حئيدر الييئو ايلهام الييئوي باش نازير تعيين ائتمييب٫ علي اينسانووون سون سؤزو شوک ياراتدي
بای بک، آذربایجان | چرشنبه, 11th فروردين , 2007 اینجی ایل, چولا 04:33 [am] | تورکجه, خبرلر
|
بس ۲ آيدير بورادا نييه اوتورموشوق؟ نه ايثبات ائتدينيز؟
ايلهام الييئو بو خالق اوچون نه ائديب کي؟ مني اؤزومدن اول بورادا موهاکيمه اولونان گنجلرين طالعيي ناراحات ائدير. بو آداملاري دا محو ائديرسينيز. نه وار، نه وار، من بير کلمه پرئزيدئنتين خوشونا گلمه يه ن سؤز ايشلتميشم دئيه اونلاري دا بدبخت ائتمه ليسينيز؟ خالق اوچون هئچ نه ائتمه ين پرئزيدئنت تنقيده گؤره ميللت وکيلي حبس ائدير، ژورناليستي اؤلدورورلر ايلهام الييئو م.ق.ي.م.و-دا (موسکوا دؤولت بين الخالق موناسيبتلر اينستيتوتو) اوخويا بيلميردي، اورادان قوودولار. باخماياراق کي، آتاسي پوليتبورودا ايشله ييردي، بير موعليم اونا هئچ جور قييمت يازميردي. آتاسي نين حسابينا گئديب بير ايل آما دئميرلر کي، “سئماشکو” نون حَيَطينده کي ۲ هئکتارليق آلما باغيني، او اراضيده کي اوبيئکتي ايلهام الييئوين خالاسي اوغلو جمعيل الييئو اؤزللشديريب. - باشا دوشدوم، فايق موعليم، پرئزيدئنته توخونماق اولماز. سيز خالقين دا غضبيندن قورخمورسونوزسا، عمللي-باشلي قهرمانسينيز. آما بيلين کي، خالقدا قورخو هيسسي يوخ اولوب گئده جک، اينسانلار قالخيب سيزي تاپدالاياجاق. ۵ هئکتارليق ساهه ني ده هئيدر الييئو فوندو دارماداغين ائتدي… ايلهام الييئو آمريکا-دا، کورورت شهري اولان ميامي-ده اونونلا قونشوردور. ايلهام الييئو همين مولکو پرئزيدئنت ماعاشي ايله آليب؟ گتيرسين قازانجي نين، اؤده ديگي وئرگيلرين سندلريني قويسون اورتايا، گؤرک نه ايله الده ائديب اوراني. بو، هله معلوم اولانيدير. بلکه ده يوزلرله بئله مولکو وار… حاکيميتي او منيمسه ييب، حاکيميتي او ضبط ائديب. سئچکيلردن اول بوتون نازيرلردن کوللي ميقداردا پول ييغيليب سئچکي کوميسسييالارينا پايلانيردي. تأسوف کي، من ده بو ايشين ايشتيراکچيسي اولموشام. حؤرمتلي حاکيم، آذربايجان خالقي بونا چوخ دؤزميه جک. |
حيدر الييئو کمادا ايدي، سرنجامداکي ايمضا ساختادير
آغير جينايتلره داير ايشلر اوزره محکمه ده سابيق سهيييه نازيري علي اينسانووون و ديگر ۱۰ نفرين ايشي اوزره محکمه پروسئسي دونن داعوام ائتديريلدي. پروسئس باشلايان کيمي محکمه ده سون سؤزونو دئمک اوچون سهيييه نازيرليگي (سن) بين الخالق علاقه لر شؤعبه سي نين سابيق موديري آلئکساندر اومنياشکينه سؤز وئريلدي:
ائويمدن آتوم بومباسي تاپسايديلار، تعجوبلنمزديم
- ۲۰۰۵-اينجي ايلين پاييزيندان ۲۰۰۶-اينجي ايلين فوريه سينه کيمي منه آيد اولمايان آبسورد مسئله لرله باغلي دفعه لرله م.ت.ن-نه چاغيريبلار. منه قارشي ايره لي سورولموش ايتتيهاملارين قانونسوزلوغو باره ده محکمه ده فيکيرلر سسلنديريلسه ده، محکمه سونا چاتسا دا، بونا هله آيدينليق گتيريلمه ييب.
ائلدار احمدوو مني جمعيت اوچون تهلوکه لي شخص کيمي تقديم ائديب. مني سئريال قتللر تؤرتميش مانياک، جللاد کيمي قييمتلنديريبلر. م.ت.ن-ده بيليرلر کي، ۷۲ ياشلي آناملا بيرگه ياشاييرام. اونون مندن باشقا کؤمگي يوخدور.
م.ت.ن-نين موستنطيقي ووقار الييئو محکمه ده ايفاده وئررکن تهريفلره يول وئريب. اگر ائويمدن آتوم بومباسي دا تاپسايديلار، بوندان تعجوبلنمزديم. هامي بيلير کي، من وظيفه دن آزاد اولوناندان سونرا بير دفعه ده اولسون س.ن-نين بيناسينا داخيل اولماميشام. آما دئييرلر کي، گويا سندلرين قصدن ايتمه سينه شرايط ياراتميشام. آنجاق م.ت.ن-ده ساخلانيلديقدان موعين واخت سونرا او سندلر تاپيلدي.
هومانيتار (انسانجيل) يارديم اوچون قلوبال آليانس بين الخالق تشکيلاتين وسايتيني منيمسمه ميشم. لاکين آنام مجبور اولوب کي، او مبلغي توپلاييب، 4 مين دولاري اؤده ييب.
دؤولت ايتتيهامچيسي منه ايش ايسته يندن درهال سونرا بعضي تله کاناللار منه ايسته نيلميش ايشي ۱۰ ايل کيمي ائفيره (يايين) وئريب. بو سببدن ده آنامين وضعيتي آغيرلاشيب. ۵ گوندور کي، اونا تعجيلي يارديم چاغيرمالي اولورام، آنام ائشيتديکلريندن شوکدادير. سوندا علي اينسانوو باره ده دئمک ايسته ييرم کي، او، منيم موعليميم اولوب و بئله ده قالاجاق. من بونونلا فرخ ائديرم.
سن بودجه دن کنار تيببي خيدمت شؤعبه سي نين سابيق موديري وکيل آبباسوو اونا برات وئريلمه سيني خواهيش ائتدي.
سيروس تبريزلي-يه، الي اليرزايئو-ه و عاريض آبدوله ليگئو-ه تشککور ائديرم
سونرا محکمه ه.اينسانووا سون سؤز دئمگي تکليف ائتدي. ه.اينسانوو اؤنجه محکمه يه موراجيعت ائتدي:
- خواهيش ائديرم، ايمکان وئرين سون سؤزومو دئييم. سؤزومو کسمگين.
حاکيم فايق قاسيموو محکمه يه عايد اولمايان مسئله لرله باغلي چيخيش ائده جگي تقديرده سابيق نازيره ايراد ائديله جگيني بيلديردي. ه.اينسانوو چيخيشينا اونا داياق اولموش شخصلره تشککورله باشلادي:
- اؤزومه معنوي بورج بيليرم کي، هوقوقلاريمي مودافيعه ائدن شخصلره - طلبه لريمه، هوقوق مودافيعه چيلرينه، قاچقين و کؤچکونلره، بين الخالق تشکيلاتلارين نوماينده لرينه، پروسئس ايشتيراکچيلارينا، غربي آذربايجان -ا قاييديش ايجتيماعي بيرليگي نين رهبري ريزوان تاليبووا، ايروان آزادليق تشکيلاتي نين رهبري تبريز موسايئو-ه، کؤچري ناغيبيلييه و وکيللريمه تشککور ائديم.
حبسيمدن سونرا منيمله بيرليکده يوکسک وظيفه ده چاليشان مأمورلارين بعضيلري سوسدو، بعضيلري قاچيب گيزلندي، بعضيلري علئيه ايمه دانيشدي، بعضيلري ايسه آچيق-آشکار مني مودافيعه ائتدي.
سيروس تبريزلي-يه، علي اليرزايئو-ه و عاريض ابدولعليئو-ه تشککور ائديرم. اونلار آغير گونون دوستلاري کيمي مني مودافيعه ائتدي. منيمله باغلي آمئريکادان توتموش تورکييه يه کيمي چوخسايلي موراجيعتلر اولوب. من همين شخصلره ده ميننتدارليغيمي بيلديريرم. واختي ايله مجليسلرين بيرينده آکادئميک لانداو ستالي نين علئيه اينه دانيشيب. بو خبر گئديب چاتديريلاندان سونرا اونو حبس ائديبلر. آنجاق کاپيتسانين موراجيعتينه گؤره ستالين اونو آزاد ائديب. تأسوف کي، منيمله باغلي يئرلي و بين الخالق تشکيلاتلارين موراجيعتلرينه دؤولتين هئچ ۱۰-اونجو درجه لي شخصلري ده جاواب وئرمه دي. بو، آذربايجان مئنتاليتئتينه ياراشمايان مسئله دير.
سيز - واختي قورتارميش حاکيملر غرضلي محکمه آپاردينيز
- محکمه نين صلاحيت مودتي حبسيمدن بير آي اول، يعني ۲۰۰۵-اينجي ايلين سپتامبريندا بيتيب. سيز - واختي قورتارميش حاکيملر غرضلي محکمه آپاردينيز. حبس ائديلنده ده هوقوقلاريم پوزولوب. محکمه ده ده بئله اولدو. گومان ائديرديک کي، عدالتلي محکمه نين شاهيدي اولاجاغيق. تأسوف کي، بونون عکسي نين شاهيدي اولدوق. ايلک گوندن گؤردوک کي، محکمه وساتتلريميزي تمين ائتمه دي و بونونلا دا هوقوقلاريميز کوبود شکيلده پوزولدو. ايتتيهام طرفي نين ۱۸۰ شاهيدي دينديريلديگي حالدا بيزيم شاهيدلريميز محکمه يه گتيريلمه دي.
