ستارخان - اسماعيل جميلي (شعر)
بای بک، آذربایجان | آننا, ۱۲-ي قويروخدوغان , ۱۱۰۰۷ اینجی ایل, چولا ۲۱:۰۳ | تورکجه, شعر
 |
. | آپارتایدین قان قوخولو سارایلارین سیلکه له دن قوللوقچولار سوروسونو ونگیلده دن ستارخان |
ستارخان
بویاسی گونشدن
نفسی باهاردان
تمیزلیگی سهندده قاردان
دایانیشی ساوالاندان
میشو تراوتلی ولکان حرارتلی
سئوگسیسی ائلدن گوجو آنا دیلدن
سئوداسی دوغما دیاردان .
تالانان تبریزین پوزولماز ووقاری
یاراشیغلی دوروشوغلو
اؤلکه مین یئنیلمز سرداری
خانلیغیله اؤزونو ائلینه قول سانان
دار گونونده عهده وفالی قالان
ستارخان
تاریخ سیناغیندا اونلو باشی اوجا
قوجامان ارک کیمی یارالی قوجا
قاراداغین غیرت قایناغی
دایانیشمانین اسن بایراغی
آغ علم لری ائندیرن ا ل
کؤنوللرده یوکسلن هیکل
ستارخان
آدینین کؤلگه سی بئله
تولکولرین توکون تؤکن
حسرت اولان نیسگیل قالان
تربتینین تورو بئله
دینازورلار قورقوسونو دیسکیندیرن
آپارتایدین قان قوخولو سارایلارین سیلکه له دن
قوللوقچولار سوروسونو ونگیلده دن
ستارخان
بابکین دوغما بالاسی
ائلین یئخیلماز قالاسی
آدی دیللرده دستان
یاشایان قهرمان
یاشانان آذربایجان
ستارخان ……
، بیر میللتین سسی
پایلاش | پرینت
- تاپيلمادي
http://www.baybak.com
بای بک سایتیندان پرینت اولوب
http://www.11007.baybak.com/2128.azr
یازینین اینترنت آدرسی
گوروش کاپانیبدی