۱۹۳ گوندور سعيد متينپور سوره لي اينفيرادي سلولدا ساخلانيلير - عباس مرادزاده
بای بک، آذربایجان | آراگؤن, ۱۳-ي آذر , ۱۱۰۰۷ اینجی ایل, چولا ۱۲:۰۵ | تورکجه, مقاله
 |
. | بو گؤن ۱۹۳ گؤن، آذربايجان ميللي حرکتينين تانينميش ميللتچيلريندن بيريسي اولان سعيد بي متينپورون ياخالانماغيندان گئچير. سعيد متينپور سؤزسوز آذربايجانين ائتگيلي نيرولاريندان بيريدير. سعيد متينپور فلسفه اوخودوغو اوچون آذربايجان مسئله سيني فلسفي دوشونوب. ائله بو دوشونجه دن آسيلي اولاراق سينيلماز اينانج قازانيب. سعيد متينپورون آذربايجان ميللي حرکتينين يئني دوره سينين بيرينجي نيرولارينداندير. ۱۷ ايل سوره لي بو حرکتده چاليشارکن بو يولدان هئچ زامان دؤنمه ييب. سعيد متينپور آذربايجانين ميللي مسئله سي ني دموکوراسي يؤلونان سونوجا چاتديقينا اينانار کن دموکوراسي چرچيوهسينده بوتون يوللاري دهتله ييب. زامان زامان اؤلکه ده اولان بوتون نيرولارين ديقتيني اؤزونه جلب ائله ييب. هئچ زامان بو ديقت مرکزينده اولماغا گؤره اؤزونو ايتيرمه ييب، يولونا داوام ائديب. |
بو گؤن ۱۹۳ گؤن، آذربايجان ميللي حرکتينين تانينميش ميللتچيلريندن بيريسي اولان سعيد بي متينپورون ياخالانماغيندان گئچير. سعيد متينپور سؤزسوز آذربايجانين ائتگيلي نيرولاريندان بيريدير. سعيد متينپور فلسفه اوخودوغو اوچون آذربايجان مسئله سيني فلسفي دوشونوب. ائله بو دوشونجه دن آسيلي اولاراق سينيلماز اينانج قازانيب. سعيد متينپورون آذربايجان ميللي حرکتينين يئني دوره سينين بيرينجي نيرولارينداندير. ۱۷ ايل سوره لي بو حرکتده چاليشارکن بو يولدان هئچ زامان دؤنمه ييب. سعيد متينپور آذربايجانين ميللي مسئله سي ني دموکوراسي يؤلونان سونوجا چاتديقينا اينانار کن دموکوراسي چرچيوهسينده بوتون يوللاري دهتله ييب. زامان زامان اؤلکه ده اولان بوتون نيرولارين ديقتيني اؤزونه جلب ائله ييب. هئچ زامان بو ديقت مرکزينده اولماغا گؤره اؤزونو ايتيرمه ييب، يولونا داوام ائديب.
بوتون اينسان حاقلاري آدينا چاليشان قوروپلاريلا آذربايجانين ميللي مسئله سين خبري بايکوتدان ائشيگه چيخاتماقدان اؤترو، ايش بيرليگه گيريب. حاکميت بو مسئله ني بيله-بيله سعيدي آذربايجانين قيزيل بؤلگه سيندن اوزاقلاشديرماقدان اؤترو چتينليکلرله، سيخما-بوغمايا ساليب، ماعاش يولونو کسيب. سعيدين زنگان منطقه سينين ميللي اويانيشيندا دانيلماز رولو اؤلوب. ائله اونا گؤره ده حاکميت سعيددن اينانيلماز اينجيکلييي وار.
کئچن ايلين ماي اولايلاريندا زنگان اعتراضا قالخان بؤلگه لرين بيرينجي شهرلريندن ايدي. زنگانين دانشگاهلاريلا بيرليکده شهر ده، قيام ائله دي. بو قيام حاکميته بؤيوک سؤز چاتديردي. نه قدر ده آسيميلاسيون قاباق گئتسه يدي ده زنگان دا آذربايجان ميللي شعور و هله ده بيرينجي يئري توتور.
سعيد گيلين داورانيشلاري زنگان شهرينده اولان بوتون ميللتين نظرين جلب ائله ميشدير. زنگاندا اولان بوتون ايجتيماعي، سياسي، فرهنگي نيرولار سعيد گيلي بير دموکورات نيرولاري تانيييرديلار. حاکميتده اولان نيرولار دا مجبوريت حاليندا سعيدله حؤرمتله ياناشيرديلار.
گئچن ايلين مي اولايلاريندا سعيد گيله گؤزوقورخو وئرسين دئييه سعيدين ياخين يولداشلاريندان بيريسي اولان رضا عياسييه بيرايل تعزيري حبس کسديلر. حاکميتين نظريجه آذربايجان چاليشقانلاري بير آز دالي اوتورماليديلار. آنجاق بو چتينليکلره باخماياراق سعيدگيل (بهروز، جليل، ليلا، عليرضا…) دونياليق آنا ديلي گؤنو موناسيبتايله يئنيدن زنگانين سبزه ميدانيندا توپلاشديرلار. حاکميت شدتله بو توپلاشماغيايلا ياناشدي. خياواندا ميللي فعاللار امنيتي نيرولاري واسيطه سيله تاپدالانديلار. قيز-اوغلان، آرواد-کيشي ياخالانديلار. سعيدگيلين عاييله لريندن ۴ نفر ياخالانديلار (ايکيباجي- ايکيقارداش). دوستاقدا تاپدالانماق داوام ائتدي. بير آيا ياخين ساخلانيلاندان سونرا بوراخيلديلار.
جليل غنيلو او بير آيدا تهراندا ايشکنجه اوتاغيندا ايشکنجه اولوندو. بو يولا ايناملا قدم قويانلار هئچ زامان هده قورخولا دالي چکيلمه زلر. بونو حاکميت ياخشي بيليردي. عيني حالدا سعيد، ايچريده اولان بوتون دموکورات قوروپلارين توسيطيايله رئکلام اولوندو.
بو ايشکنجهلر سعيدي سينديرماغا يئترلي دئييلايدي. حاکميت سعيدين سينماغي ايستهييردي، اونا پلان ايشلتمک گرکليدير. خورداد آيينين –اونده جليلله بيرليک ده سعيد زنگاندا ياخالانير، تئهرانا يوللانيلير. ايکي آي اول سعيدين هاردا ساخلانيلان يئري بللي اؤلونمور. حاکميته باغلي اولان نيرولارين آغزيندان سعيدين ايشکنجه سي تلوزيوني اعتراف آلماق اوچون ائشييه چيخير. سعيددن نئجه صاحاب چيخماليييق هئچ کيم بيلمير. سعيد عابباس بي ليسانليايلا بيرليکده آذربايجانين موقاويمت سيمگه لرينه چئوريلير. آنجاق بو موقاويمت سيمگه سي اولانلاريميزدان دا نئجه حيمايت ائتمه ييميزي بيلميريک.
سعيد بو ايکي آيدا بير تئلفونلا تکجه ديري اولدوغون بيلديرير. آنجاق بو ايکي آيدا هئچ کيم سعيدله گؤروشه بيلمير. اينفيرادي سيمت سيلولدا ساخلانيلير. سعيدي سينديرماغا سعيدله ايلگيده اولان بير چوخ شخصلري توتورلار. صالح کامراني، عبدالله جاوان، بهروز صفري، ليلا خانيم، ايلقار مرندلي، ميرقاسيم سيدين زاده، دکتر حيدري، عليرضا متينپور بير بير ياخالانيرلار. سعيدين ياخين دوستو اولان عبدالله بي جاوان دا امنيتي نيرولار طرفيندن ايشکنجه اولونور. بو آرادا دفتر تحکيم نيرولاري دا توتولوب بوراخيليرلار. اونلار سعيد اولان بندده اينفيرادي ساخلانيلميشديلار. سعيدين موقاويمتي اونلار اوچون اوسطوره يه چئوريلميشدير. سعيد يولدان گلن سياسي محبوسلارا داياناجاقلي اولدوقلاريني وورغولايير. دووار آرخاسيندان او نيرولارا اؤره ک وئرير.
سعيدين نه قدر، داواملي اولدوغو باشقا قوروپلارين ايچينده اوسطوره يه چئوريلير. آنجاق آذربايجانين ميللي حرکتي بئله نيرولاردان نئجه حيمايت ائتمه ييني بيلمير. بو اوتانمالي بيردورومدور. اوتانجاغيمدان داها عطيه خانيميندا حالين سوروشماق اولمور. بو حالدا آذربايجانين بير خاص قوروپلارينين سسي قوزانير: سيز نييه تکجه بير خاص آداملاردان حيمايه ائديرسيز.
آذربايجان يولوندا هر کيم زيندانا دوشور اوندان حيمايه ائلهمک هر کسين وظيفهسيدير. ائله او اساسدا دا ايشلر قاباغا گئدير. آنجاق سيز ايرسه ايستهييرسيز بير خاص آدامدان چوخ حيمايت اولونا اونو دا بير آز اؤزونوز ايشلهيين.آذربايجانين مسئله سينده هر کيم نه قدر باشارير چاليشماليديرلار. بو اينسانلار آذربايجان اوچون چتين ليک چکيرلر. تکجه آذربايجان اوچون.
بوردا کيمسه لري آيري قازانج ايسته يير، قوللارين چيرمالاسين گلسين ايشله سين اؤزونه، سئوديي کيمسه يه يئر قازانسين. آنجاق بونو دوشونمه ليييک کي ۱۹۳ گونده، سعيد تکجه ايکي سئري شوشه داليندان آناسيگيلينن دانيشيب. حايات يولداشي، عطيه خانيملا بير سئري ده گؤروشه بيلمه ييب. قيرخ گوندن آرتيقدير دا هئچ کيمه زنگ آچماييب.
يولداشلار، آذربايجانين قايغيسين چکنلر بيز ائشيکده اولانلارا، بو دوروم اوتانمالي دورومدور.
بوتون اينسانلارين آزادليغی بيزيم آرزوموزدور. آذربايجانلی اينسانين دا آزادليغی تکجه دموکوراسیدان گئچمه لیدير.
ياشاسين اؤزگور آذربايجان
، بیر میللتین سسی_ _ _ _ _ _ _
مربوط اُلان یازیلار
پایلاش | پرینت
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/3672.azr
یازینین اینترنت آدرسی
گوروش کاپانیبدی