تبريزده اکبر اعلمي-ني ساوونمايا قالخان گئنجلرين يوروشو پليس طرفيندن داغيتيليب
بای بک، آذربایجان | جمعه آخشامی, 13th آذر , 2007 اینجی ایل, چولا 05:10 [am] | تورکجه, خبرلر
 |
. | تبريز وکيلي محمدرضا ميرتاج الديني و تبريز امام جمعه سي مجتهد شبستري اونلاردانديلار کي دکتر اعلمي-ني مجليسدن قوغماغا آند ايچيبلر. داها سونرا جناب ميرتاج الديني چيخيش ائديب و اکبر اعلمي-دن اوزر ايستييب، ندن کي دانيشيغين نه اولدوغون بيلمه دن، يالنيز فارس آژانسي نين سؤزلرينه ايناناراق جناب اعلمي-يه سالديريب و تبريز ميلتي طرفيندن اونا تهقير ائديب!
موجتهد شبستري ميللتي آنلاماز ساياراق گئچنلرده باش وئرن دپرملرين (زلزله) ندنين دکتر اعلمي-نين دانيشيغلاري اولدوغون دئييب و ميلته دئييب کي الله کافير اعلمي-نين سؤزلريندن قيزيب و بيزه اؤفکله نيب! |
تبريز، سردري و اوسکي دئپوتاتي اولان دکتر اکبر اعلمي-ني مودافيعه ائتمک اوچون مينلرجه گئنج تبريز-اين چئشيتلي نوقتالاريندا يوروش ياپماغ ايستييبلر آنجاق اينتيظامي گوجلر اونلاري داغيتيب.
باي بک-ه گلن بيلگيلره گؤره، تبريز ميلتي اؤز نوماينده لري اولان جناب اعلمي-يه دستک وئريب اونا داياق اولدوقلارين دئمک اوچون مدني يوروش ياپماغ ايستييبلر. گئچن گونلرده ايران حاکيمييتينه باغلي اولان، خصوصيله احمدي نژاد دئولتي يانليسي اولان يئتکيليلر اکبر اعلمي-يه سالديريب و حتی اونا کافير آدي وئريبلر. دکتر اعلمي-نين سوچو دئولتي اينتيقاد ائتمک و اؤزونو باغيمسيز بير ساوونماجي آدلانديماسيدير. دکتر اعلمي زنگان شهرينده دانيشارکن دئييبدير کي اگر امام حسين (شيعه لرين ۳-اونجو روحاني ليدئرلري) دئولت قورارسا، او دئولتده هاقسيز اولانلارا اينتيقاد ائدرم. بو سؤزلري ترس يايينلاييب و حتّی اؤنملي بؤلوملرين سانسور ائدن فارس خبر آژانسي، آغير پروپاقاندا آپاراراق، نئقاتيو تئپکيلرين يارانماسينا چاليشيب.
باي بک آرتيرير کي اکبر اعلمي- نين دانيشيغلارينا ايلک تپکيلر آذربايجانلي مجلس وکيللريندن گلدي! گئچميشلري بللي اولان و فارس شووونيست نؤکري اولماغا ايفتيخار ائدن بو دئپوتاتلار دکتر اعلمي-ني کافير آدلانديراراق ميلتي اونا قارشي قورماغا چاليشيبلار. تبريز وکيلي محمدرضا ميرتاج الديني و تبريز امام جمعه سي مجتهد شبستري اونلاردانديلار کي دکتر اعلمي-ني مجليسدن قوغماغا آند ايچيبلر. داها سونرا جناب ميرتاج الديني چيخيش ائديب و اکبر اعلمي-دن اوزر ايستييب، ندن کي دانيشيغين نه اولدوغون بيلمه دن، يالنيز فارس آژانسي نين سؤزلرينه ايناناراق جناب اعلمي-يه سالديريب و تبريز ميلتي طرفيندن اونا تهقير ائديب!
موجتهد شبستري ميللتي آنلاماز ساياراق گئچنلرده باش وئرن دپرملرين (زلزله) ندنين دکتر اعلمي-نين دانيشيغلاري اولدوغون دئييب و ميلته دئييب کي الله کافير اعلمي-نين سؤزلريندن قيزيب و بيزه اؤفکله نيب!
جمعه نامازيندان چيخارکن باشقا اويون اوينايان موجتهد شبستري، داها اؤنجه دن پلانلانميش پيکئتله فارس آژانسينا شکيل ياراتديريب! بئله کي، نامازدان چيخان ميلتين آراسينا بير نئچه ساققاللي غداره باغلايان گيريب و جناب اعلمي-يه قارشي شعار وئريبلر. داها سونرا ميلتدن دستک آلماق بهانه سيله ۴۰۰-ه ياخين ايمضا توپلاييبلار! حالبوکي تبريز نامازينا ان ۵-۴ مين نفر قاتيلار! شکيللرين بير نچه سينده تبريز شهرينده زوراکيليقلا اصنافدان پول آلان شخصلر يئر آليب!
بونونلا يانيسيرا، باي بک-ه آذربايجان و حتّی تورک اولمايان بؤلگه لردن گلن بيلگيلر گؤسترير کي دکتر اعلمي-ني دستکله ينلر و اونا سس وئرنلرين ساييسي داها چوخدور. جناب اعلمي-نين سؤزلرين اونايلايان بير نئچه آيت الله (يوکسک ديني ليدر)، امام حسين دئولتيندن اينتيقاد ائتمه گي ان دوغال هاق بيليبلر و آرتيريبلار کي يئتکيليلردن اينتيقاد ائتمک اماملارين اؤز ايسته کي دير. اينيقاد قاداغا اولورسا دئولت غئيري قانوني حاله گه لر.
اؤيرنجيلر و اصناف توپلو مکتوبلاردا اؤز دستکلرين بيلديره رک، ايران يئتکيليلرينه سسله نيبلر.
ايران تلويزيوني دئولتين اورقاني اولاراق اويونبازليقلا دکتر اعلمي- نين اعتيراضلارين يايينلاماياراق، اونا قارشي اولانلارين دانيشيقلارين تام اولاراق يايير! داها سونرا جناب اعلمي نين اعتيراضين ده ييشديريب و اونو عذر ايستمک آدييلا تلويزيوندان ياييرلار! اکبر اعلمي بو اولايا اعتيراض ائديب و بيليب کي بو ايشلرين بير اوجو تهراندا حاکيمييته باغليدير!
دکتر اعلمي آذربايجان ميللي هاقلارين ايران چرچوه سينده ساوونور و آذربايجانين تاريخي آبيده لرين داغيتيلماسينا قارشيدير. آنا ديلي، خرداد حاديثه لري و يئتکيليلرين ياساق ايقتيصادي چاليشمالارينا اعتيراض ائدن جناب اعلمي-ني سئومه ين مقام چوخدور. بئله کي گؤرونور گله جکده اولان سئچکيلره حاضيرلانان فارس شووونيستلري و اونون تورکجه دانيشان نؤکرلري، آذربايجانين بير تک سسي اولان دکتر اعلمي-ني اورتادان قالديرماغ ايسته ييرلر.
، بیر میللتین سسی_ _ _ _ _ _ _
مربوط اُلان یازیلار
- ===> اعتراف تاج الدیني به قضاوت و پیشداوری اشتباهش در مورد اعلمي!
- ===> تني چند از اراذل و اوباش دولتي بر عليه دکتر اعلمي شعار دادند٫ فارس با خوشحالي گزارش داد!
- ===> اکبر اعلمي اونا وورولان بوهتانلاري جاوابلادي، دئولتي تنقيد ائتمک اوچون اونا کافير آدي قويورلار! (سس)
پایلاش | پرینت
بورا باغلي يازيلار:
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/3773.azr
یازینین اینترنت آدرسی
گوروش کاپانیبدی