چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (ايکينجي بؤلوم)

چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (ايکينجي بؤلوم) - رحيم جاوادبئيلي

بای بک، آذربایجان | جمعه, 30th آبان , 2007 اینجی ایل, چولا 02:26 [am] | تورکجه, مقاله

بو دؤولتلرين ميللي دؤولت اولماديقلارينا باريز نومونه کيمي ميللي دؤولتلره ماليک اولمايان دؤولتسيز تورکلرين ۹-۸، عربلرين ايسه تخمينن ۱۴ دؤولت و شئيخنئشينلر آراسيندا پارچالانماسيني، سرهدلرين موناقيشه لي اولماسيني، داخيلي سيياستده عيرقي آيري سئچکيليک سيياستي ” آپارتايد ” ،ميللي سويقيريمي ” جئنوسيد ” ، معنوي سويقيريمي ” ائتنوسيد ” ،دؤولت تئرروريزمي کيمي سيياستلري نين توغيان ائتمه سيني و بونا قارشيتلي گئجيکميش هاقلي ميللي آزادليق هرکاتلاري نين باش قالديرماسيني گؤسترمک اولار.

۲. بو آجيناجاقلي شرايتين حاکيم اولماسينا ندن اولان حاديثه لر

هر شئيدن اؤنجه غربي اروپادا علمي-پراکتيک جهتدن يوکسک مووففقيتله نتيجلنميش بير فاکتورو قئيد ائتمک گره کي ر کي،ميلليت و وطنداشليق هوقوقونا دايالي موستقيل ” ميللي دؤولت ” و اونون فوندامئنتال اساسيني-بونؤوره سيني تشکيل ائدن ” ميللي مدنيتين سورکلي اينکيشافي ” -ني تمل قبول ائدن ميللي دؤولت تئزيسي نين ايجرا ائديلمه سيدير. بو تيپ قورولوش اؤلکه و اؤلکه واتنداشلاري نين هوقوق و آزادليقلاري نين قورونولماسي نين، ايجتيماي تميناتي نين وار اولماسي نين ، اؤلکه نين هر طرفلي اينکيشاف ، ديرچه ليش و چيچکلنمه سي نين اساسيني تشکيل ائده رک سورکلي تزميناتچيسي رولوندا چيخيش ائدير.باشقا دئييمله دئسک بو گون گؤردويوموز اروپا باريشميش ميللي دؤولتلرين اروپاسيدير.بيز گونئي آذربايجان تورک ميلتي ايسه بوندان،يني ميللي دؤولت قوروجولوغوندان محروم ائديلميشيک.

دئمک بو هر ساهه لي ايجتيماعي فلاکت و محروميتين اساس عاميلي دؤولتسيز جمعيت حاليندا زوران ساخلانيلماغيميزدادير ، يني ميللي ايسارتده اولماغيميزدير.لبتده بو بئله باشا دوشولممه ليدير کي، ايسارتدن قورتولوشلا الده ائديله جک ايستيقلاليت آوتوماتيک شکيلده بير آندا بوتون يوز ايلليگين ايقتيصادي، ايجتيماعي، سيياسي پروبلئملريني هلل ائتميش اولاجاقدير. ايسارتدن قورتولوش و ميلتين گئرچک منافعيينه دايالي موستقيللييه نايل اولماغي آماجلايان ستراتئژيک حدف ايجتيماعي-ايقتيصادي-سياسي-پسيکولوژي و باشقا پروبلئملرين هللينه داير ان دوغرو-دوزگون ياناشماقدير. بو ايسه ايسارتده کي خالقيميزين سادالانميش فلاکتلردن خيلاص اولماسي و مؤوجود ايجتيماي-سياسي-ايقتيصادي پروبلئملري نين يئگانه منطيقي چيخيش يولودور.

۲۰-اينجي يوزيلليگين ايلک روببونون سونلاريندان اعتيبارن بو ميللي ايسارتين،يجتيماي-عومومي فلاکت و محروميتين ائلجه ده اورتا چاغ ديسپوتيزم و ديکتاتورلوغونون اوزريميزده حاکيم کسيلمسي نين اساس سببکارلاري کيمدير سوالينا گلديکده، آپ-آچيق آيدين شکيلده عوموم ميلتيميزه ائلان ائتمه ليگيک کي، ۰۳. ايسفند. ۱۲۹۹- ۲۲.فوريه. ۱۹۲۱-اينجي ايل کودئتاسي نين-دؤولت چئوريليشي نين مؤليفلري ، اونو ماليييلشديرن و حياتا کئچيرن لياقتسيز الالتي کسيم اولموشدور. بونلارين کيمليگي آچيقلانيلارکن دئييلمه ليدير کي، ياشاديغيميز گئري قالميش و محروميتده بوغولان ياخين ، اورتا شرق و عوموميتله ايسلام بؤلگه سينده بير نئچه دؤولت ايستيثنا اولماقلا ديگر دؤولتلر خوصوصي ايله بيزي ده اؤز ايسارت زنجيرلرينده توتان شووونيست ايران دؤولتي يئرلي خالق و ميلتلرين ايراده سيني تاپدالايان ، آرزو و ايستکلرينه تابئ اولمايان چاغداش گئييملي ، ايرتيجاچي ، باياغي و ايستئمارين و قلوبال شيرکتلرين ماراغينا اويغون اورتايا گلميش دؤولتلردير.

