یاشاسین آذربایجان - Long live Azerbaijan

.

بيرلشمک آدينا تريبون آلان جواد بي سانکي ميللتي موحاکيمه ائدير کيمين، داک ايداره هئييتينه اولونماز تحقيرلر ائدير و اوتانج وئريجي شکيلده هاميني تخريباتچي، بيرليگه قارشي و گئچميشي قارا آدلانديرير. منيم سوروم بودور: سايين جواد بئي، اگر سيزين دئديگينيزه داياناراق سوروشسام کي تشکيلاتلاردا اولان چوخلو ساييدا خائن و گئچميشي قارا اينسان ايله نه بيرليگي قورماغا چابالاييرسان، جواب نه اولاجاق؟ آما، بيز بونودا گؤرمه مزليکدن گليب و داکي بوتوولوکله سوچلو سانيريک. بو او دئمک ديير کي بير شخص تلفونو آلسين الينه و بير تشکيلاتين ايداره هئييتيني، باشخانيدا داخيل سورقولامايا چکسين. داک اگر بير کيمسه يه جاواب وئرمه لي اولسادا، او يقين جاواد بئي ده ييردير بلکي اؤز رسمي اورقانلاريندا اولان ضابيطلره جاواب وئرمه لي اولاجاقلار. همده، داک يوخ بلکي او سهوي ائدن شخص يا شخصلر. بوردان آنلاشيلاجاق اولان فاکت بودور کي داک بير تشکيلات يوخ بلکي بير قوناخباجي اويناما قورومو کيمي تانيتيلير.

---

---

دونن دوزنلنن نوماييش، سونوندا گوناز تی.وی-نين نه اولدوغونو اورتايا چيخارتدي. ايللردير ميللي تئله کانالي آدينا چاليشانلارين نقدر آنتي ميللي اولدوقلاري بللي اولدو. جاواد بي آچيقجاسينا دئيير: بوردا منم، باغداتدا کور خليفه!

موخاليف سسلري کسن، تانينميش تلفنلاري آلمايان، دانيشانلارين سؤزونو کسن، پروقراما قاتيلانلارين آغزينا سؤز قويان، باشقا تشکيلاتلاري تخريب ائدن، شخصييتلره سالديران، بوش اينسانلاري تبليغ ائدن، اوتانمادان يالان دئين و سونوندا بيرليک صاحيبي کيمي چيخيش ائدنلرين اولدوغو يئر آرتيق تی.وی يوخ بلکي مئيخانا آدلانير.

دون آخشام ۶ دفعه گونازا زنگ آچديم. هر دفعه سينده آزي ۱۵ دقيقه بکلتيلديم آما سونوندا تلفونوم او طرفدن کسيلدي. ۷-اینجي دفعه ايسه بوشونا خطده ساخلانیلدیم، و آرتيق پروقرام بيتميشدير.

منيم تلفونلاريم آردي آردينا کسيليرکن، گونازين آبونه سي اولان شخص، هيچ بير دقیقه بئله خطده گؤزلتيلمدن پروقراما قاتيلير و حتّی ادبسيزجه سينه پروقرامين قوناغي اولان داک ايداره هئييتي نين عوضوونون سؤزونو کسه رک، توهين آميز سؤزلر دانيشماغا زامان وئريلدي.

آرتيق بوردا بير سؤز يئري قالماييبدير. گوناز بوندان سونرا منيم گوزومده بير شخصي تی.وی تانينماقدادير کي ايشي آذربايجان ميللي حرکتينه و گرچک بيرليگه داش آتماقدير. بونون سوبتو اوچون، سون نئچه آيين وئريليشلري يئترينجه سند الده ائده بیلير.

بيرلشمک آدينا تريبون آلان جواد بي سانکي ميللتي موحاکيمه ائدير کيمين، داک ايداره هئييتينه اولونماز تحقيرلر ائدير و اوتانج وئريجي شکيلده هاميني تخريباتچي، بيرليگه قارشي و گئچميشي قارا آدلانديرير.

