یاشاسین آذربایجان - Long live Azerbaijan

.

بير نئچه سورو وار، اؤنجه اونلارا جواب تاپاخ. سيزجه، بير آياغي ايران ائلچيليگينده اولان، اوبير آياغيدا ياشاديغي اولکه نين گيزلي سئرويسينده اولان بير شخص آذربايجان اؤغروندا موباريزه ائده بيلير مي؟ بيرده، بير شخص گليبده بير تشکيلات باشخاني سئچيليب، بيرليک شوعاري وئريب، اوندان سونرا گئديب ايرانين باکيداکي سفيرينه راپورت وئريب و داها دئتايلي بيلگيلري ياشاديغي اولکه نين گيزلي سئرويسينه وئرسه! سيزجه، بو آدام آذربايجانا يارارلي اولا بيليرمي؟ و يا، بير شخص فرانسه ده ايران جاسولوغونا مشغول اولوبدا سونرا باشقا اولکه يه گئديب اؤزونو فئدئرالچي آدلانديريب، ميلتلرآتوپلانتيلارا قاتيلان بير شخص، آذربايجانا يارارلي اولا بيلير مي؟ سيزجه آ.ب.ش قوللوقچوسو اولان، آ.ب.ش ماراخلارين و سيياسيتلري نين رئکلامچيسي اولان بير تريبون، آذربايجانا يارارلي اولا بيلير مي؟ سيزجه، اؤلموش

---

---

آذربايجان، گرچکدن ندير بو آذربايجان کليمه سي نين آنلامي؟

ياشام، ساواش دئمکدير. ساواش، قازانماق اوچون ياپيلار. قازانمايان، اوتوزار. اوتوزان، آرادان گئدر. ايشته، آخدارديغميز گرچک بودور.

نئچه گون اؤنجه بير مقاله ده گونئيلي سويداشلارا اوياري اولاراق بير سيرا اؤرک سؤزو يازديم*. يازيق کي او يازي فارسجادا يازيليب. ندني بللي اولدوغونا باخماياراق وورقولاييم کي آذربايجانين بؤيوک حيصه سينده ياشايان اينسانلار هله آنا ديلينده يازيب اوخوما فيرساتي الده ائده بيلمييبلر. آرتيريم کي غدار فارس رئژيمي بيزي آنا ديليندن محروم ائدرکن، آذربايجانين قوزئي بؤلومونده يابانجي ديل پرئستيژ اولاراق ديللرده دير. روسجا بيلمه يه ن مودئرن ده يير! بو سورون بير آن اول چؤزولمه ليدير. موستقيلل اولاندا آنا ديلين قوللانمايير، دوستاغدا اولاندا!

نه ايسه، داها سونرا مقاله يه تپکي وئرنلرين بير سيرا سوروسو اليمه چاتدي. بو اوخودوغونوز اولان يازيمدا چاليشاجاغام کي آذربايجان، آذربايجانليلار ٫ قومشولار و سوپر گوجلرين رولونا قيسسا بير گيريش ياپام.

آذربايجان هارا دير؟

آشاغيداکي خريته يه باخين

بو شکيل سؤزده يوخ بلکي الده اولان بير سيرا فاکتا داياناراق ايجاد اولوب. آذربايجانين تاريخي سينيرلاريني کيم بو خريته ده گؤستره بيلير؟

روس-قاجار موقاويله لري، روس ايستيثماري، ارمني ايشغالي، کورد ياييلماسي

بو ۴-لو ندن حالا يئترينجه ميلتيميزه يانسيماييب. ميللي فعال آدلانان غيري سياسي شخصلر هر زامان چاليشيب بو قونولاري اؤرت-باسدير ائتسينلر. آز اولسادا تدقيقات آپاران ضياليلارين الده ائتديکلري فاکتلارسا، هم دوست هم دوشمان طرفيندن بايکوت اولوب. ندن؟

ايکينجي دونيا ساواشيندان سونرا آرژانتين يئرينه فلسطينه آپاريلان يهوديلر، ۵۰ ايل ارضينده فلسطينلره عايد اولان تورپاغلاري پول ايله، زور ايله و سيايست ايله آلديلار. ايندي، فلسطينليلر اون ايللر سيلاهلي ساواشدان سونرا، چوخلو ايمتياز وئره رک، دونيا اولکه لري نين باسقيسي آلتيندا (يالقيز گوجلو اولکه لر يوخ، کي دئمک دئموکرات تانينان اولکه لرين چوخو) مجبور اولورلار تا اؤز تورپاغلاريندا بير يابانجي اولکه نين يارانماسينا باش اَيسينلر! بو آجي بير گرچکدير.

ايندي ايسه سيرا آذربايجانيندير. خريته يه باخين و گؤرون بيزيم ياتديغيميز، اونوتدوغوموز و قورخدوغوموز ايللر بويو٫ کوردلر نقدر تورپاغ ايشغال ائديبلر! سيزجه بو اولاي نورمال مي دير؟

آذربايجان آييريليغا باش اَيرکن، کوردلر وار اولماديغلاري اولکه ني اله گئچيريرلر! گئچنلرده ايکي مقاله اوخوموشام کي مني چوخ آغير شکيلده ده اوزوب. يازارلار آذربايجانلي اولسالاردا، ميللي شووردان آنلاماز کيمين اؤزلرين تقديم ائديبلر. بؤتوو آذربايجان ايدياسيندان يانا اولمايان بير شخص، نئجه آدين آذربايجانلي قويا بيلير؟ اولسون کي بئله يازانلار، بير تانينميش ضياليدير، آدليم بير دوکتودير و يا مقاما گيرديريلميش بير بوش سيياستچي.

آذربايجان بير بوتوندور. بوندا هيچ بير شوبهه يوخدور، بير ذره بيله.

اگر سيايست بازاريندان بيزلره حاکيم آليبلار و يا بير کمنيست حاجي گليب آذربايجانچي حاکيمييتي دئويريب و بير باغيملي دئولت قوروبدورسا، بو او دئمک ده يير کي بوتؤو آذربايجان ايدياسي آرادان گئديب.

بو مسئله يه بالاجا دليکدن باخان، سياسي سوييه ده آشاغيدا اولان و اؤز شخصي منافعييني ميللي وارليغا اوستون گؤرن فعاللارين بئله آيريليک سالان يازيلارينا، دانيشيقلارينا و چيخيشلارينا کسين بير موناسيبت بيلديرمک منجه هر بير آيدين آذربايجانلي نين ميللي گؤره ويدير. بوتؤو آذربايجان بيزيم وارليغيميز و واز گئچيلمز آماجيميزدير.

بوتؤو آذربايجان سينيرلاري هارا دير؟

بو سورويو ايللر اؤنجه سوروشدوم. بلکي منيم يئترينجه بو مسله ده بيلگيم اولماديغي اوچون اؤز باشيما سينير تانيتماغا اويقون اولمايام! آما هر حالده بيليرم کي مثلن سويوخ بولاغ يا سولدوز بيزيمدير، بيليرم کي ايروان يا گورجوستانا وئريلن اراضي نه حالده لر، بيليرم کي فارس رئژيمي نين آييرديغي رايونلار بيزيم دانيلماز حيصه لريميزدير. بونا گؤره، ايللر اؤنجه ميللي فعاللارا سسلنديم آما، سونوج صفر اولدو! کيمسه کسين بيلمير کي آذربايجان هارادير! بلکيده آسيميله سيياستي سونوجو، ساختا فاکتلارا اينانانلار چوخاليب و آذربايجاني يالقيز قوزئي آذربايجان جومهورييتي بيليرلر!

