چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (التينجي بؤلوم)

چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (التينجي بؤلوم) - رحيم جاوادبيلي

بای بک، آذربایجان | هفته اوچی, 17th آذر , 2007 اینجی ایل, چولا 02:10 [am] | تورکجه, مقاله

ميللي هوکومت تخمينن ۷۰-مين مولکي و غئيري مولکي – يني فدايي نين قتلامي و ۲۰۰- مين تخمينن اوشاقلي-بؤيوکلو معصوم اينسانين سورگونو ايله نتيجلنميش چاغداش اينسانليق تاريخي نين اوزرينه سو سپيلمه يه ن ياراسي، چورومه يه بوراخيلميش ياراني خاطيرلادان اونوتدورولماغا محکوم فاجيعه اؤيکوسودور.بو ايرانين آذربايجانا قارشي تؤرتميش اولدوغو سوي قيريميدير.ؤزوده ايرانين آذربايجانا قارشي تؤرتميش اولدوغو بو سوي قيريمي سيياستي مدني سيويليزاسييادان دم ووران چاغداش دونيانين گؤزو اؤنونده گوجلولرين منافعي ايجابينجا تؤره ديلميش اينسانليقدان قيراق جينايتدير.نه يازيقلار کي، ديگر حاديثه لرده اولدوغو کيمي بو فاجيعه يده فاجيعه يه معروض قالان خالقين گؤزوندن باخيلماميشدير.اداما بئله گلير کي، فاجيعه ني تؤره دنلر فاجيعه يه معروض قالان بدبخت اينساني خاطيرلادان جمعيتين تاريخيني يازميشلار.بيز بؤيوک ميلتيک،لاکين اؤز بدبختليگيني گؤزو اؤنونده جانلانديرماقدان عاجيز قالان بؤيوک ميلت!

۳.۱۳۲۴-۱۳۲۵ \۱۹۴۵-۱۹۴۶ - جي ايل ميللي هوکومت و ۱۳۵۷\۱۹۷۹ – جو ايل چووريليشيني ايچرن دؤور:

۳.۱ ميللي هوکومت:

قويون جيلدينه گيرميش ييرتيجي قورد – سووئت روسيه سي و اينگيلتره (انگلیس) نين کومپريميسلشديريلميش – راضيلاشديريلميش سيياستي نين نتيجه سي اولاراق اينگيلتره (انگلیس) نين بير باشا تشببوسکارليغي ايله يئرلي خالق و ميلتلرين خوصوصي ايله گونئي آذربايجان تورکلري نين طلب و ايستکلري نين تام عکسينه قورولموش اولان ديرناق آراسي چاغداش تيپلي پهلوي رئژيمي نين اورتاچاغ ديسپوتيزمي ، ديکتاتورلوغو و شووونيست سيياستيندن جانا گلميش گونئي آذربايجان تورک ميلتي اوچون بو فارس فاشيست رئژيمي نين اليندن خيلاص اولماق اوچون اؤلوم-ديريم ساواشينا گيرمگي لابود و قاچينيلماز ائتميشدير.

سووئت روسيه سي ايله اينگيلتره (انگلیس) ۲۲ فوریه ۱۹۲۱-اینجی ايل تاريخلي موقاويله ني اساس توتاراق هر ايکيسي ده ايراني؟ اؤز نوفوز منطقه سي اولاراق گؤرور و اؤزونو اونون تويزسيز ماليکي حساب ائديردي ، لاکين ايکينجي دونيا ساواشي گئديشينده دونيا سيياستي نين تعيينينده قرارلي اولان يئني بير سوپئر گوج –ابد مئيدانا گله رک اؤزوندن قاباقکي، سوپئر گوجلرين باغلاميش اولدوقلاري موقاويله لري تانيماياراق اونلارا يئنيدن باخيلماسيندا تام قرارلي اولدوغونو گوجو ايله گؤسترميش اولدو،باشقا سؤزله دئسک آبد بؤلگه ده اؤز هئگئمونلوغونو ياراتماق مقصدي ايله بؤلگه ده کي،هئگئمون گوجلرله - يني اينگيلتره (انگلیس) اؤزلليکله ده روسيه ايله اوز-اوزه گلمکديدي.ب

آبد- نين بؤلگه ده خوصوصي ايله ايراندا ايکينجي دونيا ساواشينا قدرکي، مودتده موسکوواچي ، لئ نين و ايستاليني آللاه سانان ديرناق آراسي سوسياليستلرين-سولچولارين و اينگيلتره (انگلیس) دن آسيلي گئريچي کسيمين آنتي آمئريکا تبليغاتلاري نين تام ترسينه اولاراق هانسيسا جيدي تاثير ائديجي رولو اولماميشدير. ايراندا تؤره ديلميش فلاکتلر روسلا اينگيلتره (انگلیس) طرفيندن باش وئرميشدير.ابد اؤلکهده نوفوز و سؤز صاحيبي اولماغا جهد گؤسترميش ، لاکين اؤنجه دن اؤلکهده کؤک سالميش و ايجتيمايتده چئشيتلي داياقلارا ماليک اولان روسلا اينگيلتره (انگلیس) بونا ايمکان وئرمه ميشدير.ابد- نين ايراندا کودئتا اؤنجه سي موعين فاليتي اولسادا ۱۹۲۱-اینجی ايل دؤولت چئوريليشيندن سونرا سادجه سفيرليگي نين بورادا فاليتيندن بئله روسلا اينگيلتره (انگلیس) احتياطلانميش و اونو اؤز پاي-بؤلوش ائتديکلري منافعيه تهلوکه حساب ائده رک ۱۹۲۳- ش.۱۳۰۲-۳ جو ايللرده گون ايشيغيندا آبد – نين فؤوقلاده صلاحيتلي سفيري دولاييسي ايله تئررور ائديلدي و آبد قارشي طرفين تزييقلرينه دؤزه بيلميه رک مجبورن ايران اؤلکهسيني ۱۹۴۱ - ش. ۲۰ شهريور ۱۳۲۰-اینجی ايل تاريخينه دک رسمي صورتده ترک ائتمه لي اولدو.

ش.۲۰ شهريور ۱۳۲۰-اینجی ايل تاريخده موتتفيقلرين او،جومله دن آبد- نين اؤلکهيه گيرمگي غئيري فارس خالقلاري نين خوصوصي ايله گونئي آذربايجان تورک ميلتي نين ايگيرمي ايلليک پهلوي وحشيليگي و غئيري اينساني سيياستيندن جانا دويموش کوتله نين بوغازدا قوروموش عوصيانلاري نين کوکرمه سينه و اؤز ميللي موقددراتيني نين تعييني اوغروندا موباريزه سينه موثبت معنادا زمين ياراتميشدير، لاکين مظلوم خالقلاري هيمايه ائتمک ايددااسيندا بولونان اصلینده ايسه مظلوم خالقلارين خالق آزادليق هرکاتلاريني آلت اولاراق اوينادان و يئري گلديکده ايسه اوف دئمه دن آلوئره گئدن اينگيلتره (انگلیس) نين موتتفيقي شوروي روسيه سي نوفوز منطقه سي حساب ائتديگي قوزئي ايرانا يئني بير گوجون –ابد- نين يئرلشيب قالماسيني انگلله مک مقصدي ايله گونئي آذربايجان ميلتي نين کوکرمکده اولان ميللي هيسسيندن آلت اولاراق يارارلانماغي منفور نيتينه چاتماق اوچون اساس واسيطه کيمي سئچمه سي نتيجه سينده اساسن سووئت روسيه سينا اينانان اونا سيمپاتيسي اولان باشلاري چکمه يهن آجي قالمايان قارا بخت ضياليسي ايله باشي بلالي گونئي آذربايجان دهشتلي قتلگاها چئوريلدي.