منيم سوروم بودور: سايين جواد بئي، اگر سيزين دئديگينيزه داياناراق سوروشسام کي تشکيلاتلاردا اولان چوخلو ساييدا خائن و گئچميشي قارا اينسان ايله نه بيرليگي قورماغا چابالاييرسان، جواب نه اولاجاق؟

داک و يا دداک و يا گاک و يا هرنه باشقا آک اولورسادا، بير فاکت اورتاليقدادير، او دا بودور کي بو تشکيلاتلارين ايشي ميللي يوخ بلکي شخصي سوييه ده دوشوک بير چابادير. بونا فاکت ۲۶/۰۷/۲۰۰۷ تاريخينده سرگيلنن نوماييشدير.

داک قورولتاي گئچيرير، قرارلار آلير آما بيرلشمه قونوسونا توخونمادان ايشيني بيتيرير. داها سونرا يئني باشخان سئچيلن غلامرضا صبري تبريزي بيرليک شوعاريني رسمن مئيدانا آتير.

ساواش بوندان سونرا باشلانير. دداک مسئوللاري جناب صدري نين چاغريشيني بير باغيشلانما ايسته کي اولاراق ديرلنديريب و اونا گؤره اؤز شراييطلريني اعلان ائديرلر. ياني آچيقلاييرلار کي اگر بيرليک اولاجاقسا، يالنيز بيزيم پرينسيپلرله اولماليدير و اوندان باشقا یول ایله بيز سيزي عفو ائده بيلمريک.

داک ايداره هئييتينده اولان و سياسي بولمه نين مسئولو بو مسئله ني آنلايير و همن بير جاواب يازير. او جاواب ايسه منجه دداکين پرينسيپلريني تاماملايان بير مکتوبدور. ياني ايکي مکتوبو بير آرايا قوياندا، ائشيت شکيلده ايکي تشکيلات سؤز صاحيبي اولوب و گئچميشده باش وئرن خطالاريني دؤزلتمک اوچون بير پيلان الده ائده بيليرلر. آخي کيم اينانار کي 2003 ايلينده آراني قاتان اينسانلار، يئنيدن يارامازليق ياپماياجاقلار؟

آديندا ۱۹۹۷-اینجي ايلدن ايشه باشلايان داک، يا بوتؤولوگونده و يا بؤلوندوگوندن سونرا ميلته قازانديران اؤنملي آدديم آتماييبدير. بو قوروملار ساده جه شخصي دوئل ساهه سينه چئوريليبلر و شخصي قازانجلار ايلک رولو اويناييبدير. شخصي قازانج يالنيز اکونوميک يوخ بلکي حتّی بير قولتوق يا بير قورو آد آدلانا بيلير.

بو ايشدن گلک داک ايداره هئييتي نين اوتانج وئريجي چيخيشينا.

بير تشکيلات اولاراق، بير سيرا پرينسيپلر ايشده اولماليدير. بو پرينسيپلري من يا گوناز ده يير، بلکي داک ايداره هئييتي و يازيلميش اولان اساسنامه تعريف ائتمه ليدير.

بوردا بو سورونو بئله توتاق کي ائلدار قاراداغلي اؤز باشيناليق ائديب و داک آدينا بير مکتوب بوراخيب. هرچند کي يازارين مکتوبوندادا قئيد اولونوبدور کي سياسي بؤلمه نين باشخاني اولاراق او مکتوبو يازيبدير، ياني بوردا داک يوخ بلکي بير بؤلمه ايله قارشي قارشيا قالينماق گره کي ر.

آما، بيز بونودا گؤرمه مزليکدن گليب و داکي بوتوولوکله سوچلو سانيريک. بو او دئمک ديير کي بير شخص تلفونو آلسين الينه و بير تشکيلاتين ايداره هئييتيني، باشخانيدا داخيل سورقولامايا چکسين. داک اگر بير کيمسه يه جاواب وئرمه لي اولسادا، او يقين جاواد بئي ده ييردير بلکي اؤز رسمي اورقانلاريندا اولان ضابيطلره جاواب وئرمه لي اولاجاقلار. همده، داک يوخ بلکي او سهوي ائدن شخص يا شخصلر.

