندن يني لئني نين ميللي هرکاتلارا باخيش طرزي ايله ياناشيلديغيندان قايناقلانميشدير . بو تفککورله البتته کي، ميللي هوکومت ميلت - دؤولت مقوله سينه دئييل ، ميللي هرکات ديرناق آراسي سوسياليزمه داها دوغروسو سووئت روسيياسي نين ايستگي دوغرولتوسوندا ميللي هوکومت يئتگيليلري نين ايستگيندن آسيلي اولمادان سو ايستيمال ائديلمه لي ايدي .ئله بونا گؤره ده سووئت روسيياسي بير چوخلاري نين دئديگي نين و يازديقلاري نين تام ترسينه ايراندا آز اولموشسادا اؤز ايستگينه يوز مينلرجه اينسانين سورگون ائديلمه سي ، ۷۰ مين اينسانين قتلامي حسابينا چاتميش اولدو .

اونوتماماق گره کي ر کي، تاريخي بير حاديثه ني اولدوغو کيمي يني عصاس ماهيتيني و فورماسيني دوغرو-دوزگون گؤسترمه مک و بيلر-بيلمز تؤره ديلميش آغير سهولري گيزلتمک ، مثله ني دريندن اينجله مکدن ، نقد ائتمکدن يايينيب گوندملشديرمکله بو گونکو ائشيک گوجلردن آسيلي اولمايان ( او و يا بو گوجون آلتي - فعلي اولمايان) شوورلو شکيل آلماقدا اولان گونئي آذربايجانين باغيمسيزليق-موستقيلليک ساواشي نين قلبه سيني شوبهه آلتينا آلاجاق بعضي اوميدسيزلشديريجي سواللارين اهالي آراسيندا يارانماسينا ندن اولماقدادير. بو يارانان سواللارا آنجاق و آنجاق بو يوز ايلليک تاريخيميزده اولان بيتنلري تام اولدوغو کيمي گؤسترمکله جاوابلانديرماق اولار.بو گون گونئي آذربايجانلا اورگي ووران بير چوخ اينسانيميز بئله بير سواللا اوز-اوزدير کي، گؤره سن گونئي آذربايجان باغيمسيز و موستقيل بير دؤولت اولابيلر و يا خوددا کي، موستقيليگينه نايل اولا بيلر ؟ اولا بيلرسه بو دوشوندويوموز بؤيوک مشروطه ، آزاديستان ، ميللي هوکومت و خلق موسلمان کيمي خالق هرکاتلاريميز نييه باغيمسيزليق عوضينه تايي برابري گؤرونمه يهن کوتلوي فاجيعه لرله اوزلشدي؟

دئمک گونئي آذربايجانين موستقيلليگي نه ايراندا نه ده بؤلگه ده قبول اولونمازدير ، بونا گؤره ده بو بدبخت طالعيميزله راضيلاشمالي و بوشونا ايتگي وئرمه دن فئدراليزمله راضيلاشماليييق ، کيمي خالقيميزين چيخارلارينا تام ضيد بير مؤوقئيي عصاس گؤتورور ،گونئي آذربايجانيميزين گنج ميللتچيلري نين فئدراليست کسيمي عصاسن بو گيزله ديلميش گئرچکليکلردن خبرسيز اولاراق جمعيته وئريلنلرله يئتينن و اونلارين تهليلينه عصاسلاناراق بو گئريچي ، کونسئرواتيو-موحافيظ اکار و حال-حاضيردا بؤلگه ده گئدن ميللي موباريزه لره اويغون اولمايان مغلوب هرکاتلاريميزين تکراري اولان منطيقسيز ستراتئژيني وار گوجو ايله مودافيعه ائتمگي مقصده اويغون حساب ائدير.بو ايسه بو گون خالق آراسيندا ميللي آزادليق هرکاتيميزين مقصد ستراتئژيسي نين آيدينلاشديريلماسيندا ان بؤيوک مانعه يه چئوريله رک هرکات ايچينده باشي دومانليليغا ندن اولماقدادير. باشي دومانليليق ايسه موباريزه عزمينه،دؤيوش ايراده سينه يوکسک سويييه ده منفي تاثير گؤسترمکده دير. بيز گئرييه دوغرو دئييل ، اؤنه يورومه ليگيک. اونودولماماليدير کي، منسوب اولدوغوموز دؤرد مغلوب هرکاتيميزين مغلوبيتلري نين و باش وئرميش بؤيوک اينساني فاجيعه لرين اساس ايچ سببي او ميللي هرکاتلاريميزين ايستيقلالچي اولدوقلاري ، ميلت-دؤولت تئزيسي نين حياتا کئچيريلمه سي اوغروندا موباريزه ائتديکلري اوچون دئييل ، تام ترسينه مماليکي-مهروسه يؤنوملو دوشونجه ني تاريخه بوراخيب تام باغيمسيز گونئي آذربايجان اوغروندا ايستيقلالچيليق ستراتئژيسيني رهبر توتماديقلارينا گؤره مغلوب اولموشدور. بورادا بو ايددااميزي تصديقله ين بير فاکتي يازماقدا يارار وار.

ميللي هوکومت يئنيلديگيندن سونرا مک اويه لري قوزئي آذربايجانا دؤنموشلر ، مه باشچيسي مرحوم پيشوري ، پاديقان و جاهانشاهلي اوچلوگونون قوزئي آذربايجان رهبرليگي ايله اولان آرديجيل گؤروشلري نين بيرينده سووئت روسيياسيندا ان نوفوزلو ليدئرلردن بيري اولان مرحوم ميرجفر باغيروولا پيشوري نين بئله بير اؤنملي و اوستونده دورولاسي صؤحبتلري اولموشدور ؛ پيشوري: بيزيم مغلوب اولماغيميزين ان بؤيوک سهوي موترققي و دئموکراتيک ايران تشکيلاتلاري ايله واختيندا اعتيلافا گئتممگيميز اولموشدور.ونلارلا واختيندا اعتيلافا گئتميش اولسايديق ، تئهران تبريزه اوردو يئريتمه يه قادير اولمازدي. بو سؤزو دويار-دويماز ميرجفر باغيروو دئميشدير کي، عزيز قارداشيم سه نين ان بؤيوک سهوينده ائله بودور کي، ايراندان و ايرانليلاردان (فارسلاردان) و اونلارين پارتييالاريندان تام قيرا بيلمميسن ، ايران يوخسا آذربايجان آراسيندا قطعيتلي مؤوقع اورتايا قويا بيلمميسن.بای بک

اگر واختيندا بو ال او ال ائتمه سه يدين ، اونلاردان (تئهراندان) تام قيريب بيزه ( قوزئي آذربايجانا) قوشولسايدين ،ونلارلا آرديجيل دانيشيقلارا گئتمه سه يدين ايران و دونيا بو گون اولونموش ايشده واقع اولموشدولار ،لاکين بونو ائتمه ديگينه گؤره و تئهرانلا آرديجيل معناسيز دانيشيقلاري سوردوردويونوزه گؤره بو گون ايران بين الخالق قارشيسيندا بيزي ايچ ايشلرينه موداخيله ده سوچلايير و آذربايجاني ايرانين آيريلماز هيسه سي اولاراق گؤسترير(۲). بونودا قئيد ائتمک يئرينه دوشر کي، ميرجفر باغيرووون بو فيکري موسکووانين فيکري دئييلدي، باغيروو دونياني اولونموش ايشده واقع قويماق دئديکده موسکووانيدا نظرده توتموشدور.و دؤنم سووئت روسيياسيندا دؤولت ايچي چکيشمه لرده ميرجفر باغيروو گونئي آذربايجانين موستقيلليگيني دستکله مک ايسته ييرديسه موسکووا اؤزلليکله ده او دؤنم خاريجي ايشلر نازيري مولوتوو بونا قارشي ايدي.يئري گلديکده بو اؤنملي مثله يه بو گونکو ميللي آزادليق هرکاتيميزلا موقاييسه لي شکيلده توخوناجاييق.

