یاشاسین آذربایجان - Long live Azerbaijan

.

سيزي آييق-ساييق ائتمک اوچون سون دوروم ۸-اي هوزورلارينيزا تعجيلي اولاراق سونوروق کي، ايران يئتگيليلري جناب عباس لئيسانلي-يا قارشي اييرنج قامچيلاماق حدله مه سينه جسارت ائتميشلر. بو جناب، گونئي آذربايجانين ميللي حرکتي نين قوجامان بايراقچيسيدير. ايمکانلاريميزين مهدود اولدوغو اوچون سون دوروم ۷-دن بري (ساي: ۴۵۹/۲۰۰۷٫ تاريخ: ۲۳ جولاي ۲۰۰۷) بو جنابين اينسان هاقلاري نين تاپدانماسي باره ده گؤزه چارپان ميقداردا گليشمه لر اولسا دا بونلاري سيزه ايلتيشديره بيلمه ميشيک. نه ايسه، بو ايلتيشمه تکجه قامچيلاما حدسينه يؤنلميشدير.

---

---

ساي: ۴۷۴/۲۰۰۷
تاريخ: ۲۱ دسامبر ۲۰۰۷

ب.م.ت، اينسان هاقلاري اوزره عالي کوميسسارليق، ژنو

لوطفا بو مکتوبو آشاغيداکي قروپلارا چاتديراسينيز:

• چاغداش عيرقچيليک، عيرقي آيري-سئچکيليک و قاتلاشمازليق اوزره اؤزل راپورتئر
• ميللي آزليقلار اوزره موستقيل موتخصيص
• اؤز-خوشونا توتوقلانما اوزره چاليشان قروپ،
• قازيلارين و وکيللرين باغيمسيزليغي اوزره اؤزل راپورتئر

اوزو: خانيم هاريسون و دايک بئي، آمنئستي اينتئرناشنال، لندن

سايين جنابلار؛

ايلتيشمه: سون دوروم ۸– جناب عباس لئيسانلي-نين قوولوغو

سيزي آييق-ساييق ائتمک اوچون سون دوروم ۸-اي هوزورلارينيزا تعجيلي اولاراق سونوروق کي، ايران يئتگيليلري جناب عباس لئيسانلي-يا قارشي اييرنج قامچيلاماق حدله مه سينه جسارت ائتميشلر. بو جناب، گونئي آذربايجانين ميللي حرکتي نين قوجامان بايراقچيسيدير. ايمکانلاريميزين مهدود اولدوغو اوچون سون دوروم ۷-دن بري (ساي: ۴۵۹/۲۰۰۷٫ تاريخ: ۲۳ جولاي ۲۰۰۷) بو جنابين اينسان هاقلاري نين تاپدانماسي باره ده گؤزه چارپان ميقداردا گليشمه لر اولسا دا بونلاري سيزه ايلتيشديره بيلمه ميشيک. نه ايسه، بو ايلتيشمه تکجه قامچيلاما حدسينه يؤنلميشدير.

بير نئچه گوندور کي، بو بيلگي بيزيم اليميزده ايدي، لاکين سيزه او آندا موراجيعت ائتمه يه باشلاديق کي، الده اولان بيلگيلر بير-بيرلري ايله اوزلاشير – بيزيم اؤزوموزده کي بيلگي، خانيم فاخته زماني-دا اولان بيلگي، و ميللي شورا واسيطه سي ايله ياييملانان بيلگي: ([1] www.millishura…).

گؤروندويو کيمي، ايران يئتگيليلري اؤج-آلماغا قاپينميش و الي-باغلي اسيرلرينه قارشي قامچيلاماق ايله غدارجا بدني يارالاماغا شيرنيکميشلر. بو اييرنج حرکت اونلارين عيرقچي سيياستلريندن ده قايناقلانير کي، اکثرن بو جسارتي يالنيز غئيري-فارسلارا رئزئرو ائتميشلر. نه ايسه، گونئي آذربايجان ميلتي بو پوتئنسيال جسارتدن اؤز نيفرتيني دفعه لر ايله ايفاده ائتميش و حاضيرکي حالدا گونئي آذربايجان فاللاري تبريزده سفرده بولونان “آقاي” - خاتمي-يه گؤز وئريب ايشيق وئرمه ميشلر. او، ايرانين قاباقکي رئفورمچو باشخانيدير و تبريزده موهازيره کئچيرمک ايسته ييردي. دسامبرين ۲۱-اينده کئچيريلن بو موهازيره ده گونئي آذربايجان فعاللاري تشببوسو اله کئچيرميش و ميللي شوعارلاري اورادا گورولدادا بيلميشلر. آنلاشيلاسي بو بير رمز ايدي کي، گونئي آذربايجان ميللي حرکتي شرايتدن آسيلي اولماياراق بويون-اَيمزدير و جناب لئيسانلي نين وجود بوتؤولوگونه قارشي هئچ نه جسارته قاتلاشماياجاقدير.

قامچيلاما حده سي نين سويوق-شاختا صيفتي مودئرن مدنيته ائتيناسيزليق؛ اورنسل اينسان هاقلاري بيلديرگه سي ديرچه ليب و منيمسنن ايقليمه موغايير؛ و بو بيلديرگه نين توخونولمازليغيني قوروماق اوچون بين الخالق همرايليک مئکانينزملري و مانداتلار اورتايا چيخميشدير. بو اساسدا، سيزين آپاراجيغينيز کامپانيا ايره ليده کي فاجيعه نين قارشيسيني آلماق اوچون چوخ اووسانايا دوشه جکدير. قايغينيز اوچون قاباقجادان تشکور ائديريک.

حؤرمتله،
بؤيوک رسولوغلو
دونيا آذربايجانليلاري نين هاقلاريني مودافيعه کوميته سي نين سدري

، بیر میللتین سسی

_ _ _ _ _ _ _
مربوط اُلان یازیلار

• ===> ايلتيشم: سون دوروم ۷ – جناب عباس ليساني نين قوو لوغو

پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی