یاشاسین آذربایجان - Long live Azerbaijan

.

بونلار کورد اکستریمسیتلرینی (متعصب) گؤرورلر کي نئجه گئنج لره رئکلام و پروپاقاندا ائديرلر، بو ايشلرين هاميسي آلمان نين اطلاعاتي نين گؤزو آلتيندا. حاجي احمدي بويوک زامانلاري تئشکيلاتي ايچين گؤرور، چونکو تام يوخاريدان هيمايئت اولونور. آمريکانين ژنراللاري بونون ايشلرينيه سئوينجله باخيرلار، حتی بو ژنراللار دفعه لرجه بونون کامپيندان گؤروش ائتميشلئر. بونلار بيربيريله چوخ حؤرمت و صميمييتله داورانيرلار . سئرتانين آتاسي: پ.ک.ک بيزدن ايسته ميشدير کي پليسه خبر ورميه ک. دئديلر سئرتانين حالي ياخشيدير و بيزده گرچکدن پليسه تلفن اتمه ديک. چونکو بئله دوشوندوک کي پ.ک.ک اونون حياتيني تئهلوکه يه سالا بيلير.

---

---

باي بک اؤزل

فایلی داونلود ائتمک اؤچون: [1] بورا کلیک ائیلییون

فيلمده گئدن دانيشيقلارين يازيسي:

سونيا ميکيجه : عسگر توپلاماق، ساواش ايچين . نه شکيلده بير گئنج، بير ياخجي و محببتلي عائله دن لانگئنفئلد (آلمان) قانديريلير کي اوزاق بير يئرده، ايراندا ساواشا گئتسين. اساسيندا آراشديرما بونا گؤره باشقا شکيلده گئديردي. چونکو بيز اؤزوموزدئن سوروشوردوق کي کيم قوزئي عراقدا آرام بير بؤلگه دن بو سيلاهلي سالديريلاري ايرانا ائدير؟

زيرا اوردا بير گيزلي ساواش وار کي بو ساواش دونيا مديالاري نين ديقتيني چکمه ميش و آمريکاليلارداندا صبير گؤستريلير .

و سونرادان بونلارين ايزلري اثرلري آلماندا بولوندو، کؤلن شهرينده، نئجه کي استئفان بوجهئن و ژوهن گوئتز آراييب و بولموشلار .

بونلار کورد اکستریمسیتلرینی (متعصب) گؤرورلر کي نئجه گئنج لره رئکلام و پروپاقاندا ائديرلر، بو ايشلرين هاميسي آلمان نين اطلاعاتي نين گؤزو آلتيندا.

لانگئنفئلد ، نوردرهئينو-استفالئن. ۳۴ ايل دير کي کورد عائله سي بوردا ياشاييرلار. عائله نيه آتاسي و آناسي اؤزلريني آلماندا راحات و امن هيسس ائديرلر. عائله اوغوللاري سئرتاني ۸ آيدير کي اؤزله یيرلر ،

ال تئلفونو جواب وئرمير . او (سئرتان) لئوئرکوسئنده يوکسئک تيجارت اوخولو بيتيرميش، ايندي ۲۱ ياشيندادير.. عائله نين اونون هاردا اولدوغوندان خبرلري يوخدور!

بيز (استئفان بوجهئن و ژوهن گوئتز و مارکوس اشميدت) سئرتاني بولدوق. عراقين قوزئي دوغوسوندا. ايران مرزلرينه ياخين ، دونيانين بير تام تئهلوکه لي و کريزلي بؤلگه لريندن بيريسي. بو داغليق بؤلگه ده، اکتبر آييندان، گئريللا ساناتي (پارتیزان ایتیمی) اؤيرنمکده دير .

سئرتان: بو سيلاهين آدينا بيز کارناس (قناسه) دئييريک، کسکين نيشانجي سؤقصدلر اؤچون. بونا گؤره منه اؤزل بيلگي وئريبلر. اؤزل سؤقصدلره و بؤيوک ژنراللاري اؤلدورمه يه.

سئرتان پ.ژ.ا.ک تشکيلاتينا باغليدير. پ.ژ.ا.ک (يئني حيات کورديستاندا) دونيانين گؤزوندن اوزاق، بوردا بير ساواش گئچيرير. گئنج عسگرلري ايرانا گئچيب و اوردا سويقسدلر و تئررور ياراتيرلار.

سئرتان : خصوصييتله بومبا ماده لريله، مايينلا. مايينلارين اوستونده بير ده ييشيکلر وئریريک کي اوزاقدان سيگناللا پاتلادا بيلک . بيز بو ايشلره گؤره مخصوص بير تعلييمات کورسو گئچيرميشيک. 3 آي بوندان اؤنجه دوستلار بير سالديرما ائتديلئر کي ۱۳ يا دا ۱۴ ايران عسگرين اؤلومونه سئبئب اولدو.

آيا بو عائله نين اوغلو ترروريست مي دير؟ هازير مي دير کوردلرين سورونلاري اوچون اؤلسون؟ سئرتانين هاردا اولدوغونو ايلک بيز عائله سينه خبئر وئرديک،،، اينديسه عائله تام شاشکيندير!

آناسي : من اؤزومو چوخ پيس هيسس ائديرم، ايسترديم کي اوغلوم گاييديب گلسين. من دهشتده و قورخودا ياشاييرام .

باجيسي : سئرتان آناما سؤز وئرميشدير کي بوردا قالسين و گئتمه سين، آما سؤزونه عمل ائتمه دي.

ايديولوژی کيلاسي : بيز بوردا تام آيدين گؤروروک کي نئجه سئرتان و باشقالاري ساواشا آتشلي اولورلار. کوماندان دئيير کي : سيزلرين بير کورشونويلا قارا گئجه لر ايشيغا چيخير! اونلار ايستيگيرلر کي گئنج قيزلار و اوغلانار اؤز جانلاريني بو يولدا فدا ائتسينلر و شهيد اولسونلار. سئرتان و پ.ژ.ا.ک بئله بير هدفلري وار کي ايران حاکييمييتيني دئويرسينلر و ايراندا دئموکراسي يارانسين. ايستييرلر اوردا ياشايان کوردلئري آزاد ائتسينلئر .

کورد چيريکلئري (گئريللا) بير قيسمي قوزئي عراقدا، کي آمريکاليلارين الينده دير کونترول ائديرلير. بوردان چيريکلري سالديرمالار ايچين ايرانا گؤندريرلر. بو سالديرمالاردا ايکي ايل ايچينده احتياطلا حدس وورماق اولار کي ۲۰۰ اينسان اؤلدورولموشدور.

پ.ژ.ا.ک بير قوندورما ايسميدير، چونکو بو تئشکييلات عبدالله اوجالاني رسمييته تانير ، دئمک پ.ک.ک-نين بير قولودور! عبدالله اوجالان پ.ک.ک-نين سدريدير. بو تشکييلات اروپادا و آمريکادا بير ترور تشکييلاتي اولدوغو ايچين ياساق ساييلير.

وئريمسيز، فقير يئمک. يالنيز يئمکدير کي بونلارين ايشلئرينه گؤره وئريلير. سئرتانين يوکسلمه سي بير چريک اولماغا قدر نوردرهئين-وئستفالئن دن باشلايير. اوردا پ.ک.ک-چيلاردان بئله بير ايشلرله تانيش اولدو، نئچه آيلار پ.ک.ک-نين کامپيندا بئلژيکده اولموش، و سونوندا ايکي باشقا گئنجله کي آلمان وطنداشيلار بوردان باش چيخارتيبلار.

سئرتان : آلماندان دوستلار دواملي بورايا گليرلر. آلماندان، نروژدن، و ايسوئچدن (سوئد) آز اؤنجه ايکيسي گلدي. آما خصوصيتله آلماندان و فرانسه دن چوخلاري گليرلر.

حاجي احمدی پ.ژ.ا.ک-اين سدري: من چوخ سئوينيرم کي سيزلر بو علاقه لي ساواشا هازيرسينيز..کوردلدن بير ميثال وئريرلئر کي، سون نفره و نفسه کيمين ساواشماق!

حاجي احمدي بويوک زامانلاري تئشکيلاتي ايچين گؤرور، چونکو تام يوخاريدان هيمايئت اولونور. آمريکانين ژنراللاري بونون ايشلرينيه سئوينجله باخيرلار، حتی بو ژنراللار دفعه لرجه بونون کامپيندان گؤروش ائتميشلئر. بونلار بيربيريله چوخ حؤرمت و صميمييتله داورانيرلار .

حاجي احمدی: بيز بورادا چوخ موسبتيک آمريکاليلارا. بيز تامام داغلار کي زينجير کيمي بيربيرينه باغليديلار، ارمنستاندان، آذربايجاندان تا بو آشاغييا کيمين (تورکيه و قوزئي عراق) کنترلوموزدادير. اگر بيز بورادا اولماساخ، او زامان ايسلامچيلار گليرلئر!

راپورجو: سيز بونلا دئمک ايستيرسيز کي پ.ژ.ا.ک آمريکاليلاردان قوللانير؟

حاجي احمدی: ۱۰۰٪٫ ۱۰۰٪

حاجي احمدي : چوخلو کورد گئنجلر اروپادان ساواشا بورايا گليرلر، حتی قيزلاردا. بعضیلری بيزه قاريشيرلار و بعضیلریده قوزئي کورديستانا! و تورکيه يه گئديرلر .

حاجي احمدی يالنيز گؤروش ايچين قوزئي عراقا گئدير، اونون اوتوردوغو يئري آلماندا کؤلن شئهريدير. دئديينه گؤره آلمان پاسپورتو وار. بوردان غربي مملکتلرين سیسایتچیلریله و گيزلي تشکيلاتلارلا علاقه يه گئچير. حتی آلمانين فئدئرال ايستيخبارات سئرويسيده بونونلا ارتباطي اولموش.

حاجي احمدی : او گلنلردن بيريسيدير، دئديينه گؤره اطلاعاتدان گلميشدير، بير نئچه عیي سورولار کي سيزده سوروشارسيز، ائله دي و منده عيني جوابلاري وئرديم .

راپورجو : بس دئمک بو آنلاما گلير کي آلماننين رسمي مقاملاري بيليرلر کي سيز کيمسينيز؟ و نه ايشلر ائديرسيز؟ و نه پلانيز وار؟

حاجي احمدی: اونلار تام دقيق بيليرلر کي من کيمم. من ۴۳ ايلدير کي اروپادايام، بونون چوخونو آلماندا اولموشام. اونلار بيليرلر من کيمم، و بيليرلر کي نزاماندان بري من پ.ژ.ا.ک-اين سدرييم.

آناياسا قوروما و فئدئرال ايستيخبارات سئرويسي مونيتورينق تائيد ائديبلر کي پ.ژ.ا.ک-اي تانييرلار و پ.ژ.ا.ک گؤزالتينا آلينيب. آيا اولان بير شئيدير کي مأمورلارين (دولت مأمورلارينين) گؤزلري نين اؤنونده گئنجلره رکلام آپاريب و اونلاري ايرانا قارشي ساواشا توپلاسينلار؟

بو سببه گؤره ده هانس کریستین سترؤبئله، يئشيللئر پارتيياسيلا (حزب سبز) علاقه يه گيرديک.

هانس کریستین سترؤبئله: اگئر بير شک وار کي بوردا سوچ ايشلنميش و اودا بئله بير آغير شئکيلده، بير ترور تئشکيلاتي کيمی، او زامان جزا تعقيبي ايداره سي بو ايشين آرخاسيندا اولماليدير کي گؤرسون آيا سندلر و بيلگيلر بير شيکايته يئترليدير يا يوخ. (ايستيخباراتدان شيکايت ائتمک اوچون)

دادستاني نين ايشي بورايا کيمين فايدالاي اولانماميش.

سئرتانين عائله سي اونون دؤنمه سيني ايستيير، آما قورخولاري وار کي پ.ک.ک اونون باشينا بير بلا گتيرسين.

سئرتانين آتاسي: پ.ک.ک بيزدن ايسته ميشدير کي پليسه خبر ورميه ک. دئديلر سئرتانين حالي ياخشيدير و بيزده گرچکدن پليسه تلفن اتمه ديک. چونکو بئله دوشوندوک کي پ.ک.ک اونون حياتيني تئهلوکه يه سالا بيلير.

آلمان ايداره لرينه داها اينانجلار يوخدور کي اوغوللاريني گئري گتيرسين، آتاسي پ.ک.ک-يلا ارتباطا گئچميش آما بورايا قدر سونوجسوز قالميش.

[2] www.wdr.de/tv/…

، بیر میللتین سسی

_ _ _ _ _ _ _
مربوط اُلان یازیلار

• ===> ترورچي يا ميللي ساواشچي؟

پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی