یاشاسین آذربایجان - Long live Azerbaijan

.

بازتاب سیته سینده «اتوبان زنجان ـ تبريز نمازخانه ندارد *» آدلی یازی نی گؤرندن سونرا ، داها دؤزه بیلمه ییب و مجبور اولدوم بو یازی نی یازیم. آدام بیلمیر باشینی هانسی داشا چالسین بئله بیر یازیلاری گؤرنده. بیر آدام یوخدور بئله بیر بدبخت آداملارا (کی تاسسوفلا بیزیم آذربایجانیمیزدا دا واردیرلار) دئسین کی باشان داش سالیم ناماز قیلماق بیر بئله سس کوی ایسته میر کی ، سن ایله آللاهین دانیشیغیز بیر بئله تبلیغاتی نئیله ییر. ایسته ییرسن ناماز قیلاسان هر یاندا ایسته ییرسن دور ناماز قیل دا. گرک سنین غلط غولوط اوخودوغون ناماز اوچون آتدیم دا بیر بینا تیکیلسین؟ دوزگون ناماز قیلان مگر اؤز ناماز قیلماغین چورک آغاجی ائدر؟ بو یازیق

---

---

دینی اؤزلرینه چورک آغاجی ائدنلر ایله بیر سؤز

بازتاب سیته سینده «اتوبان زنجان ـ تبريز نمازخانه ندارد *» آدلی یازی نی گؤرندن سونرا ، داها دؤزه بیلمه ییب و مجبور اولدوم بو یازی نی یازیم. آدام بیلمیر باشینی هانسی داشا چالسین بئله بیر یازیلاری گؤرنده. بیر آدام یوخدور بئله بیر بدبخت آداملارا (کی تاسسوفلا بیزیم آذربایجانیمیزدا دا واردیرلار) دئسین کی باشان داش سالیم ناماز قیلماق بیر بئله سس کوی ایسته میر کی ، سن ایله آللاهین دانیشیغیز بیر بئله تبلیغاتی نئیله ییر. ایسته ییرسن ناماز قیلاسان هر یاندا ایسته ییرسن دور ناماز قیل دا. گرک سنین غلط غولوط اوخودوغون ناماز اوچون آتدیم دا بیر بینا تیکیلسین؟ دوزگون ناماز قیلان مگر اؤز ناماز قیلماغین چورک آغاجی ائدر؟

بو یازیق اینسان لاب او پخمه آداملار دان ایمیش نییه کی یازیب «براي نخستين بار به چهار جهت نماز خوانديم» بیلیرسیز نییه بونو یازیب ، آخی بو آللاهین گای بنده سی قیبله نین طرفین تاپا بیلمه ییب اونا گؤره ده دؤرد طرفه ناماز قیلیب. گؤرون نه قدر پخمه آداملار لا اوز به اوز اولوروق. به آدام بیلمه ییر که ایمکانی دا واردیر قیبله طرفی او دؤرد طرف یوخ بلکه اونلارین آراسی زاویه یه ساری اولایدی؟ اصلن بیر ناماز قیلان آدام کی ائیلییه بیلمیر قیبله نین طرفین تشخیص وئرسین ، اوتانیب خجالت چکمیر؟ بو گای بشر گون باتدی ، گون چیخدی دان دا قیبله نین طرفین آنلامی ییب؟ اوچ مین اینجی مین ایللیک ده اولاسان آما بیر دنه ساده جهتی تاپا بیلمه یه سن ، بدبخت چیلیغین داها سونودور.

آدام بیلمیر بیر بئله گای (گيج)٫ پخمه و دالیا قالمیش (اؤزلری اؤزلرینی دالییا ساخلامیش) اینسانلار آراسیندا نئیله سین؟
آخی بئله بدبخت چیلیکدن بیر دنه ایکی دنه ده دئییرلر کی؟
بیز ناماز قیلماغ اینان موخالیف دئییلیک ، بلکه اونلارا سایقیمیز دا واردیر. آما نه شرایط ده؟ و نه ته هه ر؟
آیا ناماز قیلماغ دان گرک بیر ابزار کیمی فایدالاناسان؟
آیا دینی و مذهبی دوشونجه لر گرک بیر بئله اینسانی کور ائیله سین؟
آیا اینسان اؤز آللاهی ایلا هر یئرده و هر شرایط ده دانیشا بیلمز؟
آیا آللاهی عیبادت ائتمک یالنیز اییلیب ، اوتوروب و قالخماق دیر؟
آیا بیر زامان دا کی بیزیم اؤز مملکتیمیزده پولسوزلوقدان گئجه چورک یئمه میش باشینی یئره قویان لارین سایی سی حددن آرتیق دیر ، هر ایل میلیونلار نفر بیر عالمه پول خرج ایله مک ایله (یوخ قوی دییه ک باتیرماق ایلا) مکه و باشقا یئرلره گئتمک آللاه بویوروشو دور؟