بو شرايطده وکيللريم مودافيعه مين تمين اولونماسي اوچون اللريندن گله ني ائتدي. ياشيما و سويييمه حؤرمت اولونمادان دؤولت ايتتيهامچيسي و سيز اوستومه چيغيريرسينيز. منه دئييرسينيز کي، دانيشما، ديليني کسيريک. نييه ايستميرسينيز کي، دانيشيم و بوتون حاقيقتلري آچيقلاييم؟ سيز ندن قورخورسونوز؟ آخي سيز قانونلارين معبديسينيز؟!
ائله فاکتلار وار کي، اونلاري يالنيز من بيليرم
اؤلکه ده کورروپسييا باش آليب گئدير. دؤولت ايتتيهامچيلاري دانيشمير. موستقيل متبوات بو کورروپسييا (مالی فساد)، روشوتخورلوق فاکتلاريني اونسوز دا هر گون يازير. بونون بير نتيجه سي موطلق اولاجاق.
آما ائله فاکتلار وار کي، اونلاري يالنيز من بيليرم. نييه قويمورسونوز بيلديکلريمي دئييم؟ اؤلکه کورروپسييا ايچينده بوغولور. منده کورروپسييا آختاريرسينيز. محکمه ايستينطاقي زاماني نه موعين ائتدينيز، نه آشکارلادينيز؟ مگر مودافيعه طرفينه ايمکان وئردينيز کي، ايتتيهام آکتيندا يازيلانلارين تام جفنگيات اولدوغونو سوبوت ائتسينلر؟ دؤولت ايتتيهامچيسي ايتتيهام آکتيني اوخودو. سادجه ايتتيهام آکتينا کيمه نه قدر ايش وئريله جگيني علاوه ائتدي. سوال يارانير: بس ۲ آيدير بورادا نييه اوتورموشوق؟ نه ايثبات ائتدينيز؟
ايلهام الييئو بو خالق اوچون نه ائديب کي؟
مني اؤزومدن اول بورادا موهاکيمه اولونان گنجلرين طالعيي ناراحات ائدير. بو آداملاري دا محو ائديرسينيز. نه وار، نه وار، من بير کلمه پرئزيدئنتين خوشونا گلمه يه ن سؤز ايشلتميشم دئيه اونلاري دا بدبخت ائتمه ليسينيز؟ خالق اوچون هئچ نه ائتمه ين پرئزيدئنت پروفسورو، علملر ناميزدلريني، آکادئميکي حبسه آلديرير. اونون اؤزو بو خالق اوچون نه ائديب کي، ايندي ائلم آداملارينا، خالق اوچون چاليشانلارا قارشي بو رئپرئسسييالار حياتا کئچيريلير؟
ژاپندا موشاهيده ائتميشم. اورادا دؤولت رهبري موطلق تنقيد ائديلمه ليدير. حتّی بير چوخ دؤولت ايداره لرينده خوصوصي اوتاقلاردا رهبرين هئيکه لي قويولور، اينسانلار اونو دؤيور، سؤيور، تهقير ائدير. من جمعي بير کلمه سؤز دئميشم کي، خالقا سيريديغيميز سيياست قيزيل سويونا سالينميش لاخ يومورتادير. بونا گؤره مني حبس ائتمه لي ايديلر؟ اولمازديمي کي، مني چاغيريب سوروشسونلار کي، بو فيکيرلري نه يه اساسلانيب سؤيله ميشم؟ من ده نه يه اساسلانديغيمي دئييديم. بو، خالق اوچون ده فايدالي اولاردي.
تنقيده گؤره ميللت وکيلي حبس ائدير، ژورناليستي اؤلدورورلر
- حاکيم پارتييانين قوروجوسو اولان ايکينجي آدامي - سيروس تبريزليني ايسه تنقيدي چيخيشلارينا گؤره پارتييادان چيخارديلار…
حاکيم:
- اينسانوو! آخي…
ه.اينسانوو:
- بير دئپوتاتي دا تنقيدي چيخيشلارينا گؤره باييل تورمه سينه گؤندرديلر. تنقيدي يازيلارينا گؤره بير ژورناليستي حبس ائتمک ايسته ييرلر، او بيريني دؤيور، حتّی اؤلدورورلر. دئموکراتيک دؤولت قورماقدان دانيشيريقسا، تنقيدي فيکيرلر اولماليدير. فرقلي دوشونن اينسانلاري رئپرئسسييالارا معروض قويماق دئموکراتييا ايله بير آرايا سيغمير. اگر هئچ کيمي تنقيد ائتمه يه قويمورلارسا، اينسانلارين سسيني چيخارماسي نين قارشيسيني ان غدار مئتودلارلا آليرلارسا، بس اؤلکهنين پروبلئملريني کيم قابارتماليدير؟ بو پروبلئملري گيزله ديريکسه، اونلاري نئجه هلل ائتمک اولار؟
بيز ايندي استالين دؤوروندن ده پيس وضعيتده ياشاييريق
هئچ استالين دؤورونده بئله مئتودلاردان ايستيفاده ائديلمه ييب. استالين دؤورونده بير نفري توتوب ايتتيهامي اونون بوينونا قويماق اوچون ديرناقلاريني چيخاريرديلار. لاکين همين شخص ايتتيهاملاري بوينونا آلماديغينا گؤره تقصيرسيزليک پرئزومپسيياسينا اساسن آزادليغا بوراخيليردي. محکمه باشلاياندان منه قارشي ايتتيهاملار سوبوت ائديلمه ييب و هئچ بير گوناهيمي بوينوما آلماميشام، بونونلا بئله مني دمير بارماقليقلار آراسينا ساليبلار. بيز ايندي استالين دؤوروندن ده پيس وضعيتده ياشاييريق.
اومنياشکين چوخ نادير علمي ايشچيلردندير. اونون ياراتديغي لابوراتورييادا قوش قريپيني آسانليقلا آشکارلاماق اولاردي. اونون ايشيني محو ائتديلر. ايندي اؤلکه قوش قريپي منگنه سينده بوغولور. او بو ساهه ده يئگانه موتخصيص ايدي. اونون هئچ نيي يوخدور. اونو آياغا قالديرين، اَيين-باشينا، ياشاديغي ائوينه باخين. اونو محو ائتمگين، بو شخص بيزيم گئنوفوندوموزدور. کامران الييئو دئدي کي، منيم بوتون کيتابلارا بؤيوک حؤرمتيم وار. کامران موعليم، ائله پافوسلا دانيشيرسينيز کي، گويا ستئپاناکئرتي آلميسينيز. سيزي باشا دوشورم، ائلم آداميسينيز. بلکه ده بو مسئله لر سيزين ده اورگينيزي آغريدير. آما اورگينيزده کي لري ديله گتيره بيلميرسينيز. بير باخين کي، کيملري ايتتيهام ائديرسينيز.
آنار نامازوو آذربايجان-دا ائندوسکوپيک لازئر جراحيييه سي اوزره جمعي ايکي موتخصيصدن بيريدير. آپارين، اونو دا محو ائدين. بلکه ده ايندي دئيه جگيم سؤزلري کيملرسه گولوشله، ايرونييا ايله قارشيلايا بيلر. آما صميميتيمه اينانين، من اونلارا وئريله جک جزالاري چکمه يه حاضيرام! حؤرمتلي حاکيم، اونلارا وئره جگينيز جزاني منه وئرين، بو جاوانلارا ديمگين. رسمي سنه ده ايمضا آتماغا دا حاضيرام کي، اونلارين جزاسيني منه کسسينلر.
ايلهام الييئوي م.ق.ي.م.و-دان قووموشدولار
- من ۵۰-يه دک دوکتورلوق ديسسئرتاسييانين علمي رهبري اولموشام. بيليرم کي، علم آداميني محو ائتمک نه دئمکدير. بونو دئمه ييم توازؤکارليقدان اوزاقدير، حبسيمدن بير قدر اول منه نوروئچدن تکليف گلميشدي، ايکي مؤوزو تکليف ائتميشديلر. هر ايکيسي نوبئل موکافاتينا لاييق گؤروله جکدي. گؤر، بو ايشي نئجه محو ائتديلر. بو مؤوزولارا گؤره نوبئل موکافاتي آلماق آذربايجانا باشوجاليغي گتيرردي، علي اينسانوو-ا يوخ.
ايلهام الييئو م.ق.ي.م.و-دا (موسکوا دؤولت بين الخالق موناسيبتلر اينستيتوتو) اوخويا بيلميردي، اورادان قوودولار. باخماياراق کي، آتاسي پوليتبورودا ايشله ييردي، بير موعليم اونا هئچ جور قييمت يازميردي. آتاسي نين حسابينا گئديب بير ايل اوکراين-دا اوخودو، سونرا يئنه م.ق.ي.م.و-يا قاييتدي. او، نه بيلر کي، علم ندير، عاليم ندير. اونون مني ايتتيهام ائتمه يه معنوي حاقي چاتمير. او، موسکوادا کئف ائدنده، من اونون خسته آتاسي نين چارپاييسي نين باشيندا گئجه-گوندوز ياتماميشام. اينساندا ناموس، غئيرت، ويجدان اولماليدير…
حاکيم:
- اينسانوو! اينسانوو! اينسانوو!
ه.اينسانوو:
- ياخشي، گلين ايندي ده کيتابلا باغلي ايتتيهامدان دانيشيم. منه قارشي ايتتيهام ايره لي سورولوب کي، حکيملر اوچون چاپ ائديلن ستولوستو کيتابين نشري ايله باغلي منيمسمه لره يول وئريليب. آخي بو، گولمه ليدير. بورا شاهيدلر گتيرديلر. اونلار هئچ بو کيتابين آديني بيلميردي. سونرا دا معلوم اولدو کي، منيم حبسيمدن سونرا دا بو کيتاب اؤلکه يه گتيريليب، حکيملره پولسوز پايلانيب. يالنيز کيتابدان منيم آديمي چيخاريبلار. نييه ايستمه ييبلر منيم باش رئداکتور کيمي آديم کيتابدا قالسين؟
منده معلومات وار کي، بير قروپ عاليم او کيتابلارلا باغلي موراجيعت ائتمک ايسته ييب. لاکين بونون قارشيسيني آلديم و مسئله لرين تاماميله باشقا جور اولدوغونو بيلديرديم. بير شئي ماراقليدير: نييه ايسته ييرسينيز کي، اينسانووون آدي کيتابدان چيخاريلسين. نه قباحت ايش گؤرموشم؟
بو کيتابلارين چاپي ايله باغلي هئچ بير منيمسمه حالي اولماييب. اونون موستقيل بودجه حسابينا نشر اولوندوغو دا بورادا تصديقيني تاپدي. ياديما ۱۹۵۱-اينجي ايلده باش وئرميش حاديثه دوشور. همين ايل هئيدر هوسئينووو کيتابا گؤره محو ائتديلر.
۲۰۰۷-اينجي ايلده ده سيزين الينيزله مني محو ائديرلر. اوندا ۱۹۵۱-اينجي ايلده کي آذربايجان-لا ۲۰۰۷-اينجي ايلده کي آذربايجان آراسيندا نه فرق اولدو؟ دئييرسينيز کي، بيز معاريفلنمک ايستميريک، زومبي کيمي ياشاماق ايسته ييريک، چونکي پرئزيدئنتيميز محض بئله ايسته يير.
محکمه قرارلاري نين ايجرا ائديلمه مه سي ايله باغلي ايتتيهاملارا داير چوخ دانيشماق ايستميرم. سادجه لطيفه افندييئوا ايله باغلي دئيه بيلرم کي، اونون ايشدن چيخاريلماسي بير سهو اولوب. او، ساوادلي کادر ايدي. اونون ايشه برپا اولونماماسينا تأسوف ائديرم. بو دا اونونلا باغلي ايدي کي، ايشدن چيخاريلما حاقيندا قراري کوللئگييا قبول ائتميشدي. محکمه قراري نين ايجرا ائديلمه مه سي ده اونون منه چاتماماسي ايله باغلي اولوب.
محکمه ده ۱۰۰ مين آلينيرسا، اونون ۲۰ ميني حاکيمه چاتير
- نييه مرد-مردانه دئميرسينيز کي، دؤولت چئوريليشينه جهد ائتميسن، بونا گؤره ده سوبوت اولونوب-اولونماماسيندان آسيلي اولماياراق سنه ۱۵ ايل ايش وئريريک؟ مني محض دؤولت چئوريليشينه جهد ايتتيهامي ايله توتوبلار. روشوتخورلوق مسئله سي ايله باغلي اوزومه هئچ کيم دايانمادي. بير نفر ده دئمه دي کي، اينسانووا روشوت وئرميشم. دؤولت چئوريليشينه جهد ايتتيهامي ايله علاقه دار ايسه هئچ بير سوبوت اورتايا قويولمادي. کامران موعليم، منه روشوت ايتتيهامي وئرميسينيز.
دئييرسينيز کي، نازيرليکده آلينان روشوت منيمله ۳۰-اون ۷۰-ه نيسبتينده بؤلونوب. کامران موعليم، ۷۰/۳۰ فايز نيسبتينده محکمه لرده آلينان روشوت سيزينله بؤلوشدورولور. محکمه لر سيزين الينيزدن ايشله يه بيلمير. سيز پروکورور يوخ، ايتتيهام ايداره سي نين ريسي ايشله ييرسينيز. کورروپسييا منبعيي بو ايداره دير. محکمه ده ۱۰۰ مين آلينيرسا، اونون ۲۰ ميني حاکيمه چاتير. حاکيم روشوتين ميقياسينا گؤره جزا تعيين ائدير. تقصيرلنديريلن ۱۰۰ مين وئريرسه، جزاسي ۲ ايل اولور. ۵۰ مين وئريرسه، ايش ۶ ايله قالديريلير. هئچ وئرميرسه، ۱۲ ايل جزا وئريرلر…
حاکيم:
- اينسانوو!
ه.اينسانوو:
- منه قارشي ايتتيهام ايره لي سورولن ۳۰-آ ياخين اؤزللشديريلن اوبيئکتله باغلي اؤزمانلر نئچه آي آراشديرما آپارديلار. معلوم اولدو کي، بو اوبيئکتلرده سونونجو دفعه ۲۰-۱۵ ايل بوندان اؤنجه تعمير ايشلري آپاريليب، اونلار اؤزللشديريلمه يه چيخاريلاندا تاماميله يارارسيز وضعيتده اولوب. ايتتيهامدا ايسه زلزله نين داغيتديغي بيناني دا منيم آديما يازيبلار. گويا من بو اوبيئکتلري قصدن يارارسيز وضعيته سالميشام. منيم اؤزللشمه ايله باغلي دا هئچ بير گوناهيم يوخدور. اؤزللشمه بو گون ده آپاريلير. مندن سونرا بورادا فرهاد الييئوين محکمه سي کئچيريله جک. او، بورادا بو مسئله لره آيدينليق گتيره جک. تأسوف کي، دفعه لرله طلب ائتسم ده، فرهاد الييئوي بورا گتيرمه دينيز.
سئماشکوداکي ۲ هئکتار باغي جمعيل الييئو اؤزللشديريب
- “سئماشکو” خسته خاناسي نين بالانسيندا اولان اوبيئکتلردن بيري ايله باغلي منه ايتتيهام وئريبلر. آنار نامازووو بير کيچيک غئيري-ياشاييش ساهه سيني اؤزللشديرمه يه گؤره ايتتيهام ائديرلر. آما دئميرلر کي، “سئماشکو” نون حَيَطينده کي ۲ هئکتارليق آلما باغيني، او اراضيده کي اوبيئکتي ايلهام الييئوين خالاسي اوغلو جمعيل الييئو اؤزللشديريب. او گليب دئييردي کي، همين اراضينين اونا وئريلمه سي ايله باغلي راضيليق آليب. اوراني الينه کئچيردي و نئچه ميليون دوللاراسا ساتدي. پرئزيدئنتين ديگر قوهومو موللا جومه کوچه سي، ۱۱-ده ۵ مرتبه لي سهيييه اوبيئکتيني سؤکوب يئرينده “مرحمت” تيبب مرکزي تيکدي، اطرافينداکي ۲ هئکتار يئري ده اؤزللشديردي. نييه بو اوبيئکتلرله باغلي آراشديريلما آپاريلماييب کي، اونلار قانوني، ياخود قانونسوز اؤزللشديريليب؟
حاکيم:
- اينسانوو!
ه.اينسانوو:
- باشا دوشدوم، فايق موعليم، پرئزيدئنته توخونماق اولماز. سيز خالقين دا غضبيندن قورخمورسونوزسا، عمللي-باشلي قهرمانسينيز. آما بيلين کي، خالقدا قورخو هيسسي يوخ اولوب گئده جک، اينسانلار قالخيب سيزي تاپدالاياجاق. ۵ هئکتارليق ساهه ني ده هئيدر الييئو فوندو دارماداغين ائتدي…
حاکيم:
- اينسانوو، دايانين!
ه.اينسانوو:
- بير اوبيئکته گؤره آنار نامازووو محو ائديرسينيز، جمعيل الييئو ايسه پرئزيدئنتين خالاسي اوغلو اولدوغو اوچون اونا ديمک اولماز. خالق بو ايشلره گؤره سيزه نيفرت ائده جک. منيم بوتون املاکيما نه عصاسلا حبس قوياجاقسينيز؟ بو گون اؤلکه ني ايداره ائدنلر شيرينچايا مؤحتاج اولاندا من ايختيراعچي عاليم کيمي ميليونلار قازانيرديم.
من درمان ايختيراع ائدنده هئچ نازير دئييلديم. دونن آجيندان اؤلنلرين هر شئيي وار. منيم ائويم، باغيم، ماشينيم اولا بيلمزدي؟ شخصي آوتوموبيليمين اوزرينه حبس قويولوب. همين آوتوموبيل منيم سيفاريشيمله آلمان-دا ۳ آيا حاضيرلانيب، بانک حسابيمدان پولو اؤدنيليب. همين پوللار درمان ساتيشيندان گلن گليرلردن اؤدنيليب. ائويمدن دؤش نيشانيني، حتّی نيشان اوزويومو، بير عدد قيزيل ديشيمي آپاريبلار.
ايلهام الييئو ميامي-ده کي مولکونو پرئزيدئنت ماعاشي ايله آليب؟
- آللا پوقاچووا هئيدر الييئو آدينا سارايدا کونسئرت وئررکن چيخيشيندا دئدي کي، ايلهام الييئو آمريکا-دا، کورورت شهري اولان ميامي-ده اونونلا قونشوردور. ايلهام الييئو همين مولکو پرئزيدئنت ماعاشي ايله آليب؟ گتيرسين قازانجي نين، اؤده ديگي وئرگيلرين سندلريني قويسون اورتايا، گؤرک نه ايله الده ائديب اوراني. بو، هله معلوم اولانيدير. بلکه ده يوزلرله بئله مولکو وار…
حاکيم:
- اينسانوو، بسدير!
ه.اينسانوو:
- يئکونلاشديريرام. بيلين کي، اينسانووو آياقلار آلتينا آتماق اولماز. من سياسي دوستاغام، صيرف سياسي موتيولرله حبس ائديلميشم. بيرباشا پرئزيدئنتين گؤستريشي ايله حبس ائديلميشم. ايتتيهام اونون تاپشيريغي ايله حاضيرلانيب. من سيزدن مرحمت گؤزلميرم. چونکي پروکورورلار منه برات ايستمه لي اولدوقلاري حالدا ۱۲ ايل جزا طلب ائتدي. هر شئي گؤزله نيلديگي کيمي اولدو. گؤردويوموزو گؤردوک. بو، سيزين چوخ بسيط قلبنيزدير.
ياديما بير پريتچا دوشدو. بير کندده اينسانلار قوجالاندا اؤولادلاري اونلاري سبته قويوب آپاريب مئشه يه آتيرديلار. گونلرين بيرينده قوجا اونو مئشه يه آتان اوغلونا دئيير کي، بو سبتي ساخلا، سنه ده لازيم اولاجاق. بو سؤزوندن سونرا اوغلو آتاسيني سبته قويوب ائوه قايتارير. سبت مسئله سينده اولدوغو کيمي، موطلق بير قارا، ساده اوغلان اورتايا چيخاجاق. کامران موعليم، چيخيشينيزين اولينده کورروپسييا ايله باغلي چوخ گؤزل قئيدلر ائتميشدينيز. او قئيدلرينيزي ساخلايين، منه بو سبتي هؤرنلره ده اوخويارسينيز.
هئيدر الييئو ايلهام الييئو-ي باش نازير تعيين ائده بيلمزدي
- اينانميرام کي، هئيدر الييئو ساغ اولسايدي، بو اويونلار يئنه باش وئرردي. هئيدر الييئو آغير کوما وضعيتينده ايلهام الييئوي باش نازير تعيين ائده بيلمزدي. همين سرانجامداکي ايمضا ساختادير. ۲۷۸-اينجي (دؤولت چئوريليشي) مادده ايله جينايت ايشي ايلهام الييئو-ه باشلانيلماليدير.
حاکيميتي او منيمسه ييب، حاکيميتي او ضبط ائديب. سئچکيلردن اول بوتون نازيرلردن کوللي ميقداردا پول ييغيليب سئچکي کوميسسييالارينا پايلانيردي. تأسوف کي، من ده بو ايشين ايشتيراکچيسي اولموشام. حؤرمتلي حاکيم، آذربايجان خالقي بونا چوخ دؤزميه جک.
حاکيم:
- اينسانوو، اَيلشين!
اينسانوو:
- نييه؟ ائشيتمک ايستميرسيز بونلاري؟ فايق موعليم، سيزين اينتئللئکت سوييينيزه هئيران قالميشام. گله جکده، ايمکان اولسا، تکليف ائدجم کي، سيزه يوکسک وظيفه وئرسينلر.
هئيف کي، ۱۲ ايل دئموکراتيک موخاليفت ليدئرلري نين قدريني بيلمه ميشم
- سؤزومون سونوندا آذربايجانين دئموکراتيک موخاليفت ليدئرلرينه تشککور ائديرم. ۱۲ ايل اونلارين قدريني بيلمه ميشم. او جفاکئش، مرد ژورناليستلره تشککور ائديرم. اونلار قوچاقدير. من ۶۱ ياشلي آکادئميک موستقيل قزئتلرده چاليشان ژورناليستلره، سياسي اؤزمانلره تشککور ائديرم. حاکيميتده منيمله چيگين-چيگينه ايشله ين مأمورلارين پاخيريني، اييرنج حياتلاريني آچيب دئمک ايستميرم. بو، منيم تورک کيشيليگيمه ياراشماز. اونلارين بير قيسميندن پاوليک موروزوو دوزلتديلر. منيمله چاليشانلار آراسيندا سيروس تبريزلي کيمي مردلر ده اولوب. سوندا اونو دئمک ايسته ييرم کي، آکپ-دن نومونه گؤتورمه ليگيک.
اردوغان خالقين ايچينده گزيب، خالقين پروبلئملريني اؤيره نيب قابارتماقلا حاکيميته گلدي. يومروق کيمي بيرلشمه سه ک، خالقين اتگيندن ياپيشماساق، هئچ بير قوووه حاکيميته گلميه جک. ايندي يالنيز خالقين پروبلئملريني قاباردان، خالقين دستگيني قازانان سياسي قوووه اؤنه چيخاجاق. هامينيزا جانساغليغي آرزولاييرام. ساغ اولون، تئزليکله گؤروشريک.
اينسانوودان سونرا ائلدار رزايئو سون سؤز دئدي:
- من گئج ده اولسا اعتيراف ائديرم کي، ليسئنزييا وئررکن حديييه کيمي روشوت وئريليب. لاکين من اونو شؤعبه موديرينه وئرميشم. خواهيش ائديرم کي، منه برائت وئرين.
تقصيرلنديريلن شخص، سن اجزاچيليق و تيببي تجهيزات ايداره سي نين امکداشي اولموش شؤوقو جفروو محکمه دن عدالتلي قرار گؤزله ديگيني دئدي.
فاصيله دن سونرا تقصيرلنديريلن آکيف محرموو سون سؤزونو دئدي:
- سربست ايفادمده ده دئميشديم کي، مني آذربايجانا ۱۹۹۱-اينجي ايلده اوکراين-دان چاغيريب گتيريبلر. بير موتخصيص کيمي بورادا چاليشماغيما شرايت ياراديلاجاغيني دئييبلر. من ده ايسته ديم کي، بيليگيمله خالقيما فايدا وئريم. لاکين ايندي دوشونورم کي، ۶۵ ايلليک عؤمرومون ان بؤيوک سهويني ائتميشم، اوکراينادان بورا گلمکله. اورادا قالسايديم، حياتيم تامام باشقا جور اولاردي.
هوقوق ساهه سيندن او قدر ده بيلگيلي دئييلم. آما معنويات قانونلاريني بيليرم. هوقوق دا معنويات قانونلارينا اساسلانير. من معنويات قانونلاريني هئچ واخت پوزماميشام. بونو اونا گؤره دئييرم کي، حبسيمدن بير مودت اول قوهوم-عقربا بير کيچيک شادليق ائوي تيکمک باره ده راضيليغا گلندن سونرا پوللاري منه اعتيبار ائتديلر.
همين ۱ ميليون ۲۰۰ مين دولاري ايسه متن امکداشلاري ائويمدن آپاردي. ايندي قوهوملاريما نه جاواب وئريم؟ بوندان سونرا هارادا ايشله يه جه يم، نه قازاناجام کي، اونلارين پولونو قايتاريم؟ دؤولت ايتتيهامچيسي دئيير کي، نه اوچون قوهوملاريم ۱۵ آي ايستينطاق دؤورونده بير دفعه دئمه ييبلر کي، بو پوللار اونلارا مخصوصدور. سببي اودور کي، موستنطيق مني آرخايين ائديردي کي، بو مبلغ صاحيبلرينه قايتاريلاجاق. کئچميش وکيليم کاماندار نصيبوو دا مني آرخايين ائتميشدي کي، ايستينطاقين سونوندا بونونلا باغلي وساتت وئريله جک، پروبلئم هلل اولوناجاق. اونا گؤره ده محکمه يه کيمي بو باره ده دانيشيلمادي.
حؤرمتلي محکمه، سيزدن عدالتلي قرار چيخارماغي خواهيش ائديرم. منه جزا وئرمک لازيمديرسا، وئرين. بس قوهوملاريمين پوللاري نييه موصاديره اولونماليدير؟ منيم آغير ديابئت، حيات يولداشيمين ايسه عصب خسته سي اولماغيميزي، اؤولادلاريمين عالي تحصيل آلديغيني نظره آلماغي خواهيش ائديرم. سؤزومو سولئيمان پئيغمبرين داروازاسي نين اوستونه يازيلان بير جومله ايله بيتيرمک ايسته ييرم: هر شئي فاني، اؤتري و کئچيب گئدندير.
اجزاچيليق ايداره سي نين سابيق امکداشي حاجي الييئو ايسه محکمه نين عدالتلي قرار چيخاراجاغينا اينانديغيني دئمکله سون سؤزونو بيتيردي.
سون سؤز مرحله سي بيتندن سونرا حاکيم محکمه نين موشاويره اوتاغيندا قبول ائتديگي قراري آپريل-ين ۲۰-سي، ساعات ۱۰-دا ائلان ائده جگيني بيلديردي. ائلشن بالاخانيلي گؤنده ليک سايتيندان آلينيب و باي بک اؤچون چئوريليب
، بیر میللتین سسی
پایلاش | پرینت
بورا باغلي يازيلار:
- خوروز قويروغي می، یوخسا عباس-ا آند ایچمک می؟ مرتضی نگاهی نه دئيير؟
- سنين کيمي قارداش اولماز اولايدي !؟٫ (الهام عليئو) - ماحمود علي چؤهره قانلي
- ايلهام اليئو-ين آدي متبوعاتي ان چوخ تعقيب٫ اذيت ائديب و ژورناليستلري اؤلدورن ۱۰ ديکتاتورلا ياناشي چکيلدي
- علييئولر عاييله سي ده پارچالاندي
- توران خانيم جاويد - گؤنتاي گئنجآلپ
- چرا نبايد به سرويسهاي اينترنتي غير تورک اطمينان نمود؟ الفبا را چه کنيم؟
- ساختاکارليق باش توتمادي
- ناتو-دان آذربايجانا ديپلوماتيک هوجوم
- ائلچي بئیله اوز- اوزه - گؤنتاي گئنجآلپ (جاوانشير)
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
http://www.baybak.com
بای بک سایتیندان پرینت اولوب
http://www.11007.baybak.com/357.azr
یازینین اینترنت آدرسی
گوروش کاپانیبدی