ميللي هوکومت ائلجه ده مشروطه و آزاديستان هرکاتلاري حاقيندا يازيلميش اثرلر اساسن ماهيتجه قتلاما ، فلاکت و محروميتلره معروض قالان آذربايجانا و آذربايجان خالقينا دئييل ، اساسن ايران – فارس مفکوره سينه دايانيلميشدير.ميللي هوکومت دؤورونو ديرلنديرنلر آراسيندا ميللي هوکومته قارشي سؤزون حاقيقي معناسيندا عدالتلي و طرفسيز مؤوقئ توتان ، ميللي هوکومتين حاقيقي ماهيتيني اولدوغو کيمي قييمتلنديرن ، اولاني اولدوغو کيمي ، يني نوقصانلاريني نوقصان ، باشاريلاريني باشاري کيمي چکينمه دن گؤسترن و دوغرو-دوزگون ديرلنديرنلر هارداسا بارماقلا ساييلماليدير.

ميللي هوکومتين ديگر هرکاتلاريميزين احتيياج دويدوغو صيرف آذربايجان آچيسيندان،يني فلاکتي ياشايان خالقين گؤزوندن باخيلاراق يئني آراشديرمالارا واجيب احتيياجي وار. بو آچيدان آچيلماميش فاکتلار حدديندن آرتيقدير، بونا گؤره کي، بوراجان ميللي هوکومته باخيش آچيسي رئژيم سانسوروندان کئچن بارماق سايلي باغيمسيز يازارلارين اثرلري ائلجه ده اؤلکه ائشيگينده بعضي گئرچکچي ياناشان سويداشلاريميزين آراشديرمالاري ايستيثنا اولماقلا اساسن ميللي ماهيتجه تام ايرانا باغلي اولان سوسياليستلر ، سوسيال-دئموکراتلار، ميللي مذهبيلر ، ليبئرال دئموکراتلار و راديکال دينچيلر طرفيندن اينجله نيله رک ايجتيمايته تقديم ائديلميش مؤوقئلرله ايجتيمايتده ميللي هوکومته فيکير موناسيبتي فورمالاشديريلميشدير.ب

ميللي هوکومت دؤورونو بورادا آراشديرماق مقصدينده اولماديغيميزدان اؤتري باخماغيميز يئرسيز اولمازدي.ؤنجه دئييلديگي کيمي ميللي هوکومتله باغلي فورمالاشديريلميش فيکير اساسن ۵ آچيدان اوسته گل آدف (ازربايجان دئموکرات فيرقه سي) طرفيندن آراشديريلميشدير.

۱.يران يؤنوملو سوسياليستلر؛
۲.يران يؤنوملو سوسيال دئموکراتلار ؛
۳. ايران يؤنوملو ليبئرال مذهبيلر؛
۴.يران يؤنوملو ناسيوناليست دئموکراتلار ؛
۵.يران يؤنوملو راديکال دينچيلر و ياخوددا کي خومئينيزم رئژيم ؛
۶.يرانليليق ماهيتينه اساسلانان آذربايجان يؤنوملو سوسياليستلر.

بورادا ۶-اینجیلار ايستيثنا اولماقلا ديگر بئش ايران يؤنوملو فيکير آخينيندان غئيري سولچولار – يني ليبئرال مذهبيلر،ناسيوناليست دئموکراتلار و راديکال دينچيلر آنتي آذربايجان- آنتي تورک خسته ليگينه يولوخدوقلارينا گؤره و آذربايجانين هاقلي موباريزه سينه قارشي تام عدالتسيز مؤوقئدن ياناشاراق اوتانمادان ميللي هوکومتي سؤزون اصيل آنلاميندا يئرلي زمينه سيز خاريجي فيتنکارليق و ۲۱ آذر۱۳۲۵-اینجی ايل سوي قيريميني آذربايجانين ايشغالدان آزاد ائديلمه سي کيمي قلمه وئرديکلرينه گؤره هئج موزاکيره مؤوزوسو اولماغا بئله لاييق دئييل.بو گون بيزيم ميللي داعواميزدا دا بو تيپ آخينلاردا بولونان آذربايجانليلارا بئله موناسيبتيميز ميلت اولاراق بير معنالي شکيلده اوراجان کي ، ايصلاح اولونماييبلار منفيدير،بونا گؤره کي بو تيپيک قوروپلار گؤرونوشلرينه گؤره چاغداش اولسالاردا ماهيتجه تام گئريچيلييه اساسلانان باياغي ايرانچيليغا،مماليکي مهروسه نين مؤوجود ميلتلريني گؤرمزدن گلن واحيد ايران فارس ميلت آنلاييشينا و قوندارما موستملکه تاريخينه اساسلانان ييغيملاردان عيبارتدير.

ايران يؤنوملو سولچولارا – يني سوسياليست و سوسيال-دئموکراتلارا گلديکده دئييلمه ليدير کي،بو کسيم چاغداش آذربايجانين ديل و ادبياتي ساهه سينده چاليشان ، يازان و يارادان ايلکينلر سيراسيندا اولموشلار.بو کسيم ايدئولوژي آچيدان اؤز آراشديرمالاريندا اساس مثله کيمي ميللي مثله يه دئييل خالق ديلينه اؤنم وئرمگي مقصده اويغين حساب ائتميشلر. بونلار ميلت و ميلليت مقوله سيني ايمپئرياليزمين آلتي اولاراق گؤسترمکله خالق ديلينه و کومئنتئرن بين الميللچيلييه اؤنم وئرمکله گونئي آذربايجاندا ميلتي و ميلليتي اولوشدوراجاق کسيمي سوسياليزمه اصلینده ايسه بيلر –بيلمز سووئت روسيه سي نين ماراقلاري نين بؤلگه ده - يني ايراندا قورونولماسينا يؤنلتميشدير.بيزيم خالق اولاراق اساس پروبلئميميزين بيري ائله بورادان باشلاميشدير.بيرينجي ميلت-دؤولت تئزيسي اوغروندا موباريزه آپاراجاق کوتله نين تام اکس ايستيقامته ، يني ديرناق آراسي سوسياليزمه يؤنلديلمه سي، ايکينجيسي آذربايجانين بو آخيشدان تهلوکه هيسس ائدن يوکسک و اورتا طبقه سي نين اکس ايستيقامته - يني تئهراني مرکز توتان پانيرانيست و پانفارسيست کسيمه اينتئقره ائديلمه سينه اونلارلا بيرلشمه سينه ايستر – ايسته مز شرايت ياراتماسيدير. داها دقيق دئسک ويلادئمير ايليچ لئني نين تعليماتينا اساسن ميللي هوقوقلاردان يانا اولاراق ميللي ايراده دن سوسياليزمه دوغرو يؤنلميش يولدا يارارلانماق مقصدي گودولموشدور. ب

۶-اینجیسينا گلديکده ايسه نه يازيقلار کي، دوروم اولدوقجا آجيناجاقليدير.ادف و باشقا آدلار آلتيندا چيخيش ائدن ديگر آدف يانليلاري اساسن اکثريتله بو گون ميللي هوکومتيميزين باشچيسي مرحوم پيشوري نين ۶۰ ايل اؤنجه بوراخميش سهولريني حالا تکرار ائتمکدن چکينميرلر.بو گون آدف – يانليلاري نين گئنلليکله سياسي آنلاييشينا گؤره گونئي آذربايجان ايران آذربايجاني اولاراق باياغي فارس ايرانچيليغين ترکيب حيصه سي کيمي گؤرونمکده دير.باياغي و قوندارما ايرانين عاصيميلعاصيونا محکوم خالقي اولاراق موختاريتچي و يا فئدرالچي کسيمي کيمي چيخيش ائتمکله گونئي آذربايجاني يئنيدن چيخيلمازليغا يؤنلتمک ايستگينده ديرلر .