باکي ، مي ۲۰۰۷
آردي وار…

۱- صادق پادگان مشهور توده چي اولموشدور. بو توده چي نين پيشه وري نين کؤنوللو و يا زوران باکي-يا گلمه سينده و يا گتيريلمه سينده بؤيوک رولو اولموشدور . بو توده چي بؤيوک پروفئسور م.ت. کيريشچي نين ده پانتورکيست دئيه باکيدا موهاکيمه ائديليب سيبيره سورگون ائديلمه سينده بؤيوک رولو اولموشدور. عوموميتله ميللي هوکومتيميزين دؤورونه اوبيئکتيو ياناشيب دوغرو ديرلنديرمک اوچون مه-اين يارانيش و فاجيعه لي بيتيشينده عصاس ايداره چيليک ميسيياسيني يئرينه يئتيرن بو بئش شخصيتين آدف_مک عصاس اويه لري اولان پيشوري نين ، بيرييانين ،شبيستري نين ،جاويدين و آدي گئدن پادگانين و باشقا مک اويه لري نين ميللي هوکومتيميز اؤنجه سي سياسي حياتلاريني و فاجيعه ايله بيتميش ميللي هوکومتيميز سونراسي ياشاديقلاري طالعلريني اؤيرنمکله چوخ شئيه آيدينليق گتيرمک اولار.

۲- (سر گذشت ما و بيگانگان - بيزيم طالعيميز و يابانجيلار) يايين يئري :آلمانييا ، يازار : نصرت الله جهانشاهلي آوشار . بو آدي گئدن شخصين اؤز ايدئولوژي دونيا گؤروشو ، اوتن و ميلت آنلاييشي بير چوخ شئيين چيلپاق گؤستريسيدير. بو جاهانشاهلي باخماياراق کي، بؤيوک آوشار ائلي نين آدليم خانزاده لريندن و زنجانين بؤيوک ماليکلريندن اولموشدور . آنا باباسي بؤيوک آغا محمد خان دؤنمينده ائشيک ايشلر باخاني اولماقلا ياناشي بؤيوک آغا مهممد خان طرفيندن مرسه قيلينجلا اؤدوللنميش بير تورک دؤيوشچوسو اولموشدور ،انجاق اؤزو تام ترسينه آنتي آذربايجان ، آنتي تورک آنلاييشينا مئييللي پانفارسيزم و پانيرانيزم اولماغا جان آتان بيري ايدي. نصرت الله جاهانشاهلي مشهور ۵۳- نفرلردن اولموشدور. حبسدن آزاد اولدوقدان سونار يارانميش توده پارتيياسيندا فاليته باشلاميشدير.توده نين گؤستريشي ايله آدف-ه گيرميشدير.يوکسک عاييله تربييه سي آلميش يوکسک يگيتيملي جاهانشاهلي گنجيکن مه- نين دؤولت باشچيسي مرحوم پيشه وري نين بيرينجي مواويني گؤروينده چاليشميشدير.سووئت روسيياسيني ترک ائتديکدن سونرا يازميش اولدوغو اثرينده ياشاميش دونيا گؤروشونه تام ضيد و تناققوزلو مؤوقع سرگيله ميشدير. اثرينده منسوب اولدوغو بؤيوک ائل-اوباسينا و بؤيوک تورک خالقينا لاييق اولمايان بير بيچيمده پهلوي عاييلهسينه مداحليق ائتميشدير. جاهانشاهلي ايستر مه دؤنمينده ايستر سووئت روسيياسينا گئديب يئرلشديکلري دؤنمدن سونرا بير معنالي شکيلده بير لووغا پانفارسيست کيمي ايران فارسچيليغيني ساوونان و آذربايجاني ، تورکلوگو مودافيعه ائدنلره سرت قارشي قويان بيري اولموشدور . او ، مرحوم بيرييايا فارسچيليغا قارشي آذربايجانچيليق-تورکلوک ائتديگينه گؤره اولمازين سؤزونو (سريند) دئيه رک تنقيد آتشينه توتور . آما بونلار بير طرفه يازميش اولدوغو بو اثر بير چوخ گئرچکليکلري او، جومله دن توده و آدف ده کقب - نين نوفوزو حاقيندا ائلجه ده بو دؤنمين ديرناق آراسي کوممونيستلري حاقيندا بير چوخ بيلگي ايچرمکده دير.سرينده آذربايجانين و تورکلوگون حتّی مه- نين تام ضيدينه چيخاراق بوتون مثله لره تام فارسچيليق مؤوقئييندن ياناشير ، زاتن آذربايجان ميللي هوکومتي موستقيل آذربايجان تورکلوگونه و دؤولت-ميلت آنلاييشينا دايالي اولموش اولسايدي بو کيميلر اورادا نه اينکي رهبرليکده بلکه ده سيراوي بير فداي کيميده بولونماسينا يئر وئريلمزدير.