گلين شوعار وئرمکدن آييريليب و گرچک دونياميزدا بير خريته اورتايا چيخارداق. کوردلرين ياراتديغي ساختا خريته ده، تبريز کورد ساييليب و اورمو کوردوستانين باش کندي دير! بو خريته بوتون کورد سياسي تشکيلاتلارين اوناييني آليب و هاميسيني باش اوفيسلرينده دووارا آسيليب. حتي، گوناز ت.و ده گليب بو خريته دن مودافيه بيله ائتديلر! سيزجه، بوتؤو آذربايجان سينيرلاري هارا دير؟

آيا، آذربايجان آدينا چاليشان شخصلر يا پارتييالار و حتي قوزئي حاکيمييتي بيلير کي بيزيم سينيرلار هارالاردير؟

آيريلمادا، آيريليقلاردا بلکي بيز يوخودوق، بيرليگه قارشي کيمين نه سؤزو وار؟

بيزيم و آذربايجانين بيرلشمه سي کيملري ناراحات ائدير و ندن؟

بو قونو يئترينجه گئنيش اينجه لنمه ليدير. ۲۱-اينجي عصرده اولان دونيانين دوزه ني بلکي بير سيرا سورونلار اورتايا چيخارتسين، آما هامي بيلمه ليدير کي بيزيم بيرليگيميز اولماليدير و اولاجاقدا.

اؤنجه اؤز ايچيميزده اولان قارشي دوشونجه لي اولانلارا باخاليم

آذربايجاندا ميللي هرکاتينا تام ضربه ووران ايکي نؤع فعال وار:
۱- سنتي،
۲- اوخوموش.

۱- سنتي فعاللار اونلارا دئييلير کي ياريم قالان گئچميشله، زامان ايچينده آدليم اولاراق و آرادان گئتميش سياسي دوشونجه لريله، حرکتده وار ساييليرلار.

۲- اوخوموش اولانلارسا، بير سيرا سيياستچي تانينميشلارديلار کي حتي سيياست درسي آلماييبلار. اوخوموش او باخيمدان دئييرم کي بير سيرا بيليم داليندان ديپلومالار آليبلار. بو بؤلومده اولان آذربايجانا قارشي اولان دوشونجه ايله ايي تيله ني (آموزش گؤره ني) آز دييرلر.

سنتي يا اوخوموش فعاللارين اؤز آرالاريندا ساواشلاري وار. بو ايکي بؤلوم اؤز اؤزلوقلاريندايسه ميلتيميزله ساواشيرلار. ياني بونلارين وار اولماسي ميللي يوکسه ليشه انگل ساييليرلار. مع السف ساييلاري آز اولمايان بو ايکي بؤلوم، خاريجده داها چوخ چابا گؤستريرلر.

ميللي دوشونجه سينه صاحيب اولان، آما آذربايجانين گرچکده نه اولدوغونو بيلمه يه ن فعاللارسا باشقا بير جبهه قورماقدالار. بونلارين جبهه سينده آذربايجان بيردير، هاردا دوغولدوقلارينا گؤره، يا گونئي يادا قوزئي اونلار اوچون آذربايجان ساييلير. بونلارلا قارشيلاشان دوشمن، بعضن اؤزلريندن اولان سويداشلاري (قارشي تايدا) تعريف اولونور. بير سيرا ميللي فعال، گونئيلي اولدوغو اوچون، قوزئيده کي لرين ماراخلارينا اؤنم وئرمه دن، حتي آذربايجانليلارين اورتاق ماراخلاريني اؤز ماراخلارينا قارشي بيليرلر. اونلارين باخيشيندا، او بيري تايدا ياشايان آذربايجانلي بير يابانجيدير!

آما، ميللي حرکت آذربايجانا اينانان شخصلردن بوش ديير. چوخ چوخ اينسانيميز وارلار کي بوتؤو آذربايجان گرچه کين بيليرلر و اونا وارماغ اوچون چاليشيرلار. بونلارين سسي چوخ يئرده بوغولور، ياپديقلاري ترس تانيتيلير و حتي يوخاريدا ساييلان فعالار طرفيندن ديشلانيرلار! بودور کي بيزيم بيرليگيميز باش توتمور.

قومشولاريميز ندن بيزيم بيرليگيميزه قارشيديلار؟

اؤنجه قومشولاري تانيماق واجيبدير. بيزيم قومشولاريميز تاريخ بويو آذربايجان تورپاغلارينا گؤز تيکيب، بعضن ظفرلي اولوب بعضنده تورک حاکيمييتي ايچينه توشوبلر. آما، سونوج تام آنلاميندا بيزيم ضرريميزه دير. آذربايجان تورپاغلاريندا يارانان ارمنستان، ايران، گورجوستان و يارانماقدا اولان ناقارنو کاراباخ!، کوردوستان و حتي سؤزو اولان آشور! سيزجه بوتؤو آذربايجانين وار اولماسينا خوش باخارلارمي؟ يوخ.

منيم دوغولدوغوم شهر ايران آدلانان اولکه ده فارس رئژيمي الينده دير. تبريز ايللردير کي ايشغال اولونوب. بونا گؤره، من و منيم کيمينلر تام يوکسک اينانجلا بيليرلر کي ايران رئژيمي گونئي آذربايجان ثروتلريني الدن وئررسه، بير گونده چؤکر. نفت ايران اوچون آلداتان بير سيلاهدير. يوخسا آذربايجاندا اولان وارليغين داها چوخ ده يري واردير. فارس رئژيمي نين ياشاماسي، آذربايجاندان تامين اولور. فارس حاکيمييتي نين اکونومي، سياسي، جغرافيايي، ژئوپوليتيک و اينساني گوجو ان آز ۸۰٪ آذربايجاندان تامين اولور. بو سيستئمده تورک فارسا قوللوغ ائدير.

آذربايجانين قوزئي بؤلومونده اولان حاکيمييت بو فاکتلارا تام خبرسيزدير کيمين داورانير. بئله بير سيلاهي اولان آذربايجان حاکيمييتي، ندن اونون نئجه قوللانماسيني بيلمير؟ ترسينه، بو آذربايجان حاکيمييتيدير کي اؤزونو بيزده آييريب و فارس رئژيمينه ياخينلاشديرير. بير دفعه ايلهام اليئو دئدي ” من ۵۰.۰۰۰.۰۰۰ آذربايجانلي نين پرئزيدئنتييم ” ! آما ايرا نين فارس رئژيمي اونون باشينا ائله اويون آچدي کي دئديگيندن پئشمان اولدو! و حتي گونئي آذربايجاني و اوردا آذربايجانليلارا اولان باسقيلاري داندي!

ارمنيستان ندن بيزه قارشيدير؟ بونو بيلمه يه ن منجه روبئرت کوچئريان دي! بيزيم تورپاقدا اولکه يارادان بير ايشغالچي رئژيم نئجه بيزيم گوجلنمه ميزه راضي اولار کي؟ قاراباغين ايشغالي بيله ايکييه بؤلونموش آذربايجاني داها چوخ آييرماق اوچون ياپيليب.

آذربايجان ايندي ايرواني آلماغ يوخ، قاراباغيميزي ائرمنيستاندان ايسته يير!!

يا گرجستان، يا حتي قارداش اولکه ميز تورکيه، هر بير ياندان بيزيم تورپاغ ايشغال اولوب.

بوندان علاوه ، قومشو اولکه لر اؤز ماراخلاريني بيزيم مئيداندا تانيتيبلار. روسيه بيزيم اولکه ده چاليشير تا ايران، ارمنيستان، گورجوستان، تورکيه و اوردان دا آ.ب.ش، اسرائيل، و اروپاني کنترل ائتسين. آ.ب.ش بيزيم اولکه ده چاليشير اورتادوغونو اله گئچيرسين. ايران بيزيم اولکه ده ايسته يير اؤزونه يئني ايالت ياراتسين، شيعه ايسلامي يايسين و بؤلگه ني کنترل آلتينا آلسين. او بيري اولکه لرسه اؤز ماراخلارينا گؤره داورانيرلار.

بونلارا علاوه ، کورد ياييميني دا آرتيرمالييق. تورکيه و ايراندان کؤچورولن و کؤچن کوردلر آذربايجان اراضيسينده يئرلشيرلر. يوخاريداکي خريته يه بيرداها باخين. عراقدا موستقيل کوردوستان وار٫ تورکيه ده کوردلره موستقيلليک وئرسه٫ سيزجه آذربايجانا ياراري اولماز مي؟ ايران کوردوستانا موستقيلليک وئرسه٫ بيزه قازانماز مي؟

بونلارين هاميسي نين توپلامي، بيزدن اولان موخاليفلرله بيرليکده٫ بوتؤو آذربايجان وارليغينا تهلوکه دير.

چيخيش يولو ندير؟

بوتؤو آذربايجان تئرميني چوخ گئنيش چاپدا رئکلام اولماليدير.

داها بير سورون وار مي؟ وار، اؤزوده گونئي٫ آما اصلینده بوتؤو آذربايجاني تهديد ائدن تهلوکه لر يارانيب.

بير نئچه سورو وار، اؤنجه اونلارا جواب تاپاخ.

سيزجه، بير آياغي ايران ائلچيليگينده اولان، اوبير آياغيدا ياشاديغي اولکه نين گيزلي سئرويسينده اولان بير شخص آذربايجان اؤغروندا موباريزه ائده بيلير مي؟

بيرده، بير شخص گليبده بير تشکيلات باشخاني سئچيليب، بيرليک شوعاري وئريب، اوندان سونرا گئديب ايرانين باکيداکي سفيرينه راپورت وئريب و داها دئتايلي بيلگيلري ياشاديغي اولکه نين گيزلي سئرويسينه وئرسه! سيزجه، بو آدام آذربايجانا يارارلي اولا بيليرمي؟

و يا، بير شخص فرانسه ده ايران جاسولوغونا مشغول اولوبدا سونرا باشقا اولکه يه گئديب اؤزونو فئدئرالچي آدلانديريب، ميلتلرآتوپلانتيلارا قاتيلان بير شخص، آذربايجانا يارارلي اولا بيلير مي؟

سيزجه آ.ب.ش قوللوقچوسو اولان، آ.ب.ش ماراخلارين و سيياسيتلري نين رئکلامچيسي اولان بير تريبون، آذربايجانا يارارلي اولا بيلير مي؟

سيزجه، اؤلموش بير پارتي نين بيردن بيره مئيدانا قاييتماسي، بير حالده کي هيچ بير سهو دؤزه تيلمه ييب و ائتديکلري خييانتلره بدل اؤده مه ييبلر! نورمال مي دير؟ آذربايجانا يارارلي مي دير؟

سيزجه، ايچريده (گونئي ده) يئني علم اولونموش ميللي فعاللارين باغلانديقلاري کؤکون ايرانچي فاشيست اؤرگوتلر اولماسي، آذربايجانا يارارلي مي دير؟

آيا بير شخص هفته ده ۳ دفعه روسيه سفيرليگينه گئديب، آما آذربايجان ميللي منافعين مودافيه ائتمک کوميته لرينه عضو اولماسي نورمال ميدير؟

سيزجه، اؤزلرينه دئموکرات آدي قويوب، باشقا تشکيلاتلار آراسيندا آيريليق سالان، چاليشقان شخصلره قارا ياخان و ميللي ايستک آدينا يئگانه اؤرگوت اولدوقلاريني وورقولايانلار، آذربايجانا يارارلي اولا بيليرلر مي؟

بريتانيا سس سيز گؤرونور آما گيزلي سئرويسلري يامان چاليشير. سيزجه بوردا دونيا آذربايجانليلار تشکيلاتلارينا صدر سئچمک نورمال مي دير؟ ايران رئژيميني ياراديب دستکله ين اولکه٫ آذربايجانا يارارلي اولا بيلير مي؟ ايران و بريتانيا سفيرليکلري آراسيندا کؤرپو اولانلار بيزه يانارلار مي؟

سيزجه، اؤزونه حاکيمييت قوران اسکي کومونيست، گئچميش حاجي و يئني ديکتاتورلارين شخصي قازانجلاري آذربايجانا يارار يئتيره بيليرمي؟ اونلارا باغلي اولان آذربايجان آدينا چاليشان فعاللار نئجه ميللي منافعيميزي تعريف ائديرلر؟

بو فاکتالر، بو سورونلار، بو دوشمانلار و بو انگللر نئجه بير اورتامدا يارانيبلار؟

آذربايجان ميلتي پارچالانديکدان سونرا، اؤزو اؤزويله بيرلشديرمکدن اوزاق ساخلانيليب. آما بو چيخماز بير مانع ديير.

ائلچي بئي اينانجلي اينسانلار گرکليدير

ائلچي بئي کيمين شرفلي و اينانجلي آذربايجانلي نين حاکيمييتينه انگل تؤره دنلر، اونا و قوتسال دوشونجه سينه قارا ياخانلار، نئيين نه اولدوغونو بيلمه دن تنقيد ائدنلرين ايشي يالقيز آذربايجانين بيرلشمه سيني ايستمه يه نلرديلر. بونلارين کيم و نه اولدوقلاري يوخاريدا بير آز دا اولسا آچيقلانيب.

ايندي، بلليدير کي آذربايجان تايسيز بير دورومدادير. ايکي پارچا اولان (۱۰-دان چوخ پارچايا بؤلونوب آما عومده اولان ۲-دير) آذربايجانين بير حيصه سينده آددا موستقيل بير دئولت وار، آما، بؤيوک پارچاسي ايشقال آلتيندا دير.

موستويل بؤلومون ميلت اولاراق، ميللي بايراغي، ميللي هيمني، خاريجي سيياست و ميللي ماراخلاري وار، آما، بؤيوک بؤلوم ايرانليلارين بير طايفاسي اولاراق تانيتيلير.

بو ايکي بؤلومون آراسيندا اولان اورتاقليقلار بيزيم سيلاهيميز ساييليرلار. سويوموز، تاريخيميز، ديليميز، تورپاغيميز و ماراخلاريميز عئينيدير. ساختا فرقلري يارادان دوشمانلار بيزي اويدورماقدا باشاريلي اولماماليديرلار. بيز بير ميلت، بير اولکه و بير بوتون قالمالييق.

گونئي آذربايجان يا قوزئي آذربايجان تئرمينلري نين يئرينه، آذربايجانين قوزئيي و آذربايجانين گونئيي دئمه لييک. بير ميلت کيمين چيخيش ائديب تانينمالييق.

بوتؤو آذربايجان

بو اينانج، بو تئرمين، بو ايده و بو شعار هر آلديغيميز نفسده يانسيماليدير. بو سؤز بيزيم بيرليگيميزي، تورپاغ بيرليگيميزي و گلجگيميزي قورويا بيلير. بوتؤو آذربايجان ايديياسي سؤزدن چيخيب گرچک اولماسي اوچون، گونئي قورتاريلماليدير. موستقيل بير گونئي، بوتؤو آذربايجان دئمکدير.

ديقت ائتمه لييک کي ساتيشقان (ساتقين يوخ، ساتماغا آليشان) شخصين ميللي حرکته گيرمه سي ساده ده يير. ايللردير بيزيم وريميزدن دانيشيبلار، ايمضا آتيبلار و موقاويله لر باغلاييبلار! سيزين بونلاردان نه بيلگيز وار؟

بوتؤو آذربايجان بير ائو اولورسا، آچاري گونئيدير

تبريزلي باي بک
۳۰/۰۸/۲۰۰۷
گلاسگو

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش ۲

1. 
   

   : سون ساواشدان اؤنجه خسته ليک نه يين ايشارتيدير؟ سویلییر

   آننا ۹ زومار آی ۱۱۰۰۷ @ ۴:۳۴ گ.ؤ

   […] سله لرين آسيب، بيزيمکيلر نئجه قازاخ سوروشور! [۱] http://www.۱۱۰۰۷.bayb… ، بیر میللتین سسی پایلاش | پرینت بعضی عکسلر خبره […]


2. 
   

   : Urmu » Archive » سون ساواشدان اؤنجه خسته ليک نه يين ايشارتيدير؟ - تبريزلي باي بک سویلییر

   آننا ۹ زومار آی ۱۱۰۰۷ @ ۱۰:۴۲ گ.ؤ

   […] * قومشولار سله لرين آسيب، بيزيمکيلر نئجه قازاخ سوروشور! [۱] http://www.۱۱۰۰۷.bayb… […]

RSS بو یازینین گوروشلرینین یمی