هالن تئهران حاکيملري نين دوستاغيندا اولان، صفري عاييله سي حاقيندا بيرينجي ايلتيشمه
بای بک، آذربایجان | يئلگؤن, ۱۷-ي زومار آی , ۱۱۰۰۷ اینجی ایل, چولا ۰۰:۲۱ [گ.ؤ] | تورکجه, خبرلر
 |
. | تقريبن ۳ آي قاباق ۲فري بئي ايران يئتگيليلري طرفيندن گونئي آذربايجانين زنگان شهرينده ياخالانميش ايميش و ائله او آندان اعتيبارن عاييله سيني ده قارا-قورخو ايله ساکيت قالماغا مجبور ائتميشديلر. خانيم صفري اؤز اريني زينداندا مولاقات ائدرکن ياخالانديقدان سونرا صفري بئيين توتوقلو اولماسي آيدينلاشدي. ايندي بللي اولموش کي، خانيم صفريني حيات يولداشي ايله گؤروشمه حسابينا خامسيديب و بير دؤولت ايداره سينده ياخالاميشلار. بئلنچي اولاراق، دوستلارين و ميللي حرکت چاليشانلاري نين چوخدانکي شوبهه لري گئرچکلنميشدير. بو گونه ده ک هئچ بيريسي نين حاقيندا هله ده بير رسمي بيان يوخدور. |
ساي: ۴۶۳/۲۰۰۷
تاريخ: ۷ سپتامبر ۲۰۰۷
ب.م.ت، اينسان هاقلاري اوزره عالي کوميسسارليغي، ژنو
لوطفا بو ايلتيشمه ني اؤز-خوشونا توتوقلولار اوزره چاليشان قروپا چاتديراسينيز. ائلجه ده بو ايلتيشمه آشاغيداکيلارا دا دخلي وار:
• قازيلارين موستقيلليگي اوزره اؤزل راپورتئر؛
• چاغداش عيرقچيليک، عيرقي آيري-سئچکيليک و قاتلاشمازليق اوزره اؤزل راپورتئر؛
• قادينلارا قارشي زوراکيليق اوزره اؤزل راپورتئر
اوزو دايک بئي وخانيم هارريسون، آمنئستي اينتئرناشنال، لندن
سايين جنابلار،
هالن تئهران حاکيملري نين دوستاغيندا اولان، صفري عاييله سي حاقيندا بيرينجي ايلتيشمه
خانيم سفري و اونون حيات يولداشي بهروز بئيين اينسان هاقلاريني قوروماق اوچون بو ايلتيشمه ۱-اي اؤز-خوشونا توتوقلولار اوزره چاليشان قروپون هوزورلارينا سونوروق، کي آدي وئريلن فردلر ايران يئتگيليلري طرفيندن اؤز سربستليکلريندن يوخسون ائديلميشلر. بهروز صفري بئيين اؤزلليکلري جدول ۱-ده و خانيم ليلا صفري-نينکي جدول ۲- ده تقديم اولونور.
تقريبن ۳ آي قاباق ۲فري بئي ايران يئتگيليلري طرفيندن گونئي آذربايجانين زنگان شهرينده ياخالانميش ايميش و ائله او آندان اعتيبارن عاييله سيني ده قارا-قورخو ايله ساکيت قالماغا مجبور ائتميشديلر. خانيم صفري اؤز اريني زينداندا مولاقات ائدرکن ياخالانديقدان سونرا صفري بئيين توتوقلو اولماسي آيدينلاشدي. ايندي بللي اولموش کي، خانيم صفريني حيات يولداشي ايله گؤروشمه حسابينا خامسيديب و بير دؤولت ايداره سينده ياخالاميشلار. بئلنچي اولاراق، دوستلارين و ميللي حرکت چاليشانلاري نين چوخدانکي شوبهه لري گئرچکلنميشدير. بو گونه ده ک هئچ بيريسي نين حاقيندا هله ده بير رسمي بيان يوخدور.
بهروز بئي صفري و اونون حيات يولداشي ليلا خانيمين گونئي آذربايجاندا اينسان هاقلاري نين و ميللي هاقلارين پوزولدوغونا اعتيراض ائتديکلري اوچون توتولدوقلاري آيديندير. ايران پليسي نين بو داورانيشي آچيقجا گؤسترير کي، گونئي آذربايجاندا عدالت و آزادليق اوغروندا دئموکراتيک موباريزه آپارانلاري سينديرماق اوچون اونلارين عاييله لرينه ده تزييق اولونوب و حدلنمکده ديرلر. بو گوناهسيز عاييله نين نجاتي، عئيني حالدا فارس حاکيميتي نين باشلاتديغي بو غئيري اينساني اويونون قارشيسي نين آلينماسي سيزين موناسيبتينيزدن چوخ آسيليدير.
بيز بو قناعتده ييک کي، خانيم صفري نين قاچيريلماسي هئچ ده ايگيدلييه ياراشان بير حرکت دئييل؛ يئتگيلي آدي داشييان وارليغا ياخيشان دئييل؛ و اصلینده قودرت کلفجه سي نين اوجونو ايتيرميش بو گونون عيرقچيلريندن بوندان دا آرتيق اومماق اولماز. اوميد ائديريک کي، بو چيرکين حرکتين قارشيسيندا ساکيت قالماياجاقسينيز.
وورغولاماق ايسته ييريک کي، بو ايلتيشمه لري درله مک و سونماق بيزيم تشببوسوموزدور و بونون اوچون صفري گيل و ياخود اونلارين تمسيلچيلري ايله بيز هئچ مشورت ائتمه ميشيک. بو بياني ايفاده ائتمک بيزجه گرکدير کي، بو يول ايله صفري عاييله سيندن مسئوليت گؤتورولموش اولسون و ايران يئتگيليلري اونلاري داها باسقييا معروض ائده بيلمه سين.
ان سوندا قايغيلي ديقتينيزه موراجيعت ائديريک کي، صفري عاييله سي نين اينسان هاقلاريني قوروماق اوچون تجيلي حرکت ائديب و کامپانييانيزي سفربر ائدسينيز. قايغينيز اوچون قاباقجادان تشککور ائديريک.
حؤرمت ايله:
بؤيوک رسولوغلو
دونيا آذربايجانليلاري نين هاقلاريني مودافيعه کوميته سي نين سدري
بيلگيلر اؤچون [1] بورا کليک ائدين
، بیر میللتین سسی
پایلاش | پرینت
بورا باغلي يازيلار:
- اؤنملي و سندلي بير مقاله: ايشته بارزاني - ايسرائيل ايليشکيلئري!..
- اؤزگورلوک قاورامي و پروبلئم اولاراق اؤزگورلوک - تورکان فيرينجي
- هشدار اسراییل: «آخرالزمان» هسته ای در راه است
- اورمو زندانين دا ساخلانيلان قوشاچايلي ميللتچيلرين دوروملاري ياخشي دئييل
- شکایت اسراييل از احمدی نژاد به سازمان ملل متحد
- حمله شديداللحن كشورها به توانمندي هستهاي اسراييل در مجمع عمومي آژانس
- بو يولون يولجولارينا: بو يول ميللئت يولودور، وطن يولودور، سئودا يولودور، سئوگي قايناغي! (بيرينجي بؤلمه) - ممد ريضا آغاپور
- چاغداش تاريخيميزين پلان آرخاسي و چاغداش ميللي هرکاتيميزين موباريزه و مقصد ستراتئژيسي! (اون دؤردونجو بؤلوم) - رحيم جاوادبئيلي
- سوندوروم ۱۰: ظفر ايله بويون ايمز جناب ليسانلي ايران عيرقچيليگي نين قييديغي قامچيلاماغي سوووب وه هايلادي: اؤلوم اولسون کؤله لييه، ياشاسين آذربايجان
- واکنش کانادا به اظهارات احمدی نژاد درباره اسراييل
http://www.baybak.com
بای بک سایتیندان پرینت اولوب
http://www.11007.baybak.com/2567.azr
یازینین اینترنت آدرسی
یازیده ایشه آلینان اینترنت آدرسلری
[1] بورا کليک ائدين: http://www.baybak.com/depo11007/LeylaSeferi-BMT-birinci_iletishime200709.pdf
گوروش کاپانیبدی