یاشاسین آذربایجان - Long live Azerbaijan

.

بوتؤو آذربايجان خالق جبهه سي پارتيياسي نين سدري قودرت هسنقولييئو: ” تورکيه آ.ب.ش-لا امکداشليغي کسمه ليدير ” حساب ائديرم کي، ميللي مجليس ده مووافيق قرار قبول ائتمه ليدير. اگر دؤولتلرين تاريخينه موراجيعت ائتسک، آمريکا بيرلشميش شتاتلاري نين تاريخينده يئرلي هيندولارين (قئزل دريليلر) کوتلوي شکيلده محو ائديلمه سي کيمي بيابيرچي فاکتلار وار. ايکينجي، اونلارين تاريخلرينده ان بؤيوک فاکت من دئيرديم کي، عوموميتله ۲۰-اينجي عصرين ان بؤيوک فاجيعه سي ائرمنيلرين قيريلماسي يوخ، آ.ب.ش طرفيندن ناکازاکي-يه و هيروشيما-يا اتم بومبالاري نين آتيلماسيدير. بيله-بيله کي، او شهرده کؤرپه اوشاقلار وار، قوجالار وار، قادينلار وار، دينج اينسانلاري کوتلوي شکيلده وحشيجه سينه ديري-ديري يانديرديلار.

---

---

بوتؤو آذربايجان خالق جبهه سي پارتيياسي نين سدري قودرت هسنقولييئو: ” تورکيه آ.ب.ش-لا امکداشليغي کسمه ليدير ”

- بيرلشميش شتاتلار کونقرئسسي نين آشاغي پالاتاسي نين خاريجي علاقه لر کوميته سي ائرمنيلرين ” سويقيريم ” ايديعاسي ايله باغلي قطعنامه ني قبول ائديب. سيزجه بو قرارين قبولوندا اساسن هانسي فاکتور رول اويناييب؟

- بو، ايسلامافوبييانين مسيحي دونياسينداکي تظاهور فورمالاريندان بيريدير. ايکينجيسي، بورادا سؤزسوز کي، ارمني لوببيسي نين رولونو اينکار ائله مک مومکون دئييل. اوچونجوسو ايسه تورکييه ايله آمئريکا بيرلشميش شتاتلاري آراسيندا حاقيقتن ده موعين گرگينليگين اولماسيدير.

- بو گرگينليک ندن يارانير؟ ايراق مثله سيدير يقين کي.

- حاضيردا ايراقدا آمئريکا بيرلشميش شتاتلاري نين اساس موتتفيقي رولوندا عراق کوردلري چيخيش ائدير. اونلار بونو آچيق اعتيراف ائتمسه لر ده، فاکت اونلار تورکييه ده کي کورد آيريليقچيلارا دستک وئريرلر. و بو دا دفعه لرله تورکييه هؤکومتي طرفيندن آ.ب.ش-آ کسکين اعتيراضلارين ائديلمه سينه گتيريب چيخاريب. دونيانين سوپئر گوجونه ايسه اعتيراض ائتمک هئچ ده اونلارا خوش گلمير. بو باخيمدان موناسيبتلرده موعين گرگينليک يارانيب. دوزدور، ايندي بوش آدمينستراسيياسي چاليشير کي، کونقرئسده بو قرار قبول اولونماسين. آما من بئله حساب ائديرم کي، آ.ب.ش نه قدر دئموکراتيک اؤلکه اولسا دا، بوش آدمينستراسيياسي ايسته سئيدي، بو مسئله نين قارشيسيني آلا بيلردي. بئله بير کوميته ده بو تيپلي قرارين قبول اولونماسي نين قارشيسيني آلماق ايمکانيندا ايدي. آما اونلار بو ايستيقامتده بوتون سيلريني گؤسترمه ديلر.

- اولا بيلرمي کي، بو هم ده تورکييه ني شيمالي عراق مسئله سينده اؤز مؤوقئييندن گئري چکيلمه سي اوچون بير مئساژدير؟

- البتته، بو، تورکييه يه موعين بير تزييقين فورماسيدير. تورکييه ده اصلینده اؤزونون چوخ سرت مؤوقئيي ايله جاواب وئرمه ليدير. بيرينجي نؤوبه ده تورکييه بؤيوک ميلت مجليسي يئترلي آدديملار آتماليدير. من حساب ائديرم کي، تکجه تورکييه بؤيوک ميلت مجليسي يوخ، آذربايجانين ميللي مجليسي ده بو ايستيقامتده موعين آدديملار آتماليدير. دوزدور، بيزيم خاريجي ايشلر نازيرليگي بونونلا باغلي اعتيراض بياناتي يايدي و من بونو دستکله ييرم. آما ميللي مجليسين نؤوبتي ايجلاسيندا يقين کي، بو مثله ني قالديريلاجاغام.

