چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (بئشينجي بؤلوم)

چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (بئشينجي بؤلوم) - رحيم جاوادبئيلي

بای بک، آذربایجان | چرشنبه, 12th آذر , 2007 اینجی ایل, چولا 02:42 [am] | تورکجه, مقاله

ايسلاميته بورونموش بو شووونيست رئژيم ميلتيميزي بشريتين بو گونکو دونيادا نيسبي ريفاهيني و آزادليغيني اؤزونده تمين و تزمين ائدن اينسان هوقوق و آزاادليقلاريندان ائلجه ده دئموکراتيک ديرلريندن گوبودجاسينا محروم ائتميشدير، بوندان اساس مقصدي بيز تورکلرين ميللي بيرليک عزميني سينديرماق ، ميللي منليگيميزي ،ميللي کيمليک شووروموزو،ميللي پسيکولوگيميزي ، ميللي تاريخيميزي ، ميللي ادباياتيميزي و بو اونودولماز معنوي ديرلريميزي اؤزونده ياشادان تورک ديليميزي عوموميتله بوتون ماددي معنوي سروتلريميزي محو ائتمک، معنوي سويقيريمي - ائتنوسيد سيياستينه معروض قويماق ، فارس خالقي ايچينده اريتمه يه-آسيميله ائتمه يه، فارسلاشديرماغا و نهايت مانقورتلاشديراراق هميشه ليک بويوندوروقلو ، تابئچي و الباخيملي کوتله حالينا سالماقلا بوتون يئرالتي-يئروستو ماددي - معنوي سروتلريميزه ابدي يييلنه رک اوزريميزه حاکيم فارس ميلتي اولاراق کسيلمکدير.

بو اونودولماماليدير کي، ايستيقلاليت ستراتئژيسي بوتون پروبلئملرين هللينه داير يئگانه و ان دوغرو ياناشما طرزيدير!

۳-اونجو کسيم:

بو ايکينجي کسيمين تام ترس جبهه سينده- غئيري فارس خالق و ميلتلرين بوتون ميللي و فردي منافعينه ضيد فعاليتده بولونان ايستئمار و مورتجئ نين طرفينده دايانان کسيمدير. بو کسيمي اولوشدوران اکثرن فارس روحاني،اريستوکرات، آيدين و سياسيلري اوسته گل ماسونلارين فعاليتي اؤلکهده چاتيشمامازليق و عومومي محروميتله اوزلشيلميش ايجتيماي، ايقتيسادي و سياسي آتموسفئردن سادجه سو ايستيفاده ائده رک يارارلانماغا و نيين بهاسينا اولورسا اولسون، تورکلرين اوزون اسرليک نيسبي، ايبتيداي دئموکراسييه يه و ميللي عدالته دايانان دؤولتچيليگي نين علئيه اينه موستملکه چيلرين بير باشا ايشتيراکي ايله چئوريليش ائتمک و قربين چاغداش علمي-پراکتيک،نزري،تئکنيکي ، مدني و باشقا ساهه لرده کي ، ايره ليچيليگيني سادجه اؤلکه ده يانسيلاياجاق فورمادا (ديرناق آراسي موعاصير تيپلي رئژيم) ديسپوتيزمه و ديکتاتورلوغا سؤيکنن پانيرانيست و پانفارسيست ايدئولوژیسينه دايانان ايراني مرکز توتان فارس دوشونجه سيستئملي بير رئژيمين قورولوشونا يؤنلميشدير.

بو پانفارسيست لووغاليغي نين نتيجه سينده اؤلکه ده کي ،بوتون ميلتلرين عومومي منافعينه خيدمت ائتمه يه يؤنلميش آذربايجان تورک ميللي ايراده سي نين - مشروطه و آزاديستان هرکاتي نين قان ايچينده بوغولماسينا نايل اولونموشدور. آزربايجان تورک ميللي ايراده سي نين قان ايچينده بوغولماسيندا داخيلي اولمالارين و نجف-اشرف موجتهيدلري نين بير نئچه سي نين رولو خوصوصي وورغولانماليدير. و نهايت خالقين - ميللي تورک ايراده سي نين قان ايچينده بوغولدوغوندان و دؤولت ايراده سيزليگيندن دولايي سياسي-ايجتيماعي زمينده دوغولان بوشلوقدان ايستيفاده ائديله رک ايستئمارين ايستگينه اويغون شکيلده رزا ميرپنجين باشچيليغي ايله پهلوي سولاله سي حاکيميتي قورولموش اولدو.

بو دؤنمدن مماليکي مهروسه ده-ايراندا دهشتلي فارس شووونيزمي، وهشيليگي و جينايتکارليغي ايله تاريخ يادداشينا حک اولونموش (اگر دوغرودان تاريخده اولموشسا) هخامنش و ساساني دؤورونون ديني فوندامئنتاليزمي-گئريجيليگي ميللي شووونيست ظولمکار سيياستي پهلوي سولاله سي دؤولتي طرفيندن چاغداشلاشديريلاراق داها غدارجاسينا غئيري فارس خوسوسي ايله تورکلره قارشي ايجرا ائديلمه يه باشلادي.بو تاريخدن باشلاياراق ايراني مرکز توتان فارس دوشونجه سيستئمي رهبر توتولاراق پانيرانيست،پانفارسيست و شووونيست سيياستين عملي قطعي کؤکم اولان بير قانون کيمي غئيري فارس خوسوسي ايله تورکلره قارشي حاکيم فارس طبقه سي طرفيندن ايجراسي لابود ساييلدي.بو غئيري اينساني و فاشيست دؤولت سيياستي ايستر رضا پهلوي، ايستر اوغلو محمدرضا پهلوي ايسترسه ده ۱۹۷۹-اونجو ايل چئوريليشي ايله حاکيميتي منيمسه ميش ديرناقاراسي ايران ايسلام جومهوروييتي دؤنمينده بو شووونيست سيياست دؤولتين داخيلي ستراتئژيک مقصدلريندن بيرينه ان باشليجاسينا چئوريله رک دييشيلمز پرينسيپ کيمي اؤز ايجراسيني قوووه ده توتموش و توتماقدا دوام ائدير.

بيزجه اوراجان کي، ايران وار و ايراندا ايراني مرکز توتان فارس دوشونجه سيستئمي حاکيمدير.ؤلکه ده(يران)يستر آناياسالي شاهليق،يستر ايسلامي جومهوريت ، ايستر هر هانسيسا فورمادا جومهوريت ايداره چيليگي ايستر اونيتار ايسترسه ده فئدراتيو دؤولت قورولوشلاري ، اؤلکه ده کي، غئيري فارس خالق و ميلتلري نين فارس ميلتيني تمسيل ائدن رئژيم طرفيندن آشاغيلانديريلميش، تهقير ائتديريلميش و هر طرفلي محروميتله باريشديريلماسينا گوج صرف ائتديريلميش ميللي و فردي پسيکولوگيسيني درمان و ترميم ائتمه يه، تام برابر هوقوقلو خالق و ميلتلر سيستئميني برپا ائتمه يه قادير و مقبول دئييل. بونا گؤره کي،فارس ميلتي اؤزونون اولدوغو کيمي دوغولان يئني نسليني ده اؤلکه ده قادير و حاکيم ميلته مخصوص تربييه ايله بؤيوتمه يه عادت ائتميش، اؤته ياندان غئيري فارس ميلتلري خوسوسي ايله تورک ميلتي اؤزونون اولدوغو کيمي (ايستر يوخسول ايستر اورتا ايستر يوکسک طبقه يه منسوب اولسون ) دوغولان يئني نسليني ده آشاغيلانديريلميش،تهقير ائتديريلميش و هر طرفلي محروميتله باريشديريلماسينا گوج صرف ائتديريلميش ميللي تورک ديلي و تورک مدنيتي ايله تربييه ائديب اوشاغي نين هر تور ظولمه محکوم ميلته منسوب اولدوغو ايله راضيلاشمالي يا دا کي، منسوب اولدوغو ميلته آرخا چئويريب،دؤنوکلوک ائده رک مانقورتلوغو قبوللاناراق اؤز ميلتينه فارسدان بئشبتر دوشمن کسيلمه لي اولاجاق بير شکيلده بالاسيني تربيييه ائتمه يه مجبور ائديلميشدير.بای بک

بو اينسانليغا سيغمايان فاشيست و پانيرانيست ايراني مرکز توتان فارس دوشونجه سيستئمي دوز دؤرد نسلدير کي، اؤلکه ده غئيري فارس ميلتلرينه خوسوسي ايله تورکلره قارشي تطبیق ائديلير. بو گون ايران ايسلام جومهوريتي تورکلرين اينسانسئور و تميز ديني اعتيقاديندان سو ايستيفاده ائده رک بو وحشي فاشيست سيياستيني داها غدارجاسينا و رحمسيزجه سينه داعوام ائتديرير. مؤوجود رئژيم ديرناقاراسي شييه ايسلاميتينه بورونه رک بيز تورکلري مغلوب و محکوم ميلت اؤزونو ايسه حاکيم فارس ميلتي نين نوماينده سي حساب ائدير.

بلي! مؤوجود رئژيم ايرانداکي ميلتلري ،خالقلاري فاکتيکي-عملي اولاراق حاکيم (فارس)وه محکوم ميلت (اؤلکه نين بؤيوک چوخلوغونو تشکيل ائدن تورک ميلتي باشدا اولماقلا ديگر کورد،بلوچ،رب و س.ميللت و خالقلاري) بؤلموش، ظاهيرده ايسه ديرناقاراسي شييه ايسلاميتينه بورونه رک تورک ميلتي نين تميز،باريشچي و اينسانسئور ديني اعتيقاديندان ضيد بشري و اينسانليغا ياراماز مقصدينه چاتماق اوچون جيدي صورتده سو ايستيفاده ائدير.بای بک

دئمک بيز تورکلرين معروض قالديغي ميللي ايسارت و هر طرفلي محروميتين اساس عاميلي پانيرانيست، پانفارسيست و شووونيست سيياسته دايانان ايراني مرکز توتان فارس دوشونجه سيستئميدير. سببکارلاري ايسه بو غئيري اينساني فاشيست سيياتيني حاکيم اولاراق تورک خالقينا قارشي يورودن و او،سيياستي يئرلرده مودافيعه ائدن مانقورتلاردير.

بو گون اونودولماماليدير کي، آنتي آذربايجان سيياستيني دؤولتين ستراتئژيک مقصدينه چئويرن ايسلاميته بورونموش پانفارسيست ايران ايسلام جومهوريتي گؤروندويوندن قات-قات داها آرتيق تهلوکه ليدير. بونا گؤره کي، سلفي اولان پهلوي رئژيمي نين الينده بولونمايان ديني سيلاها يييلنميشدير. عموم آذربايجان تورک ميلتي نين تميز و اينسانسئور ديني اعتيقاديندان سو ايستيفاده ائده رک جينايتکار سيياستلريني حياتا کئچيرمکده دير.

باکي، مي ۲۰۰۷
آردي وار…