حسن هرگولي-ه (آزربايجان) قارشي قيييلان عدالتسيزليک حاقيندا ايلتيشمه
بای بک، آذربایجان | آنناآخشامي, ۲۲-ي زومار آی , ۱۱۰۰۷ اینجی ایل, چولا ۲۱:۳۰ [آ.خ] | تورکجه, خبرلر
 |
. | بونلار ايران يئتگيليلرينه يئتمز ايميش دييه، هله اونو ۲۲ مي ۲۰۰۷ (۰۱/۰۲/۱۳۸۶) تاريخينده موهاکيمه يه ده چکميشلر لاکين حيرصيني اودماق زوروندا اولان قازي اونو برات ائتمه يه مجبور اولموشدور. اونا قارشي بئله ايينه نين اوجو قدر ده بلگه سي اولمايان و اوزوقارا قازي جناب آذربايجانين اعتيراضلاردا ايشتيراکيني گوناز تي.وي قيجيقلانديرماسي دييه ائلان ائتميشدير. اعتيراضلاري آذربايجان ميلتي نين ايران عيرقچيليک سيياستينه بير تپگي بيلن جناب آذربايجان بئله ايفاده ائتميش کي، ” گوناز تي.وي بو سون ايکي ايلين حاديثه سيدير آنجاق من ۳۰ ايلدير کي، ميللي موسيقيميزي قوروماق يولوندا حسن آذربايجان آدي قازانميشام. ” |
ساي: ۴۶۶/۲۰۰۷
تاريخ: ۱۳ سپتامبر ۲۰۰۷
ب.م.ت، اينسان هاقلاري اوزره عالي کوميسسارليغي، ژنو
لوطفا بو مکتوبو فيکير و چاغداش عيرقچيليک، عيرقي آيري-سئچکيليک و قاتلاشمازليق اوزره اؤزل راپورتئره چاتديراسينيز. ائلجه ده اؤز-خوشونا توتوقلولار اوزره چاليشان قروپونا دا دخلي وار.
اوزو: دايک بئي٫ خانيم هاريسون، آمنئستي اينتئرناشنال، لندن
سايين جنابلار،
جناب حسن هرگولي-ه (آزربايجان) قارشي قيييلان عدالتسيزليک حاقيندا ايلتيشمه
حسن هرگولي نين (آزربايجان) معروض قالديغي موهاکيمه نين نتيجه سيني ديقتينيزه چاتديرماق ايسترديک، کي او ايران يئتگيليلري طرفيندن ۶ آيادک اؤز-خوشونا توتوقلانميشدي (۲۵ مي ۲۰۰۶-دان ۱۹ نوامبر ۲۰۰۶-يه دک).
بير سيرا مکتوبلار واسيطه سي ايله (جدول ۱) ايران يئتگيليلري طرفيندن بو ۶۵ ياشلي گونئي آذربايجانلي موسيقيچيسينه قيييلان ياراماز داورانيشلاري سيزه عکس ائتديرديک – اوسته ليک، جدول ۲ اونا قيييلان عدالتسيزليکلري گئري-يؤنلو چاغينسيرادا تقديم ائدير. اونلاردان اؤرنک اولاراق بير نئچه باشختتلريني آشاغيدا قئيد ائده بيلريک:
• مي ۲۰۰۶ کوتله اعتيراضلاري عرضينده گؤرونمه يه ن اللر آرا قاتيب و زوراکيليغي قيجيقلانديرانلارا قارشي، حسن آذربايجان دينجليگي قورويان گؤرکملي عاليجناب کيمي تظاهور ائتدي؛
• اونون زينداندا ايکن مهبوسلارا موسيقي اؤيرتمه تشببوسونه ده انگل تؤرندي
• اورک خسته ليگي اولماسينا باخماياراق، آرا-سيرا مورخصليک ايذني ده اونا دانيلدي؛ و
• اونا بير آنليق دا ايذن وئريلمه دي کي عؤمور بويو دوستو و موسيقي مسلکداشي جناب شاتيريياني اؤلوم ياتاغيندا بئله زيارت ائتسين.
بونلار ايران يئتگيليلرينه يئتمز ايميش دييه، هله اونو ۲۲ مي ۲۰۰۷ (۰۱/۰۲/۱۳۸۶) تاريخينده موهاکيمه يه ده چکميشلر لاکين حيرصيني اودماق زوروندا اولان قازي اونو برات ائتمه يه مجبور اولموشدور. اونا قارشي بئله ايينه نين اوجو قدر ده بلگه سي اولمايان و اوزوقارا قازي جناب آذربايجانين اعتيراضلاردا ايشتيراکيني گوناز تي.وي قيجيقلانديرماسي دييه ائلان ائتميشدير. اعتيراضلاري آذربايجان ميلتي نين ايران عيرقچيليک سيياستينه بير تپگي بيلن جناب آذربايجان بئله ايفاده ائتميش کي، ” گوناز تي.وي بو سون ايکي ايلين حاديثه سيدير آنجاق من ۳۰ ايلدير کي، ميللي موسيقيميزي قوروماق يولوندا حسن آذربايجان آدي قازانميشام. ”
جناب آذربايجانين ۶ آي توتوقلولوغا دؤزمه سينه باخماياراق برات اولدوسا دا، ايرانين تهلوکه سيزليک قولچوماقلاري هئچ بير محکمه سنه دي وئرمه دن اونون موسيقي مکتبيني ۱۶ آوقوست ۲۰۰۷-ده قاپاتميشلار. بو يول ايله اونون وطنداش و اينسان هاقلاري تاپدانارکن بو اؤزباشيناليق حاديثه سينده اَير بير منطيق وارسا بيز کي باش چيخارا بيلمه ديک، لاکين بو حاديثه ده گيزلنن علامتلر بونلار اولا بيلر:
• بو ائپيزود عدالتين پوزولماسي دئمکدير و ايران يئتگيليلري طرفيندن گونئي آذربايجانليلارا قارشي تؤره ديلن ۱۰۰-لر بئله ائپيزوددان بير اؤرنکدير کي نه هاقداديرلار و نه ده ميننتده.
• ايراندا اؤز-خوشونا داورانمانين بير معناسي بودور: ” تهلوکه سيزليک مأمورلاري هه دئييرسه قازيلار اونا باش اَيه جکلر و اورتاليق قاريشديريلاجاقدير. ” بو عصاسدا، معلوم دئييل کي، ۶ آي اولمازين عذابلارا دؤزن و برات قازانميش حسن آذربايجانا قيييلان عدالتسيزلييه کيم و نئجه جاواب وئره جکدير.
• عيرقچيليک ايراندا چوخ درينه گئتميش و ايرانين گونئي آذربايجان ميلتي ايله قارشيليقلي گيريشمه شانسيني هلاک ائتديرميشدير.
• گونئي آذربايجان ميلتي مودافيعه سيزدير و بمت مانداتلاري ايشه سالينماسا بيزيم ميلت داهادا قاراگونلر ياشاياجاقدير.
اوميد ائديريک کي، بو مسئله يه موناسيبت گؤستره رک مکتبين آچيلماسينا يارديمجي اولاجاقسيز. بو کيمي ائپيزودلار سيزي گونئي آذربايجان ميلتيني باشا ساليب آنلاماغينيزا خيدمت ائده جک و بو ميلتين بو آجيناجاقلي موقددراتيني چئشيدلي ايلليک راپورتلارينيزدا اکس ائتديره جکسينيز.
حؤرمت ايله
بؤيوک رسولوغلو
دونيا آذربايجانليلاري نين هاقلاريني مودافيعه کوميته سي نين سدري
بيلگيلر اؤچون [1] بورا کليک ائدين
، بیر میللتین سسی_ _ _ _ _ _ _
مربوط اُلان یازیلار
پایلاش | پرینت
بورا باغلي يازيلار:
- قالايا ساري يئريين - پاشا سارخانلي
- آذربايجان اوزريندن ايران پوللاري “يويولور”
- آ.ف.ي داداش بي آسلانزاده دن تقدير ائتدي
- قورتولوشا ساري يولوموز (بيراينجي بولوم) - ماحمود علي چؤهره گانلي
- گورجوستاندا مسجيدلر داغيديلاراق يئرينه کليسا لار تيکيلير
- علي اينسانوو ۱۱ ايل آزادليقدان محروم ائديلدي
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
- پنتاگون-ون آذربايجانلا باغلي هدفلري آچيقلاندي
- گونئي آذربايجان شهرلرينه کورد کؤچو باشلاييب
- رضا براهني: «پیشه وری بؤيوک بير نومونه دير»
http://www.baybak.com
بای بک سایتیندان پرینت اولوب
http://www.11007.baybak.com/2629.azr
یازینین اینترنت آدرسی
یازیده ایشه آلینان اینترنت آدرسلری
[1] بورا کليک : http://www.baybak.com/depo11007/bmt-Hesen_Azerbaycan_ve_musiqi_mektebinin_qapatilmasi-20070913.pdf
گوروش کاپانیبدی