آللاه دئییب سن اؤز قوهوم لاران ، قونشولاران ، اولادلاران باخمایاراق و اونلارین وار یوخونو دوشونمه دن ، اؤنجه گرک مکه یه گئدیب و سعودی لرین جیبین دولدوراسان؟ (اونلار دا سنین پولون یئییب و اللریندن گلدیکجه بیله وه توهین ائدیب و سققه لن گولسونلر)

مکه یه گئدیب گلن لر ندن حاجی کلمه سینه بیر بئله باغلی و آسیلی اولورلار؟ ندن بونلاری حاجی چاغیرمییاندا قولاغلاری کار اولور؟ ائله او بیر دنه لقب اوچون مکه یه گئتمیش لر؟

بو یازدیغیمیز موشکول لر آذربایجان یوخ بلکه بوتون ایران مملکتی نین موشکولودور و هر یئرده بئله بیر قضیه لر وار. آما باشقا بیر قونودان اگر ایسته سه ک بو قضیه یه باخاق بیر جالیب نتیجه یه یئتیریریک. ندن آذربایجان منطقه سینه یئتیرینده یالنیر مسجید ، قبریستان ، موصللا و بلنجی بیر بینالار پیشنهاد اولونورلار ، آما ایرانین باشقا منطقه لرینده توریستی ، درآمد قازانان ، موشتری ییغان ، دولانمالی و گزمه لی و فرح باغیشلایان یئرلر پیشنهاد ائتمک دن قاباغ دوزر له نیر؟

ماشاآللاه ایندیکی زاماندا ، کی ناماز قیلانلارین سایی سی گون به گون آزالیر (میللتین باخیشی دین و مذهبه ، بیر مذهبی حاکمییه تین یالنیش حرکت لرینه گؤره ، دئییشیلیر) مسجید بینا ائتمک ، میللتین هانسی موشکونو حل ائدیر؟ ایشسیزلیغی؟ پولسوزلوغی؟ توررومو؟ فحشا سیندین گون به گون یئنمه سین؟

آخی بوش مسجیدلری بینا ائتمکین نه ایفتیخاری واردیر؟

ندن مسجید تیکمک یئرینه ائله بیر ایش گؤرموللر کی جاماهات بوندان آرتیق دین و مذهب دن بئزارلاماسین؟

گؤره سن نه زامانا کیمین بو میللتین دالیا قالمیش دوشونجه لری ، اؤز ایستیحمارلارینا باعیث اولاجاق؟

گؤره سن بو میللت ایسته میر آنلاسین کی بو سؤزلر دن بیر سیرا آدام لار (اگر آدام آدی اونلار اوچون ایشله ده بیلسه ک) ماددی منفعت لر آپاریر و بئله بیر سؤزلری اؤزلرینه چورک آغاجی ائدیبلر؟

یادیما گلیر بیزیم شهریمیزده بئله بیر جریان قاباغا گلدی و بیر شخص قالخدی و چیغیر باغیر ائتدی کی فولان محلله ده مسجید یوخدی ، بیز موسلمانلار آوارا قالمیشیق و …. (اوسته کی بدبختین سؤزلری کیمین سؤزلر) بئله لیک ایله دولتی سازمان لارین بیریندن بیر عالمه بودجه و ها بئله یازیق ، ساده و پخمه میللت دن دن چوخ پوللار بو قضیه یه گؤره ایختیصاص وئریلدی ، بیر ساختیمانی شیرکته تاپشیریلدی بو مسجیدی تئزلیک له بینا ائتسین. چوخ جالیب ایدی او زامان کی بیلدیک بو ساختیمانی شیرکتین رئیسی هامان چیغیر باغیر ائلییه ن آدام ایدی. او زامان بیلدی کی او چیغیر باغیر ائلییه ن آدام موسلمانچیلیق فیکرینده دئییلدی بلکه اؤز جیبینین فیکرینده ایدی.

هر حالدا بو ساحه ده سؤز چوخدور ، آما حوصله یوخدور. سیزین ده بوندان آرتیق باشیزی آغریتماق ایسته میره م.

اومودوموز بودور کی بیر گون یئتیرسین کی میللت اویانسین و ایجازه وئرمه سین بیر سیرا شارلاتان دین آدیندا اونلاری ایستیحمار و ایستیثمار ائتسین.

یاشاسین آیدین فیکیر ، دوشونجه لی و فیکیر ائدن اینسان لار

* [1] www.11007.bayb…

، بیر میللتین سسی

_ _ _ _ _ _ _
مربوط اُلان یازیلار

• ===> حماقت يا تدين: اتوبان تبريز-زنجان غيراستاندارد بوده و امنيت جاني ندارد٫ آنوفت آقا بدنبال نمازخانه اش است!!

پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی