کورد مسئله سینه باشی سویوق یاناشیم… - تبریزلي چاغداش
بای بک، آذربایجان | سؤتگؤن, ۱۸-ي زومار آی , ۱۱۰۰۷ اینجی ایل, چولا ۲۳:۲۸ | تورکجه, مقاله
 |
. | ایران کوردلرینین دموکرات پارتیسینین کئچمیش باشقانی عبدالرحمن قاسملو نون طرفیندن اورتایا قویولموش اوزاق مدتلی پیلانی، کوردلرین بؤلگهده، آذربایجان تورکلرینین علیهینه، کوردلر طرفیندن یورودولموش ان اؤنملی و ان دهشتلی حاثهلرین باشیندا گلیر. اولا بیلسین اونون طرفیندن نطفهسی آتیلمیش حرکت داها سونرالار باش وئره جک حادثهلرین باشلانغیج نوقطهسی اولسون.
قاسملو، آذربایجان غربی (باتی آذربایجان) کیمی استراتژیک باخیمدان اؤنملی اولان بؤلگهنی،کوردلر طرفیندن اله کئچیریلمهسینی یانلیز او بؤلگهده کوردلرین ساییسینی چوخالتماقلا مومکون اولاجاغینی بیلدیرهرک، اونا ال تاپماغینی ۲ یولدا گؤروردو: ۱-اينجی سی:کوردلرین اورایا اوزاق مدتلی آخینی. |
دهیرلی وطنداشلار، کوردلرین پیلانلانمیش بیر شکیلده آذربایجان تورپاقلارینا آخینی، باشلیجا آذربایجان غربی (باتی آذربایجان) بؤلگهلرینه، ائلهجهده اونلارین همدان و زنجان لا کوردوستان ایالتینه یاخین کندلرینه و قصبهلرینه آردیجیل آخینلاری بئله بیر سورعت له دوام ائدرسه، گلهجکده ۲-اينجی قاراباغ فاجعهسینی گونئی آذربایجان دا، آمما بو دفعه ارمنیلر طرفیندن یوخ بلکه کوردلرین طرفیندن باش وئرهجهگینه اینانماغیمیز هئچ ده غیر عادی دئییل.
مسئلهنی بو قدر درین گؤرمهییمیزه، اونلارین شیخ عبیدالله، ایسماعیل سیمتقو، ملا خلیل، قاضی محمدو… کیمی آذربایجان تورپاقلاریندا باش وئرن حرکتلرینین هر بیری فاکت دیر. آمما کوردلرین ان باشیندا گلن حرکتلریندن بیریسی ده عبدالرحمن قاسملونون حرکتی اولموشدور.
ایران کوردلرینین دموکرات پارتیسینین کئچمیش باشقانی عبدالرحمن قاسملو نون طرفیندن اورتایا قویولموش اوزاق مدتلی پیلانی، کوردلرین بؤلگهده، آذربایجان تورکلرینین علیهینه، کوردلر طرفیندن یورودولموش ان اؤنملی و ان دهشتلی حاثهلرین باشیندا گلیر. اولا بیلسین اونون طرفیندن نطفهسی آتیلمیش حرکت داها سونرالار باش وئره جک حادثهلرین باشلانغیج نوقطهسی اولسون. ب.ب
قاسملو، آذربایجان غربی (باتی آذربایجان) کیمی استراتژیک باخیمدان اؤنملی اولان بؤلگهنی،کوردلر طرفیندن اله کئچیریلمهسینی یانلیز او بؤلگهده کوردلرین ساییسینی چوخالتماقلا مومکون اولاجاغینی بیلدیرهرک، اونا ال تاپماغینی ۲ یولدا گؤروردو:
۱-اينجی سی:کوردلرین اورایا اوزاق مدتلی آخینی.
۲-اينجی سی: اوراداکی کوردلرین گئت گئده تصاعدی اولارق ساییلارین چوخادیماسی دیر.
امما بو دفعه اوشاق دوغوب تؤرهمه سی یولی ایله اورتا یا قویولدوغو پیلان ایدی. (بو ایستیقامتده او منطقهلرده یاشایان کوردلرین ساییلاری، اؤزللیکلده ایسلام ایران اینقلابیندان سونرا، اوشاق لارینین چوخالما آچیسیندان جانلی بیر فاکت دیر).
قاسملونون اورتایا قویدوغو پیلان، اوزاق مدت ده باش توتاجاغینی اؤزوده قاباقجادان وورقولامیشدیر.ب.ب
بئله بیر دورومدا و اورتادوغو دا سورعتله باش وئرن اولایلار، همیده آذربایجان ضییالیلرینین طرفیندن کورد مسئله سینه باشی سویق یاناشیمی، بیزیم علیهیمیزه سونوجلاناجاق دیر.
بیزیم یازارلاریمیز،” بیزیم ساییمیز منطقهده چوخدور”،”بیزیم آرخامیزدا تورکیه و آذربایجان جمهورییتلری دایانیب دیر” دئیه سؤزلری ایله، اؤزلری بیلمهدن میللتیمیزی درین بیر اوچوروما دوغرو آپارماقدادیرلار. اونلارین بو قونو دا (مووضودا) چوخ ساییدا مقاله، کیتاب یازیب بو تهلوکهنین نهقدهر درین اولودوغونو گونئیده کی وطنداشلاریمیزا آردیجیل خاطیرلاتماقلاری گرهکیر.
اومودوم وار آذربایجانین ایستر ایچیرده و ایستر دیشاردا یاشایان ضییالیلری بو قونو یو(مووضو یو) سورکلی گوندهمه چیخارداراق، میللتیمیزه هر زامان بو مسئلهنین نه اولدوغونو بیلدیرسینلر. چونکو هر بیر آذربایجانلی ۲-اينجی “شوشا” نی “اورمو” اولماغینی گؤرمک ایستهمیر. ائله همین ایستیقامتده اورمو، سویوق بولاق، قوشاچای، سایین قالا، سولدوز، ماکی، سلماس و… شهرلرینده ائل قایغیسی ایله یاشایان تورکلر، بو باره ده عادی میللته(کوتلهیه) بیلگی وئرمهلیدیرلر. ائلهجهده آرا سیرا کوردلرین چیزدیگی خیالی بؤیوک کوردوستان خریطهسینی چاپ ائتدیریب میللت آراسیندا یایمالیدرلار.
بیر داها ۱۹-اينجی عصرین اوللرینده تاریخی آذربایجان تورپاقلارینین بیر حیصهسی اولان بو گونکو ارمنستان آدلانان، یوردلاریمیزا ،ارمنیلرین کؤچورولمهسینی خاطیرلاتماق ایستهییرم ، او زامان کی قوزئی آذربایجان ضییالیلاری داها سونرالار، اورادا ارمنستان اؤلکه سینین یارانماغینی هئچ اینانمیردیلار.
آییخ و شرفلی میللت لر، آتا بابالاریندان میراث قالمیش تورپاقلارینی هئچ بیر کیمسهیه وئرمزلر…
تبریز
۱۸/۰۵/۱۳۸۶
، بیر میللتین سسی
پایلاش | پرینت
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/2590.azr
یازینین اینترنت آدرسی
گوروش کاپانیبدی