اولوسلارآراسی ویجدان اویاقمی؟ دکتر صديقه عدالتي
بای بک، آذربایجان | جمعه آخشامی, 13th آذر , 2007 اینجی ایل, چولا 02:55 [am] | تورکجه, خبرلر, مقاله
 |
. | بیر سوره اؤنجه آلمان-ین شهرلرینین بیرینده، اروپا-لیلارطرفیندن دوزنلنن، تورک دیلی و باتیلیلارین بو دیله گؤستردیگی ایلگینین گئتدیکجه آرتدیغی تارتیشیلان بیر سمیناردایدیم. البته کی دیلیمیزین زنگینلیگینی و دونیادا گئدرک آرتدیغی اؤنمینی گؤرمک و یاخیندان دا بونا شاهید اولماق چوخ گؤزل بیر دویقودور. گؤزل دویقولار ایچریسینده ایکن آجی بیر خبرین خبرچیسی اولان بیر یازی آلدیم؛
دیلماجی دا قاپاتدیلار! اینسان گؤزو و بئینی قاریشیق اورگانلارلار؛ گؤز باخار، اما بعضی |
بیر سوره اؤنجه آلمان-ین شهرلرینین بیرینده، اروپا-لیلارطرفیندن دوزنلنن، تورک دیلی و باتیلیلارین بو دیله گؤستردیگی ایلگینین گئتدیکجه آرتدیغی تارتیشیلان بیر سمیناردایدیم. البته کی دیلیمیزین زنگینلیگینی و دونیادا گئدرک آرتدیغی اؤنمینی گؤرمک و یاخیندان دا بونا شاهید اولماق چوخ گؤزل بیر دویقودور. گؤزل دویقولار ایچریسینده ایکن آجی بیر خبرین خبرچیسی اولان بیر یازی آلدیم؛
دیلماجی دا قاپاتدیلار!
اینسان گؤزو و بئینی قاریشیق اورگانلارلار؛ گؤز باخار، اما بعضی اولومسوزلوقلاری گؤرمک ایستمز، بئیین آلقیلار، اما حاقسیزلیغی گؤرونجه ده اولایی آنلاماق ایستمز. یازینی بیر نئچه دفعه اوخودوم، آخی بو مسئلهیه اینانماق دا عاقیل دیشی بیر شئیدی.
بئله بیر دورومدایدیم.
بیر طرفدن مینلرجه کیلومتره آنا وطندن اوزاق، یابانجیلارین بیزیم آنا دیلیمیزه گؤستردیگی ایلگینی گؤروب ده سئوینجدن اوچارکن، او بیر طرفده اؤز تورپاغیندا دیلینه قیفیل وورولموش، آنا دیلینی اؤیرنمکدن یوکسون بوراخیلمیش خالقیمین تک دیلماجی دا سوستورولور. نییه؟ب
دیلماجین سوچو نئیدی؟
بو سورویا جواب بولماق ایچین بللی بیر سوره داها بکلدیم، بلکی دیلماجی یایینا قاپاتانلار گؤردوکلری اینسانلیق دیشی حرکت اوچون بیر دلیل گؤستریرلر، اما بوگونه قدر اونلاردان هیچ بیر گرکچه گؤستریلمه ییپ. دیلماجین سوروملولارینین یازدیقلاری اعتراض مکتوبلاری بیله جوابسیز قالمیش. یعنی قیساجاسی محکمه سیز و بللی اولمایان دلیللره گؤره دیلماجین دیلینی قاپاتمیشلار. گینه آینی سورو ذهنیم ده جانلاندی، دیلماج ایشله دییی هانگی سوچون بدلی نی اؤدور؟
سون ایللرده دیلماجی اوخویوب و اوندان اؤیرندیکلریم سینما پردهسی کیمین گؤزومون اؤنوندن گئچدی:
- تحریف اولونان تاریخیمیزین اوزمانلار طرفیندن آراشدیریلماسی و اونونلا ایلگیلی یازیلار
- آرکئولوژیک آراشدیرمالارین اورتایا چیخارتدیغی اؤنملی بیلگیلر
- ایندییه قدر تانیما شانسیمیز اولمایان عالیملریمیز و صنعتکارلاریمیزین تانیتیلماسی و دََیَرلندیریلمهسی، اونلارینان آپاریلان موصاحیبه لر
- دیلیمیزده چیخان مطبوعات تاریخی حاقیندا اؤنملی بیلگیلر ب
- آنا دیلیمیز حاقیندا یازیلار، بو قونودا آپاریلان چوخ یؤنلو و بیلیمسل آراشدیرمالار
- فولکلور، موسیقیمیز و صنعتچیلریمیز حاقیندا بیلگیلر
- قادین سورونونا اؤنملی بیر یاخلاشیمنان تورک قادینینین گرچک گوجونو و اؤزونو تانیتماق و هر شئیدن اؤنملی دونیا قادینلار گونونده درگینین تماماً بو مسئلهیه حصر ائدیلمهسی و مسئول قادینلار طرفیندن یؤنتیلمهسی
- و …
بونلار عاقلیمدان گئچینجه سورومون جوابینی آلمیش اولدوم. دیلماجین سوچو بللیدیر:
آیدینلاتماق، تحریف اولونان تاریخین گرچک اوزونو گؤسترمک، دیلیمیزین اینجهلیکلرینی اورتایا چیخارماق و قیساجاسی، بیر خلقین وار اولماسی ایچین گرکن ده يرلره صاحیب چیخماق و اونلاری یایماق.
آنا دیلیمیزین اؤنملی سنگرلریندن بیری اولان دیلماجیمیزا و چئشیتلی زمانلار ایچینده قاپاتیلان یایینلاریمیزا صاحیب چیخالیم و اونلاری اسارتدن قورتارماق اوچون:
- ۲۱ فوریه نی آنا دیلی گونو، ۳ مي-ای مطبوعات گونو اعلام ائلیین یونسکو-یا
- اینسان حقلری کمیسیونلارینا
- دونیا یازارلار جمعیتینه
- سینیرسیز قازئتهجیلر درنگینه
- سانسورسوز مطبوعات اوچون ساواشان اورگانیزاسیونلارا باش وورالیم
باخاق گؤرک اؤزوموزون و اولوسلارآراسی اورگانیزاسیونلارین ویجدانلاری هله اویاقمی؟
صدیقه عدالتی
آلمان
info[at]article19[dot]0rg
s.coudray[at]unesco[dot]org
m.schmit[at]unesco[dot]org
freepress[at]wpfc[dot]org
rsf[at]rsf[dot]org
info[at]pencanada[dot]ca
PEN-Germany[at]t-online[dot]de
، بیر میللتین سسی
پایلاش | پرینت
بورا باغلي يازيلار:
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/3771.azr
یازینین اینترنت آدرسی
گوروش کاپانیبدی