ميلت آنلاييشينا گلديکده ايسه دئييلمه ليدير کي، بونلارين حالا ۶۰ – ايل اؤنجه کي ميللي هوکومتين ميلت آنلاييشيندان ايره لي گئتمير و ايرانچيليغا ، پانفارسيزمه قارشي ماهيتجه ضررسيز مؤوقئ سرگيله مکده دير.۶۰ – ايل اؤنجه آذربايجان ميللي هوکومتيندن اينگيلتره (انگلیس) نين اساس طرفداشي سووئت روسيه سي آبد-نين گليشينه قارشي ديغيرلاديلان داش کيمي ايستيفاده ائتديسه بو گون آدف نه يازيقلار کي، يئنه بؤلگه ده آبد-نين گليشينه قارشي عئيني مؤوقئدن چيخيش ائتمکده دير.بو گون رسمي و غئيري رسمي آدف-چيلرين بؤيوک حيصه سي نه يازيقلار کي، ۶۰ – ايل اؤنجه کي، آدف – ميزله فرقلنديگي جهتلري ياخشيليغا و دوغرولوغا دوغرو دئييل.سادجه موثبته دوغرو دييشيلن شئي دئمه سي مومکونسه اودا آذربايجان ديلي آنلاييشي نين آذربايجان تورک ديلي آنلاييشي ايله دييشديريلمه سيدير. ائله بونا گؤره ده آدف و آدف يانليلاري بو گون بؤيوک سياسي تجروبه يه ماليک اولدوقلارينا و ميللي هوکومتيميزين زنگين ايداري آرشيوينه صاحيب اولدوقلارينا باخماياراق گونئي ميللي هرکات ديشيندا قالميشلار.

بونونلادا گونئي آذربايجان ميللي آزادليق هرکاتي گئنيش و درين سياسي کادرلاردان محروم اولموشدور.تسسوف هيسسي ايله وورغولانماليدير کي، آدف يانليلاري اکثريتله آنتي آبد-آنتي آمئريکان آلئرگيسي اولانلار کيمي چيخيش ائده رک ، ايستر-ايسته مز بو آن گونئي آذربايجاني منن اؤلومه محکوم بوراخان تئوکراتيک و نئو فاشيست فارس رئژيمي و بو ۹۰ ايل مودتينده بؤلگه نين سوني ميلت دؤولتلشمه سيني – يني يئرلي خالقلارين ايراده و ايستکلريني گؤرمزدن گله رک حياتا کئچيرن ، بو مودتده بؤلگه ني چاپيب تالييان و بو آن بؤلگه ني اولدوغو سياسي-جوغرافي ياپيسيندا ساخلانماسينا چاليشان اساس تجاووزکار گوجلرله مؤوقئلري اوست-اوسته دوشمکده دير.امئريکا بؤيوک ايمپئرياليزمي دئيه رک روسيه و اينگيلتره (انگلیس) کيمي اساس موداخيله چيلري گؤز آردي ائتديکلري نين نه يازيقلار کي، فرقينده دئييللر.بونو آنلاماغين واختي چوخدان گليب چاتميشدير کي، بؤيوک آمئريکا ايمپئرياليزمي دئمکله و گونئي آذربايجان ميللي آزادليق هرکاتيني بو آنتي آبد ايستيقامتينه يؤنلنديرمک جهدلري آنجاق و آنجاق باشي بلالي گونئي آذربايجان خالقيني يئنيدن اوت-آلووون ايچينه سوروکله مک جهديدير،بو ايسه گونئي آذربايجاني نهايي اوچوروما سوروکله مک کيمي باشا دوشولور.

باکي ، مي ۲۰۰۷
آردي وار…