بولوندوغوموز ايران؟ اؤلکه سي هم ميللي ترکيبي، هم سياسي قورولوشو همده سياسي جوغرافي اراضيسي باخيميندان ۱۹-اونجو يوزيلليگين اوللري ۲۰-اينجي يوزيلليگين ايلک روببونده سومورگه چي-موستملکه چي دؤولتلرين خوصوصي ايله تئزار و سووئت روسيه سي ايله اينگيلتره نين تام و بير باشا ايشتيراکي ايله و اونلارين دؤولت منافعينه تام اويغون شکيلده آپاريلميش پاي – بؤلوشون محصولو اولموشدور.

شرقين ، اورتادوغونون ايکي بؤيوک موسلمان عنعنه وي تورک دؤولتي نين مماليکيل مهروسه نين (ايران) خوصوصيله عوثمانلي ايمپئراتورلوغونون تورپاق و خالقلاري نين گله جک طالعييني تاماميله اؤز دؤولت منافعلرينه اويغون شکيلده فورمالاشديرماق مقصدي ايله اينگيلتره ، روسيه ،فرانسه و ايتاليا دؤولتلري آراسيندا ۱۹۰۳–اونجو ايل آنتانت (ENTENTE) سؤزلشمه سي ايمضالانميشدير، آردينجا محض مماليکيل محروسه - ايران تورپاقلاريني نوفوز بؤلگه لرينه بؤلمک مقصدي ايله اينگيلتره (انگلستان-بریتانیا) ايله روسيه آراسيندا راضيلاشديريلميش ۱۹۰۷\ ۱۲۸۶–اينجي ايل سؤزلشمه سي ايمضالانميشدير. بيرينجي نين نتيجه سينده عوثمانلي ايمپئراتورلوغو پارچالانميش و اونلارين منافعيينه تام اويغون شکيلده يئني دؤولتلر مئيدانا گلميشدير . ايکينجيسي نين نتيجه سينده ايسه مماليکيل مهروسه - ايران تئزار (چار) سووئت (شوروی) روسيه سي ايله اينگيلتره نين نوفوز بؤلگه سي اولاراق همين ايکي ايمپئراتورلوق طرفيندن يئنيدن اونلارين تام ايستکلرينه اويغون شکيلده - يني تورکلردن آرينميش ديرناقاراسي ماسونچو پانفارسيستلرله چاغداش گئييملي ايرتيجاچي بير موستملکه دؤولتچه سي نين قورولماسينا نايل اولونموشدور.

روس – اينگيلتره آراسيندا کي، ۱۹۰۷\۱۲۸۶-اينجي ايل سؤزلشمه سي پانفارسيستلر (شرفسيزليک دامغاسيني آلينلاريندا گزديرنلر) طرفيندن تاريخه بير لکه کيمي گؤستريلن و دايم او بئجئريکسيز و لياقتسيزلر طرفيندن تهقير ائديلن قاجار کلاسيک-عنعنه وي تورک دؤولتي آدي گئدن موقاويله ني دؤولت اولاراق قبول ائديلمه سيني اؤز آدلارينا سيغيشديرماميش و بو سؤزلشمه نين ايمضاليانماسيني بؤيوک شرفسيزليک دامغاسي اؤزوده تاريخ دوردوقجا ياشاياجاق شرفسيزليک دامغاسي حساب ائده رک ايمضالاماقدان ايمتيناع ائتميشلر، قاجار حاکيميتي آدي چکيلن سؤزلشمه ني ايمضالاماديقلاري تقديرده حاکيميتلريني ايتيره جکلريني بيلديکلرينه باخماياراق سؤزلشمه ني تييد ائتمکدن ايمتيناع ائتديلر.وه بو شرفلي عمللري ايله موستقيل عنعنه وي تورک دؤولتي اولدوقلاريني سوبوت ائتديلر.

قاجار حاکيميت يئتگيليلري نين بؤيوک چوخلوغو بو ساتقين اونونکو-بونونکو اولان ديرناق آراسي کودئتا دؤولتيني تانيماياراق اؤز شاهليقلاريني مماليکي-محروسه توقراغيندا اولماسادا پاريسده اوزون مودت سوردوردولر و حتّی ائلخانيلردن بري آغقويونلولار، قارا قويونلولار، صفويلر، اوشارلار و نهايت قاجار دؤولتلري نين سيمووليک شاهليق تاجيني قولدور رضا ميرپنجه آلچاقليغيني ، لياقتسيزليگيني و خالقين راضيليغي اولماديغيني اساس گتيره رک وئرمکدن بئله ايمتيناع ائتديلر.بو او دئمکدير کي رزا قولدور اسرلر بويو مماليکي-مهروسه کلاسيک تورک دؤولتي نين ايستر دؤولت يئتگيليلري ايسترسه ده خالق طرفيندن واريثي کيمي تانينماميشدير.رزا قولدور و اونون واريثلري سادجه اونون-بونون بارباقلاري اوجوندا توتموش سوخولجان کيمي اولموشلار.

بونودا قئيد ائتمک يئرينه دوشر کي ، قاجار تورک دؤولت يئتگيليلريندن اولوبدا آيريليب رزا قولدورون يانيندا دايانان شخصلر اکثرن قاجار تورک سولاله دؤولتينه خيانت ائدن ماسونلار اولموشلار، لاکين ماسون اولدوقلارينا و آغالاري نين امير قولو اولدوقلارينا باخماياراق دايم ايستر رزايا ايسترسه ده اونون واريثي محمد رضايا گؤرمز يانا ياناشاراق اونلاري بير دؤولت باشچيسي کيمي بير شاه کيمي حؤرمته لاييق گؤرمه ميشلر ،بو شخصلردن نومونه اولاراق قوامولسلتنه ني اونون قارداشي ووسوقوتدوله ني ، موستديقولسلتنه ني (موستديق اوزرينده دايانيلماسي گرکن شخصلردندير) و باشقلاريني گؤسترمک اولار. ايران دئموکرات پارتيياسي نين ائلجه ده ديگر قواما ياخين اولان دؤولت آداملاري نين ايچينده جريان ائدن صؤحبتلرده محمد رضا شاه آتاسيني يئني دييشديگي واختلاردا قوامي سارايدا چوخ گؤرمک ايستميردي ، بونا گؤره کي، اونو گؤردوکده اؤلکه نين شاهنشاهي اولدوغونو اونودورموش کيمي اؤزو بيلمه دن داورانمالي اولوردو.قوام شاهي هميشه کينايه لي اولاراق گوله-گوله بالاجا ، چيقيلي پهلوي اولاراق ياد ائديرميش.

بو ساتقينليغي و شرفسيزليگي اؤزونده عکس ائتديرن موقاويله سووئت روسيياسي نين تام راضيليغي ايله اينگيلتره نين بير باشا تشببوسکارليغي – کودئتانين مؤليفي، سپونسورو (ماليه لشديره ني) و الالتيلاري اولان (پانفارسيست) ماسونلارلا ۲۲ فئورال ۱۹۲۱\ ش. ۰۳ ايسفند ۱۲۹۹– جو ايل تاريخده حياتا کئچريلميشدير. بو ساتقينليق موقاويله سي دؤولت چئوريليشيندن ۶-۵ گون سونرا چئوريليش سونراسي ديرناق آراسي باشنازير يزد ديلغيري ژورناليست سيد ضيا طباطبايي طرفيندن موسکو-دا يئني دؤولت آدينا ايمضالانميش و او، زاماندان قوووه يه مينميشدير. بو پانفارسيست دؤولتين قورولماسيندا اساس رول اويناميش کؤهنه ماسونچو سيد ضيا طباطبايي باشنازيرليک وظيفه سينده اوتوراراق بو ناموس و شرف بازارليغيني اکس ائتديرن موقاويله ني يئني دؤولت آدينا ايمضالارکن قاجارلارين سون شاهنشاهي احمد شاه هاقلي اولاراق : بو مينواللا من بورادا (مماليکل مهروسه ده-ايراندا) شاهنشاه اولماقدانسا پاريس کوچه لرينده لبلبي ساتماغي ترجيح ائديرم-دئميشدير.