بوردان آنلاشيلاجاق اولان فاکت بودور کي داک بير تشکيلات يوخ بلکي بير قوناخباجي اويناما قورومو کيمي تانيتيلير.

تشکيلاتين ايلک قورالي بودور کي بيرجه مؤوقعيت الده اولونمادان، تشکيلات آدينا، کيمسه عومومي مئديالارا و باشقا تشکيلاتلارا دانيشماماليدير.

سيزجه، جناب قاراداغلي نين يازيسي نين يايينلانماسيني آنلايان، اونون سهو اولدوغونا اينانان و اؤزلريني ضيالي آدلانديريب ايداره هئييتي تانيتان شخصلر، آيا بير اورژانس توپلانتي قوروب و بيرجه مؤوقعيت الده ائتميشلر مي؟

منيم گؤردوغوم پروقرامدا، جاواد بي داک آدلانان بؤيوک تشکيلاتي چارميخا چکيب و تی.وی گوجونه داياناراق اونلاردان زورلا اعتيراف آلماسيدير. اوزوجودور، يا سيز بئله دوشونمورسوز؟

بيرليک باققالدان آلينان بير شئي دييردير کي کيمسه نين اعتيراضي اولمادا، همن گئديليب و آلينسين. بيرليک شرط ايله و پاي ايله يارانماليدير. يوخسا يالنيز بيرليک کليمه سيني آليبدا اونو ايستمه يه نه خائين دئمکله، بيرليک يارانيرسادا ميلتيميز يارارسيز اولاجاق. سونودا هرکسين سانديغي کيمين آيريليق و قارانليق اولاجاق.

بو قدر بيرليکدن دانيشب و هامييا حده قورخو ائدنلر بو گونه قدر هانچي آدديمي آتيبلاردير کي ايندي قاباغدان گلمه ليک ائديرلر؟ ائله بو اؤرنه کي دير کي بونلارين ايسته ديگي يعني اؤز پلانلاريني ايشه گئچيريب و باشقالاريني مئيداندان آتماقدير. بو نئجه بيرليکدير؟

دونن آذربايجاندا ۲ اؤيرنجي نيظاميني تورک بيلسه ايدي، بو گون ۲۰٫۰۰۰ اؤيرنجي بونا اينانير. بو او دئمک ده يير کي تشکيلاتلاريميز گوجلودورلر و يارارلي!! يوخ، بو او دئمکدير کي بيزلر خاريجده قولتوق دعواسي ائدرکن، ميلتيميز اؤزو اينکيشافا دوغرو گئدير. بو اينکيشافين نه اينکي سببي بيزلر اولماميشيق، بلکي ايناناراق دئييرم کي اؤنونو بيله آلماغا چاليشميشيق. ساغلام اورتامي آغ قارايا بؤلنلرين اؤزو قارا اولاجاق سونوندا، آما ديقتلي اولماق گره کي ر کي بوندان آرتيق میللی حرکته ضرر يئتيرمه سينلر.

آرتيق ايناناق کي نه داک و دداک بيرلشيرسه بير فايدا اولاجاق، نه باشقا تشکيلات يارانيرسا بير يارار اولاجاق. بو آرادا بير فاکت واردير کي هاميني ايلگيلنديرمه ليدير و او دا آذربايجان منافعييدير.

آذربايجان آدينا گيريب شخصي ايستکلريني يوروتن، و يا خود اوشاقلار کيمين کوسوب يا آغلاياراق سؤزونو يوروتن و يا ياشينا گؤره مقام صاحيبي اولانلارين قاتقيسي اولان بير تشکيلاتين يولو اينديدن بلليدير.

داک باشخاني اولماغا ده يير، گونون سيياستي و آذربايجان منافعييني تانيماق اؤنمليدير. يازيقلار اولسون کي هله بئله بير شخص اورتاليقدا يوخدور. بيري پروفسور اولماغلا، ۷۰+ ياشيندا اولماقلا و ۵ بيت شعر ازبر اولماقلا آذربايجان آدينا تشکيلات باشخاني سئچيلنه قدر، فارس دا راحات قازاناجاق، ائرمنيده راحات ايشينده اولاجاق و …

آرتيق اينانماميز گره کي ر کي چاغ دييشيب و ياش سايقيسي ائوده و توپلومدا قاليب. ايندي بيزه سیاسی و چالیشقان باش لازيمدير، ياش ديير. اؤز تشکيلاتي پريسيپلريني بيلمه دن ايشه باشلايان باشخانين سونو اينديدن بللي اولماقدادير.

داک ايقتيدار يا موخاليفته قاريشماياجاق. داک سيياسته قاريشماياجاق، داک ايچريده چاليشماياجاق و ..

آما، داکين ايداره هئييتينده سياسي پارتيا باشخاني عضو اولا بيلير، داک باشقا اولکه لرين داخيلي ايشلرينه قاتيلا بيلير، داک باشقا تشکيلاتلارلا ايش بيرليگي آپارماق اوچون اؤز پرينسيپلريني تحميل ائده بيلير وس.

آذربايجان ضياليلاري ميللي حرکته گلمک ايستميرلر، ندن؟

چونکو ميللي حرکت هله ده دايناسورلار زامانيندا ياشاماقدادير. فارس توپلوملاريندا بيزيم تشکيلاتلاريميزدان مسخره و جوک (فيکرا) اولاراق آد آپاريليرلار. اؤرنه يين، دئييلير کي بير گئجه ده يارانان بير نفره پارتييالارا صاحيب اولان بير ميلت هله ده آييلماغا نييتي يوخدور، ندن بيز اونلاري اويالداق کي!!! آما، همان بير نفره پارتييا گونازدا سانکي ان سياسي و ان گوجلو پارتيادير دیه تبليغ اولونور، بو ايش و بونا بنزر ايشلر اگر بيله رک ياپيليرسا (کي بيله رکدير) ايکي آماجلا ياپيلير:
۱- باشقا تشکيلاتلارا توهين ائديب و بئزديرمک
۲- شخصي منافع ياراتماق اوچون بينؤوره تيکمک
يوخسا ۴۲٫۰۰۰٫۰۰۰ گونئيلي، ۹٫۰۰۰٫۰۰۰ قوزئيلي و ۵٫۰۰۰٫۰۰۰ کوچکون آذربايجانلي نين آبروسي ايله بئله اوينانيلمازدير.

بيرليک ندن، کيمينله، نئجه و هاردا يارانماليدير؟

تبريزلي باي بک
۲۷/۰۷/۲۰۰۷
گلاسگو

، بیر میللتین سسی
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش ۲

1. 
   

   : Ayyildiz سویلییر

   آننا ۵ قويروخدوغان ۱۱۰۰۷ @ ۸:۱۷ آ.خ

   گوناز جاوات گلندن هچ اولوب. بیر آی ذات اولار کی داها باخمیرام. احمد نه قدر ده گوناذا زحمت چکمیش اولسا، جاوات هامسینی یوخ ائتدی.
   جاوات شخص منه آغیر سوز دمییب اما آیریلاریلا آتشاندا گورموشم. + رئوف ده او دالدا ادب سیز جه تیلفون وورانلاری و TVیه یاردیم ائدنلری پشمان ائدیر.


2. 
   

   : Savalan سویلییر

   آننا ۵ قويروخدوغان ۱۱۰۰۷ @ ۱۰:۵۶ آ.خ

   Yashasin Bizim Bogulmush Sesimiz GUNAZ TV.
   Yashsin Orda Butun Calishan Insanlar. Ki Gece Gunduz Vexlerini Orda Goyubar.
   Bezileri De Istiyirler Oni Texrib Elirirler. Melum Degil Bunlar Hardan Destur Alillar.
   Bu Eldar Garadagli Kimdi? Tebrizde GURTULUSH Teshkilatinda Ne Ish Gorurdi? Kim Bu Teshkilati Lova Verdi? Indi Bu Shexs Burda Ne Axtarir

RSS بو یازینین گوروشلرینین یمی