حساب ائديرم کي، ميللي مجليس ده مووافيق قرار قبول ائتمه ليدير. اگر دؤولتلرين تاريخينه موراجيعت ائتسک، آمريکا بيرلشميش شتاتلاري نين تاريخينده يئرلي هيندولارين (قئزل دريليلر) کوتلوي شکيلده محو ائديلمه سي کيمي بيابيرچي فاکتلار وار. ايکينجي، اونلارين تاريخلرينده ان بؤيوک فاکت من دئيرديم کي، عوموميتله ۲۰-اينجي عصرين ان بؤيوک فاجيعه سي ائرمنيلرين قيريلماسي يوخ، آ.ب.ش طرفيندن ناکازاکي-يه و هيروشيما-يا اتم بومبالاري نين آتيلماسيدير. بيله-بيله کي، او شهرده کؤرپه اوشاقلار وار، قوجالار وار، قادينلار وار، دينج اينسانلاري کوتلوي شکيلده وحشيجه سينه ديري-ديري يانديرديلار.

ژاپن هؤکومتيني قورخوتماق مقصدي ايله آتوم پارتلاييشي تؤره ديب اونلاري کوله دؤندرمک، بو جور ايشگنجه لي اؤلومه معروض قويماق اينسانليغا قارشي ان آغير جينايتدير. من بونو فاشيست آلمانيياسي نين تؤرتديگي جينايتلره برابر، بلکه ده اوندان آغير بير جينايت حساب ائديرم. منجه دونيا بيرليگي هله کي آ.ب.ش دونيانين سوپئر گوجو اولدوغونا گؤره بونا رئاکسييا وئرمه ييب. آما سيويل دونيا بونا لازيمي قييمت وئرمه ليدير. تورکييه بؤيوک ميلت مجليسي ده محض بونا اؤز موناسيبتيني بيلديرمه ليدير. محض آبش-اين آپارديغي سيياستين نتيجه سي اولاراق بو گون ايراق دؤولتي يئرله يئکسان اولوب. ايراق خالقي نين کئچميشي، تاريخي، مدنيتي محو ائديليب.

بو مسئله لر قالديريلماليدير. ايکينجيسي، تورکييه نين آ.ب.ش-آ تاثير ائتمک اوچون الينده کيفايت قدر گوجلو ريچاقلار وار. ايستر ” اينجيرلليک ” حربي بازاسي نين چيخاريلماسي، آ.ب.ش طياره لري نين تورکييه سماسيندا اوچوشونا قاداغالارين قويولماسي و ساير. ايراقداکي قوشونلارين تجهيزاتيندا - ياناجاغين اوچده بيري تورکييه اوزريندن داشينير. يني، تورکييه منجه آبش-لا امکداشليغي کسمه ليدير، مهدودلاشديرماليدير. بو، اصلینده تورکييه يه قارشي دوشمن موناسيبتين تظاهورودور. بو دوشمن مونايسبته ده يئترلي رئاکسييا اولماليدير.

- سيزجه بو حاديثه دن سونرا تورکييه شيمالي عراقا قوشون يئريتمک فيکريندن داشينمياجاق کي؟

- تورکييه پارلامئنتي بونونلا باغلي قرار ائتمه ييب. آما تهلوکه سيزليک شوراسيندا قرار قبول اولونوب. پارلامئنتين سپيکئري ده بيان ائديب کي، بئله بير قرار لاييهه سي پارلامئنته تقديم اولونارسا، بؤيوک ميلت مجليسينده بو قرار قبول اولوناجاق.

آرتيق باش نازير رسمن آچيقلاييب کي، اونلار چوخ قرارليديرلار و بوتون ايتکيلري گؤز اؤنونه آليبلار. اونلار بو آدديمي آتاجاقلار. حساب ائديرم کي، تورکييه هؤکومتي نين بو قطعيتلي آدديمي تقدير اولونماليدير. اونا گؤره کي، آرتيق ۳۰ ميندن آرتيق تورکييه مئهمئتجيگي سئپئراتچيلارين تشکيل ائتديگي سوي-قصدلر، تئررور نتيجه سينده شهيد اولوب. دونيادا دا ترورا ايکي جور موناسيبت اولا بيلمز. آمئريکانلارين دستکله ديگي تئرروريستلرين تؤرتديگي قتللره بير موناسيبت اولسون، باشقا تئرروريستلره باشقا موناسيبت. دونيادا بوتون تئرروريستلره عئيني موناسيبت اولماليدير.

او باخيمدان، تورکييه نين ده آ.ب.ش-دان بو طلبلري هاقليدير. تورکييه نين بو شاقلي، بين الخالق هوقوقا سؤيکنن طلبلري نين قارشيسيندا آ.ب.ش-اين بو جور آدديملار آتماسي درين هيددت و تأسوف دوغورور. بيزيم ميللي مجليس ده بونونلا باغلي آچيق مؤوقئييني اورتايا قويماليدير. محض ائله خوجاليدا تؤره ديلن سويقيريما آبش-اين وئرديگي رئاکسييا بيزيم گؤزوموزون قاباغيندادير. اونا گؤره ده اونلارين اسرين اولينده ۱۹۱۵-اينجي ايلده ائرمنيلرين اؤلومونو سويقيريم کيمي قييمتلنديرمک تاريخي عدالتسيزليکدير.

تورکييه طرفي دفعه لرله طلب ائديب کي، گلين موستقيل تاريخچيلردن عيبارت بير کوميسسييا ياراداق. هم ائرمنيستانداکي، هم تورکييه ده کي آرخيولري آچاق و موستقيل تاريخچيلر گليب آراشديرسينلار. بوندان سونرا لازيم گه لرسه، ب.م.ت بو مسئله يه اؤز هوقوقي قييمتيني بيلديرسين. ايکينجيسي، بيرينجي دونيا موحاريبه سينده تورکييه هر طرفدن غرب اؤلکه لري نين ايشغالينا معروض قالميشدي، ايچريدن ده اؤز وطنداشلاري روسيه نين دستگي ايله دؤولته قارشي قييام قالديرميشديلار. بو زامان تورکييه دؤولتي دؤولتين تهلوکه سيزليگيني تامين ائتمک مقصدي ايله اونلاري سوريه يه کؤچوروردو.

همين واخت يولدا آجليقدان، سوسوزلوقدان اؤلنلر اولدو. او دؤورده تورکييه نين باشقا چيخيش يولو يوخ ايدي؟ تورکييه ائله بير دورومدا ايدي کي، اونلارين يوکسک سويييه ده راحاتليغيني تمين ائتمکله اونلاري کؤچوره بيلمزدي. اسرين اولينده تک اوکراين-دا ۶ ميليوندان چوخ اينسان آجليقدان قيريلدي. ستالين دؤورونده قازاخيستانا، اورتا آسييايا دئپورتاسييا اولونان ميليونلارلا اينسان محو اولدو. نييه اوندا روسيه دؤولتيني ايتتيهام ائتميرلر؟

- بيزيم ميللي مجليسين قبول ائتديگي قرار سيزجه هانسي فورمادا اولماليدير؟ سادجه بياناتلا کيفايتله نيلمه ليديرمي، يوخسا هانسيسا کونکرئت آدديم آتيلماليدير؟

- اگر آشاغي پالاتادا قرار قبول اولونارسا، آذربايجان هؤکومتي درهال تورکييه هؤکومتي ايله مصلحتلشمه لره باشلاماليدير و بيرگه موعين آدديملار آتيلماليدير. او مصلحتلشمه لر زاماني دا موعينلشديريلمه ليدير کي، آذربايجان هانسي آدديملاري آتا بيلر، تورکييه هانسي آدديملاري آتا بيلر. بيز ايمکان وئرممه ليگيک کي، تورکييه بين الخالق عالمده تک گؤرسنسين. آذربايجان بؤيوک دؤولت اولماسا دا، هر حالدا، بيز ده بير دؤولتيک. و بيزيم ده بير غوروروموز وار و بيز ده سسيميزي قالديرماليييق.

- اولا بيلرمي کي، آذربايجان هؤکومتي نين رئاکسييا بيلديرمه مه سي تورکييه نين قاراباغا اولان موناسيبتينده دييشيکليک ياراتسين؟

- يوخ، آذربايجان اعتيراضيني بيلديريب آخي. من حساب ائديرم کي، درهال تورکييه ايله ايکيترفلي دانيشيقلارا، مصلحتلشمه لره باشلانماليدير کي، هانسي بيرگه آدديملاري آتماق اولار. بوندان سونرا دا آذربايجان هؤکومتي موعين آدديملار آتماليدير.

- سيزجه، جورج بوش آدمينستراسيياسي کونقرئسده بو قرارين قبولونا ايمکان وئره جکمي؟

- اونلار دا مثله نين جيديليگيني باشا دوشورلر. کوندوليزا رايس بيلديردي کي، اونلار بوتون گوجلري ايله نوماينده لر پالاتاسيندا بو قرارين قارشيسيني آلماغا چاليشاجاقلار. آما هامي بئله بير قرارين قبول اولوناجاغيني گؤزله ييردي. اونا گؤره واختيندا بو ايستيقامتده موعين سيلر گؤستريلمه لي ايدي. حاضيردا آبش-اين يوروتدويو سيياست کؤتک و کؤکه سيياستيدير. بير طرفدن، آدمينستراسييا اؤزونو ائله آپارير کي، گويا نوماينده لر پالاتاسينا تاثير ائتمک ايمکانلاري مهدوددور. آما ديگر طرفدن ده، بيز اؤزوموز بيليريک کي، بوش آدمينستراسيياسي ايستسيدي، بو قرار قبول اولونمايا بيلردي.

