یاشاسین آذربایجان - Long live Azerbaijan

.

اؤتن اسرين سونلاريندا، داها دقيق دئسک، ۱۹۹۵-اينجي ايلده ايرانين او زامانکي خاريجي ايشلر نازيري نين بير فيکري متبوعاتيميزدا گئنيش عکس-سدا ياراتميشدي. همين واخت فارس نازير دئميشدي کي، اگر ايران دؤولتي گونئي آذربايجان مسئله سي نين قالخماسيني ايستميرسه، اوندا بو ايدئيانين قايناقلانديغي يوواني، يعني آذربايجان جمهوريتيني محو ائتمه ليدير. گؤروندويو کيمي آذربايجان رئسپوبليکاسي (جمهوريتي) نين يالنيز وارليغي بئله دايم گونئي آذربايجان پروبلئميني گوندمده ساخلاياجاق، ايران رهبرليگيني، شووينيست فارسلاري دينجلمه يه، راحاتلانماغا قويماياجاق.

---

---

اؤتن اسرين سونلاريندا، داها دقيق دئسک، ۱۹۹۵-اينجي ايلده ايرانين او زامانکي خاريجي ايشلر نازيري نين بير فيکري متبوعاتيميزدا گئنيش عکس-سدا ياراتميشدي. همين واخت فارس نازير دئميشدي کي، اگر ايران دؤولتي گونئي آذربايجان مسئله سي نين قالخماسيني ايستميرسه، اوندا بو ايدئيانين قايناقلانديغي يوواني، يعني آذربايجان جمهوريتيني محو ائتمه ليدير. گؤروندويو کيمي آذربايجان رئسپوبليکاسي (جمهوريتي) نين يالنيز وارليغي بئله دايم گونئي آذربايجان پروبلئميني گوندمده ساخلاياجاق، ايران رهبرليگيني، شووينيست فارسلاري دينجلمه يه، راحاتلانماغا قويماياجاق.

آذربايجان رئسپوبليکاسيندا فعاليت گؤسترن پارتييالار، ايجتيماعي تشکيلاتلار، ک.ي.و گونئي آذربايجانين طالعييله باغلي مسئله لري داها کسکين شکيلده قويماسا بئله، فارس اؤز دوشمنچيليگيندن ال چکميه جک. نئجه کي، ال چکمير. نئجه قاراباغ موناقيشه سينده مسيحي ائرمنيستانا بيرمعنالي دستک وئرير، ايقتيصادي يارديم گؤسترير، انرژي وئرير و.س. ايران رئژيمي بو دؤولتي چيگينلري اوزرينده ساخلايان ۳۰ ميليون آذربايجان تورکونون، يني اؤز وطنداشلاري نين قاني، جاني اولان قاراباغين ايشغاليني دوام ائتديرمک اوچون ائرمنييه اليندن گلن کؤمگي اسيرگمير. آذربايجان رئسپوبليکاسيندا هامي بو رئالليغي، ايران رئژيمي نين دئسپوتيک ماهيتيني، فارسلارين دايم تورکه قارشي دوشمن سيياستي يئريتديگيني باشا دوشور. اونا گؤره ده ايرانين ” موسلمان همريليگيندن ” چيخيش ائديب ايشغالچي ائرمنيستانا يارديملاري دايانديراجاغيني هئچ کس گؤزلمير، هئچ فارسين بئله بير آدديم آتماسيني دوشونمور ده. چونکي ايران رئژيمي نين ماهيتي نين نه اولدوغونو بيليريک.

