گاموح تشکیلاتینین ۱۷ دسامبر ۱۹۴۶ (۲۶ آذر ۱۳۲۵) سوی قیریمی ایله ایلگیلی اولوسلار آراسی اورقانلارا و بعضی اؤلکه لین پارلامنت و پرزدنت لرینه رسمی موراجعتی
بای بک، آذربایجان | سؤتگؤن, ۲۵-ي آذر , ۱۱۰۰۷ اینجی ایل, چولا ۲۰:۱۷ [آ.خ] | بیلدیریش, تورکجه
 |
. | آرتی بو کی ،تهراندا حاکیم اولان فاشیست آپارتاید رژیمی یوخاریدا ذکر ائدیمیز تاریخده ، مرتکب اولدوغو جنایت لرده ن باشقا ،میلیونلار جیلد آذربایجان تورکجه سینده باسیلاراق ،اوخولاردا تحصیل دیلی کیمی یارارلانماقدا اولان کیتابلاری اودلایاراق ،اون مینلر بو دیلده یازیلمیش دوکان ،ماغازا ،ایش یئری و ایداره لرین تابلولارینی محو ائده رک آرادان آپارمیشدیر وآنا دیلینده دانیشماغی بوتون ایداره لرده و ائیتیم مرکزینده یاساقلانمیشدیر و بیلمده ن بیر کلمه بئله آنا دیلینده دانیشانلاری پارا جزاسی اؤده مکله جزالاندیرلمیشدیر.
بعضی اعتراض و تبکیلر چئشیتلی یولارلا گؤسترمیشلر. |
مراجعت
بیرلشمیش میللت لر تشکیلاتی (ب.م.ت- UN)
دولتسیز میللت لر تشکیلاتی (د.م.ت - UNPO)
اولوسلار آراسی اف اورگوتو (ا.آ.ع.ا- AI)
انسان حاقلاری و دمکراسی پرنسبلرینه سایقی سی اولان بعضی پارلامنت و دولت باشقانلارینا!
بیلدینیز کیمی ایران نئچه میللت لی بیر اولکه اولاراق(تورک ،فارس،کورد،عرب،تورکمن؛بلوچ،لور،طبری،گیلک و …)،۱۹۲۴ لرله ده ک فدرال سیستمینه یاخین دولت لرله ایداره اولونوردو، مع السف ۱۹۲۴ ده کودوتایا بنظر بیر چئوریلیشله حاکمیت قاجارلاردان قصب ائدیلریک سونرالار اوزونو پهلوی آدلاندیریلان ، آنتی دمکراتیک ،آنتی هومانیست و دیکتاتور بیر رژیم الینه کئچدی.
بو رژیمین بانیسی رضا خان ان اساس آماجلاریندان بیری سی بوتون فدراتیو قایدالاری پوزماق ،محلی حاکمیت لری وحشی لیک و ظلم لره آرادان قالدیرماق و فارس اولمایان میللت لری چوخ شیدتلری و آغیر منفی ائریتمیه و آسمیلاسیون سیاستینه معروض قویماق و سونوجدا بیر دئولت بیر میللت یاراتماق اولموشدور.
بو دوزولمز وقبول ائدیلمیز دوروما اعتراض و اوسیان اولاراق گونی آذربایجان تورک میللتی اولوسلار -آراسی قبول ائدیلمیش قورالارا (سونرالار ب.م.ت طرفینده رسما قبول اولوناراق یاسالارا چئویریلدی ، او جومله ده ن: ۱۵ دسامبر ۱۹۴۸ و ۱۹ دسامبر ۱۹۶۶-ايننجی ایللر و اولوسلار - آراسی انسان حاقلاری ایله باغلی قبول ائدیلمیش بیاننامه لر)و ائله جه ده بوتون میللتلر آراسی، قبول ائدیلمیش پرنسب لری اساس توتاراق گونی آذربایجان میللت نین اوز مقدراتینی تعین ائتمه حاقینی قولاناراق٫ ۱۹۴۵-اينجی ایلین دسامبر آینین ۱۲ سینده ایرانین او بؤلگه سینده مختار گونی آذربایجان جمهوریتی قورماغی باشارمیشدیر.
بو حاکمیت ۱۲ دسامبر ۱۹۴۵-اينجی ایلده قورولموش و گونی آذربایجان تورک میللتی بوگون اولوسال دئولت چیلیک گونو کیمی آغیرلایاراق بایرام ائتمک ده دیر،مع الصف بو میللی دئولت تجاوزچو فارس شونیست حاکمیتی قوشونلاری طرفینده ن ۱۰۰۰۰ لر انسانی قتل ائده رک بیر ایل سونرا یانی ۱۷ دسامبر ۱۹۴۶-اينجی ایلده دئوریلمیشدیر، بو گونده گونی آذربایان میللتی طرفینده ن اولوسال سوی قیریم گونو کیمی اؤزه ل تؤره نلر قید ائدیلمک ده دیر.
بو مختار محلی حاکمیت بوتون یئرلی و اولوسلار آراسی اؤزه ل حورمه ته مالک اولان سیاسیتچی و حقوق آداملاری طرفینده ن چوخ هومانیست ،دمکراتیک و خدمت ائدن بیر حاکمیت کیمی قبول ائدیلمیشدیر.(او جوملده ن مشهور آمیریکالی حقوقچو داغلاس، ۱۹۴۶ دا ایرانا وگونی آذربایجان بؤلگه سینه سفر ائده رک بو حاکمیتین ۱۹۴۶-۱۹۴۵ آراسی ائدیی استثائی خدمت لرده ن و ۱۹۴۶-اينجی ایلین دسامبریندا فارس شونیست حاکیمتی “ایسترانگ لاندس اند فرندلی پیوپل” کیتابی واسیطه سیله ،اولوب کئچیرنلری دونیا اجتماعیتنه چاتیرمیشدیر).
گینه بیلدینیز کیمی رضا خان قوشونلارنین تؤره دیی بو سوی قیریمدان ان آزی ۳۰ الی ۳۵۰۰۰ گناه سیز و الی یالین انسان فاجعه بیر شکیلده اولدورولور، ۱۰۰۰۰ لر انسان توتوقلاناراق آغیر ایشکنجه لره معروض قالارکن حبس ائدیلر و یوزمینلر انسان اؤز دوغما یوردوندان دیدرگین دوشرک آیری مملکت لره کؤچ ائدمیه مجبور قالیرلار.
آرتی بو کی ،تهراندا حاکیم اولان فاشیست آپارتاید رژیمی یوخاریدا ذکر ائدیمیز تاریخده ، مرتکب اولدوغو جنایت لرده ن باشقا ،میلیونلار جیلد آذربایجان تورکجه سینده باسیلاراق ،اوخولاردا تحصیل دیلی کیمی یارارلانماقدا اولان کیتابلاری اودلایاراق ،اون مینلر بو دیلده یازیلمیش دوکان ،ماغازا ،ایش یئری و ایداره لرین تابلولارینی محو ائده رک آرادان آپارمیشدیر وآنا دیلینده دانیشماغی بوتون ایداره لرده و ائیتیم مرکزینده یاساقلانمیشدیر و بیلمده ن بیر کلمه بئله آنا دیلینده دانیشانلاری پارا جزاسی اؤده مکله جزالاندیرلمیشدیر.
بعضی اعتراض و تبکیلر چئشیتلی یولارلا گؤسترمیشلر.
اورنک ایچین ۱۹۴۸ ده آلمانیانین نورنبورق محکه مسی بو انسان جنایته باخمیش، ۱۹۵۰ ده قرار چیخاراراق، بو حادثه نی بیر سوی قیریم حادثه سی کیمی قبول ائدمیشدیر.
یوخاریدا سونولان بیلگی لره دایاناراق،بیر گونی آذربایجان میللی اویانیش حرکاتی ،گاموح (سانام)، اولوسلار آراسی اورگانلاردا اوجمله ده ن (یو -ام - پو)دا گونی آذربایجان میللتینین تمثیلجی سی کیمی ، سیز سوروملو اورگانیزیاسیونلارا،مقاملار و سوروملولاردان آشاغیدا گلن ایستک لریمیزه دیقت یئتیره ره ک، امکانلاریمیز داخلینده گره کن آدیملاری آتمانیزی ریجا ائده ردیک:
- بو تاریخی فاجعه نی یارادانلار شاهدلرینین اؤنملی بیر بؤلومونو حیات دا اولدوغونو نظرده آلاراق ، مسئله نین (ب.م.ت)ده و اولوسلار آراسی لاحه محکمه سینده طرح اولونماسینا یاردیم ائده سینیز.
بئله لیکله بو تاریخی فاجعه و جنایت ،رسمی اولاراق ،اولوسلار آراسی اورقانلار طرفینده ن تانیناراق ، جنایتی ایشلیه نلره و اونا معروض قالانلارا گئرکن جواب (جزا، کیفر و مجازاتی) وئرمیش اولار.
- اولوسلا آراسی قبول ائدیلمیش و بیزیم یوخاریدا ذکر ائدیمیز قوراللارا دایاناراق ، ۶۲ ایل اؤنجه سوی قیریمینا معروض قالاراق دئوریلمیش حاکمیتین یئنیده ن قورولماسینا ، و ۳۵۰۰۰۰۰۰ گونئی آذربایجان تورک میللتینین دوغال حاققی اولان “اؤز مقدراتینی تعین ائتمه” حاقیندان یارارلانماسینا امکانلارینیز چئرچوسینده یاردیملارینیزی ائسیرگمینیز.
سایقیلار و اسنلیکلر سیزینله
م-چهرقانلی
گاموح (سانام) باشقانی
[1] www.gamoh.info
ايميل: [2] cehreqanli@yah…
تلفن: ۰۰۱۷۰۳۴۰۵۷۸۲۵
، بیر میللتین سسی
پایلاش | پرینت
بورا باغلي يازيلار:
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/3812.azr
یازینین اینترنت آدرسی
یازیده ایشه آلینان اینترنت آدرسلری
[1] www.gamoh.info: http://www.gamoh.info
[2] cehreqanli@yah…: http://www.11007.baybak.commailto:cehreqanli@yahoo.com
گوروش کاپانیبدی