مماليکيل مهروسه - ايران ۲۲ فوريه ۱۹۲۱–اينجي ايله -يني دؤولت چئوريليشينه قدر کي، مودتده جسور و دئموکرات روحلو تورکلرين سارسيلماز ايراده سي ايله اؤلکه ايچي ايجتيماعي شعوورون و حاديثه لرين محصولو اولان (پيسدن ياخشيدان) موستقيل عنعنه وي دؤولته ماليک اولموشدور. تاريخن تورک جسورلوغونا و يئنيلمزليگينه قيسقانان و هئچ جور خيانت و ساتقينليقدان چکينمه يه ن و حتّی خيانتلرينه گؤره فخر ائدن فارس آيدين ، سياسي ، روحاني و آريستوکراتيک طبقه سي نهايت کي، تاريخي آمالينا – يعني اؤلکه نين بوتون سروتلري نين خاريجيلر طرفيندن چالينيب چاپيلماسي و بوتون چاغداش بشري اينکيشاف قافيله سيندن محروم اولماق موقابيلينده چاتميش اولدو . يوز ايلليکلر بويو شرفله دوام ائتميش آذربايجان کلاسيکتورک دؤولتچيليگيني عوض ائدن ديرناق آراسي چاغداش موعاصير تيپلي دؤولت قوران شووونيست پانفارسيستلر حاکيميته گلديکلري آندان باشلاناراق ايراندا؟ بو گونکو رئژيمده داخيل اولماقلا سؤزون حاقيقي معناسيندا خالقلارين ايراده سيني تمسيل ائدن موستقيل و سووئرئن سيياست يورودن دؤولت آنلاييشي قالماميشدير، بو دانيلماسي مومکون اولمايان گونش کيمي ساچان بير حاقيقتدير.

بلي! اؤلکه اوزره روسيه (چار يا خوددا کي، سووئت فرق ائتمه دن ، بورادا آرتيريلماسي يئرينه دوشر کي، و.ي.لنين اوکتبر چئوريليشيندن سونرا چار ايمپئراتورلوغونون بوتون موستملکه چيليک کاراکتئرلي آنلاشمالاريني بير طرفلي لغو ائتديگيني بيان ائتسه ده بو عملده اؤزونو هئچ گؤسترمه ميشدير،ينقيلاب سونراسي اينگيلتره ايله برابر چار دؤورونون آنلاشمالاريني عئيني ايستيقامتده ، يعني موستملکه چيليک سيياستيني سول بوياسيندا داها راحات شکيلده دوام ائتديرميشدير. ) ايله اينگيلتره سياسي - ايقتيصادي پاي-بؤلوشو آپارارکن نه تنها يئرلي ميلتلرين ايستک و آرزولاريني نظره آلماميش،هتتا اونلارين موباريزه سي نين ده قان ايچينده بوغولماسيني مودافيعه ائتمکدن بئله چکينمه ميش و اؤلکه ده اؤزلرينه يارايان ميلتي و يا طبقه ني حاکيم، باشقا ميلتلريني ايسه هر جور ظولمه محکوم ميلت ائدن سياسي قورولوشون حياتا کئچيريلمه سيني و حاکيم اولماسيني هر طرفلي مودافيعه ائتميشلر. هاکيم ميلت و يا طبقه نين هر ساهه ده حاکيم-محکوم ميلت بؤلگوسونه دايانان شووونيست سيياستي نين نتيجه سينده ايسه ظولمه محکوم يئرلي ميلت و خالقلار ميللي تهقير و آلچالماقدا ، گئري قالماقدا ،ؤزگورسوز و هر طرفلي يوخسوللوق و محروميتده بوغولارکن يئر آلتي-يئر اوستو سروتلري حاکيم ميلتي تمسيل ائدن رئژيم و اربابلاري طرفيندن تالانميش و تالانماقدادير.

بو حياتي پروبلئملرين اساسلي هلل يولو ايسه يالنيز و يالنيز ايران باشدا اولماقلا ديگر خالقيلاري نين ايراده سيني تمسيل ائتمه ين اؤلکهلرين جوغرافيياسي نين يئنيدن يئرلي ميلتلرين ميللي منافعلرينه اويغون فورمالاشديريلماسيني، يئني-يئني دئموکراتيک و گئرچک ميلت دؤولتلري نين مئيدانا گلمه سيني دستکله مک و بو پروسئسين يئگانه چيخيش يول اولدوغونا اينانماقدي. بلي! بو بؤيوک ، سارسيلماز و عدالتسيزلييه ، آغاليق لووغاليغينا قارشي باريشماز ايراده يه ماليک گونئي آزربايجان تورک ميلتي بو عدالته ضيد سيياستين نتيجه سي اولاراق موستملکه-سومورولن خالق دورومونا دوشموشدور.

باکي ، مي ۲۰۰۷
آردي وار…

۱- ۸.جيلدليک تاريخ روابط سياسي ايران و انگليس - ايرانلا اينگيلتره نين سياسي ايليشکيلر تاريخي - کيتابي نين ۸-اينجي جيلدي . ويلسون اينگيلتره نين مشروطه و مشروطه سونراسي اهواز کونسولو اولاراق اورادا کي نفت قازينتيلارينا و تدقيقاتينا نزارت ائدن شخص ايدي.