گونئي آذربايجاندا ياشايان ۳۰ ميليون آذربايجان تورکوندن فرقلي اولاراق اؤز موستقيل، گوجلو، دئموکراتيک، دونيوي دؤولتيني قورموش تورک خالقينا، تورکيه يه اوميد يئري کيمي باخيريق. تورکييه نين ايشغالچي، قونشولارا قارشي اراضي ايديعالارييلا چيخيش ائدن، قوندارما سويقيريم ايديعالاري ايره ليسورن ائرمنيستانلا سرحدلريني باغلي ساخلاماسي نين تورک خالقي نين، رسمي آنکارانين و آذربايجانين ميللي ماراقلارينا اويغون اولدوغونو دوشونوروک. چوخ تأسوف کي، بزن بو مثله نين باشقا طرفدن ايضاح ائتمه يه چاليشيرلار. ياخود دا سادجه اولاراق ايرانين آذربايجان رئسپوبليکاسينا موناسيبتي، گونئي آذربايجانين وضعيتي، ايراندا ياشايان ۳۰ ميليون سويداشيميزين دوشدويو وضعيت حاقيندا فاکتلاري اونودورلار.

بلکه ده بئله ياناشمانين نتيجه سيدير کي، نه آذربايجاندا، نه ده تورکييه ده اينسان هوقوق تشکيلاتلاري ايراندا ياشايان ۳۰ ميليون آذربايجان تورکونون اينسان هوقوقلاري نين وضعيييتيني بين الخالق گوندمه چيخارا بيلميرلر. گونئي آذربايجانين ايستيقلاليتي، آذربايجانين بوتؤولوگو مسئله سي نين سياسي طلب اولماسيني هامي باشا دوشور. دونيانين اينديکي رئالليقلاردا بو ايدئيانين حياتا کئچيريلمه سي هله ليک بير قدر چتيندير. بس گونئي آذربايجاندا اينسان هوقوقلاري پروبلئمي نين قالديريلماسي او قدرمي آغير و چتيندير؟ آخي اينسان هوقوقلاري نين وضعيتي هئچ بير دؤولتين داخيلي ايشي دئييل. ايراندا ايسه تکجه آذربايجانلي ميللي هرکاتچيلار دئييل، بوتون غئيري-فارس ميلللتلري رئژيمين تزييقلريندن، رئپرئسسيياسيندان ازيت چکير، حتّی فارس خالقي نين اؤزو بئله بو رئژيمين ” خيدمتلري ” سايه سينده بوتون دونيادا، رئگيوندا ديگر ميلتلرله اوز-اوزه قاليب.

ايندييه ده ک آذربايجانين اينسان هوقوق تشکيلاتلاري نين گونئي آذربايجاندا باش وئرنلره موناسيبت بيلديرمه مه سينه نه آد وئره سن؟ آخي خاريجي دونور تشکيلاتلاريندان ماليييه آسيليليغيندا اولماق ايراندا ياشايان ۳۰ ميليون سويداشيميزين طالعيي هاقدا سوسماغا هئچ کيمه معنوي حاق وئرمير؟ بو هاقدا ايندييه ده ک سوسانلار گله جکده تاريخ و ميلت قارشيسيندا نه جاواب وئره جکلر. تأسوف کي، گونئي آذربايجان تورکلري نين اينسان هوقوقلاري نين وضعيتيني هله ليک دونيا، او جومله دن تورکييه گوندمينه چيخارماق اولمور. بعضيلري بونو تورکييه ده کي ائتنيک آزليقلارلا باغلي پروسئسلرله علاقه لنديريرلر. آنجاق بير مثله ني نظردن قاچيريرلار کي، تورکييه دئموکراتيک آوروپا دؤولتيدير، بو اؤلکه ده ائتنيک آزليقلارين هوقوقلاريني ايراندا غئيري-فارس خالقلاري نين وضعيتيله موقاييسه ائتمک ان آزي عدالتسيزليکدير. محض بو مؤوقئدن چيخيش ائده رک، باشدا تورکييه اولماقلا بوتون تورک دونياسي گونئي آذربايجاندا، کرکوکده، تراکيادا، اروپا بيرليگي اؤلکه لرينده، روسييادا و.س. اؤلکه لرده ياشايان تورک خالقلاري نين اينسان هوقوقلاري نين قورونماسي اوچون مقصديؤنلو آدديملار آتمالي، مووافيق پروقرام ايشله ييب حاضيرلاماليدير.اخجپ

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی