ياشاسين آذربايجان - Long live Azerbaijan

.

ظلم الیندن چون گلیب دور جانه، آذربایجان ال ویریب دور، شانلی بیر عصیانه ،آذربایجان بیر نظر قیل تبریزه،سولدوزا یا اورمیهّ یه گور نئجه غلطان اولوبدور قانه، آذربایجان توکدی خلقین قانینی بیر ییرتیجی دوشمن،یره

---

ظلم الیندن چون گلیب دور جانه، آذربایجان

ال ویریب دور، شانلی بیر عصیانه ،آذربایجان

بیر نظر قیل تبریزه،سولدوزا یا اورمیهّ یه

گور نئجه غلطان اولوبدور قانه، آذربایجان

توکدی خلقین قانینی بیر ییرتیجی دوشمن،یره

گلمه سون بولمم نیه،افغانه ،آذربایجان؟

ظلم و استبداده قارشی،ائتدی یوز مین لر،قیام

قووزادی باشین گینه، طغیانه،آذربایجان

چوخ شرفلی نامورلر، حق یولوندا ئولدولر

چوخ ایگیت لر، دوشدولرزندانه ،آذربایجان

بو رشادت، بو شهامت، بیله بیر شانلی قیام

زلزله سالدی،بوتون ایرانه ،آذربایجان

غم گونونده تا گله، ائل لر اونون امدادینه

گوز تیکیب هر گوشیه، هر یانه،آذربایجان

ظلمه قارشی،مین دویوشده،گوستریب اوز قدرتین

اگمیوب باش، شیخه یا سلطانه،آذربایجان

قهرمان بیر ئولکه دور،غیرتلی بابک لر دوغوب

آفرین، بابک ده کی ایمانه،آذربایجان

دور ایاغه،باش گوزوندن سیل، توکولموش قانلاری

چاره یوخدور، جومگیلن طوفانه،آذربایجان

ایستیر آذربایجان اولادی، ئوز ترکی دیلین

ئوزگه بیر دیل، زور گلیر انسانه،آذربایجان

ایلیه تا خلقه، بو محنت لی گونده، باشچیلیق

احتیاجی واردی ستارخانه،آذربایجان

سویلیون او قورخی بیلمز قهرمان حیدرخانا

وقتی دور، چیخسین گینه میدانه،آذربایجان

ثروتی سایسیز حساب سیز، بوللیّ سل لی نعمتی

بس نچون، اولموش بئله ویرانه ،آذربایجان؟

فقر الینده ایشچیسی،زحمتکشی قالمیش اسیر

وار یوخی گتمیش بوتون تالانه ،آذربایجان

بیر بئله تبعیضه،استثماره، ظلمه ،کیم دوزر؟

ظلم الیندن، یاپ گلیب دور جانه،آذربایجان

سس وئرین فریادیمه، ای آذری یولداشلاریم

گورموسوز غلطان اولوبدور قانه ،آذربایجان؟

خرداد آیی، ۱۳۸۵

، بیر میللتین سسی
پایلاش | پرینت

---

بورا باغلي يازيلار:

• تاپيلمادي

---

---

http://www.baybak.com بای بک سایتیندان پرینت اولوب
http://www.11007.baybak.com/2995.azr یازینین اینترنت آدرسی

azeribaybak[at]gmail.com