- بير ماراقلي مقام دا وار کي، ۱۹۹۹ ايلده ده بو قرار کونقئرسين موزاکيره سينه وئريليب. او زامان بئله بير قرارين قبول ائديلمه سيني رئسپوبليکاچيلار طلب ائديردي، دئموکراتلار ايسه علئيه اينه ايدي. ايندي تامام عکسينه سيتواسييا يارانيب. بو باخيمدان بوش آدمنيستراسيياسي نين بو قرارين علئيه اينه اولدوغو باره ده بياناتلارينا اينانماق اولارمي؟

- دئموکراتيک اؤلکه لرده سيياستده اويون قايدالاري وار. موخاليفتين موخاليفته کيمي اؤز فونکسيياسي وار، ايقتيدارين اؤز فونکسيياسي وار. بعضي حاللاردا ايقتيدارين دئمک ايستمه ديگي، ياخود دئمه سي دوغرو اولمايان مثله لري موخاليفت دئيير. اونا گؤره کي، دؤولتي موخاليفت تمسيل ائتمير، بو باخيمدان دا اونلار دئيير. ايقتيدار پارتيياسي ايسه بوندان يارارلانير، چاليشير کي، قارشي طرفه بونون موقابيلينده موعين گوزشتلره مجبور ائتسين.
- بونونلا باغلي سيزين رهبرليک ائتديگينيز پارتييا هر هانسي آدديملار آتماغا حاضيرلاشير؟

- اوکتبرين ۱۶-سيندا بيز بو مسئله ني ايداره هئيتينده موزاکيره ائده جگيک و موه ين آدديملار آتيلاجاق. بو مسئله ده آذربايجان طرفي قارداش تورکييه نين يانيندا اولماليدير. بيز بير اولماليييق. و آمئريکادان دا قطعييين چکينممه ليگيک. اونسوز دا آبش-اين آذربايجانا يؤنلميش سيياستي صميمي سيياست دئييل. عوموميتله، آبش-اين جنوبي قافقاز سيياستي کؤکوندن يانليش سيياستدير. بو گونه کيمي ائرمنيستاني ايشغالچي دؤولت کيمي تانيماماسي، ائرمنيستاندان تورپاقلارين آزاد اولونماسي نين طلب ائديلمه مه سي و دئييلمه سي کي، گئدين راضيلاشين، راضيلاشديغينيز قراري بيز دستکليه جگيک، بونون اؤزو آذربايجانا تزييق و ائرمنيستانين خئيرينه اولان بير موناسيبتدير. بو باخيمدان دا حساب ائديرم کي، آذربايجان قارداش تورکييه ايله يان-يانا اولماليدير.

- بوتون موخاليفت پارتييالاري نين بونونلا باغلي بيرگه اعتيراض آکسيياسي کئچيرمه سي مومکوندورمو؟

- من ايسترديم کي بو مومکون اولسون. بو ائله بير مثله دير کي، بورادا بوتون موخيليفت يوخ، ائله ايقتيدارلي-موخاليفتلي بوتون آذربايجان جمعيتي نين اعتيراض ائتمگينه احتيياج وار. آما سؤزون دوغروسو، بونون حياتا کئچه جگيني گومان ائتميرم. اونا گؤره کي، موخاليفت پارتييالاري نين بؤيوک بير قيسمي آ.ب.ش-دان تام آسيلي وضعيتده دير. اونلار اؤز سيياستلريني آبش-اين ماراقلاري اوزرينده موعينلشديريرلر. بو باخيمدان بونا گئتميه جکلر. هؤکومتين ده خين-اين بياناتيندان او طرفه گئده جگي آز اينانديريجي گؤرسه نير. آما من آرزولايارديم کي، بئله اولماسين. دوغرودان دا بيز قارداش تورکييه ايله بيرگه قرارلار قبول ائدک و بيرگه آدديملار آتاق.ans

، بیر میللتین سسی

_ _ _ _ _ _ _
مربوط اُلان یازیلار

• ===> تورکيه آمريکا بيرلشميش شتاتلارينداکي سفيريني گئري چاغيرير
• ===> در يک اقدام تحريک آميز: کمیته روابط خارجی مجلس نمایندگان آمریکا کشتار افسانه اي ارامنه را "نسل کشی" خواند

پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی