د.ا.ک-ين بيرلشمه سی کیملری ناراحات ائدیر؟ - بابک بختاور
بای بک، آذربایجان | آراگؤن, ۲۲-ي قیروو آی , ۱۱۰۰۷ اینجی ایل, چولا ۰۰:۳۹ | تورکجه, مقاله
 |
. | ۱ هفته قورلتايدان کئچمه دن د.ا.ک دا پروبلملرين اولماسي ، د.ا.ک ين يئني صدري نين ائموسييونال (احساسي) چيخيشلاري عنوانلي يازيلار سياسي بؤلمه سي طرفيندن مئديادا و سيته لرده سسلنديريلدير ، د.ا.ک-دا مئيخانا دئينلرده اولدو ، آردينجا فئدرالچي – ايستيقلالچي مسئله سي اورتايا آتيلدي ، سونرا اروپا اينسان حوقوقلاري پارلامئنتي نين قارشيسيندا ، ايراندا تبعيضه معروض قالان خالقلارين مکتبلرلرين آچيلماسي ايله باغلي آنا ديلينده تحصيل آلماقدان محروم اولماقلا علاقه دار بيرگه اعتيراض آکسيياسي کئچيرن قوروپلارا ( د.ا.ک – گاموح – گايپ و … ) کورد- پ.ک.ک نوکري اولان شرفسيز خائينلر دئييلدير، پروتوکول اویونبازلیقی ، گوناز تی.وی يه سون خبردارليقلار وئريلدير و اونا قارشی تخریبات کاراکترلی یازیلار و هجوملار معین سایتلار و شخضلر طرفیندن حیاتا کئچیریلدی و د.ا.ک-ين بيرلشمسي نين نه قدر ميللي منافعيميزه ضرر ووراجاقي باره ده خبردارلبقلار و آچیقلامالار وئریلدبر و ….. . سوندا داکين يئني يؤنتيميني پاسيوليکده ايتتیهام ائدن کئچميش آکتيو ! يؤنتيم د.ا.ک صدرينه اعتيمادسيزليق گؤستره رک ، اونو يالانچيليق ، غئيري دئموکرات اولماقدا ايتتاهام ائديب و ايستئفا ائتمه ديگي تقديرده تکرارا قورولاتايي کئچيرمکله حدله ييب و . ″ … |
اورتادوغودا و اؤزه لليکله ايران ايسلام رژیمی اطرافيندا يارانان سياسي گرگينليک گونو گوندن آرتير و هر آن بؤلگه ني اؤنملي سياسي دييشيکلر گؤزله يير . بئله بير وضعيت, بؤلگه ده موجود اولان ميلتلر ، دؤولتلر و اونلارلا ايلگيلي سياسي قوروملاری، اؤز ميللي منافعلريني قؤرويوب ، حاقلاريني الده ائتمکده داها آکتيولشيب و بو اوزره شخصي ، ايدولوژيک منافعي بير يانا بوراخيب ميللي منافعي اوستون توتاراق ، يارانان سياسي و بؤلگه سل ده ييشيکلردن اوغورلو و زيانسيز کئچمه يه چاليشيرلار. اؤرنک اولاراق دوست و قارداش تورکييه جومهوريتي ، کورد سياسي – سيلاحلي (تروريست) پارتييالاري و فارس ايقتيدار و ائپوزوسييونا آیید پارتييالارين قئيد ائتمک اولار.
عيني وضعيت آذربايجان-ين گونئيينده و بو گون کي ايران آدلانان اؤلکه ه ياشايان ۳۵ ميليون تورک-ه ده عايد اولور . بير حالدا کي بؤلگه ني غئيري ايستابيل (بي ثبات) شرايط اؤز ائتگيسي آلتينا آليب و آذربايجانا عايد سياسي – ايجتيماعي و …. تشکيلاتلارين بيرلشيب و داها گوچلو مؤوقع نوماييش ائتديرمسي طلب اولونور ندنسه معيين اینحیصارچی قوووه لر طرفيندن بونا ايمکان وئريلمير و هر هانسي قوروم يا قوووه کي بو ایشه تشببوث گؤسترير انگللر و ايتتيهاملارلا اوزلشير.! کيمي ايسه بايراق ، کيمي ايسه ليدئرليک و يا الي بؤشا چيخاندا ميللي منافعي !! باهانا ائده رک بو ايشه انگل تؤره دير. کئچميشده بيرليک و ميللي جبهه نين يارانماسي گاموح تشکيلاتينا تکليف اولدوندو، آما باريارق مسئله سی بو بيرلييه اينگل اولدو و سونرا بونون ايلک ضربه لري گاموح و آردينجا ميللي حرکاتيميزا ديدي .
د.ا.ک-ين ۹-اونجي قورولتاييندان سونرا پارچالانميش د.ا.ک-ين بيرلشمه تکليفي يئني ايداره هئيتي نين چوخونلوقونون سسي ايله د.ا.ک صدري پروفسور صبري تبريزي طرفيندن ايلري سورولدو و قارشي طرفده بونو موثبت قارشيلادي. آما قورولتيدان سونرا د.ا.ک-ين کئچميش يؤنتيمي طرفيندن وئريلن آچيقلامالار ، مقاله لر و داورانيشلار تاماميله يئني يؤنتيمين سيياستيني انگلله مک مقصدي داشيديگيني گؤسترير.
۱ هفته قورلتايدان کئچمه دن د.ا.ک دا پروبلملرين اولماسي ، د.ا.ک ين يئني صدري نين ائموسييونال (احساسي) چيخيشلاري عنوانلي يازيلار سياسي بؤلمه سي طرفيندن مئديادا و سيته لرده سسلنديريلدير ، د.ا.ک-دا مئيخانا دئينلرده اولدو ، آردينجا فئدرالچي – ايستيقلالچي مسئله سي اورتايا آتيلدي ، سونرا اروپا اينسان حوقوقلاري پارلامئنتي نين قارشيسيندا ، ايراندا تبعيضه معروض قالان خالقلارين مکتبلرلرين آچيلماسي ايله باغلي آنا ديلينده تحصيل آلماقدان محروم اولماقلا علاقه دار بيرگه اعتيراض آکسيياسي کئچيرن قوروپلارا ( د.ا.ک – گاموح – گايپ و … ) کورد- پ.ک.ک نوکري اولان شرفسيز خائينلر دئييلدير، پروتوکول اویونبازلیقی ، گوناز تی.وی يه سون خبردارليقلار وئريلدير و اونا قارشی تخریبات کاراکترلی یازیلار و هجوملار معین سایتلار و شخضلر طرفیندن حیاتا کئچیریلدی و د.ا.ک-ين بيرلشمسي نين نه قدر ميللي منافعيميزه ضرر ووراجاقي باره ده خبردارلبقلار و آچیقلامالار وئریلدبر و ….. . سوندا داکين يئني يؤنتيميني پاسيوليکده ايتتیهام ائدن کئچميش آکتيو ! يؤنتيم د.ا.ک صدرينه اعتيمادسيزليق گؤستره رک ، اونو يالانچيليق ، غئيري دئموکرات اولماقدا ايتتاهام ائديب و ايستئفا ائتمه ديگي تقديرده تکرارا قورولاتايي کئچيرمکله حدله ييب و . ″ …
بو طور ايشلر ميللي منافعيميزه قارشي و ماهيت اعتيباري ايله ميللي-دئموکراتيک حرکاتيميزين اونونه بويوک بير سوال ايشارتي قؤيور.!؟ د.ا.ک بير دييازپور NGO تشکيلات اولاراق دونيادا ياشايان ۵۰ ميليونلوق آذربايجان تورکونون تمثيلچيسي دير . بورا کيمسه نين شخصي ميلکي يا فابريکاسي دئييل کي اورادا ماناپولييا ياراداراق، ماليکيتين اؤزللشديريب و سيياستين اؤز شخصي ماراقلارينا اويغون يؤنلده . قورولتاي طرفيندن سئچيلنلر دئموکراتيک ديرلره اويغون اولاراق بو تشکيلاتين قانوني نوماينده لريديرلر و هر طور دييشيکليک نيظامنامه يه اويغون و هانسي سا قانونسوزلوق ″ نظارت و تفتيش کوميته سي ″ طرفيندن آراشديريلماليدير . اگر ايستعفا مسئله سي اورتايا قويولورسا دئموکراتيک ديرلره اويغون بو آزينليقدير کي يا چوخونلوقون سسيني قبول ائديب يا دا ايستعفايا گئتمه ليدير. قورولاتايدا کئچميش يؤنتيمين سئچيلمه مسي نين سببيده ، د.ا.ک-ي ۵ ايل مودتينده پارچالاماق ، پاسيولشديرمک و نهايتده اعتيبارسيز - ایزوله تشکيلاتا چئويرمکدن عيبارتدير! البته کی بو ایزوله قالماق اینحیصارچی قوووه نینین مقصدلرینه داها اویغون ساییلیر. هئچ بیر آلترناتیو قووه (خصوصا گونئی دن) اولمادان , میللی – اجتماعی کیفیتی اولان تشکیلاتی شخصی فیکیرلر و مقصدلره دوغرو یونتمه ک داها راحات دیر!
بو سببدن د.ا.ک-ين يئني يؤنتيمي نين بيرلشمه پيلاني تقديره لاييقدير و بو گون کي بؤلگه سل سياسي گرگينليکلر عرفه سينده تام مقصده اويغون ساييلير. بو بيرليگين دايره سي بوندان داها آرتيق گئنيشلنمه لي و باشقا سياسي – ايجتيماعي تشکيلاتلاريدا ايحاطه ائتمه ليدير. بئلله ليکله صيرف د.ا.ک يوخ بلکه ميللي حرکاتيميز, مووجود اينساني – سياسي – ايقتيصادي ايمکانلاريني بير يئره توپلاياراق گوجلو بير ميکانيزمه ماليک اولور و دونيا سيياستينده گوجلو مووقع عکس ائتديره بيلير و اوسته لیک بو میللی تشکیلاتی اینحیصارچی لیق و اساس آماجلاری و هدفلریندن آزماقا ایمکان وئرمیر.
آرتيق او زامان چاتيبدير کي دونيايا گؤستره ک کي بيز آذربايجانليلاردا سياسي – ايدولوژيک و حتّی شخصي ايختيلافلاريميزا رغمن صيرف ميللي منافعیميز خطیرينه بيرلشمه يه قاديريک. بو گون بيزيم پارام پارچا قالماقيميز يالنيز و يالنيز پانفاريست ايران ايسلام رئژيمي و فاشيست فارس ائپوزوسييونونون خئيرينه دير و هر کيمسه بو بيرلييه انگل اولورسا ايستر ايسته مز بو سياسته قوللوق ائدير . بو پراکنده ليک ميللي حرکاتيميزين خاريجي سيياستين تام ضعيف و کسرسيز ائدير. داک رئال و حاضير بير ايمکاندير کي آذربايجان ( گونئي ) تورک ميلتي نين و ميللي حرکاتيميزين رایيني بير پارلومان کيمي مدني و سيويل فورمادا دونيادا عکس ائتديره بيلر. بو پتانسیل دن نه قدر فایدالاناجاقیمیر خاريجده اولان ميللي فعاللاريميزين سياسي ايراده سيندن آسيليدير. ميللي شورا ، گاموح ، گايپ ، گاک و بوتون فئدرالچي – ايستيقلالچي سياسي قوروملار ، درنکلر موستقيل سياسي مووقعلرين ساووناراق بو تشکيلاتين داها گوجلو و ائفئکتيو اولماسيندا يارديمجي اولماليديرلار.
حرکاتیمیز گونو گوندن گوجله تیب , فرمالاشیر و چوخ چتین دونگه لری تدبیر و تمکین ایله اوز میللی مباریزلری و میللتینه سویکه نه ره ک اوتوب کئچیرو البتته کی ایستیقلال و آزادلیقین الده ائده جک .
۱۲/۱۱/۲۰۰۷
، بیر میللتین سسی
پایلاش | پرینت
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/3425.azr
یازینین اینترنت آدرسی
گوروش کاپانیبدی